استفسار بخصوص بكالوريوس الطب في المانيا

حياك الله وبياك
.
اللغه يبيلها جهد
بس ان كان عندك انجلش لا تجي رغم انه في كلمات كثير باللغه الانجليزيه لكن استغل السنة ذي في مكان ثاني ولا تضيعها في اللغه .
.
وبالنسبة للقسمة ومواضيع النسبة صحيح هذا الكلام يجمعون الي جبته بالسنة التحضيرية والثانوية ويقسموها
لكن النسبة التراكميه الناتجه ليست من ناتج القسمة على 2 ولكن تختلف من جامعه لأخرى على حسب ما قال المشرف علينا قبل اربع ايام
.
موفق .
دعواتك .
تحياتي ^_^

اللي مخليني ادخل حتى لو عندي انقلش اني ناوي اكمل الزمالة في المانيا مرة وحدة .. طيب معليش ، انتا تعرف طلاب في سنة اولة طب بدو دراسة ؟ و متى سافرتو السنة اللي فاتت ( او اللي قبلها لو كنت من المرحلة الخامسة ) ؟

ألمانيا رقم واحد بالطب في كل أوروبا (بشكل عام دون النظر إلى الجامعات الراقية كأوكسفورد وكامبريدج) وأقوى الشهادات الطبية هي الألمانية.

حياكم شباب

ماا احد ينكر ع المانيا قوتها في الطب
لكن انا جاوبت ع سؤال الاخ لانه كان يسال عن بكالوريوس ولكن الزمالة الطبية يا حبذا تكون المانيا
.
واتمنى وضح كلامي
تحياتي ودعواتكم ^_^

السلام عليكم

حبيبي من ناحية صعوية ترى مافي شيء سهل سواء بولندا او المانيا ... لكن المانيا عشانها بلغة ثانية الناس تشوفها صعبة لأن السنة التحضيرية ماهي إلا عبارة عن مرررررررااااااااااااجعة للثانوية في مواضيع الكيمياء والاحياء والفيزياء بس اللهم انها بالألماني ... يعني المشكلة كلها في اللغة ..
عشان كدا يجي يقولك ولله في كثير ماخشو ... لكن الحقيقة ان اللي دخلوا بكالوريوس الطب حسب كلام المشرف الدراسي لألمانيا 9 الى خمس طلاب سعوديين بس خخخخ
ولما سألنا المشرف الدراسي قال انه سوا استطلاع للطلاب من 200 واحد مبتعث ودرجاتهم في السنة التحضيرية ... طلع انهم جايبين من 2- 3.6 !!
وطبعا لو تبي تنافس على مقعد الطب لازم تجيب من 1- 1.3
المهم ان البكالوريوس مارح يختلف سواء كان اخدته من المانيا ام بولندا لأن كلها معترفة في امريكا مو مثل السعودية مو معترف بيها في امريكا ... نفس التحصيل العلمي اللي رح تاخدوا في بولندا هو نفسه اللي رح تاخده في المانيا لكن بالالماني و بأسلوب مختلف ... وخذ في بالك ان كثيييييييير من الأسماء اللاتينية المتعارف عليها في العالم كل تختلف في المانيا يعني كمثال الماء الابيض باللاتينية شيء وباللغة الالمانية شيء تاني .. وقيس عليها كثير من الأشياء ...


تفرق معك كثير لما تجي بالتخصص لأن المانيا قوية فيه وتستاهل التعب لكن البكالوريوس متعب وعدم ضمانك لمقعد سنتين شيء جدا يحبطك لأنك رح تقعد تحت ضغغغغط نفسي طوال السنتين بغض النظر عن الغلا اللي في البلد وهذا حيأثر عليك دحين ومستقبلا
بعكس طلاب بولندا اللي ممكن اول مايروحو ياخدو البريميدكل(السنة التحضيرية للطب) ويضمن مقعده بالطب والبلد ارخص من المانيا ..


نصيحتي لك استخير واتوكل على الله .... بالتوفيق ان شالله

بالنسبه لدراسه السنه التحضيرية للطب في المانيا
ماارى ان فيه ذيك الصعوبة اهم شي الواحد يتقن اللغه في البدايه صح وتمشي امورة زي الحلاوة
تمنياتي للجميع بالتوفيق

يعطيكم العافية .. الحمدلله بعد التفكير قررت المانيا .. والله يوفق الجميع

بالنسبة لكلام الدكتور على الطلاب السعوديين >> ترا على فكرة اول دفعة سعودية توصل المانيا كانت الدفعة الخامسة ما كان في رابعة ولا شيء
والخامسة لسة دوبهم اختبروا اختبار نهاية السنة التحضيرية .. يعني لسة ماحد دخل الجامعة ...
كلام الدكتور صح من ناحية انو ولا سعودي دخل الجامعة لانو اصلا لسة دوبنا وصلنا .. فاهم يا اخويا

الله يوفقكم وعلى ما قالي الدكتور المعصومي انه السنه التحضيرية هيا عباره عن المواد ألعلميه بنفس المواضيع التي درستموها في الثانويه العامه ولكن الفرق الوحيد انها بتكون باللغه الالمانيه ونصيحتي لا تلتفت لكلام أشخاص ما يكونو نجحو وما يكونو يبغو النجاح لاحد

شد حيلك و حدد هدفك و كون قريب من الله وإنشاءالله حيعينك و يوفقك و يسهلك هيا
واتمنى التوفيق للجميع