طلب الانتقال انرفض ممكن تدخلوا وتفيدوني

انا نفس حالتك بس لسا ماقدمت طلب. على اية حال، عندك اوراقك من يوم ما سجلتي في البعثة ؟ اذا عندك مرة كويس، في الورقة الي اعطيناهم اياها يوم التدقيق في رمضان الي مكتوب فيها التخصص و الدول المرغوب الابتعاث اليها و بعدين في الاخير مكتوب يطابق او لا يطابق، هذي الورقة زي انو عندك دليل انك مسجلة طب، حاولي تجيبيها. و كمان خلي ابوكي او اخوكي يكتب خطاب و ياخذ معاه قبولك و شهاداتك حقت الثانوية و القدرات و الايلتس،،،،الخ و يروح الرياض و يقلهم انا بنتي مسجلة طب على اروبا و انتم حاولتوها الى امريكا. افتكر انا في الملتقى الابتعاث قلتلهم انت حولتوني الي امريكا و في امريكا مافي طب، قالولي جيب القبول في اروبا و احنا نرجعك. نصيحة جرربي هذي الطريقة، و الله يسهلك و يوفقك.

فعلا هم قالوا لنا جيبوا الايلتس والقبول ونحولكم بس من جد صدموني واللي يقهر كاتبين القبول مشروط بالسنة التحضيرية يعني ابي افهم لايكون اللي بيبتعثوهم من المرحلة الاسابعة عندهم قبول ذهبي مو نفس بعض
ورئيس القبول في الجامعة عطيته خطاب ان عندي بعثة قال هو اوك بس نبي خطاب من الوزارة ان تحولتي او ضمان باسم الجامعة من الوزارة وملحقية امريكا ماتعطي ضمان لخارج امريكا هو يبي الخطاب وراح يسجلني بكلية الطب
الوالد حاليا مسافر بعد اسبوع راجع وراح يروح الوزارة عشان التحويل او اقلا خطاب الى جامعة ماسترخت يعني ايش البهدلة
طيب يااختي الاوراق اللي في الملتقى ايش اعمل فيها ولمين اعطيها وهل انتي جربتي؟؟

مع العلم اني من مبتعثي المرحلة السادسة وحاليا اني مبتعثة في مرحلة اللغة في امريكا

حتى انا مبتعث المرحلة السادسة، لا و الله ما جربت الى الآن. بس انشالله في القريب العاجل. شوفي اوراقك المهمة اعطيها ابوكي ياخذها معاه الرياض. يقلهم انا بنتي مسجلة طب و برامج الطب في امريكا جميعها مدعمة من الحكومة لذلك مقاعد الطب في امريكا مخصصة للامريكان ! وفي الملتقى الدكتور ماجد الحربي قال ان دراسة في امريكا مستحيلة. هذا كلامهم. لا تشيلي همها سهلة انشاالله كلها يوم ابوكي يروح الرياض و انشالله ميسرة يا دكتورة. عشان اطمنك اعرف ثلاثة حولو بس مو من امريكا اثنين من كندا راحوا لامريكا و الثالث من كندا لاستراليا. محلولة انشالله. حطي ببالك كلاً ميسر لما خُلِقَ له.

ان شاء الله تكون امور الجميع ميسرة
بس من رد الوزارة حسيت اعتراضهم مش عالتحويل نفسه اعتراضهم على القبول
رئيس القبول يريد خطاب عشان يسجلني في كلية الطب والوزارة تقول ان القبول اللي عطيتهم اياه مشروط امبا افهم شي واحد ياترى القبول اللي عطوه الطلاب عبارة عن ايش نفس الشي لازم نعدي التحضيرية
وان شاء الله تتيسر والله حرام نسبتي الموزونة 99.53 وماحصلت على مقعد طب والله ماشفت تحطيم اكثر من كدا لاجامعات سعودية ولاابتعاث عربي قدمت مرتين ورفض ولا برا يعني والحل اطمح اطمح واجتهد واخر شي هذا التحطيم ولو جميع المجالات مفتوحة للنساء اهون شوي لكن في السعودية الوحدة ماتقدر تعمل مكانة وحضوري اجتماعي الا اذا صارت دكتورة
عندي طموح الايلتس القبول البعثة نسبة عالية وكل شي ليش هالتحطيم اعوذ بالله يعني لازم واسطة عشان نوصل لطموحنا

ماشاء الله تبارك الله لا قوة الا بالله. سهلة انشاالله. جربي طريقة الرياض و انشالله تزبط. لا والله ما اتوقع انهم حايعطوكي ضمان الين ما يوافقوا على النقل و انشالله حا يوافقوا.

اختي اطلبي رساله من يورس وتوضيح ممننه انو دخول الطب ليس تتنافسيا

وانو القبول مشروط بشرط اجتياز سنه اللغه والتحضيريه فقققط


وان شاء الله امورك تتسهل

راح صديق الوالد للوزارة ودخل على الدكتور ماجد وماقصر في البداية قال صعبة وكذا بس صديق الوالد قال ان رغبتي وحلمي ومااقدر اتخلى عنه واني مستعدة لكل العقبات والحمدلله وافق ووقع وقال ايش الشي اللي اريده كمان قال ضمان للجامعة وقال خلاص روح استلمه ولما راح السيستم عطلان قالوا تعال بكرة ولما راح يوم ثاني اكتشفوا انه مو ولي امري وبما انه غير سعودي قالوا له خل ولي الامر يراجعنا مايصير انت تراجعنا
ولما راح الوالد عبدالعزيز العريني حسبي الله عليه دنيا وآخره رفض بحجة المشاكل وقال ماراح نودي احد من الطلاب هالسنة يكذب عيني عينك الله لايوفقه ولايعطيه العافية مصعبها علي الله يصعبها عليه في كل امر يسعي له
بس ماراح استسلم ان شاء الله احاول بقد مااقدر وراح يدخل على الماجد مرة ثانية
بس سؤال دامني مستوفية الشروط وكل شي قدمته لهم يحتاجونه ليش يخلونا نروح للواسطة يعني لازم ندورها مع استيفاء الشروط اشك راح يكتبوا في شروط المرحلة الثامنة ان الواسطة شرط من شروط الابتعاث

بصرراااحة اعجيتيني كثير يوم قلتي "" مااراح استسلم "" . . .


وأهنيك على اختيارك هولندا من بين كل الدول ! لأن بيني و بينك بالملتقى حق المرحلة السابعة واللي كان قبل شهر و نص تقريبا قال مسؤول الدراسة بالسفارة الالمانية اللي احنا الهولنديين تابعين لها قال :
((( هولندا افضل برنامج من ناحية التنظيم و الدراااسة ))) و برضوا الدكتور الموسى بملتقى الخبر مثل ما سمعت من مصدر موثوق جلس يكرر "" هنيئا لمن سيذهب الى هولندا !! ""

و على فكرة تراهم حذرونا من الماانيا و جلسوا يدقوا ببولندا من تحت لتحت (( يعني يذموها )) . . .


انتي الحين ماشاء الله عليك كل شيء منطبق عليك من الشروط و باقي معاك حدود شهرين اللى ثلاث اشهر بإذن الله راح تتيسر اموورك بس خليك وااثقة بربك انه راح ينفذمطلبك و اجلسي ادعيه سبحاانه و انشبي بحلوووقهم و لا تستلمي ابد دااام ذا حلمك . .

و تذكري : ان الاشياء الحلوة ماعمرها جت بالسهولة !! . .
و الله يوفقك و يسهل دربك