تجربتي من قرار الابتعاث الى مكتب الطيار

واخيرا خلصنا من الوزارة & السفارة بعد ما تشحططنا الى الرياض 60 الف مره
وقلنا لهم في النهاية دوي دوي
بعد ما اسلتمت الفيزا يوم الاربعاء قدمت في نفس اليوم قرار الابتعاث بس كان متاخر كذا قالو لي يوم السبت تخلص لكني جيت يوم الاثنين بعد ماعرفت الاجراءت من احد الشباب
يوم الاثنين رحت بالقطار من الساعه 7 على اساس نوصل الساعه 10 وربع وصلنا الساعه 11 ونص
وعلى ما ضعت في الرياض وصلت الوزارة الساعه 12 ونص واستلمت قرار الابتعاث وبعده مباشرة طبعته
وبعده عبيت امر الاركاب مع متطلباته وانتظرت ينادون اسمي بعد ما عفست في الورقه 3 مرات استلمت امرالاركاب وبعدها مباشرة الى الصالة الرئيسة ورحت الى مدير الصادر والوارد (بصراحة ما ادري وش سوا في الورقة بس هذا البرتوكول ) بعد 5 دقايق نادى اسمي خذت امر الاركاب والى مكتب الطيار قدمته له امر الاركاب مع صورة من الجواز مكتوب عليه الاميل ورقمين جوال احتياط
خلصت من الوزراة ورحت طيــــران الى السفارة اسلتم شهادة الميلاد (الدنيا معكوسه عندي )مع اني انتظرت
نص ساعه الى الساعه 3 بس اهم شي خلصت من الهم

وبحط متطلبات اصدار قرار الابتعاث مع ان الاغلب جاته في الاميل


متطلبات اصدار قرار الابتعاث :
** بطاقه الملتقى + صوره منها .
1. صورة من قبول الجامعة أو المعهد للغة لمرحلة البكالوريس. صوره من القبول بس
2. صورة من جواز السفر بالإضافة لصورة التأشيرة (الفيزا).
3. صورة بطاقة الأحوال للطالب أو صورة دفتر العائلة.
4. صورة (جواز السفر + صورة التأشيرة + صورة بطاقة الهوية الوطنية) بالنسبة للمحرم المرافق مع المبتعثة.
5. صورة وثيقة التخرج بالإضافة إلى كشف الدرجات (أو المعادلة للشهادة إذا كانت صادرة من خارج المملكة العربية السعودية)
6. صورة شهادة الثانوية + القدرات + التحصيلي لمرحلة البكالوريس. مهمة جداَ
7. تعبئة الاستمارة المعدة لصدور القرار لالتزامات الطالب و التوقيع عليها. نموذج لازم تعبيه تلاقيه ففي موقع الوزاره.
8. بالنسبة للمحرم المرافق (زوج – أب – أخ) إذا كان أخاً، فعليه إحضار وكالة شرعية من والده بالسماح له بمرافقة أخته.
9. صورة من حسن السيرة و السلوك. انا ماجبته و ولا سالوا عنها ومشت اموري بس اذا عندكم جيبوها احتياط


قرار الابتعاث مع المتطلبات في الملف
4shared.com - online file sharing and storage - download kab.zip

بالتلخيص
1- بعد ماتسلتم الفيزا تتطلع قرار الابتعاث (المتطلبات في المرفق )
2- امر الاركاب (صورة من الجواز والفيزا والاحوال وقرار الابتعاث )
3- الصادر والوراد
4- مكتب الطيار (مع صورة من الجواز )

اي سؤال انا حاضر

بالتوفيق للجميع
Riyadh