هل يوجد دارسين على حسابهم الخاص في ألمانيا وتم الحاقهم؟؟

وعليكم السلام ورحمة الله وبركاته

على ماتلاقي جواب .. حسب ما أعرف القبول في ألمانيا صعب ,, والمقاعد قليلة وحسب ماأعرفه كثير كانوا طالبين ألمانيا وماتوفرت لهم الفرصة من المرحلة الخامسة .

بالإضافة إلى اللغة الألمانية لابد تتعلمينها , تبقى طبعاً ألمانيا أفضل خيار بس شوفي وجهات ثانية مثل المجر والتشيك القبول في اسهل والله أعلم .

حآول بقدر المستطاع تلتحق في المانيا .. اسأل بنفسك الملحقية او غيرهآ ..
لان المانيا دراسة الطب جداً قوية وفيها اقوى جامعات لدراسة الطب .. جداً معروفة مثل جامعة هايدلبيرق وغيرهآ ..
وترا اللغة الالمانية سهله , واذا انت تعلمت الانجليزية , حتتعلم الالمانية بسرعه وسهولة لأن في كلمات كثيرة متشابهه بين اللغتين بس فرق بسيط في مخارج الحروف ..
وفوق هذآ كله المانيا ترا رخيصة , يعني لو درست سنة على حسآبك راح تكلف تقريباً في حدود 30 - 35 الف فقط مع السكن ودراسة اللغة الالمانية ومصاريفك الشخصية .. يعني كلوو كلوو ..
ولو نسبتك نازله تقدر تحسن من وضعك وتزيد نسبة قبولك في الجامعه بدراستك للسنة التحضيرية والي هي واجبة على كل اجنبي اصلاً يدرسهآ ..
تشد حيلك في السنة التحضيرية وان شاء الله كل شي بعدهآ سهاله .. وفي اكثر من 100 جامعه في المانيا ! يعني فرص قبولك في وحدة منهم ان شاء الله كبيرة جداً ..
واتمنى لك كل التوفيق ..

اخوي الكريم مستر فاينيينس مشكور جدا على ردك ولكني لم اسمع هذا الكلام من قبل الدارسيين في ألمانيا
ولكنه للان لم اجد من يدرس على حسابه الخاص لاني اريد ان اعرف نسبة الحاقي بالبعثه هناك في فترة بسيطه
وفقك الله لما يحبه ويرضاه

اخي دوكسو اعجبت كثير بردك المفيد جد وعلى الرغم من اني اعرف جميع هذي الاجوبه الا انها
زادتني قوه وعزيمة جعل الله نصحك لي في ميزان حسناتك
وفقت باذن الله
لكن مازلت اتمنى ان اعرف هل سيتم الحاقي بالبعثه مباشرة؟؟
حاولت مراسلت الملحقيه ولكن لا يوجد رد

ايش تقصدي بـ مباشرة؟
امم انا رآيح لألمانيا ان شاء الله على حسآبي الخآص .. لكن بخصوص الابتعآث ما اقدر افيدك فيه واعطيك جوآب مبآشر لاني مو سعودي ..
لكـن اقدر افيدك بالمعلومات الي عنـدي ..

بخصـوص الالتحآق في آي دولة فـ صدر مرسوم ملكي عام 1418 بإلحاق اي طآلب سعودي يدرس في اي من الدول الاجنبية وبتخصص ضمن إحتياج الدولة بشرط يكون انهى 30 ساعة اكاديمية وبمعدل 2.5 ! اتوقع عآرفه الشي هذآ اذا كنتي تفكري بالالتحآق .. وهذآ مرسوم ملكي يعني مو قرار ابتعآث او غيره .. يعني حيتنفذ غصباً عن الكل

واذا جيتي تقولي بأن في التحاق في المانيا او لأ؟ .. انا اقولـك صآحبي راح للأمارات وسأل الملحقية هنآك وحالياً يدرس وقريباً راح يلتحق بالبعثه .. لكن شوفي , الامارات!
فـ ما بالك بـ المانيا .. يعني الالتحآق آكيد ان شاء الله
والسبب الي شفته لإغلاق الالتحاق او تأخير الاجراءات او غيرهآ يكون بسبب تكدس الطلآب السعوديين في البلد المرآد الالتحآق فيهآ ..
والسعوديين في المانيا قلة قليلة جداً تكآد لاتذكر .. بسبب اللغة الالمانية كلهم شاردين منهآ ..
وفوق كذآ انتي راح تتخصصي في الطب وهذآ اكثر شي المانيا تشتهر فيه .. يعني عدم التحآقك يعتبر خسآرة اصلاً..

عمومآ وآحد من اصحآبي سعودي و رايح معآي لألمانيا ويتكلم عن الالتحآق .. بسأله وبتأكد منه علشان اعطيك الجوآب النهائي ..

امم لكـن اشوف لو تتفاهمي مع الملحقية وتتصلي عليهم يكون أفضل واضمن بدل القيل والقآل ..

او تروحي لـهم لمقرهم في المانيا ..

وتسأليهم وجهاً لوجه .. مثل ماعمل خويي في الامآرات

والله يوفقـك ان شاء الله ..

مشكور اخوي دوسكو جزيل الشكر
طبعا اذا ذهبت الى المانيا باذن الله راح اذهب الى الملحقيه
بس ياليت لو تسال لي صاحبك من ناحية الالحاق باسرع وقت ممكن
انا اعرف ان الالحاق بعد 30 ساعه بس انا اقصد الالحاق الفوري
الله يجزاك جزيل الشكر

الله يعينك ويوفقك .. فعلا طلاب المانيا واسبانيا والدول هذي مافي غير خيارين .. اما انهم مافيهم خير او انهم غير متواجدين في المنتدى ..
لاني قد سألت نفس سؤالك قبل فتره ولافي مخلوق واحد منهم فادني ..
الله مستعان ناس صارت مدري كيف ..

وانتي ان شاء الله ربك يسهل امرك وتتوفقي ..

الله يوفقك اختي وان شاء الله اخونا doxo مايقصر معاك
اما بالنسبة لاخونا مبتعث egypt الله يهديك مافي داعي الغلط
لو عندك عتب او شكوى او مشكلة حاول توجهها بأسلوب ارقى من كذا
بالتوفيق

او اخوي يمكن مافي للان احد راح على حسابه
او يمكن في لكن ما يتابعون المنتدى
مهما كان السبب لازم نلتمس الى اخنا المسلم الاعذار
فوقك الله عزيزي

ويوفققك ايضا اخي الكريم
ولم اتوقع ان مبتعث ايجبت يقصد التقليل من الاحترام لكنه فقد الكلمات للتعبير
وباين ان هالشي ماثر على مشاعره ويتمني من الله ثم من اخوانه المبتعثين المساعده
لا اكثر
عسى الله ان يسهل امرنا ويوفقنا باذنه

عفوا استاذي وين الغلط؟؟
كلامي واضح اما ان مافي اساسا احد من المبتعثين المتواجدين في المانيا متواجد معنا في المنتدى
او موجودين بس مافيهم خير .. يعني بصراحه اذا كان في طلاب في المانيا ويقرأون اسألة المساكين المحتاجين إلى اجابه شافيه توجههم وتنور طريقهم ولايحاولون يجاوبون عليهم اويسألون لهم طالما هم في المانيا او يسوون اي شيء وش تسمي هذا ؟؟ يعني الاناني تسميه فيه خير مثلا ؟؟

انا ما اقول كلهم مافيهم خير .. بلعكس فيه الصالح وفيه الطالح .. ولكن الي يقرأ الرساله ولايجاوب او مايحاول يبحث ويستفسر عن الحل هذا الي بصراحه مدري وش يحس فيه ..