الأعضاء الإشتراك و التسجيل

الملتقيات
ADs

لم أعد الى المنتدى إلا لأقول نصيحة واحده فقط وبجد خطيرة ومفصلية لكل طالب

لم أعد الى المنتدى إلا لأقول نصيحة واحده فقط وبجد خطيرة ومفصلية لكل طالب


NOTICE

تنبيه: هذا الموضوع قديم. تم طرحه قبل 4831 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية @@almoreb@@
    @@almoreb@@

    مبتعث فعال Active Member

    @@almoreb@@ ألمانيا

    @@almoreb@@ , ذكر. مبتعث فعال Active Member. من اليمن , مبتعث فى ألمانيا , تخصصى طب عام , بجامعة جامعة برلين الحرة - الشاريتيه
    • جامعة برلين الحرة - الشاريتيه
    • طب عام
    • ذكر
    • برلين, براندنبورغ
    • اليمن
    • Sep 2009
    المزيدl

    January 6th, 2011, 07:45 PM

    بسم الله الرحمن الرحيم

    السلام عليكم ورحمة الله وبركاته

    بحكم رؤيتي لما يجري من منظمة الدااد وما فعلته مع الدفعة الخامسة وما تنوي فعله مع الدفعة السادسة .. لم أستطع تحمل الأمر وعدم الحديث عن هذا الموضوع ..



    يعني منظمة الدااد قاعدة تجمع الطلاب السعوديين في فصول لحالهم سواء طلاب اللغة أو حتى طلاب السنة التحضيرية وهذا شئ غلط غلط غلط وممكن يأثر على مستويات المبتعثيين لدرجة كبيييييييرة ولاسيما انكم بعد مرحلة التحضيري راح تختلطو بالطلاب الألمان وأكيد حتكون لغتكم ما تسااعد أبدا للخوض في دراسة الطب



    المشكلة الدااد فرحانين الحين لانهم يستفيدوو بشكل مو طبيعي من الاشراف على المبتعثيين السعوديين اكاديميا وخاصة انهم ياخذو الاف اليوروهات مقابل كل طالب فعشان كذا يحاولو يخلو اشرافهم الى نهاية التحضيري ويمددوه سنة بعد سنة اللغة




    والله يا شباب ما بأتكلم كذا ع الفاضي ولكن شفت وقارنت بين طلاب مبتعثيين من الوزارة والدااد مشرف عليهم وبين طلاب يدرسو على حسابهم الخاص في معاهد اخرى وشفت العجب العجاب وتفاوت كبيييير بالمستويات لصالح الطلاب اللي ع حسابهم الخاص وذلك لعدة امور

    1-الطالب اللي ع حسابه يدرس بمعاهد فيها اجانب وفي الكثيير من الاحيان لازم يتكلم الماني عشان يفهموه الطلاب اللي بالفصل معه ...... ولكن بالمقابل الطلاب المبتعثثين كلهم في فصل واحد مكون من طلاب سعوديي الجنسية 100% وقالبين الفصل عربي وبكذا مافي أي شئ يجبرك تتكلم الماني


    2-الطالب اللي ع حسابه راح يقدم ع السنة التحضيرية بنفسه ويتعلم كيف يراسل الجامعات وكيف يتكلم معاهم وراح يدرس مع طلاب اجانب ويدرس مواد علمية ويتحدث الماني بكثرة نتيجة لوجود الكثيير من الطلاب اللي ما عندهم علم بالعربي ....... ولكن الطلاب المبتعثيين راح يدرسو بفصل مسويه لهم الدااد وكلهم سعوديين وبكذا حتمشي السنة التحضيرية زي سنة اللغة ولغتهم لسه صفر للأسف




    ولما يتخرجووو كلهم أكيد ما حيواجه الطالب اللي ع حسابه اي مشكلة تذكر لانه متعود ع التحدث بالالمانية .. ولكن للأسف يطلع المبتعث ما يعرف يقول جملة على بعضها وبذلك تتأثر دراسته بشكل موب طبيعي






    الحل ..

    يجب عليكم ان تتحدثو للملحقية او حتى للوزارة وتشوفو حل مع استغلالية الدااد للطلاب المبتعثيين لانو والله العظيم لا يوجد اي فائدة تذكر مما تفعله الدااد مع الطلاب المبتعثيين وانا ما اتكلم الا عن تجربه والكثييييير من المبتعثيين يكلموني عن الوضح المزري لهم

    واذا مالقيتو اي فائدة فلا تدرسوو في الفصول اللي جهزتها الدااد وحاولو تسجلو بأي معاهد اخرى وحتى لو ساعات اضافيه

    وبالنسبة للسنة التحضيرية فوالله مافيه أمل مما تفعله الدااد ولازم تسجلو نفسكم في جامعات تجمع كل الجنسيات ..



    طبعا انا اللي اعرفه انو الدااد طبقت ه النظام في برلين ودرسدن وما ادري ع المدن الثانية لذلك أبي من أي طالب من الدفعة الخامسة يتكلم عن ذا الموضوع بكل جرأه وشفافية


    طبعا انا ما اخوف طلاب الدفعة السادسة ولكن أحببت أن انبههم قبل أن يقعو في اغلاط الدفعة الخامسة ويكون لديهم علم مسبق بكل شئ



    أتمنى للجميع التوفيق في دراسته وأرجو ان ترفعو رأس الامة الاسلامية عاليا ...

    أخوكم أحمد
    جامعة برلين الحرة - طب

  2. يعطيك العافية اخوي المرعب
    وشكرا للنصيحة الثمنية
    فعلا انا استغربت كيف كلاس سعودي للغة .....ماتصير ومارح تمشي اللغة
    والله ييسر للجمييييييييييييييييييييع امورهم
    ولا تحرمنا من نصايحك سواء للمبتعث او الي جاي على حسابه الخاص
    7 "
  3. وعليكم السلام ورحمة الله وبركاته

    أنا بتكلم عن اللي صاير مع طلاب الدفعه الخامسه حق مدينة ماربورج بحكم اني تقريبا كل اسبوعين اجلس معهم.
    طبعا الجميع يعرف ان طلاب ماربورج مو تابعين للدااد , الجامعه هي المسؤوله عنهم بشكل مباشر
    لأن الملحقيه وقعت عقد مع الجامعه , وقامت الجامعه واختارت عشر طلاب من طلاب الدفعه الخامسه.

    معروف ان نظام الدراسه بالمانيا علشان يسمح لك دخول اختبار القبول حق السنه التحضيريه لازم توصل مستوى محدد باللغه او عدد ساعات محدده ,, اذا ما وصلت للمستوى هذا ما راح يسمح لك دخول الاختبار.

    اللي صار في ماربورج ان الجامعه بتسمح لكل الطلاب المبتعثين اللي عندها بدخول الاختبار بغض النظر عن مستوى اللغه حقهم
    يعني حتى اللي لغته مرا ضعيفه الجامعه ارسلت له رساله بانه يسمح له دخول الامتحان .

    الكارثه وين بتصير ,, انه اذا الكلام اللي سمعناه يطلع صحيح , انه الاختبار بس اجراء روتيني والا الجميع يعتبر من الآن ناجح >> يعني الكلاس حق التحضيري بيكون سعودي ميه بالميه.

    علشان كذه خلينا طلاب ماربورج يراسلو جامعات ثانيه عشان يختبرو عندها
    واللي ينجح منهم يفضل انه يروح يدروس هناك يعني يبعد عن ماربورج,
    اقل شي يحتك بالعالم وتقوى لغته.

    يعني بالنهايه والله لا اللدااد مهتمة بمستوى الطلاب اللغوي ولا الجامعه مهتمه ,, بس شاطرين يرفعو تقارير الحضور والغياب للملحقيه.

    وانا ما ألومهم لأنه مافي رقابه عليهم من قبل الملحقيه ,, الملحقيه مسلمتهم مسؤولية الاشراف الاكاديمي على المبتعثين ونايمه بالعسل ولاهي داريه هل هذا في مصلحة المبتعثين أو لا.

    طبعا للأسف , لا أنا ولا أخوي المرعب نقدر نتدخل بكشل مباشر ونخاطب الملحقيه بحكم اننا مو سعوديين.

    لكن نتمنى من الطلاب المبتعثين وبالذات للي من دفعات سابقه واللي لهم فتره في المانيا وعارفين كل شي انهم يوضحو الامور هذه للملحقيه اثناء الاجتماعات اللي تعقد مع الطلاب.

    وبالنهاية أقول الله يكتب للجميع الخير وين ما كان
    بس حبيت اشارككم باللي اعرفه من معلومات
    ودعواتكم .

    في رعاية الإله.

    >>بحكم ان الطلاب حق الدفعه الخامسه عندهم بالفتره القصيره القادمه اختبارات قبول حق السنه التحضيريه إن شاء الله بنزل موضوع بالمنتدى يحتوى على نماذج لاختبارات القبول حق السنه التحضيريه .. عشان اللي عندهم اختبارات يتدربو عليها <<

    7 "
  4. السلام عليكم .

    آحيي فيكم شجاعتكم ،لكن ما تشوفون انها متأخرة شوي ؟؟؟ يلا على الاقل احسن من طلابنا اللي دائما يمدحون !! بالرغم ان النقد مفيد جدا .

    بالنسبة للدااد ما اعرف عنهم لاني مو تابعة لهم لكن اشوف ان طلابها امورهم ميسرة على الاقل بقبول الجامعة وان كان مو من الجامعات اللي الواحد يطمح لها والاكيد ان الغرض ربحي .

    طبعا الداد تسهل على الملحقية كثير اشياء وتفيدها بكثير نواحي (; والمعنى ببطن الشاعر .!!

    لكن بدونها للأسف يضيع الطالب ويسوي اموره بنفسه ويوجس الهم مع ملحقيتنا العزيزة لانهم ما يدرون عن شي ومازال المسلسل مستمر ويا بلادي واصلي .

    كلامكم عن اللغة سليم خاصة سلسلة معاهد من اغلى ما يمكن (Goethe ) لكن المضمون ممكن يكون احسن بمعاهد ابو ٢٠٠ يورو !


    طلاب الداد ياما تكلمو بالملتقيات وبحت حلوقهم بس وين البديل ؟؟


    الله يسهل على الجميع ويوفقهم يارب .

    اشكركم لانكم عزفتو هاللحن الموجع !
    7 "
  5. افا للدرجة ذي الوضع متازم معهم
    طيب جزاك الله الف خير اخوي احمد
    وبالنسبة للغة اعتقد انها بيد الواحد اللي يبغى يتعلم راح يتعلم وين ما كان اما اللي مايبغى والله لو ايش يسوون ماراح يتعلم انا معاك ان البيئة شي مهم ولها تاثيرها لكن اللي عنده عزيمة واصرار ان شاء الله يتعلم لكن ان الواحد مايقول جملة واحدة على بعضها احسها شوي صعبة بعد ذي الدراسة كلها .لكن الله يسهلها علينا وان شاء الله الطلاب اللي راحين السنة ذي في جميع المدن يتفقون كل طلاب مدينة معينة مثلا انهم ما يتكلمون عربي ابدا واذا تكلم اي واحد تكون فيها مخالفة بسيطة مثلا مبلغ زهيد من المال او اي شي ثاني
    عندي سؤال ابغى اسالكم اياه الحين طلاب الداد هل لهم اولوية بمقاعد الطب بعد التحضيرية او بيسهلونها لنا (يعني لو خلصنا اللغة والسنة التحضيرية وشدينا حيلنا فيها بنخش طب بسهولة ولا بصعوبة وفي احتمال اننا ما نخش)
    7 "

  6. و عليكم السلام و رحمة الله و بركاته

    الله يعطيكم العافية اخواني الافاضل " المرعب " :: " ملاك الوفاء " ... لحرصكم على تحذيرنا و نصيحتنا وارشادنا للطريق الصحيح ... و ربي يجعلها في ميزان حسناتكم ...

    صراحة موضوع خطييير جدا ...

    اذا كانت هذه نظرة الدااد و الملحقية اصلا ما تدري عن اي شي !!! الله يصبرنا و يوفقنا ... ما لنا الا الدعاء ... و ان نحاول ان نجعل

    الملحقية تعلم بهذه المشكلة لكي نتفاداها او يتفاداها غيرنا في الدفعات اللاحقة ... انا ان شاء الله اذا اجتمعت مع الملحقية راح اطلعهم على

    هذه المشكلة ...

    اما عن موضوع اللغة صح انه الافضل انك تتعلم في بيئة مختلطة بالجنسيات ولكن اذا وضعونا في فصول مع بعض ( ما باليد حيلة ) ...

    ما راح يمنع اننا نتعلم و نتقن اللغة الالمانية الى مرحلة متقدمة ... لان على المعهد حوالي 30% و الباقي على الطالبــ / ـــه ...

    ان شاء الله اننا نتخرج من مرحلة ونحن متنقنين اللغة الالمانية ... و نرجع باعلى الشهادات العلمية التي تفيد الوطن ... آمين يا رب العالمين ...

    الله يكون بعون الجميع ...

    بالتوفيق للجميع ...
    7 "
  7. حياااك من جديد أحمد بمنتداك

    بالنسبة للموضوع فكلامك صحيح وراح اتكلم عن وضعنا نحن طلاب الماستر بمدينة كاسل ..

    7 طالبات وطالبين سعوديين بكلاس واحد , 5 ايام ودوام ع الاقل من 8 وربع لحدت 12 ونص ..

    تتوقع ايش بتكون النتيجة ؟؟

    لازم الكلام العربي ..

    يعني اسهل شي نتكلم لغتنا الام بدل مانجلس نفكر ونكون جمل ونرتبها , انطق مليون جملة بالعربي وانت لساتك تفكر بوحدة بالالمااني ..

    مستوانا جيد ماراح اقول مررة سيئين , يعني احنا بشهادة استاذتنا احسن من طلاب يحضروا للدي اس ها واختبارهم دحين ودا مو مجاملة منها ..

    بس احنا ما نشوف مستوانا زي الي نبغاه وبنلاقي صعوبة عشان نتكلم مع الماان لاننا مانتكلم الا مع استاذاتنا , جارتنا مثلا وبالحياة العادية ..

    تعبناهم ويا ما دورولنا حل بس مافي فايدة ..

    فرقونا عن بعض وغيروا اماكننا مافي فايدة ..

    سكتوا ولا صاروا يردوا مافي فايدة ..

    جابتلنا الاستاذة لعبة تطلع اصوات اذا اتكلمنا عربي مافي فايدة كمان ..

    وبالاخير جابتلنا حصالة نحط فيها 50 سنت عن كل كلمة عربي وبرضو الحصالة ماشاء الله بازدياد وشكلنا بنطلع رحلة بيها .. (( الحلوة دي مادفعت شي الحمد لله , قولوا ماشاء الله ^_^ ))

    لما تسالهم ليش صار كدا يقولوا لانكم مالحقتوا الفصل الصيفي ..

    اتوقع انه دي السنة بيتفادى الدااد اللي صار ويطلع الدفعة الجديدة بدري ويلحقوا الفصل الجديد , لاحظوا اننا على دي الايام لسة كم يوم ونبدأ الملتقيات ..

    بس دي السنة خلاص الملتقيات صارت والقبولات اتوزعت والفيزا بتتعمل ..

    لاحظت انه في ناس من الدفعة الجديدة تبغا تتاخر شوية عشان يكونوا بكلاس سعودي 100 % ..

    صح دا الشي يمكن يساعد باجازة عيد او اضحى لانه الكل بيطالب بيها وبيتقفل الكلاس لانه مافي احد ح يحضر , لكن في سلبيات كتيير ..

    واولها اللغة اللي راح تاخد وقت طوييل فيها ..

    بجد زي ماقال المرعب كلموهم وحاولوا تخلصوا اجراءاتكم بدري ..

    طالبوا بكلاسات مختلطة عشان لا تكرروا غلطة الدفعة السابقة ..

    لك الشكر المرعب على النصيحة ..

    بالتوفيق جميعا ..

    ولا تنسونا من دعواتكم ..

    أختكم : مس هني من كاسل الجميلة ^_^
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.