كم استفسار لأهل السويد؟؟؟

وييييييييييييييييييييييين الناس..؟؟؟

أنا أجاوبك أخوي الكريم باللي اقدر عليه.
هناك جامعات في السويد قوية جدا وأفضل بكثيييير من جامعات امريكية مثل:
- جامعة أوبسالا حصلت على الترتيب الأول في السويد والترتيب 67 عالميا حسب تصنيف كيو اس تايمز الشهير.
- جامعة تشالمزر للتكنولوجيا حصلت على الترتيب الثاني في السويد والترتيب 198 عالميا حسب تصنيف كيو اس تايمز الشهير ,وكذلك حصلت على المركز الثاني في اوروبا في المجال الهندسي قبل 5 سنوات .
- جامعة جوتينبرج.
- جامعة استوكهولم.
- جامعة لند.

أما من ناحية الدراسة في السويد افضل أم أمريكا, انا كنت محتار جدا مثلك. امريكا بلد كبييير جدا ولديها جامعات كثثيييييرة ومنها الصالح والطالح, واشتهرت كأفضل مكان دراسي حتى انك لا تكاد تمشي في شارع او حي الا تشوف جامعة.

الخيار لك, وشوف الأنسب والله يدلك على اللي فيه الخير.
__________________________________________________ _______

أفضل مدينة في رأيي هي جوتينبرج (Gothenberg) جنوب غرب السويد أفضل بكثيير من المناطق الشمالية المشتهرة بالبرد الشديييييييد شتاء.

__________________________________________________ _______

من ناحية هل يوجد معاهد انجليزية, تعم هناك معاهد عالمية مشهور المنتشرة في العالم ولها فروع كثيرة في كثير من البلدان. السويد لغتهم الثانية هي الانجليزية شعب متحضر ومثقف ويتعلمون اللغة الانجليزية من الصغر ولن تجد صعوبة في الاتصال مع الاخرين اذا معك انجليزي. الدراسة في مرحلة البكالوريوس تكون باللغة السويدية, اما الماجستير فهناك أكثر من 450 برنامج ماجستير تدرس ياللغة الانجليزية. الأجانب هناك كثييير جدا ممن يدرس مرحلة الماجستير, يوجد كذلك كثيير من الأمريكان يدرسون في أقوى الجامعات مثل اوبسالا وتشالمرز للتكنولوجيا ( يعني تركوا 4000 جامعة عندهم وأتوا يدرسون في السويد ).

__________________________________________________ __________

متطلبات اللغة الانجليزية هي التوفل (500 - 550) لا يوجد اختبار جيمات للتخصصات الادارية أو GRE للتخصصات الهندسية (حسب علمي)
شوف هذا الرابط: http://www.studyinsweden.se/ . الحياة في السويد, الجامعات السويدية, معاهد لتدريس اللغة السويدية, البرامج الدراسية لمرحلة البكالوريوس والماجستير.

الدراسة ما أقول انها صعبة لكنها تحتاج مزييييد من الجهد, وبرامج الماجستير أغلبها تكون نهارية اذا مو كلها. (يعني شوي كرف)
__________________________________________________ _____________________

عملة البلد هي الكرونة ( 1 ريال سعودي = 2.2 كرونه) يعني ريالنا أقوى, لكن من ناحية كم المكافأة فانا لا أعلم لأنيي لست مبتعثا من قبل وزارة التعليم العالي.

__________________________________________________ _____________

العرب كثييييير في السويد خصوصا المهاجرين من الجالية العراقية لكنهم يتمركزون غالبا في ماملو. المساجد الحمد لله متوفرة والمطاعم الحلال أيضا.
الشعب السويدي لطييييف جدا ومثقف ومتحضر وتعاملهم مع العرب أيضا ممتاز ( لكن ليس كتعامل الأمريكان مع السعوديين خصوصا, فتعامل الشعب الأمريكي أفضل من تعامل الشعب السويدي)



ان شاء الله اني أفدتك اخوي وسامحني عالقصور.

ما شاء الله اخوي طالب بترولي ماقصر ..

في سؤال .. بجاوبك انا عليه .. بحكم اني مقيم بالسويد ..

سالت عن غلاء المعيشة ..

المعيشة ابدا مو غالية ..
او بالاصح .. الي يجي لاول مرة يلاقيها غالية .. لكن الي يجي .. ويعرف وين يروح و وكيف يتصرف .. رح يلاقيها رخيصة
بعطيك مثال بسيط وقيس عليه ..
علبة الكولا سعرها في المحلات حوالي 10 كرونات وفي المطاعم
نفسها علبة الكولا في محلات ثانية تقدر تشتريها ب 4 كرونات

وشخصيا .. صرت الاقي انو السويد ارخص في بعض الاشياء من السعودية


الحياة اماااان واستقرار .. مافي ابدا مشاكل مثل امريكا .. عصابات و مسدسات وسلاح مافي ابدا ..

تمشي بنص الييل بالشارع وانت بامان تام ..

ومافي اي مشاكل مع المحجبات نهائيا .. ولا اي نوع من العنصرية .. بعكس امريكا .. حسب ما اسمع

الاكل الحلال متوافر في كل مكان .. وبسهولة تامة ..


واي استسفار من عيوني ولا يهون اخوي طالب بترولي

شكرا لك أخوي wa7sh
أي احد عنده اضافة في اي نقطة تتعلق باسئلة أخونا madre أتمنى انه يفيدنا فيها اكثر, فجل من لا يسهو, والله المستعان.

مشكوووووووووووووووووووور أخوي طالب بترولي وwa7sh ماقصرتوا يعطيكم العافية والله يجزاكم خير

والله أني حبيت البلد بس نسيت أسأل هل فيها ضيقة صدر زي بريطانيا مثلاً؟
و كيف السكن ؟؟ وش أفضل سكن الجامعة أو سكن خارجي عندهم نظام الحراسة في السكن الخارجي
* أفهم من كذا أنو الدراسة في البكلوريوس لازم باللغة السويدية أنا شفت بعض البرامج باللغة الإنجليزية بس ماأدري إذا معترف فيها عندنا؟؟

هلا أخوي madre
من ناحية هل فيها ضيقة صدر ولا لا:
في فصل الصيف هناك عدة نشاطات والناس تلاقيها علطول طالعة برا اذا كان الجو مشمس, واليوم مرة طويييل (المغرب يأذن عالساعة
10:17 )
أما في فصل الشتاء الجو مرة بااارد يوصل الى - 13 درجة مئوية (هذا في المدينة اللي أنا فيها جوتينبرج جنوب غرب السويد) والليل طويييل مرة وتحس بكآبة والناس ما تلاقيها في الشارع, أغلب شي تلاقيهم في المولات أو السينما (صلاة العشا من الساعة 5 - 6).

الشعب السويدي شوي بارد يعني انت بنفسك لازم تدخل معه وتسولف اذا تبي تأسس صداقات (يعني بالعربي تنطل وجهك عليه ), مو مثل الشعب الأمريكي توقف مثلا في محطة بنزين هو بنفسه يجي يسولف معك.

من ناحية السكن, أنا مثلا في جامعة تشالمرز في مدينة جوتينبرج ما توفر سكن لطلاب الماجستير داخل الحرم الجامعي بس توفر للبكالوريوس, ولكن هناك وحدات سكنية قريبة من الجامعة ( 15 دقيقة اذا الطريق فيه زحمة وتوصل للجامعة) هذه الوحدات السكنية متعاقدة مع الجامعة خاصة لطلاب الماجستير وتلاقي كل اللي ساكنين فيها من طلاب الجامعة في مرحلة الماجستير من تخصصات متعددة, وسعر الغرفة من 4800 - 5500 كرونة سويدي يعني 2200 ريال سعودي شهريا. الغرفة مكونة من حمام الله يكرمك, ومطبخ خاص فيك, بالاضافة إلى الانترنت والماء والكهرباء كله عليهم.

التدريس باللغة السويدية لطلاب البكالوريس هذا اللي أنا اعرفه, ما أدري اذا فيه تخصصات معينة تدرس باللغة الانجليزية أو لا, ومن ناحية معترف فيها أنت ادخل على موقع وزارة التعليم العالي وشيك عالجامعة اللي تبي تدرس فيها وشوف هل هي معترف فيها من قبلهم أو لا (لكن انتبه بعض الجامعات قوية ومعتمدة عالميا وانا مو شايفها في موقع الوزراة !!!! ) يعني لازم تتاكد وانا أخوك, بعض الأحيان ما تشوف كل الجامعات ضمن قائمة الجامعات المعترف فيها لدى وزارة التعليم العالي.

السلام عليكم جميعا
ماقصرو الاخوان طالب بترولي و wa7sh
بس احب اضيف على كلامهم
يوجد تخضضات باللغه الانجليزيه للبكالوريس بس يمكن ٢او ٣ تخضضات.
الجامعات المعترفه في السويد الافضل انك تتواصل مع الملحقيه السعوديه في المانيا.
الشعب السويدي شعب لطيف ومنفتح للثقافات الاخرى يوجد في كل بلد عنصريين بس السويد يمكن ماكس٢%
السكن في السويد شوي معقد لانه مربوط بنظام الطابور فالافضل انك تأمن سكن مناسب او ان الجامعه تأمنلك
بالنسبه لضيقت الصدر موجوده في كل مكان بس الواحد يكون مع الله دائما راح يكون سعيد ومرتاح
في الصيف النهار طويل ممكن يوصل ل ١٨ ساعه
في الشتاء الليل طويل يعني حوالي ١٨ساعه هادا في وسط السويد والجنوب
لكن في الشمال ممكن يكون ٢٤ساعه ظلام في الشتاء و٢٤ ساعه الشمس مشرقه في الصيف ,فالواحد يقدر يعمل لنفسه برنامج في الاجازات ويزور أماكن ترفيه
تحياتي
amoon moon

اخوي تسال عن دراسة البكالوريس .. باي لغة ..
تعتمد .. حسب نوع الكورس بالظبط والجامعة .. الي تبيها ..

على كل حال من هذا الموقع .. تقدر تعرف اذا الكورس متوفر او لا .. وباي لغة ..

www.studera.nu

او اذا تحب عطيني اسم الكورس الي تبيه بالانجليزي .. وهو من اي فرع يعني مثلا بزنس هندسة علوم طبية ..

وانا ممكن اساعدك وادورلك ,,

مشكورييييييييييين الله يعطيكم العافية..طالب,wa7sh,amoon