الأعضاء الإشتراك و التسجيل

الملتقيات
ADs

طلاب هولندا: بعض النصائح الهامه + معلومات وخريطة ماسترخت

طلاب هولندا: بعض النصائح الهامه + معلومات وخريطة ماسترخت


NOTICE

تنبيه: هذا الموضوع قديم. تم طرحه قبل 5101 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية **الامبراطور**
    **الامبراطور**

    عضو شرف ومراقب سابق

    **الامبراطور** هولندا

    **الامبراطور** , ذكر. عضو شرف ومراقب سابق. من السعودية , مبتعث فى هولندا , تخصصى Medicine , بجامعة Maastricht university
    • Maastricht university
    • Medicine
    • ذكر
    • Maastricht, Limbrug
    • السعودية
    • Sep 2008
    المزيدl

    April 11th, 2010, 04:01 PM

    السلام عليكم ورحمة الله وبركاتهـ

    مسائكم / صباحكم ورد

    ان شاء الله الكل يكون مستعد للسفر والنفسيات مرتاحهـ والكل جاهز لبداية تجربهـ وحياهـ جديدهـ .

    بعيدا عن المواضيع الي كثرت في المنتدى وسببت الاحباط للكثير منكم وزي ما وعدت بعضكم ان اوضح بعض النقاط الهامه واقدم اعتذاري للكل عن تأخري في طرح الموضوع ولكن انشغلت باختبارات الفاينل بالاضافة الي اني حبيت ان اكتب الموضوع قبل سفركم بفترهـ بسيطة حتى تكون الفايدهـ اكبر.

    في البداية ودي اوضح بعض النقاط الهامهـ وتقديم بعض النصائح ...

    1- من الآمور الي معظمكم ما يدري عنهآ هي : سالفة تصريح السفر . اي واحد عمرهـ اقل 21 سنة لازم يكون عندهـ تصريح سفر. وفيه نوعين من تصريح السقر :
    الاول: استخدام لمرهـ واحده فقط وهذي تسافر فيه مرهـ وحده واذا رجعت السعودية مرهـ ثانيه لازم تطلع واحد ثاني.

    الثاني: مفتوح اتوقع مدته 5 سنوات وهذا ما افضله وكل ما ودك تسافر تصورهـ وتعطيه الجوازت.

    2- الاغراض الي تأخذهـا معاك. طبعا في البداية اتمنى الكل ينتبه لمسألة الوزن المسموح وخصوصا البنات لانهم بالعاده اغراضهم اكثر. يعني خذ معاك الاشياء الضرورية واذا فيه مجال خذ باقي الاغراض. ورسوم شركات الطيران غاليهـ وراح يأخذون منك مبلغ انت في غنى وممكن تستفيد منه في هولندا.

    بالنسبة للملابس: الكل يسئل اخذ معااي ملابس صيفيه ولا شتويهـ ..!! . نظرية ان حر هولندا يعتبر بالنسبة للسعوديين برد خاطئة وهولندا جوها حار في الصيف وبارد جدا في الشتا. وحاليا الجو متقلب شوي ودرجات الحرارة في ارتفاع وعلى وصولكم او بالآحرى من نص الى نهاية مايو راح تبدأ درجات بالارتفاع فوق 20 وراح توصل ل 30 في جولاي واغسطس وهذا اقصى شي بتوصله في الصيف.
    الخلآصهـ جيب معاك ملابس صيفيه وشتويهـ .

    من الملابس الي من المفضل تجيبها معاك:
    الشباب: لبس سعودي رسمي ( شماغ - ثوب - عقال ... الخ )
    البنات: اي لبس يدل على السعودية او منطقتك.
    هالاشياء راح تحتاجوها في مناسباتنا مثل الاعياد او اليوم الوطني وحاليا في ظل تأسيس النادي السعودي بماسترخت راح يكون في تنظيم لي هالاحتفالاات وبتكون جماعيهـ واكثر تنظيم وان شاء الله مع وصولكم راح يبدأ النادي في اعمالهـ.

    برضوا من الاشياء الهامهـ : مصحف - سجادهـ - بوصلهـ .

    ولا تنسون تجيبون معكم جاكيت ضد المطر.

    3- برضوا فيه شويت اسئلة حول بطاقة الصراف. بطاقة الصراف عشان تستخدمها هنا لازم تتأكد ان موجود عليها واحده من هالعلامات


    او


    وبرضوا اتصلو على البنك وتأكدوا من انها مفعله للاستخدام الدولي.

    4- بالنسبة للسكن. لاتوقع عقد اكثر من 6 شهور وقبل نهاية الست شهور وعجبتك الشقة وودك تكمل تقدر تكلم صاحب الشقة وتمدد ع حسب المدة الي تريحك.

    برضوا اقرى العقد زين قبل ما توقع وافهم كل فقره فيه قبل ما توقع. واذا كانت لغتك ميح ممكن تستعين بأي واحد لغته تمام. برضوا العقد يمكن يكون فيه نسختين وحده بالانقلش والثانيه بالدتش. راح يكون معاك مونتر ( طالب من طلاب الجامعه ) من الافضل تخليه يقرى الي بالدتش عشان ما يكون فيه اختلاف عن النسخة الي بالانقلش

    شي ثاني لازم تعرفه انك اول دفعه راح تدفع ضعف الايجار 3 مرات. يعني لو كان سعر الايجار 500 يورو راح تدفع اول مرهـ 1500 يورو ( ايجار اول شهر - تأمين - اتعاب المكتب ).


    مواقع ممكن تفيدك في السكن:
    سكن الجامعه وممكن تشيك على الغرف هل متوفره ولالا

    Guesthouse UM


    وتقدر تستخدم كلمات البحث في قوقل وبتلقى مواقع اخرى مثل
    ( apartment in maastricht ) او ( studio in maastricht ) او ( room in maastricht ) .... الخ.

    شي آخر المدينة كل آمنهـ يعني لا احد يسئل هالسؤال وكنصيحة اي منطقة يناسبك فيها السكن اسكن. ومدة اسبوع قصيرة جدا عشان تلقى سكن بالاضافة لعددكم الكبير. وعلى قولة السدحان من سبق لبق

    5- المطاعم ومسألة الحلال والحرام في مسآلة الذبح. ع العموم هذي تختلف من شخص الى آخر وانا مو جااي افتي هل ذبح النصارى حلال ولا حرام.

    بالنسبة للمطاعم:
    1- كنتاكي ( حلال وشغالين في بعض العرب )
    2- المطاعم التركية او المصرية
    3- الآكلات الي ما فيها لحم مثل البيتزا و المعجنات.

    كلمات لازم تعرفها وخصوصا للي لغتهم مييح وكلها معناها ان الوجبه في لحم خنزير:
    hog - Ham - pork - bacon - salami - pig
    برضوا ممكن يستخدمون دهن الخنزير في المعجنات فمن الافضل اذا شفت شي اسمه جلاتين Geltain ابتعد عنه

    شي اخير احيانا يستخدمون الكحول ( alcohol - wine ) في الطبخ فإذا شفت هالكلمات موجوده ابتعد عن هالاكل.

    6- المواصلات : الوسيلة الاولى للمواصلات السيكل وراح تتفأجون ان اسعار السياكل غاليهـ واذا كنت تبغى تشتري سيكل جديد راح يبدأ سعره 1500 ريال. فخلك على مستعمل افضل لان سرقات السياكل تنتشر وبقوووه في هولندا. فلازم يكون فيه قفل في السيكل.

    فيه خيار الباص ويعتبر خيار جيد ويوجد اشتراك شهري

    موقع شركة الباص وتقدر تعرف منها تكتب فيه المنطقة الي بتروح لها وبيعطيك ارقام الباصات الي تروح هالمنطقة مع المواعيد.
    9292ov.nl - Journeyplanner for all Dutch public transport


    القطار للسفر بين المدن


    وتقدر تعرف منه المواعيد ومحطات تغير القطار ورقم موقف القطار.

    7- انت جاي دولة جديدة عليك وتحترم النظام فمن الآفضل تقرى عن انظمتها قبل ما تجي عشان ما توقع في مشكلة بدون ما تدري.


    ............................
    نجي للخريطة ماسترخت .. واعذروني طلاب خرونقن والله ودي اساعدكم بس مااعرف شي عن خرونقن وان شاء الله بعد فترهـ انتم الي تنزلون خريطة مدينتكم وتعزمونا نقضي الويكند فيها



    توضيح للآرقام الموجودهـ على الخريطهـ

    1- مبنى UCM وهذا المبنى موجود فيه مكتب يوريس وراح تدرسون فيه كلاسات اللايف ساينس و السكليز ترينيق واحيانا بعض كلاسات الانقلش.

    2- مبنى MMB وهذا مبنى ( Language center ) يتم تدريس فيه اللغة حاليا. على ما سمعت انهم راح ينقلون مبنى اللغة الى مبنى ثاني اكبر عشان يستوعب دفعتكم بس مو متأكد من هالمعلومة او وين بيكون المبنى الجديد. ع العموم من الافضل تعرفون مكانهـ.

    3- Station محطة القطار والباص.

    4- السنتر وهي عبارة عن ساحة اسمها Vritof : ويتم فيها عمل بعض المهرجات والالعاب في بعض الاوقات.

    5- الماركيت Markt: وهي برضوا ساحة. ويعتبر سوق المدينة وفي كل جمعة يكون فيه سوق في هالساحه. وبرضوا كل المطاعم محيطه بهالساحه.

    6- تجدون هنا اغلب المطاعم من مطاعم عالميه كـ ماك وكنتاكي او ايطاليهـ او تركيهـ.

    7- المسجد.

    8- مبنى القست الهاوس الرئيسي ( Guest House ) او بالعربي سكن الجامعه للي يبي سكن فيه. فيه مباني ثانيه تتبع للسكن الجامعه بس بعيده شوي.

    9- منطقة السراميك. يعتبر من الاحيا الراقيهـ للي يبي يسكن فيهـ . وفيه مجموعة من السعوديين يسكنون في هالمنطقة بس تعتبر الشقق هنا غاليهـ جدا.

    10- الفندق الي سكنا فيه او ما جينا. والي احتمال برضوا انتم تسكنون فيه.


    اتمنى وضحت اهم معالم المدينة الرئيسية الي راح تحتاجونه في اول اسبوع من وصولكم. والمدينة او بالآصح تعتبر قرية وبمجرد ما تعرفون الاتجاهات راح تعرفون كل شبر فيها. واي اسئلة ثانيه عن اماكن معينة تحت امركم

    نجي للبعض الاشياء الي المفروض تعرفوها من الحين وهالشي برضوا للطلاب خرونقن.

    اولا شركات الاتصالات:

    بالنسبة للاتصال الدولي انا افضل ليبارا
    Lebara


    مميزاتها:
    1- عند شحن الرصيد ب 10 يورو يعطونك 20 يورو كرصيد مكالمات.
    2- رخص سعر المكالمة للسعودية بحيث لا يتجاوز 35 سنت للدقيقه. بمعنى آخر 1 يورو = 3 دقايق.


    بالنسبة للعشاق البلاك بيري. توجد شركتين يقدمون خدمة البلاك بيري:

    Vodafone




    الشركة الثانية

    T-mobile



    http://www.t-mobile.nl/Persoonlijk/htdocs/page/homepage.aspx
    وبرضوا هالشركة الايفون حصري عندها فقط.


    السوبر ماركت


    اولا: البرت هايين Albert Hijn




    افضلها من ناحية الجودهـ


    جامبو Jumbo



    يعتبر في المركز الثاني ولا يختلف على البرت كثير من ناحية الجوده


    ALDI




    يميزه رخص سعرهـ. وتلقى فيه بعض المنتجات الجيدهـ.

    ---------------------------

    هذا الي جا في بالي الحين واذا فيه اشياء ثانية بضيفها ع الموضوع.

    اتمنى الموضوع وضح ولو اشياء بسيطة

    اي اسئلة او اشياء مو واضحه ياليت تسألوها

    سفر ممتع وتوصلون بالسلامة

    بالتووفيق

ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.