استفسار عااجل عن البنك

وعليكم السلام والرحمة

تحويل من حساب بنكي لحسابك البنكي عندهم .. وعادة تاخذ الحوالة يومين الى 3 أيام عمل .. ولكن هم راح يردوا عليك بعدها بأكثر من اسبوع للأسف .. !!

اخي هي مع كل البنوك ولا في بنك محدد بيتأخر ؟؟

اخي انا حولت من بنك الموارد اللبناني الى بنك شباركاشي عطوني ورقة انو المبلغ وصل بس ما فيني اسحبو لبعد مدة معينة ما بتذكر بس كانت اقل من اسبوع

وبنك شباركاسي هو بعت فكس للسفارة انو عندي حساب وفبو المبلغ المطلوب

أخوي إذا أنت بالسعودية حول من الراجحي بيوم يومين بيوصل "لانو الراجحي بيتعامل مع الكوميرتس بانك ومن الكوميرتس بانك بتحول لحسابك بأي بنك بألمانيا"وخلي شي حدا بالمانيا ييروح لعندن بعد يومين ويطلع لك الكشف عطول أنا هيك عملت ويومين من وقت التحويل كان الكشف معي طبعا حاول انو تحول بيوم الاثنين يعني حاول تتجنب تحول قبل السبت والاحد الله يوفقك وييسر لك

اخي ما فهمت قصدك بالكوميرتس بانك
انا ما عندي حساب بكوميرتس بانك شلون بدي حول عليه بعدين حول منو لحسابي ببنك شباركاسة ؟؟
وشكرا لك
بس يا ريت توضح اكتر

لا اخي الظاهر فهمت غلط كلام الاخ .... حول مباشره من الراجحي واتوماتك بتحول لحسابك بشباركاسه بيومين او 4 ايام بالكتير

موفق ..

هلا لو حولت من البنك السعودي الفرنسي بيحولو الفلوس لبنك بفرنسا ومن فرنسا لألمانيا

الراجحي بيتعامل مع الكوميرتس بانك فلذلك بيحولك عالكوميرتس بانك وبعدين بيحول لشباركاسه هذا اولا

بالنسبة لبنك الرياض ما بيحول باليورو بيحول بالدولار بس اما البنك الهولندي بيحول باليورو بس سعر الصرف تبعو غالي

لذلك انا شايف انسب شي بنك الراجحي او البنك الفرنسي من ناحية سعر الصرف ومدة التحويل

والسلام عليكم

الله يعطيك العافية اخ soufi على النصيحة
تم التحويل من بنك الراجحي الى حسابي بالمانيا والحمد لله وصل المبلغ بعد يوم ونصف فقط من الارسال وارسل البنك لي الورقة يلي بدي قدمها على السفارة وهيك صارت اوراقي كاملة
دعواتكمن بالتقديم للفيزا
واذا عندكم اي نصائح من اجل التقديم يا ريت تفيدوني

الله يوفقك أخوي

لا عبالك ولا شي والله أنا وترت أعصابي عالفاضي

وما اخد مني التقديم إلا ربع ساعة حتى إني استغربت وقلتلو للموظف : خلص بس هيك؟؟

بالنسبة للنصايح أهم شي تعا بكير الموظفين بيباشرو عملن عالــ ٨ ونص انت تعا قبلها بشي ربع ساعة

بعدين جمع أوراقك بملف واحد وصلي الفجر جماعة واتوكل عربك