ماهي البنوك التي ما تزال تفتح حساب بنك للسوريين في المانيا؟

اخوي في شبار كاسي وفي كوميرتز بنك بس على ما اظن لازم يكون في حدا بالمانيا يساعدك يعني البنوك هي ما بتفتح الحساب عن بعد
انصحك ازا بتعرف شي حدا بالمانيا تحكي او تشوف مكتب يزبط لك امورك

بالتوفيق ان شا الله

يعطيك العافية اخوي
اي في عندي قرايبين بالمانيا رح خليهن يسألو عن هالبنكين وانشالله خير ..
شكرااا معلم

أخي ما الك غير هذا الشخص: aradec, Dr. Mustafa Kamm Babillie الدكتور مصطفى البابلي هو يلي بيقدر يفتحلك الحساب غير هيك بصراحة لا تحاول! التكلفة ٦٠٠ يورو والزلمي مضمون وصار عامل لكتير ناس وانا منهم.

ابعتلو ايميل على الايميل المحطوط بالموقع وكمان بعتلو رسالة على الجوال انو يا ريت تفتح ايميلك المذكور لان بعتلك ايميل مشان تقرا واكتوب اسمك.

ومشان الاردن حسب معلوماتي السفارة ماعم تستقبل السوريين، ولبنان بصراحة ما بعرف. وهلأ من شوي أخ بعتلي رسالة انو عم يتم رفض طلبات السوريين بغرض الاقامة، وانا بدي قدم من السعودية وبصراحة ما بعرف شو الوضع. الله يستر ويوفقنا جميعاَ. وازا عندكم معلومات تانية مشان موضوع الرفض يا ريت تزودونا بنكون شاكرين.

يا رب.

اخوي انا بالسعودية وبيستقبلو طلبات للسوريين بس في مكتب بالرياض بياخدلك موعد مع السفارة

ادخول عرابط السفارة وبتقدر تشوفو


وبالتوفيق للجميع

ادعولنا

معلم هالشخص هاد فتحلك حساب وبعتلو مصاري عألمانيا(عالثقة)?
وبعتلك وصل بعدين?
واديش ضل لحتى فتح الحساب?
انا سمعت فيه لهالشخص بس لسا ما حاكيتو
ومشان الأردن عم تستقبل سوريين ادخل ع موقع السفارة وخود موعد بفئة السوريين بس بظن كل المواعيد مليانة ل اخر هالشهر
ف انت اقعد عالنت شي الساعة 1 بالليل بظن انن بيفتحو مواعيد جديدة ف انت اقعد من ال 12 واعمل تحديث للصفحة متل ايام نتيجة الباكلوريا
وموفق حبيب

اخوي صوفي طلع مافيني افتح حساب الا اذا كنت بالمانيا
عندي قرايبي هنيك وسأل البنوك ل قلتلي عنا
ف رح جرب حل الشب ال عم يدلنا عالبابلي
وعراسي الشباب

أخي أنا بألمانيا والبنوك اللي بتفتح للسوريين هي الكوميرتز والشباركاسه والبوست بانك.....بس سؤال شو نوع الحساب اللي بدك تفتحه مغلق ولا جاري؟؟

اخوي حساب مغلق مشان الماجستير
بس صحيح انو لازم كون انا شخصيا?

مشكور أخي صوفي على الرد، بس الخوف ليس من التقديم ولكن من الرفض. اللي سمعتو انو الرفض كتير كتير بسبب الأوضاع في سوريا.

اخي ابراهيم نعم متل ما قلت، كلو على الثقة. واصلا انت رح تحول ٨٠٠٠ يورو على الحساب بعد ما يفتحلك اياه ورح تحولو على حسابك باسمك يعني مافي خوف. ازا بكون في غلط بالاسم بيرجعو المصاري لا تخاف. عم بقلك الزلمي عملي الحساب من شغلة اسبوع بس. بقى كلو تمام واتوكل على الله ولا تخاف. ليك ازا بدك مشان تتطمن في اب فرحان هون بالمنتدى هوي اصلا يلي دلني عليه وكمان انا بعرف واحد بالمانيا عامل معو. يعني الزلمي امورو تمام لا تخاف.