مساعدة اتمنى الأجابه عن بعض الأستفسارات المهمه لكل طالب يبي الأبتعاث لألمانيا. منوعه.

السلام عليكم ورحمة الله وبركاته







كيف حالكم ياشباب ... ان شاء الله بخير .

ياشباب انا لقيت معهد في برلين ما اعرف عنه شي الا ان سعره حلو جداً جداً .. الشهر بـ280 يورو .

ما ادري اذا احد يعرف عنه شي .. او قد درس فيه .. او يعرف احد درس فيه .. اي معلومه عنه ياليت يفيدنا بها .

هذا الموقع حقه :

Deutschkurse in Berlin - Deutsch lernen im Sprachenatelier | Sprachenatelier Berlin

واذا تعرفون معاهد ارخص او احسن ياليت تعلموني وتعطوني روابطها ..؟ سواءً في برلين او غير برلين .

وأي نصائح منكم راح تفيدني وتفيد الأخون الي بعدي ان شاء الله وربي بيكتب لكم فيها اجر ومخرج من كل كربه .

--------------------------

وشيء ثاني ياشباب :

اذا احد يعرف شي عن السكن ... ابغى القى شقه رخيصه وحلوه ونضيفه . وش الطريقه :

شقه ولا فندق ولا سكن طلاب . ... وكيف اقدر اخذها ..؟

وياليت تعطونا خبر عن الأحياء الشينه والأحياء الخطيره والأحياء الغاليه . والأحياء القريبه من المعاهد .

وأي نصائح منكم راح تفيدني وتفيد الأخون الي بعدي ان شاء الله وربي بيكتب لكم فيها اجر ومخرج من كل كربه .

------------------------

وشيء ثالث ياشباب :

طريقة السفر ... انا مالقيت في الخطوط السعودية رحلات الا لفرانكفورت .. مالقيت لبرلين شيء .

ما ادري وش الطريقه عشان اروح لبرلين ... هل اقدر اخذ طياره من فرانكفورت الى برلين ولا وش الطريقه ..؟

ويا شباب نصيحه مني لكم انكم تفتحون عضويه في الفرسان ببلاش ووميزات كثيره ومثلها مثل تسجيل في اي منتدى ما تاخذ وقت وتنفع .

وأي نصائح منكم راح تفيدني وتفيد الأخون الي بعدي ان شاء الله وربي بيكتب لكم فيها اجر ومخرج من كل كربه .

------------------------

الله يعطيكم العافيه ويجزاكم عنا كل خير ان شاء الله .

واعلموا .. ان من فرج لآخيه المسلم كربه فرج الله له كربه من كرب القيامه ... والأن نحن في حاجه لكم وهذي وحده من الكرب البسيطه الله لا يجب لكم شي من الكرب .

في انتظاركم.