آستفسآرآت طلآب هولندآ بكآلوريس مع آجآبآتهآ هون
قال رسول الله ﷺ

( خَيْرُ النَّاسِ أَنْفَعُهُمْ لِلنَّاسْ )


  • NOTICE

    تنبيه: هذا الموضوع قديم. تم طرحه قبل 1468 يوم مضى, قد يكون هناك ردود جديدة هي من سببت رفع الموضوع!

    قائمة الأعضاء الموسومين في هذا الموضوع

    صفحة 1 من 8 126 ... الأخيرةالأخيرة
    النتائج 1 إلى 10 من 71

    آستفسآرآت طلآب هولندآ بكآلوريس مع آجآبآتهآ هون

    1. مبتعث مجتهد Senior Member
    2. تاريخ التسجيل
      Nov 2007
    3. المزيد اخفاء
      مبتعث مجتهد Senior Member
    4. تاريخ التسجيل
      Nov 2007
    5. الجنسية
      السعودية
    6. دولة الدراسة
      هولندا
    7. التخصص
      .طب
    8. الجامعة
      .ماسترخت
    9. المدينة
      .ماسترخت
    10. الولاية/ المقاطعة
      .
    11. الجنس
      ذكر
    12. المشاركات
      366
    13. مقالات المدونة
    14. مُشار إليه
      0 مشاركات
    15. موسوم
      0 المواضيع
    16. #1

      آستفسآرآت طلآب هولندآ بكآلوريس مع آجآبآتهآ هون




      آلسلآم عليكم ورحمه آلله وبركآته


      طبعآ هآلموضوع مخصص للطلآب آللي رآح يدرسون طب آو طب آسنآن بكآلوريس في هولندآ


      دخلت موضوع آخوي آلآمبرآطور


      مبتعث او رايح لهولندا ... ضع استفسارك هنآ


      وطبعآ آخوي آلآمبرآطور وآلآخوآن وآلآخوآت مآقصروآ في آلرد على آلآسئله


      لكن حتى نريحهم من آلآسآله آلمكرره لآن هم ورآهم درآسه وآمتحآنآت


      حطييت كل آلآستفسآرآت آللي عن آلطب وطب آلآسنآن في هولندآ للبكآلوريس مع آجآبآتهآ


      حتى تكون مرجع لنآ


      وآيضآ لسهوله آلحصول على آلمعلومه


      لآن موضوع آخوي آلآمبرآطور وصل آلى 75 صفحه


      فآ آحيآنآ يجي وآحد وده يستفسر عن شي معين فمآ يقدر يقرآ كل آلصفحآت


      عشآن كذآ حطيت هآلموضوع حتى آلكل يلآقي آجآبه شآفيه


      آللي مآلقى جوآب لآستفسآرآته يروح لموضوع آخوي آلآمبرآطور ويسآله



      لكن ريحووه من آلآسئله آللي لهآ آجآبه هوون ^^



      رآح آنزل آلآستفسآرآت مع آجآبآتهآ على دفعآت



      لاحـد يرد حتى آخلص كل آلدفعآآت



      برب
      دايسكي و Dr.Nedaa معجبين في هذا الرد.
      http://www.formspring.me/a11al


      راح اوقف المشاركة بهالنك


      نكي الاخر هو ابتسآمة مجروح

    17. مبتعث مجتهد Senior Member
    18. تاريخ التسجيل
      Nov 2007
    19. المزيد اخفاء
      مبتعث مجتهد Senior Member
    20. تاريخ التسجيل
      Nov 2007
    21. الجنسية
      السعودية
    22. دولة الدراسة
      هولندا
    23. التخصص
      .طب
    24. الجامعة
      .ماسترخت
    25. المدينة
      .ماسترخت
    26. الولاية/ المقاطعة
      .
    27. الجنس
      ذكر
    28. المشاركات
      366
    29. مقالات المدونة
    30. مُشار إليه
      0 مشاركات
    31. موسوم
      0 المواضيع
    32. #2

      رد: آستفسآرآت طلآب هولندآ بكآلوريس مع آجآبآتهآ هون


      سؤال هل الجامعات في هولندا تدرس بالانجليزية او الهولندية ؟

      لطلاب البكالوريس في مجال الطب وطب الاسنان يوجد جامعتين:

      1- ماسترخت: للطب فقط والدراسة كاملة بالانقلش

      2- خرونقن: الطب. اول 3 سنوات انقلش واخر 3 سنوات دتش

      طب اسنان: في خرونقن فقط وبالدتش



      انا خريج ثانوي .. ومخطط على طب في ماسترخت .. وشي الدورات او الاستعدادات اللي تنصحني اخذها حتى تعينني بعد الله على اجتياز السنه التحضيريه ؟


      حاول تطور لغتك قدر المستطاع واذا كنت لغتك فوق المتوسط او الممتازة فماراح تواجه مشاكل مع الاجتهاد


      لو انا درست البرنامج الموحد في جامعة الملك سعود ..

      ومعدلي ما دخلني الطب البشري ...

      هل ممكن جامعة ماسترخت تعادل لي المواد اللي درستها ؟

      ولا لازم ادرس سنه تحضيريه من جديد ؟


      لا تستطيع معادلة اي مواد درستها في السعودية وراح تبدأ من الصفر. ولكن المعلومات الي درستها راح تفيدك في دراستك



      هل دراسة السنة التحضيرية مشابهة للسنة التحضيرية الموجوده بالجامعات السعودية
      أقصد تدرس مواد عامة وبعدها تدخل التخصص اللي يناسب معدّلك ؟


      في السنة التحضيرية راح تأخذ كورسات لغة بالاضافة الى اساسيات اللايف ساينس والبيولوجي
      ومقعدك مضمون بشرط اجتياز متطلبات السنة التحضيرية


      كم المدة علشان تلطع الفيزا الهولندية ... وهل لازم ارجع للسعودية علشان اطلعها او انو عادي اطلعها هنا في استراليا؟

      بعد الانتهاء من اجراءات دار الهجرة الهولندية وصدور الموافقة على فيزتك راح تقدم عليها من السفارة الهولندية في الرياض وبتأخذ 10 ايام تقريبا. واتوقع عادي تطلعها من استراليا اذا كانت توجد سفارة هولندية.



      لو سمحت لدي سؤال بخصوص مواد السنة التحضيرية عندكم؟
      ممكن ترسل لي اسماء الكتب - اي طبعة-المؤلف- اش الاجزاء اللي
      درستوها فيها؟


      بالنسبه للكتب على حسب الليفل انا جيت في اقل ليفل ( الليفل3) عشان كذا الكتب الي درستها انقلش & applied English

      الليفل 2 درسوو انقلش & بيلوجي ( بحاول اجيب لك اسمه ) & كتاب ايلتس ومن السمستر الجاي الي راح اكون انا فيه بيكون كتاب Medical

      الليفل 1 يدرسون برضوا انقلش & applied English & بيولوجي & دتش

      Molecular Biology of The Cell

      هذا كتاب البيولوجي الي اخذوه

      اسمه Molecular biology of the cell


      فيه مادة ثانية اخذوها اسمها Skii Training

      بس راح تكون عباره اوراق يعطيك التيتشر في الكلاس

      فيه كتاب راح يعطونا على السمستر الجاي اسمه medical book بس مادري كيف شكله


      كيف السكن في هولندا ؟؟ هل هناك شقق سكنيه فيها سكيورتي ؟؟

      وكيف اللغه لديهم ؟؟؟ هل سهل التعامل معهم وتعلم لهجتهم؟؟ وهل هناك معاهد لتدريس الانقلش؟؟


      السكن على حسب الرغبة في بيت وفيه شقة وفيه سكن الجامعة للي يبيه وكل ونوع وله مميزاته وعيوبه

      اللغة حقتهم مع الايام بتتعلم الكلمات الاساسية حقتهم مثل مرحبا .. صباح الخير وكذا

      بس الشعب 90 في الميه منه يتكلم الانقلش ماعدا كبار السن والعجايز

      فيه معاهد وحنا ندرس في المعهد التابع للجامعه



      كيف نظامه ؟ وهل فيه بنات ساكنين جروبات اقصد مع بعض؟
      وبالنسبة للحجاب كيف الوضع فيه احد متنقب؟

      لسكن جاوبت فووق وعلى حسب الشخص فيه بنات مأخذين شقة مع بعض وفيه بعض البنات ساكنين لوحدهم

      بالنسبه للحجاب فيه كثيرين متحجبين بس النقاب ماشفت وحده منتقبه وماتقدرين تتنقبين داخل الجامعة. وممكن برا تنتقبين ولكن ممكن تقابلين مضايقات من الشعب.



      1-كيفية الحصول على الفيزة ؟ كل الاوراق اللازمة
      2-الحجز افضل الخطوط ؟


      لفيزا سهله اذا عندك القبول موجود

      تسوين موعد مع السفارة وتجبين الجواز وصوره منه + صورة من القبول + صورة شخصية + وتعبين الابلكشين

      وان شاء الله اكون مانسيت شي والافضل تتأكدي منهم قبل لا تروحين

      افضل الخطوط من حيث الراحة والوقت KLM

      لانها دايركت من الدمام الى امسترادم والي جاو عليها يمدحونها

      باقي الخطوط فيها ترانزيت مثل الفرنسية والسويسرية والالمانية



      طيب وش المطلوب بالنسبة لشهادة الميلاد نترجمها في اي مكتب
      بعدين وين نصدقها ؟
      وهل مطلوب بصمات او شي من هذا القبيل ؟

      اولا شهادة الميلاد مو شرط في الفيزا

      بس اذا تبين تسوينها اول شي لازم تترجميها من اي مكتب بعدها تروحين الغرفة التجارية تصدقين الاصل مع المترجمة
      بعدها تروحين الشؤؤن الصحية تختميها وبعدها تروحين وزارة الخارجية تصديقها بعدها تودينها السفارة الهولندية << مشوار عشان تخلصين


      ممكن افادتي عن سكن قريب من المستشفى الجامعي والمركز الاسلامي(مسجد).؟


      هذا موقع اذا بتشوف فيه الي يناسبك

      Pararius.com .:. Opening doors

      بالنسبه المستشفى الجامعي والمركز الاسلامي بعيدين عن بعض

      ومن هالناحية لا تخاف لان ماسترخت كلها صغيرة يعني فيه ناس ساكنين في طرف المدينة ويأخذون 10 دقايق عشان للوصول للسنتر ( طبعا بالسيكل )

      وان شاء الله نشوفك قريب في ماسترخت




      بالنسبة للثلاثة السنين الأخيرة .. ايش حيكون نظامها في الجامعتين ؟

      راح تدرس السنة الرابعة والنصف في ماسترخت وبعد ذلك تذهب الي دولة متحدثة باللغة الانقليزيه ( حاليا الجامعه متفقه مع السويد) لمدة سنة واخر نص سنة ترجع السعودية تطبق فيها.


      حبيت اساال عن السنه التحضريه كم موواد تااخدو
      واذا هي منظم سنووات الدرااسه الطب ولا لا

      وسؤل الثااني تيب اللي معاه دبلوم يخوش الجامعه ع طوول
      بدوون الفانديشن وكم المطلوب منه في الايلس ؟

      يعتمد على الليفل الي بتكوني فيها

      بس المواد الي راح تأخذيها في السنه التحضيرية كلها

      English + كتاب الايلتس + applied English + بيولوجي
      + skill training + Duch

      والسنه التحضيريه منفصله عن الجامعه ( الدراسه في الجامعه 6 سنوات )

      الي معاه دبلوم اتوقع يدرس نفس الي يدرسه طلاب الثانوية يعني سنه تحضيريه ولازم 6 ايلتس

      مو متأكد من هالمعلومه بس افضل لو تأكدتي من الجامعه نفسها


      اكون شاكر لك لو تقول تكلفة الدراسة والمعيشه بهولندا؟


      بالنسبه للمعيشه هنا غالية عن السعودية بس معقولة

      يعني لو انت مبتعث المكافأه 1800 يورو بتكفي براحة


      انا قلت اطلع هولندا واخذلي دوره انغلش هناك ورايح اتفاهم مع الجامعه من هناك
      وش رايكم ولا اني ااراسلهم من هنا لاني على حسابي ارجو الافاده وتنصحوني خرونجن ولا ماسترخت ؟


      بالنسبه تجي هولندا عشان تأخذ دورة انقلش ماانصحك فيه

      لان هولندا اللغة الانجليزية تعتبر اللغة الثانية بالنسبه لها صح ان معظم السكان او 90 في الميه منهم يتكلمون انقلش بس ماراح تستفيد شي والسبب

      اولا الاكسنت حقهم خليط بين اللغة الهولندية والانقليزيه يعني احيانا ينطقون( R = غ) وينطقون ( g = خ ) الخ

      ثاني شي ماتقدر تسكن مع عايله عشان تستفيد اكثر لان العوايل عجايز والعجايز مايتكلمون انقلش ومااعرف احد سكن مع عايله من الطلاب السسعوديين

      ممكن سكن الجامعه مفيد لانه مع طلاب اجانب بس مااتوقع بتقدر تسكن فيه لانك مو طالب

      انا انصحك انك تراسلهم من السعودية وتشوف وش يقولون لك واتوقع بيكون نفس التعامل لان فيه نظام ماشيين عليه سواء نت او حضور شخصي وخصوصا انك جاي على حسابك عشان تحسب حساب كل شي وما تتوهق اذا جيت

      وصدقني راح يكونون متعاونين معاك كثيرر لان في الاول والاخير هم الي راح يستفيدون

      بالنسبه للجامعتين الفرق بينها

      ماسترخت بالانقلش وطب بس

      وخرونقن اول ثلاث سنوات دتش واخر سنوات دتش هذا بالنسبه للطب ( وطب اسنان كله دتش )



      اناا درست سنه تحضيريه بجامعه الملك سعود + معي ايلتس

      ابغى اقدم ع البعثه وادرس طب اسنان

      وسآلت عن افضل الدول المتاحه للاسنان وقالو لي هولند بس ابي اعرف لو درست السنه التحضيريه حقتهم اضمن التخصص ولا حسب المعدل ؟

      ايش مواد التحضيريه عندهم وهل ممكن تتعادل لي المواد ؟ لاني خذت احيا وكيميا عضويه واحصا حيوي وو ...

      انا مو هاضمه فكره اني ادرس اي ماده بغير الانجلش وانصدمت لما دريت ان الدراسه ماتكون بالانجلش ؟طيب كيف الدتش حلو ؟

      يعني الحين الاسنان كل السنين دوتش ولا شلون بالضبط ؟



      طب الاسنان في هولندا قووي وراح تكون دراستك في جامعة خرونقن لان ماسترخت مافيها الا طب بس

      للاسف ماراح تتعادلك اي مادهـ وراح تبدأين من جديد

      بالنسبه للدراسه راح تكون بالدتش وهالشي صحيح بس اتوقع الجامعه راح تعطيك كورس مكثف فيها وماراح تترك الا وانتي متقنه الدتش ومع اجتهادك راح تقدرين ان شاء الله



      عندي سؤال في جامعة ماسترخت فالطب في أي مادة تتعلق بالرياضيات ؟؟


      ماراح تدرسين مواد رياضيات. ولكن راح تدرسين اساسيات الاحصاء بشكل مبسط في بعض البلوكات في اول سنتين في الطب.


      ممكن تعطوني جواب اكيد هل دراسة الطب في جامعة ماسترخت كلهااااا بالانجلش ولا فيها شوي دتش؟


      الدراسه في ماسترخت بالانقلش



      كم مدة الدراسة للطب بدون اللغة؟

      مدة الدراسه 6 سنوات



      ايش الفندق إللي يقولوا على حساب الملحقية و كيف الواحد يحجز فيه وهو فيه أصلا فندق ولا لا ؟؟ جامعة ماسترخت في نص البلد ولا عالأطراف يعني الsuberbs ؟؟


      الفندق اسمه Beaumont

      وهذا عنوانه
      Hotel Beaumont
      Wycker Brugstraat 2
      6221 EC MAASTRICHT
      Telephone: +31 43 325 44 33
      :: Hotel Beaumont :: Hotel - Restaurant in centrum Maastricht ::

      هو قريب من الإستشين ويبعد عن المعهد تقريبا 10 الى 15 دقيقه مشي

      اتوقع من حق كل طالب يجي اقامة فيه لمدة اسبوع

      انتم راسلو الجامعه ونسقوا معاها وتعالوا دفعه وحده عشان يستقبلوكم في المطار ويودوكم الفندق... وتأكدوا من الجامعه عشان تحجز لكم في الفندق

      بالنسبه للمعهد UCM قريب مررره من السنتر

      بس كلية الطب بعيده عن السنتر



      بالمعنى العام هل معاملتم حسنه حلوة ولا لا

      لانو واحد من اصحابي يقول الشباب السعودي مضطهد هناك وانهم متضايقيين

      هل هذا الكلامك صدق ولا اشاعات ؟


      لا تخاف الشعب طيب لآبعد الحدود ويساعدك اذا احتجت لشيء

      والمدينة صغيره ومافيها مشاكل كثيره مثل امسترادم واخواتها


      كيف معاملة الشعب للطالبات المحجبات ؟


      فيه كثير مسلمين في ماسترخت من الجنسية المغربية والشعب الهولندي صار متعود على الحجاب ولا تخافون من الشعب

      طيبين كثيرر

      بس اذا تقصدين النقاب للاسف للحين ماشفت اي وحده منقبه



      برب لآحــد يرد
      http://www.formspring.me/a11al


      راح اوقف المشاركة بهالنك


      نكي الاخر هو ابتسآمة مجروح

    33. مبتعث مجتهد Senior Member
    34. تاريخ التسجيل
      Nov 2007
    35. المزيد اخفاء
      مبتعث مجتهد Senior Member
    36. تاريخ التسجيل
      Nov 2007
    37. الجنسية
      السعودية
    38. دولة الدراسة
      هولندا
    39. التخصص
      .طب
    40. الجامعة
      .ماسترخت
    41. المدينة
      .ماسترخت
    42. الولاية/ المقاطعة
      .
    43. الجنس
      ذكر
    44. المشاركات
      366
    45. مقالات المدونة
    46. مُشار إليه
      0 مشاركات
    47. موسوم
      0 المواضيع
    48. #3

      رد: آستفسآرآت طلآب هولندآ بكآلوريس مع آجآبآتهآ هون


      هل استطيع بعد انهاء دراسة الطب (بكالوريوس) بهولندا ان اكمل التخصص بدولة اخرى (إلمانيا مثلاً)


      وليه ما تقدر تكمل
      الدراسه بتكون بالانقلش خصوصا جامعة ماسترخت
      يعني مافيه اي عائق او سبب عشان يرفضوك



      بالنسبة للطب بهولندا هل هو جيد واموره متيسرة او لا مهب شرط تكون دارس اصحابك ولا اي شي

      وهل انهم يتجاوبون مع الانقليزي ومعظم شغلهم انقليزي او لا

      وهل يلزمني اخذ كورسات في لغتهم علشان اتم بعض الموااد بالجامعه

      وكيف الامور المعيشية يعني هل اسعارها فوق او معتدلة وهل انهم يتاوبون مع العرب او تحس انهم يعني مايبون العرب

      وهل بعض المواد بالجامعه بلغتهم ؟؟ يعني هل علي تعلم لغتهم لكي انجح في هالمواد او لا؟؟



      الطب في هولندا قووووي مررره وممكن تشوف تصنيف الجامعات فيه

      والشعب 90% منه يتكلم انقلش ما عدا كبار السن

      بالنسبة لكورس الدتش يعتمد على الجامعه الي بتكون فيها

      راح اتكلملك عن ماسترخت لان ماعندي معلومات وافيه عن جامعة خرونقن واتمنى الاخوان فيها يفيدوك اكثرر

      بالنسبه لماسترخت راح تأخذ كورس دتش خفيف في سنة اللغة وتتعلم الاساسيات وراح تكون الدراسه في الجامعه بالانقلش

      الدراسه في جامعة خرونقن راح تكون 3 سنوات انقلش و3 سنوات دتش

      بالنسبه للمعيشه غاليه كثيرر مقارنه بالسعودية بس المكافأه تكفي وزيادة


      اللحين من يجيب القبولات للطلاب ؟؟

      هل أنا اللي أختار الجامعه ولا هم يحطوني في أي جامعه ؟؟


      القبوول راح يجيك عن طريق الوزاره

      بالنسبه للجامعات في هولندا راح يكون التوزيع عشوائي يا ماسترخت او خرونقن

      بس اذا تعرف احد معين في اي جامعة من الجامعتين ممكن يطلب انك تدرس معاه وراح يعطوك قبول فيها




      اول شي احب اسأل عن الفيزا االهولنديه.. كم تاخذ .. 10 ايام ولا شهر ؟؟
      وللي يدرسو بخورنق .. بالنسبه للطيران توصلو على امستردام بعدين تروحو خورنق بالطياره ولا بالقطار؟؟
      وكم المسافه من امستردام لخورنق؟


      بالنسبه للفيزا تأخذ 10 أيام من تقديم الاوراق على السفارة

      واذا وصلتي امستردام بالسلامه تروحين خرونقن بالقطار واتوقع المسافه ساعتين ونص


      طيب أخوي دراسة الطب بجامعة ماسترخيت بالإنقليزي بس في نقطة ما فهمتها

      شلون يعني ثلاث سنين E والسنوات الباقية ما تدري تكملها إنقلش ولا دتش لو تشرح لي نظام الجامعة بالطب اكون لك ممنون؟؟؟


      ماسترخت كلها بالانقلش

      وراح تدرس اول 3 سنوات في هولندا

      بعدها 3 سنوات راح تكون تطبيق يعني تتعامل مع مرضى عشان كذا راح تختار دولة ناطقة بالانقلش مثل امريكا او كندا او بريطانيا تتطبق فيها سنتين وبعدها ترجع هولندا في السنه السادسه سنة الامتياز

      هالنظام المقرر الى الآن

      بس الملحق الثقافي في اخر اجتماع له معانا قال يمكن تكون فيه حلول من انهم يستوردن مرضى يتكلمون بالانقلش وتتطبق عليهم ويعني تكمل باقي السنوات في هولندا وما تحتاج تروح دولة ثانية

      الاكيد الى الان الخيار الاول وهو انك تروح دولة ثانية بس ممكن مع الايام يتغير



      حآآبه استفسر عن مدى صحة هالكلامـ آن هولندآ دعآآره ومخدرآآت ؟


      الي رايح بعثه لازم يكون عنده معرفة انه رايح مجتمع منفتح سواء هولندا او المانيا او اي دولة اروبية

      والمجتمع مختلف كليا عن السعودية

      والي خايف من هالشي وانه ما يتأقلم مع المجتمع عنده فرصة الى الان انه يتراجع

      انا اقوول هالكلام عشان الواحد يروح وهو واثق من نفسه وان هدفه الاول والاخير انه يرجع بالشهاده الي ترفع رأسه بين الناس وانه مو رايح سياحه او هالاماكن

      والخراب موجود في كل مكان

      بس الي يبيه هو الي يوصله وواحد في حاله مستحيل يسوي شي غلط

      نرجع نتكلم عن هولندا

      وهولندا حالها زي اي بلد من بلدان اروربا

      والي اشووفه يختلف ان هولندا مسموح فيها الحشيش بس

      وهالشي مااتوقع انه يضر الا للي رايح يبي هالشي

      بالنسبه للي كتب هذا يمكن موجود في المدن الكبيرة مثل امسترادم

      اما انتي راح تجين مدن صغيرة مثل ماسترخت وخرونقن مشاكلها قليله وشعب طيب

      وبعطيك معلومة من مشاهده ان اقرب مدينة المانية لماسترخت وهي اسمها آخن منفتحه اكثررر وفيها خراب اكثرر مو موجود في ماسترخت

      وليه الكل ما كتب عن المانيا عن كذا؟

      كل كلام المنتديات الهدف منه التخويف واعطاء الموضوع اكبر من حجمه واتمنى ما تخلين مثل هالكلام يكون سبب في انك تغيرين هدفك عشانه

      ويوم تجين صدقيني هالفكره راح تتغير عندك وبتشوفين شي معاكس غير عن الي تسمعيه وحتى 1% منه مو موجود




      بالنسبة لطب الاسنان في هولندا ..

      هل في جامعات تستقبل طب اسنان للمبتعثين ؟؟

      واذا كان فيه جامعات .. وش هي الجامعه او رابطها ؟
      وهل الدراسة تكون بالانجليزية او لا؟


      طب الاسنان في جامعه وحده وهي جامعة خرونقن

      والدراسه راح تكون بالدتش

      اولا بالنسبه الى المستشفيات اعرف ان الملحقيه الثقافيه مسؤله عن العلاج بس كيف مستشفياتهم هل نظامهم مثل بريطانيا اروح لاي مركز طبي واتعالج بالمجان او هناك تأمين طبي شامل من الملحقيه لاحد المستشفيات
      السؤال الثاني بالنسبه للجو في هولندا بشكل عام تكلم عنو؟

      الي اعرفه ما فيه الا الملحقية الي في امريكا موفره تأمين لجميع الطلاب مجانا

      بالنسبه لوضعنا في هولندا التأمين على حسابنا نسيت اسم الشركة وتقريبا سعره 450 يورو في السنة

      ونظام هالشركة انك تروح تتعالج على حسابك وبعدين تأخذ الفواتير وترسلها للشركة وهي تعوضك على حسابك << ادري نظام غبي

      وجو هولندا ولا فيه احلى منه بس خذي احتياطيك من ملابس للمطر وشتوية ولا تنسين الملابس الصيفيه << هالايام حر

      والجوو راح يعجبك كثيرررررررررررر



      انا قدمت على الأبتعاث المرحلة الخامسة تخصص طب أسنان وطلبت هولندا
      لكن عندي إستفسار عن اللغة الي راح أدرس فيها إنجليزي او الهولندية
      وكم عدد سنوات الدراسة لهدا التخصص مع السنة التحضيرية وين اقضي سنة الأمتياز
      وهل بدرس معهد قبل الجامعة وقدم طلب قبول للجامعة وانا ادرس او بيكون جاهز من نفس برنامج الأبتعاث يعني اروح وانا مامن مقعدي في الجامعة
      واي جامعة تنصح فيها
      وكيف الوضع هناك لاني خايف حيل من الغربه؟


      بالنسبه للتخصص طب الاسنان في هولندا موجود بس في جامعة خرونقن

      ودراستك راح تكون باللغة الهولندية بس لاتخاف ان شاء الله راح تتعلمها في فترة قصيرة

      طب الأسنان في خروننقن 6 سنوات مع سنة ونص دراسة اللغة الهولندية يعني 7 سنوات ونص
      أول شي في السنة والنص تدرس اللغة الهولندية واللايف ساينس
      بالنسبة للانقلش احتمال يسوون لنا كورسات عشان نقوي انقليزيتنا
      طبعاً هذا كله تدرسه بالمعهد التابع للجامعة وبعدين لا تقديم على جامعة ولا شي اذا عديت هالأشياء مقعدك الدراسي مضمون
      طب الأسنان موجود في خروننقن بس


      بالنسبة للغربة معروفه لكل ومتعبه بس جو هولندا يساعدك انك تتأقلم بسرعه ويساعدك على الدراسه

      واذا لك طمووح لازم تتعود على كل شي من غربة ومجتمع وعادات وتقاليد وما تخلي شي يأثر فييك



      أنا طالب مقدم على البكلوريوس في هواندا لوسمحت لو سمحت أبي كامل المعلومات عن البلد وأهلها ومصاريفها
      وفيها ماجستير لأن اختي تبي تكون معاي مااااااااا أطووووول ؟


      البلد متكلم عنها في هالموضوع اكثر من مرررهـ

      وكل الي اقدر اقوله بالنسبه لي اشوفها انها مناسبة كثيرررر من ناحية الدراسه

      وراح تعجبك كثيرررر واهلها طيبين ويساعدون اذا محتاج مساعدة والى الان ماشفت اي عنصرية منهم بالعكس صدروهم واسعه وترحب بالجميع

      المصاريف الوزاره راح تتكفل بالراتب ويكفي وزود يعني بس اول شهر لازم تأخذين معاك فلوس حتى يتم فتح لك ملف في الملحقية ويبدأ الصرف وبعدها لا تخافين

      واختك تقدر تدرس في هولندا بس تراسل الجامعه وتجيب لها قبول


      *وكمان ايش الاجراءات اللي بتصير بعد الملتقى؟؟بالتفصيل
      *ومتى نسافر ونبدا ندرس؟؟
      *وراح ندرس السنة التحضيرية ولا لغة؟؟او كلها مع بعض؟؟
      *والمرافق معي اخوي وهو متخرج من الثانوي وادبي هل ممكن يدرس معي برا ولا لأ (طبعا مو طب)؟؟


      في الملتقى راح يعطوك القبوول بعدها راح تبدأ اجراءت الفيزا واذا صارت جاهزة وباقي على دراستك اسبوع تروحين تتطلعين قرار الابتعاث وتطلعين تذاكر والله يوصلك بالسلامه للبلد الي رايحه له

      هالخطوات لا تشيلين همها باقي بدري عليها راح تتعرفين عليها اكثر اذا جا وقتها

      بالنسبه للسفر على حسب قبولك والدولة الي رايحه لها بس اول دفعه راح تسافر من المرحله الخامسة بتكون بعد عيد الاضحى يعني شهر 1 ميلادي

      بالنسبه اذا كنتي رايحه هولندا راح تجين على شهر مارس (3) ميلادي ان شاء الله

      عندنا هنا في هولندا السنة النحضيرية مع اللغة سوا ووبتكون شويت مواد انقلش مع بيولوجي وشويت اساسيات دتش

      المرافق اذا فيه تخصص مناسب له وقدر يجيب له قبول يقدر يكمل دراسته


      اللي فهمته من جوابك انه ما في معهد للغة هناك ..على طول ندرس بالجامعة سنة تحضيرية صح؟؟
      لانه انا خايفة من معهد اللغة, فيه طلاب كثير معاهدهم اللي يدرسوا اللغة فيها مو تماام..
      *وكمان الدراسة هناك سهلة ولا صعبة؟؟طبعا للي جرب ودرس هنا في السعودية
      *وبالنسبة لاخوي المرافق هوا ادبي وجامعة ماسترخت طب بس.. يعني في جامعة ثانية في نفس المنطقة ممكن يدرس فيها اي قسم ثاني؟؟


      الجامعة فيها معهد لغة الا اذا عندك ايلتس 5 تدخلي السنة التحضيرية واذا عندك سنة ايلتس كمان حتدخلي

      السنة التحضيرية ولكن بيسقطو عنك مواد الانجلش .

      وبالنسبة لمعهد اللغة تمام اولا للاسف مااجرربته وان شااء الله اخواننا الهولنديين يفيدوونك ..

      عزيزتي دراسة الطب ماافيها سهل ولا صعب درااسة الطب بطبيعتها اصعب التخصصات وتحتناج للمثابره

      والجهد وين مااكنتي واللي يبي الحلو يصبر على مرره ..وانتي قدها وقدود ويمكن تكوون صعبه شووي بحالتين

      حالة الشخص اللي لغته الانجليزي مو اوكي او اللي مب زااك الزود يحب الاحياااء وماايجب الضغط بحيااته .

      بالنسبة لاخوك من راايي تفتحون موقع الجامعة وتشووفون التخصصات اللي تناسبله..

      مو لازم المحرم يدرس نفس تخصص المبتعث ..


      السنة التحضيرية ولكن بيسقطو عنك مواد الانجلش .
      ما فهمت..يعني اول ما اروح ادرس سنة تحضيرية في الجامعه ومعاها اللغة ولا كييف؟؟
      وايش يعني ايلتس؟؟<<<معليش ترا انا هذي النقطة اللي محيرتني
      لانه الي فهمته.. سنة لغة وسنه تحضيرية وبعدين 6 سنوات طب يعني 8 سنين الدراسة


      لانه يوم جينا احنا مافيه احد كان عنده ايلتس والجامعه عملت لنا اختبار تحديد مستوى وحطونا في 3 مستويات على حسب اللغة وراح اشرحها

      المستوى الثالث مواد انقلش بس

      المستوى الثاني مواد انقلش ( بس اقل من المستوى الثالث ) + بيولوجي

      المستوى الاول مواد انقلش ( اقل من المستوى الثاني ) + بيولوجي + اساسيات دتش

      بعد كل مستوى يعملوا لنا اختبار ايلتس والمطلوب درجة معينة عشان تروح الي الليفل الي بعده

      مثلا مطلوب تجيب 3 ونص عشان تروح من الليفل3 الى الليفل2
      و5 من الليفل 2 الى الليفل 1
      و6 من الليفل1 الى الجامعه

      والمعهد هو تابع للجامعه وندرس فيه اللغة مع السنة التحضيرية والمواد موضحه فوووق

      بالنسبه للمده في السنة التحضيرية تكون على حسب لغتك يعني اذا لغتك بيريفكت راح يحطوك في الليفل 1 وتدرس 6 شهور بس مع 6 سنوات في الجامعه يعني المجموع بيكون 6 سنوات ونص

      اما اذا اللغة متوسطه او تحت المتوسط راح تكون في الليفل 3 او2 والدراسه بتكون سنه ونص وبعدها تدخل الجامعه
      والمجموع بيكون 7 سنوات ونص وهذا اقصى حد


      برب لآحــد يرد
      دايسكي معجب بهذا الرد .
      http://www.formspring.me/a11al


      راح اوقف المشاركة بهالنك


      نكي الاخر هو ابتسآمة مجروح

    49. مبتعث مجتهد Senior Member
    50. تاريخ التسجيل
      Nov 2007
    51. المزيد اخفاء
      مبتعث مجتهد Senior Member
    52. تاريخ التسجيل
      Nov 2007
    53. الجنسية
      السعودية
    54. دولة الدراسة
      هولندا
    55. التخصص
      .طب
    56. الجامعة
      .ماسترخت
    57. المدينة
      .ماسترخت
    58. الولاية/ المقاطعة
      .
    59. الجنس
      ذكر
    60. المشاركات
      366
    61. مقالات المدونة
    62. مُشار إليه
      0 مشاركات
    63. موسوم
      0 المواضيع
    64. #4

      رد: آستفسآرآت طلآب هولندآ بكآلوريس مع آجآبآتهآ هون



      واحد من الشباب يقول لي لاتروح هولندا تراهم يكرهون الاسلام ويحقدون عليك وكلام كثير يدور حول الدين
      المشكلة لايعرف هولندا ولاقد طبها اصلا لكن بيني وبين نفسي اقول والله انه صادق تعرف سمعنا عن الكاريكتير والافلام المسيئة مدري بما انك عايش الوضع هناك وش رايك في الموضوع


      بالنسبة لهولندا الي الان ما شفت اي عنصرية بالعكس المسلمين كثيرين هنا والجامعه عطتنا غرفة صغيرة مصلى تصلي فيه اي وقت
      وفيه مسجد في المدينة اذا تبي تصلي فيه ومافيه اي مضايقات
      بالنسبة للرسوم المسيئة سببها من رئيس الوزارء الهولندي واليوم كنت اكلم مع وحده من المدرسات عن هالموضوع وقالت لي معلومه ان 80% من سكان هولندا يكرهون هالوزير ولا تخاف ان شاء الله ماراح يصير شي من هالناحية



      طيب أخوي عادي تعطيني موقع الجامعتين ؟


      جامعة ماسترخت

      Home - Maastricht University


      جامعة خرونقن

      Home RUG < Rijksuniversiteit Groningen


      مكتوب في موقع جامعة ماسترخت ان دراسة الطب باللغة الهولندية
      الحين احترت انتم تقولون انجليزي والموقع هولندي
      تكفى فهمني ؟


      في الجامعه فيه برنامجين للطب

      الاول خااص بطلاب الدتش وهو باللغة الهولندية

      والثاني انترناشونول يعني لطلاب الاجانب وهذا برنامجنا وهو خاص باللغة الانجليزية


      هل دراسة الطب في هولندا افضل من السعودية

      و كيف اضمن قبولي بجامعة ماسترخت انا خايف يحطوني في خرونجن؟

      ايه هولندا من الدول المتقدمة في الطب

      بالنسبة للتوزيع الطلاب بيكون عشوائي الا اذا عندك قريب في جامعه راح يعطونك قبول فيها


      ممكن أعرف مده التأشيرة حتى تطلع .؟ وهل في امكانية اخليها مفتوحه ( يعني ذهاب وعودة للسعودية متى شئت )


      اذا جت الموافقة من دار الهجرة في هولندا راح تأخذ فيزتك في السعودية 10 أيام

      طبعا اكييد راح تطول في دار الهجرة وتأخذ ما بين 3 اسابيع الى شهر

      بالنسبة للفيزا بتكون شنجن مدتها 3 شهور يعني تقدر تدخل فيها كل دول اروربا وخلال ال3 شهور راح يعطوك الاقامة الهولندية مدتها سنه تجددها من هولندا

      واكيييد والفيزا بتكون مفتوحه تروح وترجع ماتبغى


      بالنسبة لدراسة الطب بعد اي سنة تداوم في المستشفى و كيف هل سهلة الدرسة عندكم ؟

      انا للحين مادخلت في الطب بس اتوقع من اول يوم راح تبدأ تدرب في المستشفى وخصوصا اذا كان فيه درس يحتاج تطبيق

      ومن رابع سنة راح تبدأ التطبيق في المستشفى

      بالنسبة للدراسة دايم اعيد واقوول مافيه شي اسمه سهل وفيه شي اسمه صعب كلها دراسه وكلها يبيلها تعب واجتهاد




      أتمنى أعرف رأيك الشخصي أخوي ,,, هل انت مقتنع ان مرحلة بكالوريس طب ليس مهمة جدا وأن أعملها في اي جامعة ذات مستوى معقول او جيد في بلدنا أفضل من الدراسة بالخارج حتى لو كانت كلبات قوية ؟؟



      والله ياخوي كل واحد له رأيه في هالموضوع

      بالنسبة لرأيي انا أؤيد الدراسة في جامعات لها سمعتها في الطب والدكاترة على مستوى عالي لان الاستفادة بتكون اكبر وتقدر تبدع في مجالك خصوصا اذا قررت تكمل ماستر

      وانا كنت ادرس طب في جامعة سعودية وتحديدا في جامعة الملك خالد وفي مرحلة السنة التحضيرية كانت عندي اربع مواد انقلش و4 مدرسين واحد مصري والثاني هندي والثالث بنقالي والرابع بكستاني

      بذمتك وشلون راح اتعلم اللغة مع هالمدرسين والله خلصت سنة كاملة وانا جملة مااعرف اركبها على بعض

      وهذا واحد من الاسباب الي خلاني اسحب ملفي واروح بعثه مع معارضة معظم اخواني الي نصحوني اكمل البكالوريس في السعودية وبعدين اكمل الماستر في اي دولة اجنبية

      بس انا شفت اني لو درست في دولة اجنبية راح اقدر اتعلم اللغة بسهولة واقدر ابدع في مجالي


      كم عدد الطلبة السعوديين عندكم تقريباً ؟؟
      و ايهم اكثر خورنغين أو ماسترخت ؟

      1-ودي اعرف مستوى الدكاتره عندكم ..يعني تشوف غالبية الطلبة يمدحونهم ؟؟

      2- وبالنسبة للمناهج تشوف انها قوية .. ؟
      3- والجامعة مناسبه جداً .. للمجتهد والي عنده طموح ؟
      والجامعة متطورة كبنية تحتية وسبل تعليم متطورة ؟



      عدد طلاب هولندا على حسب موقع الوزاره تقريبا 190 طالب

      وماعندي خلفيه وين اكثر بس اتوقع يوصل عدد طلاب ماسترخت الى 70 طالب

      والله الدكاتره فيهم الزين وفيهم الشين واصابعك مو مثل بعض بس تقدر تكلم المسؤل اذا ما عجبك المدرس وتقريبا معظهم جييدين

      المناهج حلووه ومنهج السنة التحضيريه اشوفه يفي بالغرض واذا اجتهدت وشديت حيلك راح تستفيد منه كثير في الدراسه الجامعيه.


      والله اذا تبي رأيي انا اشوف الجامعهـ حلوه مرره ومرتاحين فيها كثيرررر بس بيجيك واحد ثاني ويقولك كلام يلووم الجامعه فيها قبل ما يلوم نفسه


      بالنسبه للبنية التحتيه << حلوه الكلمه عجبته

      متطوره الجامعه واسالبيها حديثه حلووه وفيها حركات راح تعجبك ويحبها قلبك


      ايش قصة شهادة الميلاد يمكن يمديني اشتغل عليها من الحين؟

      بعد ما يطلع القبول راح يكون فيه ملتقى خاص بطلاب هولندا وبيعطوكم فيه القبولات وراح يقولون لكم ترسلون شهادة الميلاد على السفارة الهولندية بعد تصديقها من وزارة الخارجية.

      لا تستعجل عليها الحين حتى يطلع لك قبول في هولندا


      هل هنالك إختبار لازم تتجاوزه لكي تكمل الدراسة في السنة الرابعة في جامعة ماسترخت في(( الطب)) ؟

      إذا كان في فهل شرحون لي ماسمه وعلى إيش يعتمد؟؟؟؟؟؟؟؟

      سمعت أنو في إختبار بعد بعد السنه الثالثة على لغة الدتس ....يقولون لازم تتجاوزه لنا الدراسه بعدها أغلبها داتش ...........فهل هذا صحيح.

      لني والله خايفين نتوهج في إن يكون مو مضمون الدراسه بعد السنه الثالثة تكون إنجليش لنو ما أحد جرب ...... يعني أمكن تكون بالدتش
      وأنا وضعت الرغبه الأولى ::::هولندا

      قبل ما أغير وأستعجل إلى ((بولندا)) قلت خلني أسألكم أمكن أحد يقنعنا إنا ما نغير...



      كلام غير صحيح ،

      لمن شرحو لنا الي حيصير تدرسي 3 سنوات بالانجلش ،، واكرر بالانجلش
      بعد التلات سنوات تحولي على دوله لغتهم انجلش وتكملي فيها ، مافي اختبار دتش ولا يحزنون ،،

      هدا الي وصلنا والي نعرفه والي ماشين عليه ،، والله اعلم

      راح اجاوبك على حسب كلام الجامعه بغض النظر هالكلام ممكن يصير او لا

      الجامعه قالت بعد السنة الثالثه راح يكون فيه اختيارين:
      الاول انك تتعلم دتش وتكمل باقي السنوات في هولندا

      الثاني انك تكمل بالانقلش وراح ينسقون لك مع اي جامعه تتكلم انقلش في اي مكان تبيه

      كل الي اقدر اقوله لك ان الاشياء تتغير في يوم وليله

      بالنسبه لاختيارك هولندا او بولندا يرجع لاختيارك وانت وحدك تقدر تقرره وتشوف وين الي يناسبك



      بالنسبه لسؤالك الاول مااقدر افيدك فيه لانه هالكلام قريته السنة الي راحت هنا في المنتدى من الطلاب الي موجودين في هولندا وقتها فمادري كيف كان الوضع هل لازم يقربك ولا صديقك عادي
      بس اتوقع عادي يطلبك لانه لو مثلا قال هذا ولد خالتي يعني ماراح يقولون له جيب اوراق وكذا لانه اصلا مافيه اوراق تثبت هالشي
      بس مادري هالحركه راح يسوها هالسنه او لا وان شاء الله يسونها
      بالنسبه للقبول تقدر تجيبه انت او هو بسهوله بس ترسل شهادتك بس المشكله في الوزاره هل راح تقبله ولالا وبتوصل لمرحله يطلبون منك الضمان المالي فمادري اذا الوزاره راح تعطيك هو ؟!!

      بالنسبه لرغبتك ان شاء الله 90 % راح تكون في هولندا بس راح يكون توزيع عشوائي على مدينة خرونقن او ماسترخت والقبول في هولندا سهل عشان كذا اتوقع كل واحد رغبته الاولى هولندا راح يكون فيه.

      بالنسبه للي يرسب في السنة التحضيريه اكييد يرجعونه السعودية او على حسب الملحقيه اذا قبلت عذره ممكن يجيب له قبول في دولة ويمشي اما الي يرسب في الجامعه فما عندي اي خلفيه عن نظامهم !
      بس لا تفكر في هالشي الحين اذا حضورك تمام وتحل الواجبات راح تمشي << واهم شي الغياب والواجبات

      وارتاح راح تكون طب دام اخترت طب وماراح يعطونك تخصص ثاني



      بالنسبة للطلبة اللي راح ييجوا على فبراير وانا منهم انشاء الله
      - اذا كان عندي ايلتس اعلى من 6 تتوقع باي ليفل راح اكون ؟
      - هل راح تسقط عني مواد الانجليزي؟
      - متى راح التحق بالجامعة هل على شهر 9 2010؟
      -هل فيه اي اختبار ممكن اسوية بالاحياء والبايوكمستري والفسيولوجي يساعدنا على دخول الجامعة بشهر 9 2010 مثل ماسمعت؟
      - طلب اخير اذا ممكن احتاج اعرف اسماء الكتب غير الاحياء وغير الانجلش اقصد البايوكمستري والفسيولوجي ؟

      كل الطلاب الي جاو على سبتمتبر او بعد سبتمبر وعندهم 6 في الايلتس حاطوهم في الليفل 1 بالنسبه لمواد الانقلش
      والليفل 2 بالنسبه لمادة اللايف ساينس
      فاتوقع راح تكوني معانا في الليفل 1 على فبراير في الانقلش بس مادري عن وضع اللايف ساينس هل راح يسون لك اختبار فيه او تأخذينه معانا دايركت

      بالنسبه لدخول كلية الطب في الجامعه تفتح مره وحده كل سنه وهي في سبتمبر يعني اذا خلصتي البريمد في 6 شهور وجبتي الدرجات المطلوبة راح تدخلين الجامعه 9 2010

      سؤال الاختبار مافهمته ... بس مااتوقع فيه اي اختبار .. مجرد ما تنجحين في البيولوجي وتجبين 6 في الايلتس تدخلين الجامعه دايركت

      بالنسبة للكتب بدينا الاسبوع الماضي مع البريد 2 وكتب جديده

      بالنسبة لنا اصحاب الليفل2 : اسم الكتاب Human Anatomy & Physiology 8th edition van Marieb & Hoehn

      صورة الكتاب

      http://www.souq.com/Educational-Text...all&lan=EN#pic


      الليفل 1 : اسم الكتاب \Garret & Grisham. (2005). Biochemistry. Thomson Brooks. Cole

      واسف ماعندي اي صورة له


      ياليت توضح الانجليزي ثلاث مستويات هذي وعرفناها بس ابغى اعرف كل مستوى كم مدته؟
      بعدين فيه مستويات الايف ساينس (السنة التحضيرية صح ولا غلط) ياليت توضحها وكم مادة هي؟
      وبعدين فيه البريمد وش هو هذا وهو فيه مستويات؟؟!!
      طيب على كذا متى راح نبدأ دراسة الطب في كلية الطب
      يعني مثلا في السعودية باستثناء الانجليزي تدرس سنة تحضيرية وتجيب معدل وتبدأ دراسة الطب يعني كلها سنة وبعدين كلية الطب
      هولندا كيف نظامهم ؟؟.ياليت ردكم على نفس سياق المثال

      البريمد هو نفسه السنة التحضيريه
      ومدته على حسب لغتك اذا كانت ممتازه راح تخلصه 6 شهور وتدخل الجامعه
      اذا نص نص او شوي ضعيفه بتكون مدته سنه ونص وبعدها تدخل الجامعه

      طبعا عشان تدخل الجامعه لازم تجيب 6 في الايلتس + انك تنجح في مواد اللايف ساينس والانقلش

      السمستر الواحد مدته 6 شهوور

      اللايف ساينس يختلف من سمستر الى سمستر ثاني يعني فيه سمستر تأخذ كتاب واحد بس واحيانا تأخذ اكثر من كتاب
      وهالامور لا تستعجل عليها بتعرفها اكثر يوم توصل


      برب لآ آحــد يرد

      دايسكي معجب بهذا الرد .
      http://www.formspring.me/a11al


      راح اوقف المشاركة بهالنك


      نكي الاخر هو ابتسآمة مجروح

    65. مبتعث مجتهد Senior Member
    66. تاريخ التسجيل
      Nov 2007
    67. المزيد اخفاء
      مبتعث مجتهد Senior Member
    68. تاريخ التسجيل
      Nov 2007
    69. الجنسية
      السعودية
    70. دولة الدراسة
      هولندا
    71. التخصص
      .طب
    72. الجامعة
      .ماسترخت
    73. المدينة
      .ماسترخت
    74. الولاية/ المقاطعة
      .
    75. الجنس
      ذكر
    76. المشاركات
      366
    77. مقالات المدونة
    78. مُشار إليه
      0 مشاركات
    79. موسوم
      0 المواضيع
    80. #5

      رد: آستفسآرآت طلآب هولندآ بكآلوريس مع آجآبآتهآ هون

      تخصصي طب والدوله هي هولندا
      خوفوني بعض الزملاء من هولندا وانها مانعه دخول المصاحف ؟
      وبينها وبين المسلمين شبه عداوه؟ لا اعلم مدى صحة هالكلام وكيف معامله الهولندين لكم؟


      كلام خاطئ 100%

      انا جايب معاي مصحفين موواحد

      ولك الحريه في اي شي تسويه

      بالنسبه للحياه في هولندا راح اتكلم بكل وضوح وبقول كل شي عشان كل واحد يعرف وش وراه

      والله الي الان مادري وش سالفة الناس على هولندا..!!

      يعني انا ممكن اتحفظ على امسترادم لانها تعتبر فيها كل شي مباح

      بس حنا نجي في مدن صغيرة مافيها شي من الكلام الي ينقال عنها

      الناس تفكر انك بتلقى شارع فيه ناس جالسين يبيعون مخدرات وحشيش

      الشي المسموح في هولندا الحشيش بس

      اما المخدرات موجوده بس للي يبيها مثل ما هي موجوده في السعودية للي يبيها يعلم طريقها << بس مو مثل متخيله العالم انه في الشارع كذا

      بالنسبه لاماكن الدعاره انا قلتلكم اتحفظ ان واحد يدرس في امسترادم عشان هالسبب بس المدن الي حنا فيها مافيها اي شي من هالكلام واتحدى اي واحد يثبت عكس هالكلام << وانا اتكلم عن ماسترخت عشان اكون واضح لاني مادري عن الوضع في خرونقن بس اتوقع نفس الشي ومافيها شي من هالسوالف

      بالعكس اقرب مدينة لنا المانيه موجوده فيها هالاماكن ومع ذلك الناس بس شغاله سب في هولندا

      الامان المدينة امانه لابعد الحدود وعادي اروح وارجع في الليل بدون مااحد يتعرض او يقول اي شي
      برضوا المدينة فيها نسبه كبيره من المسلمين من الاخوان المغاربة والايرانيين والاتراك

      فيه مطاعم تركيه حلال وفيه مطاعم عالميه حلال وشغالين فيها عرب مثل كنتاكي

      الشعب متعود على الحجاب

      طبعا الي ابغى اوضحه ان لكل قاعده شواذ يعني مو لازم تلقى كل الي هنا مافيهم عنصريه فيه بعضهم عندهم عنصريه بس ينعدون على الاصابع

      بالعكس الجامعه تحترم الاسلام ومعهد الجامعه يعطينا يوم الجمعه نص دوام عشان الصلاه << طبعا هالشي بس في المعهد يعني في الجامعه راح يتغير الوضع

      اخر شي ممكن اقوله عن هالنقطه مو كل الي تسمعه راح تشوفه ولا نخلي العيوب تغطي على المميزات حتى لو كان فيه بعض عيوب خطأ وموجوده بس في اماكن محدده في هولندا


      ياليت توضح لنا الفرق بين اللايف ساينس والبريمد والفاونديشن؟؟؟
      ومين اول الايف ساينس ولا البريمد؟؟؟
      هذي ندرسها في الجامعة ولا في المعهد؟؟


      البريمد = السنة التحضيرية << فهمت ولالا يعني اسم السنة التحضيرية بالانقلش البريمد

      اللايف ساينس = علوم الحياه << يعني بالعربي عندنا مادة الاحياء

      الفاندويشين << هذي انسها لانها مو عندنا في هولندا وخلها بس لطلاب استراليا وهي تتعلق بمقعدك في الجامعه!


      بالنسبة للايف ساينس راح تدرسها في المعهد في البريمد طبعا يختلف متى راح تدرسها على حسب لغتك

      يعني مثلا اذا جيت في اقل ليفل(3) راح تدرس بس انقلش وبعد ما تخلصه وتروح الى الليفل(2) الي بعده بتدرس لايف سانيس

      بس اذا كانت لغتك نص نص وجيت في ليفل مثل (2) راح تدرسها دايركت

      يعني لازم نجيب فوق 6 في الايلتس ونعدي الايف ساينس عشان ندخل الجامعة
      ولازم نجيب الدرجة المطلوبة في البريمد عشان ندخل كلية الطب ؟

      المهم تدخل الجامعه معناها انك تدخل كلية الطب << يعني نفس الشي

      وعشان تدخل الجامعه ( الطب) لازم تجيب 6 في الايلتس + تعدي اللايف ساينس + تنجح في مواد الانقلش



      انا سأكون مرافق لزوجتي إنشاء الله ولكن حاب أسأل بعض الأسئلة
      أنا متحصل على بكالريوس هندسة واريد وزوجتي تم قبولها بالطب ولكن سؤالي
      1- بالنسبة لدراسة اللغة ( للمرافق ) ستكون على حساب الدولة وهل بيكون بنفس الجامعة أو معهد خارجي
      2- هل هناك إمكانية في إكمال دراسة الماجستير(للمرافق ) بأحد التخصصات المتوفرة لدى الجامعة وهل ستكون على حسابي الخاص ام على الدولة
      3- اذا هناك إمكانية في دراسة اللغة على حساب الدولة هل هناك خطوات معينة للتسجيل من السعودية بالمعهد أو عند القدوم الى هولندا
      4- سؤالي الاخير وعفوا على الإطالة - إجراءات التسجيل بالنسبة لي فيها صعوبة او لا بالنسبة للغة وللماستر ولك جزيل الشكر


      1- معظم المرافقين في هولندا يدرسون في معهد خارجي<< ويمكن يكون اقوى من معهد الجامعة عشان كذا وين ما درست عادي
      2- فيه امكانية وعلى حساب الوزارة بشرط انك تجيب قبول من جامعة وتكون مدة دراستك اقل من مدة دراسة المبتعثه او مساويه لها وعادي تقدم على الوزارة طلب انضمام الى البعثه ويصير لك مكأفاتك الخاصه
      3- دارسة اللغة على حساب الوزارة وانت اول ما تجي هولندا تقدم على اي معهد وتراسل اوراق الرسوم على الملحقية وهي تتكفل فيها
      4- مافهمت اي تسجيل تقصد ... بالنسبة للغة تعتمد على تخصصك ووين راح تدرس؟



      لو فرضا نقول فرضا لو ابغى اسكن مع عايلة بس تتكلم انجليزي يعني كيف اقدر اسويها لأن زي ماانا شايفه مافيه احد مفكر فيها ؟؟

      السكن مع عايله صعب عشان اللغة لان العجايز هنا يتكلمون دتش وصعب تلقين عايله تتكلم انقلش

      اما الشقق ممكن نساعدكم في مواقع النت الخاصه فيها وانتم تشوفون الي يناسبكم << بس اكيد لازم تشوفيها على الواقع
      والطلاب الي راح يجون في فبراير او مارش الجامعة ماراح تقصر معاكم وراح تسويلكم اجتماع مع 7 او 8 مكاتب عقار بتعطيكم خيارات يمكن تناسبكم



      طامحة للطب في ماستريخت على حسابي ..وعندي أسئلة :لو عندي امتحان الايلتس درجة عالية ، وماأحتاج دراسة لغة انجليزية ولامعهد والحمدلله ,,

      كيف بتبدأ دراستي في جامعة الطب ؟
      - 1إلى فهمته أنو مااقدر إني أبدأ على طول سنة أولى طب صح يعني أول راح أبدأ سنة تحضيرية الي يسموها premed والي فيها مواد علمية وانجليزية ؟قصدي من السؤال إن كل انسان لازم يمر بالتحضيرية صح وإلا في استثناء ؟؟

      2- هل السنة التحضيرية عليها ساعات تنحسب ضمن الدراسة وإلا هي ماتنحسب من ضمن دراسة الجامعة لأني محتاجة عدد ساعات للإلحاق بالبعثة ؟؟

      3- هل الي يحصل له قبول في ماستريخت يحتاج يدور له قبول في معهد ولاخلاص هي الجامعة تجيب له قبول المعهد الي تابع لها على طول ؟

      4- هل ماسترخت و خرونن بعيدين عن بعض كثير ؟؟

      5- لو تأخرت عن الدارسة في شهر فبراير لمدة شهر لأنو مرافقي من ضمن المرحلة الخامسة فهل هذا عادي ؟؟

      6- سواء عندي الايلتس أو لا..فهذا لايختلف بالنسبة لدراستي بداية في التحضيرية صح ؟ يعني لا احتاج امتحنه هنا بالسعودية واتعب حالي وانا راح مايهتمون به معهد الجامعة ؟؟



      1- ايه لازم تدرسين البريمد قبل تدخلين الطب بس يختلف مدته على حسب لغتك يعني اذا لغتك تمام وجيتي على فبراير ان شاء الله بتقدرين تخلصينه في خلال 6 شهور << وتعتبر اقصر مده فيه

      2- عدد الساعات الي في البريمد ما تحسب في ساعات الجامعة او معدل الجامعه بس مادري عن الوضع الوزاره هل راح تقبله ولالا

      3- بالنسبة للقبول يجيك قبول المعهد الي هو راح تأخذين فيه البريمد مع قبول الجامعة مشروط بأنك تنجحين في البريمد وتجبين الدرجة المطلوبة في الايلتس

      4- خرونقن في شمال وماسترخت في الجنوب والمسافة بينهم من 4 الى 5 ساعات بالقطار

      5- اتوقع عادي لان في هالسمستر فيه طلاب تأخروا اكثر من شهر وكملو معانا بس الدروس الي راحت عليهم راح يخبتروها معانا.

      6- اكيييد يختلف اصلا القبول بالنسبة لك لازم يكون عندك ايلتس عشان تجبيه واذا كانت الدرجة فوق 6 راح تكونين في اعلى ليفل في فبراير


      1- هل دراسة برنامج البريميد هو فيه ساعات ..يعني المواد محسوبة بالساعات عندكم ؟
      3- ودراسة الجامعة سنوية أو نصف سنوية ؟؟ وهل تعرف عدد ساعات أول سنة ؟


      البريمد المطلوب منه تعدي بس ومااتوقع يدخل في عدد الساعات
      بالنسبة للملحقية هل تحسبه ولالا ... ماعندي خلفية وافضل شي تتصلين على عبير مسؤلة طلاب هولندا وهي راح تعطيك العلم الآكيد

      دراسة الجامعة سنوية تبدأ في سبتمتبر وتنتهي في جولاي

      بالنسبة لطلاب هنا في هولندا كلهم بعثات ومااعرف اي واحد يدرس على حسابه ومااتوقع فيه


      ياليت توضح اكثر عن الموضوع اللي بعد ثلاث سنوات لانه اعتقد صعبة انك تحول لجامعة ثانية في دولة ثانية ويخلونك تكمل الثلاث سنوات الباقية لك وماادري هل هم اللي يختارون الجامعة والدولة ولا احنا اللي نختار
      وحبيت اسال كم عدد الطلاب المبتعثين عندكم في ماسترخت

      اكذب عليك لو قلتلك انه فيه شي واضح لنا للحين
      لان كل شي غامض في هالنقطه والاخبار كثيرة من الوزارة والجامعه والملحقية
      نتمنى خلال الايام الجايه توضح لنا الامور لان في 4 او 5 طلاب حاليا بالسنة الثالثة واذا خلصوا بنشوف وشيصير معاهم

      عدد الطلاب في المعهد تقريبا من 35 الى 40
      العدد الاجمالي في ماسترخت اتوقع من 70 الى 85



      أخوي هل من المفروض دراسة مبادئ الدوتش الآن قبل السفر ( هل رآح نحتآجها هنآك ) ؟

      واذا مفروض ممكن تساعدنآآ =)



      اذا تبين نصيحتي ركزي على لغتك الانقلش وانسي الدتش لانك راح تتعاملين مع الشعب بالانقلش

      بالنسبة اذا كنتي في ماسترخت ماراح تحتاجين تتعلمين دتش او بالاصح اول 3 او 4 سنوات لاني مادري وش راح يصير بعدها

      واذا كنتي في خرونقن هم راح يعطونك كورس في الدتش واذا كانت انقليزيتك حلووه راح تساعدك كثير في تعلمه



      إنزين إحنا أحين الإنجلش نص ونص......
      إذا درسنا معهد في هولندا...

      هل عادة الطلاب يعدون إختبار الأيلس؟؟؟؟
      يعني يجبون 5 وفوق..........


      اوول ان شاء الله تجوون هولندا وبعدها فكررر في الباقي

      ولا تخاف بتأخذ كرس انقلش مكثف يؤهلك تأخذ فووق 6 او 6 ونص خلال ست شهوور او سنة اذا كانت مستوى لغتك متوسطة

      اما اذا كانت ضعيفة شووي فإن شاء الله درجتك بتكون على 5 او 5 ونص

      بس طبعا لازم تعب شوووي وجد واجتهاد وحل واجبات وحضور واذا لك رغبة بتوصل 7 بسهوله



      برب لآحـد يرد
      دايسكي معجب بهذا الرد .
      http://www.formspring.me/a11al


      راح اوقف المشاركة بهالنك


      نكي الاخر هو ابتسآمة مجروح

    81. مبتعث مجتهد Senior Member
    82. تاريخ التسجيل
      Nov 2007
    83. المزيد اخفاء
      مبتعث مجتهد Senior Member
    84. تاريخ التسجيل
      Nov 2007
    85. الجنسية
      السعودية
    86. دولة الدراسة
      هولندا
    87. التخصص
      .طب
    88. الجامعة
      .ماسترخت
    89. المدينة
      .ماسترخت
    90. الولاية/ المقاطعة
      .
    91. الجنس
      ذكر
    92. المشاركات
      366
    93. مقالات المدونة
    94. مُشار إليه
      0 مشاركات
    95. موسوم
      0 المواضيع
    96. #6

      رد: آستفسآرآت طلآب هولندآ بكآلوريس مع آجآبآتهآ هون



      بطلب منك بعدين أخوي الامبراطور مواقع للبحث عن السكن
      عشان نعرف الاسعار
      وبسأل هل تكفي المكافأة بنظرك
      أو أنك بتقعد آخر الشهر بدون فلوس مطفر


      بعض مواقع السكن
      Pararius.com .:. Opening doors
      Maastricht Apartments - The LARGEST selection of Maastricht apartments and Netherlands apartments
      http://www.xpatrentals.com/listing_r...ms=2&area_id=7
      WWW.KAMERBURO.NET

      لمجرد الاطلاع فقط بس لا تراسل اي احد حتى تتأكد من المدينة الي بتكون فيها

      بالنسبة للمكافأة تكفي وزيادة


      هولندا ...........ليه الدول صارت فول ولا ايه .....انا والله من جد اتكلم لاامزح
      اللي يقدر يغير الدوله يغيرهاااا .....دوله ليست نظاميه يعني عادي كل شي عادي في البقالات المارغوانا عندهم زي الدخان عادي
      فساددددددددددد ولاتنسوا العنصريه بدليل الحملات ضد الاسلام والرسول وغيرها اسف على الازعاج


      اخووي على اي اساس حكمت !!

      هل عشت في هولندا او بالاصح عشت في ماسترخت او خرونقن؟؟!

      اسمحلي كلامك في اشياء كثيرة غلط

      وهذا اقتباس لردي على احد المواضيع



      بالنسبه للحياه في هولندا راح اتكلم بكل وضوح وبقول كل شي عشان كل واحد يعرف وش وراه
      والله الي الان مادري وش سالفة الناس على هولندا..!!
      يعني انا ممكن اتحفظ على امسترادم لانها تعتبر فيها كل شي مباح
      بس حنا نجي في مدن صغيرة مافيها شي من الكلام الي ينقال عنها
      الناس تفكر انك بتلقى شارع فيه ناس جالسين يبيعون مخدرات وحشيش
      الشي المسموح في هولندا الحشيش بس
      اما المخدرات موجوده بس للي يبيها مثل ما هي موجوده في السعودية للي يبيها يعلم طريقها << بس مو مثل متخيله العالم انه في الشارع كذا
      بالنسبه لاماكن الدعاره انا قلتلكم اتحفظ ان واحد يدرس في امسترادم عشان هالسبب بس المدن الي حنا فيها مافيها اي شي من هالكلام واتحدى اي واحد يثبت عكس هالكلام << وانا اتكلم عن ماسترخت عشان اكون واضح لاني مادري عن الوضع في خرونقن بس اتوقع نفس الشي ومافيها شي من هالسوالف
      بالعكس اقرب مدينة لنا المانيه موجوده فيها هالاماكن ومع ذلك الناس بس شغاله سب في هولندا
      الامان المدينة امانه لابعد الحدود وعادي اروح وارجع في الليل بدون مااحد يتعرض او يقول اي شي
      برضوا المدينة فيها نسبه كبيره من المسلمين من الاخوان المغاربة والايرانيين والاتراك
      فيه مطاعم تركيه حلال وفيه مطاعم عالميه حلال وشغالين فيها عرب مثل كنتاكي
      الشعب متعود على الحجاب
      طبعا الي ابغى اوضحه ان لكل قاعده شواذ يعني مو لازم تلقى كل الي هنا مافيهم عنصريه فيه بعضهم عندهم عنصريه بس ينعدون على الاصابع
      بالعكس الجامعه تحترم الاسلام ومعهد الجامعه يعطينا يوم الجمعه نص دوام عشان الصلاه << طبعا هالشي بس في المعهد يعني في الجامعه راح يتغير الوضع
      اخر شي ممكن اقوله عن هالنقطه مو كل الي تسمعه راح تشوفه ولا نخلي العيوب تغطي على المميزات حتى لو كان فيه بعض عيوب خطأ وموجوده بس في اماكن محدده في هولندا


      بالنسبة للعنصرية صارلي 9 او 10 شهوور في هولندا ماشفت ولا عنصرية من اي احد

      سالفة الحملات ضد الاسلام مافيه دولة عندك اجنبية ترحب بالاسلام واكبر مثال فرنسا الي منعت النقاب مع انها اكثر تتفهم للاسلام وفيها نسبة كبيرة من المسلمين

      والحمدلله في هولندا مالقينا اي مضايقات فيه مسجد ونصلي اي وقت . حتى في الجامعه مخصصه غرفة خاصة لنا نصلي فيها اي وقت


      واذا مو عاجبتك تقدر تتراجع من الحين وباقي الخيار بيدك مع اني اتمنى ماتسويها حتى تجرب وتعيش بنفسك كل شي وتحكم بعدها

      لاتصدق كل شي يقولونه

      والخيار لك استخير والله يكتبلك الي فيه الخير

      اتمنالك التوفيق اخوي


      هل مسموح بتدخين الشيشه داخل غرفتي فسكن الجامعه ؟


      ههههههههههههههههههههههههههههههه

      اسف اخووي ماادخن عشان كذا مااعرف شي عنها

      بس اتوقع عادي لانه في طلاب يدخنون في نفس الغرف
      بس لا احد يعرف وبيمشي حالك




      * عندك فكرة متى راح نجيكم تقريبا؟
      وياليت اذا وصلت اسمائنا للجامعة تخبرنا اذا قدرت >> بصراحة انا ماهي فارقة معي خروننقن ولا ماسترخت

      *هل تتوقع ان مشكلة السكن راح تنحل بالنسبة لدفعتنا؟ وهل توجد مواقع للبحث عن سكن

      * كيف معاملة واخلاق الشعب الهولندي بشكل عام ؟ >> ان شاء الله طيبين بسس

      ان شاء الله توصل اسمائكم الجامعة قريب ويعطونكم القبولات واذا بدأت اجراءات الفيزا ان شاء في نص مارش تكونوا في هولندا مع اني خايف تتأخرون لان العام الماضي استلمنا القبولات في شهر ذي القعده وبالقووه قدرنا نخلص ونجي في مارش

      السكن اذا وصلتم هولندا بالسلامة الجامعة راح ترتب لكم اجتماع مع مكاتب العقارات في المدينة وكل مكتب بيعطكم عروضه وانت تختار السكن المناسب لك وبعض مواقع وضعتها فوق ممكن ترجع لها


      الشعب طيب وحبوب ويساعدك اذا محتاج مساعدة ولا تخاف مافيه عنصرية الا قليل مررررررره

      الأمبراطور ؟؟
      الزوجه .. 21 .. لو نبذه بسسسسسسس . . . لا تحسبني متزوج ... بس يمكن تمسك معي

      هالمعلومة صح لازم الزوجة تكون فوق 21 عشان تحصل على الاقامة الهولندية

      واذا ناوي على الزوج نصيحة لا تستعجل عليه حتى توصل وتشوف الوضع وتضبط امورك وتدخل كلية الطب وبعدها تقدر تتزوج




      هل تدرسو المصطلحات الطبية "The Language of Medicine" والا ما يدرسوه هناك عندكم؟

      نأخذ كتاب اسمه Medicine في شويت مصطلحات لاتينية يعني الاساسيات



      حبيت اسأل بس كيف الجو العام لاني بصراحه حق روقااااااااان واحب الهبقات بعض الاحيان... يعني متى تصحى المدينه ومتى تنام وهل المدينه نشيطه ولا نايمين ؟؟
      وش الاحسن تسكن مع عائله ولا لوحدك ولا في الجامعه ؟؟
      كيف الدراسه بشكل عام صعبه ولا سهله ؟؟
      كيف الفله هناك (اقصد الفله البريئه ) ؟؟
      هل سهل انك تندمج مع الشعب ؟؟؟
      وبصراحه انا كنت ابي خرونجن بس يوم سمعت عن ماسترخت غيرت رايي بدون اي مجاملات <<< حاس ان اهل خرونجن محتاجينه بشده...ههههههههههه
      السؤال الاخير والاهم هل بنشوفك اذا رحنا هولندا ولا راح تبقى الفارس الملثم الذي يحب الخير للناس ولا ينتظر منهم الشكر <<< صح يازورو ...
      والله من كثر ما احبك ودي انك تستقبلني في المطار<<< مبتعث ويتشرط هههههههههه

      ع العموم آمل ان نلقاك على خير وانت بصحه وسلامه وتمشينا في ماسترخت وتعشينا على حسابك عشان باقي ما صرفنا يورو<<< ليتك ما تطب هولندا



      الجو راح يكون حلوو على جيتكم لان هالايام برد مررررررره واذا انت راعي هبقات راح ترتاح في هولندا لانك كل يووم مسفط في دولة

      المدينة صغيرة وتعتبر هادية يعني على نظام متمسكين بعادتهم شوي المحلات تقفل على 6 المغرب الا المطاعم والسوبر ماركت يقفلون على 9 او 10 ويصحوون على الساعه 6 او 7 الصباح يعني خلص اشغالك في النهار لانك ماراح تلقى احد في الليل

      السكن يعتمد على رغبتك بس سكن عايلة لا تدور لانك ماراح تلقى

      الدراسة سهله وصعبه بس يبيلها جد واجتهاد ومذاكرة يوميا

      والفله موجودة لانك تقدر تتطلع كل دول اوروبا وتتمشى فيها

      والشعب طيووب وحبوب واجتماعي يمديك تتعرف وتندمج عليهم بسهوله

      وان شاء الله اذا جيت ماسترخت ان شاء الله راح نتقابل ونعزمك وين ماتبي وحياك فيها بتنور فيها



      سف بس نسيت اسأل هل بالامكان - بما اني راعي هبقات - نشقر على الدول الاوروبيه اللي حولنا ولا يحتاج لها اجراءات وقروشه... مثلك يعرف ان عندي اخويا في السويد كنا نربع سوا واعرف كم واحد في المانيا كانو يلعبون معنا كوره واظن ان سواقنا هاجر الى سويسرا بعد ما ما جمع راتبه لمدة 12 سنه <<< نصاب ومسوي معارف
      ومن ناحيه اخرى <<< صح ياعربي ... كيف اجازتهم ؟؟


      بس اختار فيزا شنجن وابشر باروربا كلها تحت امرك

      والاجازات كثيرة الي من يومين وثلاثه
      واجازة الصيف شهرين تقريبا


      سلاام للجميع ابغى اعرف في احد يستقبلنا في المطار؟؟؟؟ اخاف نضيع في هولندا!!!

      راح تجون على دفعات مع بعض والجامعه راح تستقبلكم وتوصلكم لي للمدينة الي تكونوا فيها

      اللي اعرفه انو الرحلة اذا كانت جماعية يسوون استقبال؟

      صح كلامك الجامعه راح تحدداكم موعد توصولون فيه وهي راح تكون بانتظاركم


      ممكن احد يقول لي وش افضل خططوط طيران اقدر احجز عليه لهولندآ ؟

      KLM Royal Dutch Airlines - KLM.com

      هاذا موقع الشركة على طيران اوروبي Royal Dutch Airlines >>>من لفلفتي في المنتدى

      والطيران يكون فيها دايركت من المطارات الدولية الى اللي في المملكة الى امستردام لمدة 6 ساعات انتي تختاري موعد الرحله وعدد ركابها والوقت اللي تبي تسافري فيه وفي اي دولة في هولندامو شرط العاصمة( امستردام )والموقع يطلع لك كم تكلف بالسعودي على حسب عدد المسافرين ( الأشخاص ) واعمارهم واسم الطيارة ومتى موعد الإقلاع وموعد الهبوط ( يعني كم ساعة الطيران ) موقع جدا ممتاز


      تيب اكووو مطار دولي في ماسترخت ولا لازم ناخذ ترنسليت ؟؟؟
      كمان حابه اسال عن السكن اهي مثل استرليا في صعوبه في السكن ولا اسهل ...؟؟ وكيف سكن الجامعه ؟؟؟
      الطلاب اللي رااح يجوو ع 15 \2 عرفتووو ع اي فندق رااح تنزلوو ولا لسى ؟؟؟

      فيه مطار بس محلي يعني اتوقع صعب تنزلين فيه

      افضل الخيارات لك : اذا تقدرين تجين من الدمام على KLM تعتبر الافضل لانها دايركت على امستردام
      وبعدها بالقطار للماسترخت تقريبا المسافة من ساعتين ونص الى 3 ساعات

      باقي الرحلات مثل الفرنسية والسويسرية والالمانية كلها فيها ترانزيت

      بالنسبة للسكن عندك فترة اسبوع ان شاء الله تلقون فيها سكن وبعطيك شويت مواقع تشوفين فيها اسعار السكن او تتواصلين مع المالك من الان
      Pararius.com .:. Opening doors
      Maastricht Apartments - The LARGEST selection of Maastricht apartments and Netherlands apartments


      بالنسبة للفندق في الغالب يكون فندق بومو وهو قريب مره من الاستشين


      طيب اخوي عندك فكرة عن الطلاب المحولين يعطونهم سكن لمدة اسبوع على حساب الملحقية ،،

      ايه لك سكن اسبوع كامل في فندق على حساب الجامعة


      هل هناك استقبال في المطار ؟

      فيه يومين راح تحددها الجامعه تجون فيها اذا جيت فيها راح يكون فيه استقبال من الجامعتين

      اذا جيت في غيرها تقدر توصل مدنيتك بسهوله بالقطار



      اممم ،، طيب بالنسبة للشهادة الميلاد ضروري نترجمها ولا كيف ؟؟!!
      واذا كانت شرط اساسي من وين نترجمها ؟؟!!

      شهادة الميلاد تحتاجيها عشان تسجليها في البلدية لانك بتجلسين في هولندا اكثر من 5 شهور

      تترجميها اول من مكتب معتمد بعدها تصدقي الترجمه من الغرفة التجارية بعدها تختمي الاصل والصورة من الشؤن الصحية ( هنا شويت حوسه وبتفرفرين مكاتبهم كلهم بس لازم تختميها منهم ) وفي النهاية تختميها من وزارة الخارجية وبعدها توديها للسفارة الهولندية عشان يختموها


      هل النظام عادي للبرامج والأفلام المقرصنة زي السعودية ؟
      أخاف أحمل هارديسكي اللي كله مسلسلات وأفلام ويمسكوني هناك ضرب

      سافرت اكثر من مره على اكثر من مطار اوروبي

      ماعمرهم فتحوا اللاب وشافو وش فيه بس يخلونه يمر من تحت الجهاز

      يعني لاتخاف ان شاء الله مافيه شي



      1-هلا بالامبراطور الحين بدور على سكن بماستريخت ايش تنصحني
      وياريت لو تدفلي ويب سايت يكون حق استوديو وشقق ماستريخت
      2-قالو حيدربونا انجليش لمن نجيب 5 ايلتس فاذا خلصتها متى رح ادخل البريميد



      اولا على سالفة السكن لازم تحدد بالاول هل راح تسكن لوحدك او مع ناس اذا كنت لوحدك خيار الاستديو يعتبر الافضل او ممكن غرفة في القست هاوس او ستيودنت هاوس ممكن يمشي الحال اما اذا معاك ناس فالافضل شقة
      والويب سايت الي حطته هدوش يعتبر الافضل. وبحاول انزل غيرها قريب.

      بالنسبة لبرنامجكم ماعندي عنه خلفية بعد الغاء شرط الايلتس ولكن في توقعي بيكون مثل برنامجنا وهو الي ما جاب 5 في الايلتس بيحطونه في ليفل 3 ( مواد انقلش فقط )


      لحين لو ما أصدق شهادة ميلادي من السفارة وش بيصير ؟؟
      دوخوني تدويخ لأن شهادتي صادرة من برة السعودية
      وقلت للسفارة قالوا لي لازم تروح البلد تصدقها من هناك
      وأنا شهادة ميلادي صادرة من كندا
      يبغوني أروح كندا وأصدقها من السفارة الهولندية وأرجع
      فقررت أسحب على شهادة الميلاد

      شهادة الميلاد بتحتاجها عشان تسجلها في البلدية للناس الي راح تقيم في هولندا اكثر من 5 شهور وراح يطلبونها منك 4 او 5 شهور من دخولك هولندا

      وش يصير..؟؟ ( هذي مااقدر اجاوبك عليها )

      الله ييسرلك امرك وشوفلك اي حل


      حبيت أسألك عن امور الفيزا.. وش المطلوب .. اخلي ( يوريس ) يتكفل فيها والا اروح انا اقدم عليها .. ووش طريقة السفاره ومطاليبهم ..

      راح اشرح موضوع الفيزا بشويت تفصيل

      اولا: الجامعة راح تقدم ارواقكم بخصوص الفيزا على دار الهجرة الهولندية واذا جت الموافقة ع الفيزا السفارة راح تبلغكم بهالشي وتسون موعد عشان تقدمون اوراقكم للسفارة.

      في موعد تقديم الاوراق تعبون الابلكشين وفيه خيار نوع الفيزا.
      فيه نوعين من الفيزا:
      الاول شنجن وهذي تدخل فيها معظم دول اوروبا وتأخذ 10 ايام من بعد تقديم الاوراق عشان تجهز.<< وانا افضل هذي اذا كان فيه وقت للتقديم عليها
      الثانية الفيزا الهولندية العادية وهذي تستخدم في هولندا فقط وممكن تجهز في نفس اليوم او اليوم الي بعده بالكثير.

      مدة صلاحية الفيزا: 3 شهور فقط

      بعد 3 شهور من دخول هولندا بيعطوكم الاقامة الهولندية ( الرزيدينس بريمت) وهذي تقدرون تسافرون فيها معظم دول اوروبا.

      الخلاصه: يعني فيزا الشنجن الي تأخذها من السفارة هذي تصلح للناس الي راح يسافرون فيها للدول اوروبا خلال اول 3 شهور من دخولهم هولندا << مثل حالتنا الاسبوع الثاني وحنا مسفطين في المانيا

      بعد ما تأخذون الاقامة الهولندية تقدرون تسافرون لدول اوروبا سواء كانت معاك فيزا عادية او شنجن لانها بتكون انتهت.

      اتمنى الكل فهم موضوع الفيزا


      يا شباب ابغا اسال عن الفنادق ... يعني اول ما اوصل ينزلونا في اي فندق ؟؟؟ وبكم سعر الليلة ؟؟

      اول ما نوصل ينزلونا في امستردام ولا فين ؟؟؟ .... وانا طالب في جامعة ماسترخت ان شاء الله


      وكم تبعد ماسترخت عن امستردام .. وكيف الوصول اليها ؟؟؟

      اذا جيت في الموعد الي حددته الجامعه راح تستقبلك الجامعه في مطار امسترادم وتأخذك بالباص او بالقطار الى ماسترخت.
      والمسافة تقريبا 3 ساعات بالقطار ومن 4 الى 5 ساعات بالباص
      اما الطلاب الي راح يتأخرون شووي فيقدرون يجون بالقطار وان شاء الله تتسهل اموركم وماحد يتأخر.



      1 - هناك شهادة ميلاد (أصل) باللغة العربيه ،، صادرة من وزارة الصحة
      ( مصدقه من الخارجيه )

      2- هناك شهادة ميلاد ( ترجمة ) مصدقه من الصحة و التجاريه
      و مصدقه من ( الخارجيه )
      أوكي ؟؟

      ألحين أنا جالس أسمع الأصل و ما الأصل !!!!!!

      ( المترجمة ) و اللي يحتاجونها في هولندا
      و اللي عليها التصديق من الدوائر الحكوميه و الخارجيه
      هل هي (الأصل) ، اللي تتكلمون عنه ؟؟؟؟؟

      وش هو (الأصل)
      اللي باللغة العربيه فقط ؟؟
      ،
      و إلا حتى ( المترجمة ) و اللي عليها ( الختوم )
      تعتبر (أصل) ؟؟

      ما أدري وش اللي تقصدونه بالضبط في تصديق الأصل؟؟

      الاصل الي بالعربية والمترجمة الي بالانقلش وكلها مطلوبه تأخذها معك لهولندا

      فيه طلاب قالو ان ختم الاصل بس يكفي << انا مااتحمل كلام اي احد

      ولكن انا ختمتها كلها الاصل مع المترجمة ويوم توصل هولندا يأخذون منها صور ويرجعونها لك.




      س1/ ما هو السكن المناسب في ماسترخت والاسعار والمنطقة المفضلة؟ (( انا طالب لوحدي ))

      يتعمد على الشخص هل تفضل انك تسكن في شقة مع طلاب اخرين
      او تأخذ استديو لوحدك وتفضل الخصوصية التامة
      او تفضل سكن الجامعة وتتواصل مع الاجانب بس بتكون فيه اشياء مشتركة

      والاسعار تختلف من مكان الى آخر ولكن في الغالب راح تدفع من 350 يورو( اقل شي ) الى 700 يورو( اعلى شي ) على حسب نوع السكن وموقعه ومواصفاته والاسعار تعتبر غالية شوي

      س2/ ما هي الاجراءات التي تتم بيني كطالب والملحقية وكم تاخذ من الوقت وماهي المستندات الذي يجب ان اسلمها للملحقية ؟؟

      فيه شويت اوراق راح تعبيها والجامعة بتتكفل وترسلها للملحقية اما المستندات جيب كل صوره او صورتين من كل المستندات والاوراق ( بطاقة الاحوال - شهادة الثانوية العامه - شهادة القدرات - شهادة التحصيلي - كرت العائلة ( للبنات ) ) واي ورقة تحس انها مهمه جيبها معاك

      س3/ ما هو عنوان جامعة ماستخرت كامل (( لانو مطلوب في الفيزا ))

      Maastricht university
      Zwingelput 4, 6211 KH Maastricht, room 1.036A
      0031433885482
      ucm-premed @ maastrichtuniversity.nl

      س4/ ما هو افضل فندق في ((ماستخرت/امستردام )) من ناحية الامان والسعر المناسب

      الجامعة بتتكفل في الفندق

      س5/ من اين اخذ القطار (( العنوان )) الى ماسترخت وماهو سعر التذكره ؟؟

      اذا جيت مع الدفعه الجامعة راح تستقبلك واذا تأخرت بتأحذ القطار مع المطار الى ماسترخت وسعر التذكرة تقريبا 25 يورو


      س6/ماهي العملة التي احضرها معي ؟؟

      يورو

      س7/ هل يوجد نادي سعودي في ماسترخت ؟؟

      تم الانتهاء من اجراءات تأسيس النادي من اختيار الروؤساء والاعضاء وعمل الترشيحات والانتخابات
      وحاليا في انتظار انهاء اجراءات الملحقية والموافقة عليه رسميا من قبلهم.


      اخوي الامبراطور هل تعرف اماكن في ماستريخت تصلح للسكن يعني تكون جنب السيتي سنتر والجامعة ودي الشغلات
      وانا قررت اسكن لحالي في استوديو وادفع لغاية 600 يورو فايش رايك؟

      اي مكان في ماسترخت يصلح للسكن المهم مايكون بعييد برا من الجامعة
      وباكون معاك صريح اصعب مشكلة راح تقابلكم في هولندا هي السكن
      و600 يورو تعتبر حلوه كبداية لشخص عنده اقل من اسبوع يدور فيه سكن بس لا تستغرب اذا لقيت السعر اكثر..!
      على فكره اول دفعه بتكون ضعف الايجار 3 مرات ( ايجار اول شهر+ تأمين + اتعاب المكتب) يعني بتدفع فوق 1800 يورو اول مره.



      بـ النسبَة لـ الآحتياط المآدّي :
      أنا رآح آخذ عشرَة آلآف ريآل
      و أتمنى تعطيني نصيحتك
      في كيفية استخدامها كـ ( كآش ) أو ( كريديت كارد )

      لأنو أنا سمعِت الأخوان يقولو ( أنو نحولها كاش بـ اليورو )
      فـ هل أستطيع تحويل العمله هنا في السعوديه بـ اليورو؟؟
      بدون ما يأخذوا فرْق عملــَه
      لأنهم لو أخذوا فرق عملـَة ~~> خللصت الدراهم ؟؟
      و إذا راح يأخذوا فرق عمله ،،، كم بتكووون بـ الضبط ..؟
      و أنا على فكره عندي حساب في البنك الاهلي
      و عندي حساب في البنك السعودي الهولندي <~~ على باله بيفيده

      أقدر اترك الفلوس في حسابي و أستدخدمها عن طريق الصراف هناك؟؟


      و برضو ، وش قصة الكريديت كارد ؟؟
      > راح استفيد منها هناك ؟؟
      في دفع أجار السكن ، و الاكل ,, و كلو ؟؟؟


      آلزبده يآ آمبراطور ~~> عطني نصايحك ، و الله اني منخبص

      و ألف شكر ، على تواجدك الدائم مع أخوانك ..


      تقدر تحطها في اي بنك سعودي واول ما توصل هولندا تسحب الي يكفيك وطبعا بيكون السحب باليورو

      بالنسبة لي كانت تجربتي مع الراجحي ويأخذ رسوم على كل عملية سحب 25 ريال.

      باقي البنوك ماعندي خلفية عن الرسوم ولكن ماراح تفرق كثير


      قوية 1800 للشقة أول شهر
      طبعاً مستحيل يصير معي هالمبلغ في الشهر الأول فمادري وش المفروض أسوي بخصوص السكن
      أحسن أني تورطت بقوة
      وش الخيارات الثانية الموجودة غير الاستوديو
      هل في الجامعة dorm ؟ وتنصح فيه والا لا
      أنا كل الفلوس اللي بحملها من السعودية حوالي 10000 ريال نصها كاش ونصها فيزا

      فيه سكن الجامعة بس انت وحظك هل راح تكون فيه غرف متوفره ولالا..!!

      بالنسبة للفلوس ماانصحك تأخذ نصها كااش ولكن خذ معك اقل من 100 يورو كاش والباقي خلها في رصيدك في اي بنك سعودي وتقدر تسحبها اول ما توصل هولندا.


      كيف بيكون النظام الدراسي في البداية الوقت والمواد والاجازات والعطل ؟ كله هالامور مش عارفينه ابدا
      كيف السكن الجامعي مريح غالي ؟ وصحيح صعبه نلاقي سكن يكون نظيف وبسعر مناسب لان على ما اشوف عائلي وغالي ..
      كيف التكاليف اول اسبوع من الوصول من الاقامة من الدراجة (السيكل ) وغيره من الامور الضرورية ؟علشان نشوف ونحسب
      في مطاعم كثيره اكله حلال ؟
      كيف التواصل مع الملحقية عن طريق بوابة المبتعتثين ؟

      نظام دراستكم ماعندي معلومات عنها واول ما توصل بيعطوكم معلومات عنها.

      السكن الجامعي حلوو للي يبغى يسكن فيه وتعتبر اسعاره معقولة وتبدأ من 350 يورو علة 500 يورو على حسب نوع الغرفة
      وزي ماقلت اصعب شي بيقابلكم اول ما توصلون هو السكن

      بالنسبة للتكاليف ما فهمت السؤال ولكن ماراح تصرف كثير الا على السكن.
      وفيه مطاعم حلال.

      اما بوابة المبتعثين هذي تقدر تستخدمها بعد ما يتم فتح لك ملف في الملحقية


      قصدي من السؤال ان اول ما نوصل لازم ندفع مصاريف غير السكن والاكل والشرب
      مثلا مصاريف (الاقامة - التامين الصحي - الفواتير - اشتراكات القطار او غيره الخ

      ماراح تحتاج شي غير مصاريفك الشخصية او السكن بس في اول شهر اما باقي الاشياء من تأمين صحي تقدر تشترك فيها بعد ما تنزل المكافأهـ

      في البداية مبارك لجميع الطلاب المنتهين من اجرءاتهم وعقبال الباقين .
      والله يعطيك العافية اخوي الامبراطور على اتعابك .
      بالنسبة لحسابات البنكية واستلام المكافأة هل يلزم حساب هولندي او حساب سعودي دولي ياليت تفصلنا


      الجامعه راح تفتح لكم حساب في بنك هولندي والمكافأهـ راح تنزل فيه.
      بالنسبة لك تحتاج في البداية حساب سعودي تستخدمه في اول شهر حتى تنزل المكافأه


      1- وش افضل بنك تنصح انك تتعامل معه يعني الفيزا او الماستركارد وغيرهـ
      2-كم يحتاج اجيب معي فلوس تكفيني اول شهر لحد ماتنزل المكافئه
      3- فيه سكن جامعي او مافيه؟
      4- بالنسبه لدفعتكم انتو كم عطوكم ساعه بالمعهد؟
      5- حسب ماسمعت انه مافيه ملحقيه ثقافيه بهولندا وانها موجوده بدولة ثانيه .. هل هذا يعني انه طلاب الدوله اللي فيها الملحقيه يفضلونهم علينا في تخليص اغراضهم وامورهم او ان جميع الطلاب المسجلين بالملحقيه الثقافيه لهم نفس التعامل ؟
      6-بالنسبه لهولندا كشعب هل هم كويسين هل فيه اماكن محظوره على الاجانب هل هناك احياء ماتنصح اننا نسكن فيها



      1- ما تعاملت مع بنوك سعودية في امور الفيزا والكرديت كارد عشان كذا مااقدر اجاوبك عليه. اسف اخوي

      2- يعتمد على كم بتدفع للسكن اول مرهـ لانه تقريبا غالي شوي . بس ما بين 12000 ريال على 15000 ريال ان شاء الله تكون كافيه.

      3- فيه سكن جامعي

      4- على حسب الليفل الي بتكون فيه. لا تستعجل على هالامور بتوضح اول ما توصل.

      5- الملحقية موجوده في المانيا. ولا تخاف في مشرف خاص بطلاب هولندا وهي الاستاذهـ عبير وتخلص لك كل امورك.

      6- مافيه مناطق محظورهـ والشعب طيب والمدينة آمنهـ جدا. اي منطقة تلقى فيها سكن قريب من السنتر او الجامعه اسكن فيه بدون تردد. بس حاول تبعد شوي عن البارت عشان ما يكون فيه اي ازعاج .


      فيه منطقة /حارة قريبة من الجامعة تفضلها

      فيه مكاتب تساعدك على ايجاد السكن ..؟


      اي شقة تلقاها بيعطونك موقعها ع الخريطة وتقدر تشوف المسافة الى الجامعة او السنتر وبعدها تقرر. واي مكان تلقى فيه سكن مناسب اسكن. المدينة كلها مناسبة للسكن بشرط تكون المسافة معقولة.




      فيه مركز اسلامي او مسجد

      هل تقام صلاة الجمعة ..؟

      فيه مسجد واول جمعة من وصولكم راح نأخذكم للمسجد وبعدها بتعرفون الدرب


      اخ الامبراطور ...هل بدات دراسة الطب؟ واذا نعم ...فهل فعلا كل الكلاس سعوديين فقط مافي اجانب؟ وباي مستوى ؟والايش المواد الي تدرس؟ وهل لو جاء الطالب قبل باللغه هل دخوله الطب مضمون؟

      لى وشك اخلص سنة البريمد وان شاء الله ابدأ الطب في سبتمتبر. سنة البريمد مافيها اجانب يعني للسعوديين فقط . اما دراسة الطب فاحتمال يكون فيه اجانب ع حسب اذا كان فيه اجانب ودهم يدرسون بالانقلش او لا. وهولندا المقعد فيها مضمون بشرط اجتيار البريمد ولكن مادري الحين عن النظام بعد العدد الكبير الي وصل من الدفعه الجديدة




      1. انا عندي سكن بس حبيت اعرف بالنسبة للمصروف اليومي كم ممكن احتاج؟ والغسيل؟
      2. المطاعم الحلال متواجدة ف ماستريخت؟ ياليت تذكر لنا اساميها
      3. نحتاج ملابس ثقيلة و مظلة وجاكيت للمطر اذا جينا ع شهر 6؟
      4. ماستريخت فيها مساجد؟
      5. رسلولنا من جامعة ماستريخت انه الشرطة راح تاخذ جوازاتنا لمدة اسبوعين. هل ياخذ اسبوعين ولا اكثر؟ لانه ناوين باذن الله نزور المانيا
      6. هل ممكن نجيب معانا اكلات خفيفة؟ انا راح انزل بمطار بروكسل فهل راح الاقي صعوبة


      1- المصروف يعتمد ع الشخص نفسه وش الي راح تشتري ووين راح تآكل وصعب احد يجاوبك على هالسؤال. اما الغسيل غالبا يكون في السكن مجانا اذا كان انكلودينق.
      2- مطاعم الحلآل موجوده مثل كنتاكي ومطاعم تركيه وايرانيه.. وفي نفس الوقت تقدر تآكل في اي مطعم من المطاعم اولاروبيه اذا كانت الوجبه خضروات ومافيها اي لحم.
      3- الجو متقلب فخذ معاك ملابس شتويه وصيفيه بس غالبا الشهر الجاي بتكون درجات الحرارة شوي معتدلة وممطرة. بس خل احتياطك معك. واكيد لازم جاكيت مطر
      4- نعم فيها مسجد واحد
      5- مادري عن هالنقطة ويمكن يكون وضعكم غير لآنهم ما اخذوا منا جوازتناا.
      6- بالنسبة للآكل الخيار لك تقدر تجيب اذا تبي... وبروكسل قريبة لماسترخت واقرب من امسترادم بعد تقريبا ساعتين الا ربع.. وتقدر تجي بسهوله بالقطار وتحتاج تغير القطار مره واحد فقط.


      هو راح يجلس معاي طول فترة الدراسه
      يعني من البدايه يقدر يطلع فيزا دراسه


      إذا كـآان المرافق اخووك ،، يقدر يجلس معـك طوول الفتره إذا وإذا فقط حصل على قبول من إحد الجـآإمعـآإت بـ المنطقه اللي رآح تكونين فيهـآإ بـإذن الله ،، غير كذآ فيزته بـ تكون فيزآ سيـإحيه يجلس معك 3 شهور خلآل 6 شهور ، وبعد كذآ يجدد فيزته السياحيـه ،،



      الانقلش كويس وليس بممتاز يعني امشي الحال ابي ادرس في هولندا
      هل هناك سنة لغة وبعدين سنة تحضيرية ولا كيف النظام


      يوجد سنة ونص لدراسة اللغة مدمجة مع السنة التحضيرية


      سمعت معلومة ان برنامج الطب الموجود في هولندا هو خاص بالسعوديين فقط .... يعني جميع الطلاب اللي فيه سعوديين وما يقبلون فيه اي جنسيات اخرى،


      السنـه التحضيريـه { اللي يدرسونـه سعوديين فقط ،، لكن السنوآت الباقيـه مختلطـه مع الجنسيـآت الاخـرى ،



      هل هو فعلاً اسمه يورس ؟ هولندي ؟ ولا ويش السالفة ؟


      تقدر تـوصل لـ يورس عن طريق ايميـله
      joris.vanpoecke @ maastrichtuniversity.nl
      نعـم اسمـه يورس وهو هولندي ،،
      ذآ اسـمه
      Joris van Poecke


      ماهوا وضع طلاب الطب في السنة الرابعة
      هل بدأو تطبيق في المستشفيات وماشيــــــــــــــن زي السلام عليكم
      ولا يواجهون صعوبات ومتوهقين
      انا فهمت ان الكلام مع المرضى بيكون بالدتش
      هل سيكون التعامل مع الدكاترة والكتابة في الفايلات بالدتش ولا بالانجليش دام الدراسة للانترناشنل استيودنت زي حالتنا بالانجليش
      طول السنوات الثلاث الاولة
      وهل الطلاب من دخولهم الجامعة وهم يعدووون سنة بسنتها وبدون اعادات للمواد او حملها هو صح لكل مجتهد نصيب بس الجامعة واللغة والملحقية تلعب دور كبيــــــــــــــــــــر



      وعليكم السلام

      امس تخرجت اول دفعة بكالوريس من ماسترخت.. وحاليا راح يبدأون تطبيق في مستشفى الجامعة على مرضى محددين يتكلمون انقلش لمدة سنة ونص وبعد ذلك عندهم خيارين: يكملون في ماسترخت بالدتش او يروحون السويد يكملون لمدة سنة.. وتبقى نصف السنة الآخيرة يطبقونها في السعودية وحاليا الجامعة متفقة مع مستشفى فيصل التخصصي في الرياض. ( اتمنى وضحت الفكره لآخر 3 سنوات) هالكلام من احد المنظمين لبرنامج السعوديين في الجامعة.

      ونظام الدتش لآخر سنوات فقط لطلاب خرونقن.

      والطلاب فيهم الي يعدي كل سنه والي يرسب وكل واحد واجتهاده.

      - سمعت ان دراسة الطب في هولندا 6 سنين وتحصل على البكالوريوس والماجستير ؟ نبغى الخبر الأكيد
      2- مهم جداً اخوي بشأن اختبار الآيلتس كيف اعرف ان مستواي 5 فيه ووين ادرس عشان اطور لغتي وكيف اصلا هم بيعرفوا مستواي ؟
      3- أخ إمبراطور سؤال فقط لو عدت للوراء وكان موضوع اختيار دول الابتعاث بيدك ماذا كنت بتختار ؟


      اجابة اسئلتك.
      1- ايه بس تحسب في السعودية بكالوريس.
      2- تقدر تختبر ايلتس في السعودية وتعرف مستواك وانصحك انك تدرب كثير قبل ماتختبر. لان الاختبار تكنيك اكثر من انه قياس لي اللغة
      3- بالتأكيد هولندا << دفعته من افضل الدفعات الي مرت على هولندا من ناحية قلة المشاكل

      سمعت معلومة ان برنامج الطب الموجود في هولندا هو خاص بالسعوديين فقط .... يعني جميع الطلاب اللي فيه سعوديين وما يقبلون فيه اي جنسيات اخرى، الكلام هذا صحيح ؟؟؟ يعني ما تختلطون بطلاب آخرين من ابناء البلد نهائيا ؟؟؟؟

      بتكلم عن جامعة ماسترخت.
      برنامج البريمد سعودي خالص
      برنامج الطب اول بلوكتين فقط للسعوديين وبعدها يتم في فتح الخيار لطلاب الدتش الي يبغون يدرسون بالانقلش انهم يدرسون معنا. ولكن نادر تلقى طلاب يختارون الدراسة بالانقلش.



      ممكن مميزات دراسة الطب في هولندا ؟؟
      وهل هي قوية ؟؟
      وهل في مرحلة التخصص حيكون سهل علي التقديم ؟؟
      ولا أمريكا وكندا مايقبلوا ماسترخت وخرونقن ؟؟


      الدراسة في هولندا بنظام PBL النظام ممتع وحلو ويعتمد على السيلف ستدي بنسبة 90% .. ولكن في نفس الوقت متعب شوي.
      ومافيه شي يمنع من انك تكمل دراستك في اي مكان في العالم


      هل التحضيري داخل في المعدل ؟؟

      لا المطلوب النجاح فقط


      آنا اختبرت الايلتس .. وجبت الدرجة المطلوبة .. كإني فهمت إن بعد التحضير لازم تعدي ال ستة في الاختبار .. هل ه>ا الكلام صحيح ؟؟ طب اللي جايب أعلى من ستة من هنا ؟؟ اش وضعه ؟؟ وبالنسبة للستة هل لازم يكون في كل مهارة ستة وانت طالع ؟؟ ولا مافي بأس ب خمسة ونص في واحدة منهم ؟؟

      حتى لو كان عندك 9 في الايلتس برضوا راح تدرس السنة التحضيرية ولكن ممكن يعفونك من كورسات الايلتس ويدخلونك في كورس اكبر منه مثل الكامبرديج او غيره. والمطلوب 6 overall


      إش حكاية بطاقة طالب كورس طبي ؟؟ مو طالب طب ؟؟

      سالفة قديمة ومعقدة ولكن الملحقية قالت الموضوع انتهى

      1- القبول في كلية الطب يكون حسب معدل السنة التحضيرية ؟
      2- تعرف طلاب عندك ساكنيين homestay ؟
      وجزاك الله الف خير على ما قدمته لنا وللمنتدى

      1- مطلوب في السنة التحضيرية النجاح في المواد وتجيب المتطلبات في اللغة والحضور والواجبات ولا يوجد معدل
      2- مااتوقع فيه والسبب اللغة.


      1_في جامعات موجودة في امستردام تدرس الطب باللغة الانجليزية(بكلوريوس)؟

      2_و في المشاركة ال(34)ذكرت يا اخ امبراطور انه في جامعة (maastricht) بعد اول 3 سنين تستطيع ان تكمل دراستك في احدى جامعات الدول المتحدثة باللغة الانجليزية(uk,usa,ireland,australia...الخ) هل النظام اتغير ولا ما زال الوضع كده؟

      3_و مثل سؤال الاخ (don eddie) حيكون معانا طلاب اجانب ولا بس سعودين؟

      4_و انا حصلت على 6.5 في الايلتز حا ادرس سنة تحضيرية ولا ستة اشهر ولا اخش على الجامعة على طول؟

      5_و سمعت انه one entry visa only ايش صحة الكلام هاذا؟

      6_انا اريد جامعة(maastricht) و خايف تجيني خرننجن كيف اضمن (maastricht)؟



      1- ماعندي خلفية
      2- بعد السنة الرابعه والنص تقدر تروحين لدولة تتكلم بالانقلش ( حاليا السويد)
      3- جاوبت على السؤال فوق
      4- راح تدرسين سنة تحضيرية كاملة
      5- ليس صحيح وبيعطونك الاقامة الهولندية تقدرين تروحين وين ماتبين في اوروبا
      6- اذا تعرفين احد في ماسترخت خليه يطلبك لدراسه في ماسترخت



      1- صحيح الدراسة في هولندا سيئة؟؟
      2- هل القروبات حقت السعوديين صحيحة ؟؟
      3- ما في قبول الا في جامعتين بس ؟؟



      1- مافيه دراسه سيئه
      2- جاوبت عليه فوق
      3- نعم


      ^^
      دايسكي معجب بهذا الرد .
      http://www.formspring.me/a11al


      راح اوقف المشاركة بهالنك


      نكي الاخر هو ابتسآمة مجروح

    97. مبتعث مجتهد Senior Member
    98. تاريخ التسجيل
      Nov 2007
    99. المزيد اخفاء
      مبتعث مجتهد Senior Member
    100. تاريخ التسجيل
      Nov 2007
    101. الجنسية
      السعودية
    102. دولة الدراسة
      هولندا
    103. التخصص
      .طب
    104. الجامعة
      .ماسترخت
    105. المدينة
      .ماسترخت
    106. الولاية/ المقاطعة
      .
    107. الجنس
      ذكر
    108. المشاركات
      366
    109. مقالات المدونة
    110. مُشار إليه
      0 مشاركات
    111. موسوم
      0 المواضيع
    112. #7

      رد: آستفسآرآت طلآب هولندآ بكآلوريس مع آجآبآتهآ هون

      تم ولله آلحمد

      آنوه آن هذآ آلموضوع ليس لطرح آلآستفسآرآت

      وآنمآ هو لجمعهآ وطرحهآ هنآ مع آجآبآتهآ

      لمن لديه تسآؤل فيه موضوع آخوي آلآمبرآطور مثبت

      طبعآ آجآبآت هذه آلآسآله ليست مني

      آنمآ من آلمشرف آلآمبرآطور وآلآعضآء آلآخرين

      جزآهم آلله كل خيير

      آلموضوع آخذ مني جهد وتعب

      آتمنى آذآ فيه آحد يبي ينقله يكتب آلمصدر

      ودعوآتكم لوآلدي ولي وآن تمشي آمور آلبعثه وآلآيلتس وروحتي لهولندآ على خيير

      وآن آنقبل بجآمعه مآسترخست آن شآء آلله ^^

      مع آني مآ آعرف آحد هنآك

      لكن آن شآء آلله آلله يكتب لي نصيب فيهآ ^^




      برآيفت للآدآره (مآلكم نيه تغيرون لقبي آلى ابتسآمه مجروح لآني من زمآن مطآلب بهآلشيء هع )



      ومع آلسـلآمه
      http://www.formspring.me/a11al


      راح اوقف المشاركة بهالنك


      نكي الاخر هو ابتسآمة مجروح

    113. مبتعث مستجد Freshman Member
    114. تاريخ التسجيل
      Jul 2009
    115. المزيد اخفاء
      مبتعث مستجد Freshman Member
    116. تاريخ التسجيل
      Jul 2009
    117. الجنسية
      السعودية
    118. دولة الدراسة
      السعودية
    119. التخصص
      طالب
    120. الجامعة
      ليس بعد
    121. المدينة
      السعودية
    122. الولاية/ المقاطعة
      الشرقية
    123. الجنس
      ذكر
    124. المشاركات
      73
    125. مقالات المدونة
    126. مُشار إليه
      0 مشاركات
    127. موسوم
      0 المواضيع
    128. #8

      رد: آستفسآرآت طلآب هولندآ بكآلوريس مع آجآبآتهآ هون

      ،
      مشكور يا كونان ..

      والله ما قصرت على هالمجهود ،

      والشكر موصول للأخ الامبراطور ..

      وفقكم المولى يارب

    129. مبتعث مجتهد Senior Member
    130. تاريخ التسجيل
      Nov 2007
    131. المزيد اخفاء
      مبتعث مجتهد Senior Member
    132. تاريخ التسجيل
      Nov 2007
    133. الجنسية
      السعودية
    134. دولة الدراسة
      هولندا
    135. التخصص
      .طب
    136. الجامعة
      .ماسترخت
    137. المدينة
      .ماسترخت
    138. الولاية/ المقاطعة
      .
    139. الجنس
      ذكر
    140. المشاركات
      366
    141. مقالات المدونة
    142. مُشار إليه
      0 مشاركات
    143. موسوم
      0 المواضيع
    144. #9

      رد: آستفسآرآت طلآب هولندآ بكآلوريس مع آجآبآتهآ هون

      آلعفووو آخوووي ^^
      http://www.formspring.me/a11al


      راح اوقف المشاركة بهالنك


      نكي الاخر هو ابتسآمة مجروح

    145. عضو شرف ومراقب سابق
    146. تاريخ التسجيل
      Sep 2008
    147. المزيد اخفاء
      عضو شرف ومراقب سابق
    148. تاريخ التسجيل
      Sep 2008
    149. الجنسية
      السعودية
    150. دولة الدراسة
      هولندا
    151. التخصص
      Medicine
    152. الجامعة
      Maastricht university
    153. المدينة
      Maastricht
    154. الولاية/ المقاطعة
      Limbrug
    155. الجنس
      ذكر
    156. الحالة
      مبتعث
    157. المشاركات
      1,098
    158. مقالات المدونة
      0
    159. مُشار إليه
      0 مشاركات
    160. موسوم
      0 المواضيع
    161. #10

      رد: آستفسآرآت طلآب هولندآ بكآلوريس مع آجآبآتهآ هون

      تسلم اخوي كونان على التجميع والله اني قطعت على مشوار كبير

      ان شاء الله اذا فضيت في اليومين الجايه برتب الموضوع واثبته مؤقتا حتى نرتاح شوي من الاسئلة المكررة

      كل الشكر لك

    صفحة 1 من 8 126 ... الأخيرةالأخيرة

    موضوعات مشابهة

    1. يآ طلآب معقوله مآفيه أحد من طلآب معهد USF ولآخـلآص ماحد يهتم .
      بواسطة آلطموح آل مستحيل ... في الملتقى الولايات الشرقية Eastern States
      مشاركات: 2
      آخر مشاركة: May 4th, 2011, 02:58 AM
    2. انا افكر اطلع ادرس بكآلوريس بس خايف من مسألة الـ 30 ساعه .. وش الحل؟
      بواسطة فهد الششمري في الملتقى ملتقى الدارسين على حسابهم الخاص Self-Sponsored Students Forum
      مشاركات: 1
      آخر مشاركة: January 19th, 2011, 08:05 PM
    3. تقنية طبية .. امريكآ , بكآلوريس ,
      بواسطة سووسوو في الملتقى برنامج خادم الحرمين الشريفين للإبتعاث الخارجي - المرحلة السادسة - (6)
      مشاركات: 8
      آخر مشاركة: December 29th, 2010, 12:14 AM
    4. مكإأآلمه لـ / سفآرة هولندآ ..
      بواسطة khaled.alenezy في الملتقى طلاب المانيا و هولندا و السويد و النمسا Germany, Netherlands, Sweden & Austria Students
      مشاركات: 8
      آخر مشاركة: March 1st, 2010, 08:53 PM
    5. رساله جديده من هولندآ
      بواسطة قمر حياتك في الملتقى طلاب المانيا و هولندا و السويد و النمسا Germany, Netherlands, Sweden & Austria Students
      مشاركات: 23
      آخر مشاركة: February 9th, 2010, 03:10 PM