استفسار للضروره استفسار عن دراسة ابناء المبتعث

بجاوبك باللي اعرفه

المانيا فيها اكاديمية الملك فهد تدرس المناهج السعوديه وتوجد هذه الاكاديمية في مدينتين ( برلين - بون ) ، ولكن - سمعت - ان الأكاديمية غير معترف فيها لدى الحكومة الالمانية التي لديها دراسة الأطفال او من هم في سن مدارس اجبارية ... فمثل حالة ابنائك فستكون الدراسة في المدارس الألمانية .. وبخصوص اللغه لا اعلم كيف سيتجاوزوها بصراحه .. انا لدي طفله في الابتدائي وطالع على المانيا نهاية يناير الجاي ولا اعلم كيف راح اتصرف مع موضوع اللغه للأطفال .

موفق ان شاء الله ،،،

بالنسبة لاكادمية الملك فهد فمعتمدة وبكل تأكيد وفيها جميع المراحل الدراسية .. لكن يبقى التعامل معها مثل كأنك درست بالسعودية ... يعني لما تبي تدرس جامعة بعدين لازم تدرس سنة تحضيرية .. غير ذلك زيها زي المدارس الالمانية .. لكنها للأسف موجودة فقط في بون وبرلين

يمكن لأبنائك انهم يدرسوا في المدارس الالمانية ويكملوا تعليمهم هناك .. لكن أهم شئ تجيب شهادة اخر سنة وصلوا اليها وتكون مترجمة ..

اعانك الله واهم شئ تعلمهم عربي ودين في البيت او في مدرسة عربية بجانب المدرسة الالمانية

- زوج الطبيبه - almoreb - يعطيكم الف عافية لسرعة تجاوبكم والله يسر اموركم, والله مشكله تواجد الاكاديمية فقط في برلين وبون , يعني تضطر انك تغير الجامعه الى جامعه اخرى يوجد بها نفس التخصص في برلين او بون ,, ولو اضطر الواحد انه يدرسهم بالمدارس الالمانية راح يكون فيه صعوبة عليهم بالنسبة للغه ,, وكيف راح تعادل لهم دراستهم الالمانيه في السعوديه بعد انتهاء البعثه,,,,
وهل يوجد في الملحقية في المانيا من يفيدني في ذلك,,,

للمعلومية,,,اتصلت على اكاديمية الملك فهد في برلين وفهمت منهم مايلي:
بالنسبة للطلاب السعوديين خارج بون و برلين :- طلاب الابتدائي فلا يتم تسجيلهم وليس عليهم اي اختبارات مطلوبة , فقط ممكن تدريسهم في البيت حسب المناهج السعوديه وبعد العوده من البعثه الى السعوديه يتم تقييمهم واختبارهم وضمهم الى الصف الدراسي حسب عدد السنوات التي جلسوها في المانيا,,,يعني مثلا ابنك يدرس في الصف الثاني ثم انتقلت الى المانيا وجلست لمدة 3 سنوات , بعد العوده الى السعوديه , يعني المفترض ان ابنك في الصف الخامس , فيتم اختباره في مناهج الصف الخامس ثم ينتقل الى الصف السادس.
بالنسبة لطلاب المتوسط والثانوي خارج بون و برلين :- يتم تسجيلهم في الاكاديمية كمنتسبين , وتقوم انت بتدريسهم في البيت او عن طريق اي مدرس خصوصي ويحضرون الى الاكاديمية وقت الاختبار فقط.

وبالنسبة لطلاب الابتدائي والمتوسط والثانوي خارج بون و برلين فيجب تسجيلهم في المدارس الالمانية اجباريا.