أبحث عن قبول في التخصصات الطبية في ألمانيا

اخوي انت دكتور يعني مخلص سنة الامتياز في السعوديه

اذا كذا فموضوعك سهل وانصحك بالمانيا ولا تغير عنها لانهم يطلبون مستوى عادي في اللغه الالمانيه وتقدر عليه

ياليت توضح اكثر على كل اذا مخلص امتياز فتقدر تتصفح المستشفيات وترسل للبروفيسور ويردون عليك

بس مو فاهم وشو تخصصك اللي تبيه لانك مو محتاج مكتب والخ هي شي روتيني وواضح وسهل بنفس الوقت

بس ياليت توضح وشو اللي تبيه بالظبط عشان اقولك كيف الطريقه

الله يوفقك

السلام عليكم

اخوي هل في موقع للمستشفيات الجيدة اللي فيها برامج في المانيا و ممكن نلقى فيها قبول

مع الشكر و التقدير

صراحه بالنسبه للاطباء انا اشوف المانيا افضل شي

لانك باختصار مطلوب منك مستوى عادي اجيبه في اللغه وكثير مستشفيات المانيه كثيره والي اشوفه انه تحتاج اطباء

تقولي المانيا تحتاج اطباء لان كثير منهم بعد ما يتخرجون يتؤظفون برا من اجل رواتب افضل والضرايب

وانت مبتعث يعني اللي اشوفه ان سهل جداً وكثير من الاطباء حولوا من امريكا وكندا للمانيا لانهم ما لقوا قبول

هي تعال او تقدر عن طريق المستشفيات تراسل البرفيسور يعطيك موعد بعد عادي بعد ما تجي تقدر تقدم

وتراسل الطلبات سهله مو صعبه وبسهوله تلاقي عمل طبعاً انت مبتعث بس اذا تبي راتب تقل فرصك بكل تاكيد

في القبول. طبعاُ الملحقيه على ما اسمع ما تعتمد الا مستشفيات جامعيه.

الله يوفقك

عفوا عالإزعاج..
بس انا اعرف من شخص انك تقدر اما:
1/ تحصل على قبول بمراسلتك للأطباء في المستشفيات الألمانية.
2/ وهي الأسهل انك ترسل جمييييييييييع اوراقك للملحقية وهم يدورون لك على قبول في التخصص اللي تبيه..
بتسألني كيف وش هي الأوراق ..... لا خبرة عندي..

وكمان نسيت اقول لك:
الشخص اللي جاب قبول حصل عليه خلال شهر تقريبا..
لأنهم يحتاجون اطباء ..واللي يجيهم مبتعث يقبلوووووووووووووووووووووووه على طووووووووووول
بس شرطهم: تدرس لغتهم
والثاني انك تجيهم مبتعث
الله يوفقكم وادعو لنا..

call me and i will help u

السلام عليكم

آسف على التأخر في الرد

أنا طبيب سعودي وانتهيت من سنة الامتياز وراسلت الملحقية والتي بدورها بينت لي أن أغلب المستشفيات الألمانية تشترط سنتين خبرة . سؤالي : هل الخبرة مهمة إلى هذه الدرجة في القبول ؟
ثانيا : التخصص الذي أبحث عنه هو أمراض جلدية فما هي فرصة الحصول على قبول فيه ؟


شكرا جزيلا