طلاب الطب في ألمانيا, أرجو مساعدتكم!!!!!!!

وعليكم السلام ورحمة الله وبركاته ...

بالنسبة للقبول المشروط ... فمافي أي جامعة المانية تقدم قبول مشروط لتخصص الطب .. ولازم تكوني عملتي لغة وسنة تحضيرية عشان تقدري تقدمي ...

بالنسبة لاختبار القبول في السنة التحضيرية فيكون مكون من لغة ألمانية عادة .. وفي بعض الجامعات تضيف خليط من المواد العلمية مع الاختبار ... لكنه سهل جدا وكله من اساسيات الثانوي مثل وزن المعادلات وجمع الكسور وو و و... بس أغلب الجامعات يكون فيها اختبار القبول عبارة عن لغة فقط .. وطبعا لازم تكوني محضرة لمستوى B1 ع الاقل ..

بالنسبة للغة فأكيد مو عائق .. وأتوقع انها مش عائق خصوصا لطالب الطب اللي أكيد حيكون مستعد أنه ياكل الكتب أكل ... اللغة عبارة عن وسيلة تواصل ومافي احد راح يتقنها الا اللي حيحبها ويتواصل بيها كثير وأبدا انا ما اشوف انها عائق .. بل بالعكس .. شئ جميل وخبرة جديدة تضاف لرصيدنا في الحياة ..

بما انك حايسة ومو عارفه وين تروحي ... فأتوقع لازم تكون ألمانيا أحد الخيارات القوية لديك وانا اقترح انك ما تخرجي من هذه الدول (المانيا - امريكا - بريطانيا ) وطبعا ألمانيا أرخصهم وأسهلهم من ناحية الفيزا والمعيشة ...

لمزيد من المعلومات أرجوا قراءة موضوعي المثبت أعلاه .. ففيه كل التفاصيل ...

لك ودي

عليكم السلام اختي
المانيا اتوقع انها ما راح تكون ابدا اختيار خاطئ ،، مميزات الدولة كثيره جدا والحياه فيها ممتعه .. انا تعلمت حياة جديده في هذي البلد وعشقت لغتها
صح ان اللغه في البدايه كانت جديده تمااما علي لكن اول ماقررت اتخلى عن الانجلش الي كنت اتكلمه في البدايه قدرت اتعلم واتقدم (( بالعربي انسي الانجلش بعد شهرين عشان تقدرين تتعلمين اللغه )) .. وبالمناسبه اللغه مو صعبه مره
انا درست ١٠ اشهر لغه و السنه التحضيريه الي دوبي مخلصها والحين الحمدلله حصلت على قبول في احدى الجامعات
الاختبار الي كان نهاية السنه التحضيريه يتكون من ثلاث مواد ،وهي فيزيا و كيميا و لغه المانيه .. مابغا اقول ان الاختبار صعب بس المناهج طويله لانه اختبار على ترمين مو ترم واحد .. والدرجه الي تنحسب في النهايه عباره عن معدل بين درجات هذا الاختبار والاختبارات الي في الترم الثاني .. يعني الترم الاول ما يتقيم

بالنسبالي انا اللغه حافز وليست عائق .. كل ماتعلم جملة او لهجة جديده احس بانجاز خخخخخخخ ،، يكفي التميز عن الاصحاب الي كللللللهم يتكلمون انجلش حتى الاطفال

ولو كان الواحد مجتهد شويييية بس راح يعدي كل شي ويحصل على القبول الي يبغاه في الجامعه الي يبغاها ،، لانه مافي شي صعب


((من تجربة شخصيه)) >>> كل شخص يقيس على نفسه ممكن تسمعين العكس من شخص ثاني !


تحياتي

أخوي المرعب طيب انا في السفارة الالمانية في الرياض يقلي لازم قبول مبدئي من الجامعة في المانيا
وهاذا قانون جديد وما ادري ايش ؟؟

ايش المشكلة ؟؟

صحيح اختي انا نفس الشي طلبو علي قبول جامعة بسفارة الرياض والحمد لله جبته من المانيا وقدمته للسفارة وقبلو اوراقي واستلمو الجواز لكن بصراحة كلفني مبلغ كبير شوية
لاني اشترطة انه يكون في الطب وكان مكتوب فيه دراسة السنة التحضيرية و M-Kurs وفهمت انه عشان تدخل طب لازم تدرس هذا الكورس وفهمت ان فيه عدة كورسات مثل k , t , N
ولكل كورس كليات تابعة له
وياليت اخونا المرعب يفيدنا عن موضوع M-Kurs لأنه مذكور هذا الشي في القبول اللي حصلت عليه من جامعة هانوفر

أخوي المرعب, السفارة ما تقبل تطلع لك فيزا لو ماعندك قبول مشروط من جامعة هناك!!
كيف أطلع الفيزا؟؟

في قبول مشروط للسنة التحضيرية

والقبول يكون موجه للسفارة على أساس يصدرولك الفيزا وبأغلب الاحيان اذا ما في احد لك هناك في مؤسسة تجب لك القبول بس مو ببلاش طبعا

ونصيحة مني لاي واحد يبغى يروح هناك يقدم على جامعات متوسطة المستوى يعني ما يروح لا ميونخ ولا بون ولا آخن ولا هايدلبيرغ وغيرها من الجامعات العريقة لانو هذي الجامعات تاخذ لها على الاقل 5 شهور

علشان يطلعولك القبول المشروط والتقديم لها عن طريق اليوني اسست وطبعا في ولاية البافاريا ما عندهم اي شي اسموا قبول مشروط فاحسن شي تاخذي القبول من غرب المانيا او شمالها الجنوب لا حد يقرب عليه

اتمنى اني افدتك ولو شوي

والسلام عليكم