تقرير متطلبات سفارة ألمانيا بالرياض (آخر تحديث لها 8\2013)

عذرا لعدم تنظيم الموضوع فهذة اول مقالة لي وما املك خبرة بالمنتديات

الله يعطيك العافية ، ما قصرت يا الغالي .. والله يكون بعون الجميع

يعطيك العافية اخي على مجهودك بس بالنسبة للقبول الجامعي اول مرة اعرف ان المعهد يقوم بجلبه , ما أسم المعهد الذى تراسله ؟

الله يعافيكم

المعهد اسمه شيلر وممتاز جدا يأمن اشياء كثيرة لك
تكلفتة 6000 يورو تقريبا اقل لمدة 9 شهور

هل مطلوب كشف حساب بنكي ؟ و motivation letter ?

صحيح اخوي انا اعتذر للجميع على الخطأ اللي وقعت فيه
مطلوب motivation letter و cv طبعا انا بدايتا ما كنت عارف كيف وحتى ال cv يعني انا طالب ما زلت وما عندي خبرات وشهادات فما كنت عارف ايش اكتب فيه بس بداية انا كنت اشوف نماذج من جوجل وكنت بنقل واحد بس بعدين اكتشفت انه اسهل وافضل واصدق تكتب من راسك يعني شوف الفكرة بس من نماذج بالمنتديات وبعدين انت اكتب من عندك وبالنسبة للسي في يمديك تكتب فيه هواياتك اسمك تاريخ ميلادك تاريخ تخرجك والمدرسة ومكان الولادة والجنسية والحالة الاجتماعية والخ
بالنسبة لكشف الحساب البنكي لاخر ثلاث شهور والخ هذا غير مطلوب ابدا وما قرأت عنه بموقع السفارة ولا طلبوه مني بالسفارة اجيبه ولا شي مجرد كما ذكرت فوق كشف للراتب اللي يستلمه الوالد ويصدق من مكتب العمل او الغرفة التجارية صراحة ناسي بس بالغالب مكتب العمل

ايش هادا يالله السفاره كل يوم ليهم طلبات جديده بالنسبه للشهادة نصدقها من ادارة التصديقات بادارة التربية والتعليم حسب ماقرات بالمواضيع وشهادة الميلاد بتنختم من الشؤون الصحية بس عارف ايش لمشكله انو بيطلبو من كل شخص طلبات اخرى عن التاني ع مزاجهم يعني طيب بالنبه للقبول اللي اجاك من الجامعه من أي جامعه ؟ واذا الجامعه راح توفرلنا قبول مشترط هل يشترط قبول من معهد لغه كمان ولا خلاص نكتفي بالقبول المشترط للجامعه لانو تلقائي راح ادرس لغه عندهم وبالنسبه للمعهد اللي قلت عليه سعره جدا غالي يعني انا حجمد بالبنك ل8000 يعني تقريبا 40 الف والمعهد 6000 يعني 30 الف ويبغالي مصاريف واشياء يعني حتقفل معي 70 الف او اكتر من قبل مااسافر اهلي حيتجننو وفوق هادا ماعليه توصيات بالعكس البعض قالو انو مو هالقد يعين في معاهد ارخص منو والكل بيمدح فيها والله انا كان نفسي انو يكون معهد كويس وسعرو حلو حتى لو ازودهم عشان يوفرولي قبول الجامعه مو مشكله بس هالمبلغ جدا مرتفع طيب انا عندي سؤال بخصوص السفاره هوا لازم انا اروح بنفسي ولا اقدر اوكل بابا مثلا يروح عني لانو انا بجده ولازم اروح الرياض وشحططه خاصه انو سمعت من بعضهم راحو اكتر من 5 مرات وبالنسبه للحساب البنكي المجمد لما اختم عالاوراق بالسفاره هل لازم اروح السفاره ولا اقدر عن طريق القنصليه بجده؟ ياريت لو اقدر من جده عشان يتسهل ليا الموضوع اخر سؤال بالنسبه لل motivation letter هيا اكتر شي شايله همو طيب انا لازم اكتب عن ليش اخترت هالجامعه وهالتخصص ونا حيكون مجرد جامعه وتخصص مالي رغبه فيهم بس عشان القبول يعين ايش اكتب ياريت لو تكتبلنا الكلام اللي كتبتو يكون كنموذج لنا او نستلهم منو افكار اما السي في امرو هين بتمنى ترد على تساؤولاي

شهادة الميلاد ما يطلبوها انا كنت باترجمها واخذها بس بطلت لانه صعب شوي لازم تختيم وترجمة والخ
القبولات المشروطة اللي ياخذها الناس اغلبها تكون من جامعة كلاوستال لانها اسهل واسرع شي والقبول المشروط ياخذ وقت ممكن شهر الى شهرين !!
القبول الجامعي ما له علاقة بالمعهد او بالدراسة بعدين , هذا قبول مشروط يعني بس عشان يشوفوا الشهادات الدراسية الدرجات فيها تسمح للشخص بانه يدرس بالمانيا جامعة او لا , عشان الواحد نسبتة قليلة ما تخولة للدراسة بالمانيا ما يتعب نفسه ويروح يتعلم لغه وبالاخير ما ينقبل
لازم قبول معهد واوراق دعوة من المعهد والخ وقبول جامعي "مشروط"
بالنسبة للمعهد , في معهد ثاني ارخص بشي قليل حتى ما اعتقد انه ارخص بس اللهم ان الشخص يقدر يدفع فيه على اشهر يعني الشهرين ب 590 يورو تقريبا steinke institut , بس لمن الواحد يحسبها تكون بالنهاية بعد 9 شهور 5000 يورو , غير كذا المعهد هذا (الاول) الدفع يكون كامل افضل يعني بحيث انه الواحد يرتاح خلاص , ومعهد جيد جدا ايش سبب انه الناس ما ينصحوا فيه ؟ واذا في اي معهد افضل اتمنى افادة الناس فيه لاني شخصيا تعبت وانا ادور بس هذا المعهد يأمن سكن ويأمن قبول ويأمن اشياء كثيرة .
بالنسبة لانه في مصاريف ثانية ؟ !! ايش هي ؟ ال 8000 يورو اللي بتجمديها بالبنك هي اللي بتكون للمصاريف لمدة سنه وبتزيد ان شاء الله , وبالنسبة ل 30 الف ريال للمعهد هي كلها هالسنه بعدين خلاص الدراسة ببلاش يعني كيف لو ان الواحد بيروح غير المانيا ؟ كان كانت هذي ال 30 الف ولا شي

بالنسبة للسفارة يجب ان الواحد يحط بالحسبان انه لازممم يروحها مرتين , مرة لمن يوقع اوراق البنك لازم التوقيع يكون امام مسؤولين السفارة , والمرة الثانية بالتقديم لازم اللي بيقدم يكون موجود
طبعا العذاب يكون بانه البنك يحتاج اسبوعين تقريبا او اقل ممكن بكم يوم من لمن نرسلهم الاوراق (بعد التوقيع) الى ان يردوا ,, فيعني النظام بيكون انه الواحد يروح الرياض اليوم مثلا يوقع الاوراق ويرسلها للبنك وطبعا حجزه يكون بعد ثلاث اسابيع احتياط بالسفارة وبعد التوقيع يرجع الى وقت المقابلة او يجلس بالرياض انا شخصيا تعذبت بهالموضوع لاني بتبوك
بس بما انك بجدة في قنصلية روحي لهم اول واستفسري ما اذا كان ينفع التوقيع عندهم بالقنصلية او كيف وحالما تجربي تروحيهم اتمنى تفيدينا لانه في ناس سألوني كثير

الموتيفيشن ليتر : رسالة تبيني فيها ليش :
1- بتدرسي بالمانيا
2- ايش التخصص اللي ناويه تدرسيه بعد اللغه
3- ليش بتدرسي هذا التخصص
4- ليش ما تدرسي ببلدك سواء السعودية او اللي الشخص يحمل جنسيتها اذا ما كان سعودي
5- ايش تعرفي عن المانيا يعني هنا يكفي القول ان المانيا شعبها متحضر ومعروف بالعلم وسمعتهم طيبه

طبعا من غير ترتيب ذكرت اهم النقاط برسالة الحافز ^
انا انصح ان كل شخص يكتبها لحاله من راسة افضل لانه بتمثلك هذي الورقة طبعا حولي خليها بورقة وحدة ما تزيد
انا اخذت الفكرة بسسسس من قوقل كتبت موتيفيشن لتر بالانجليزي وشفت كم نموذج

.................................................. ........
بالنهاية بس قبل لا الواحد يبدأ , سمي بالله واول شي نختم الشهادة من الخارجية ومن السفارة (ينفع تخلي احد يوققعها لك وينفع تروحي انتي توقعي ورق البنك مرة وحدة) بعدين راسلي معهد عشان القبول الجامعي او راسلي الجامعات نفسها بالذات جامعة كلاوستال من موقعهم كل شي موجود وايميلاتهم طبعا لازم نرسلهم الشهادة مختمه من الخارجية والسفارة وطلبات ثانية بيطلبوها عادية زي صورة جواز والخ
بعدين للرياض باول رحلة عشان نوقع اوراق البنك اذا ما وقعناها من اول , طبعا اوراق البنك تعبيها بالكمبيوتر النموذج متوفر بموقع البنك وفي شرح للطريقة بمواضيع بالمنتدى , ونرسل اوراق البنك بالفدكس يبيلها اربع ايام
بعدين نحجز بالسفارة 6 اسابيع مثلا مع اني انصح ان الواحد اذا ما بيخاطر عادي يحجز بعد شهرين واذا الواحد مو مستعجل ممكن ينتظر الى ان يأتي القبول بعدين يحجز اقرب موعد
وبعدين عاد بعد البنك والقبول نعبي الاوراق ونتصور ونكلم المعهد عشان يرسلوا الاوراق اللازمة والخخخ الاشياء الباقية اللي ما تاخذ وقت
بالنسبة لاصدار ورقة الراتب ما اعرف اذا تاخذ وقت صراحة انا حالتي تختلف
وبالنسبة لختمها من مكتب العمل ما اعرف اذا ياخذ وقت ايضا


اسف على التزايد بالكلام
السلام عليكم

بالنسبة للمعهد يوجد معاهد كثيره ارخص .. في معهد كلاوستال من افضل المعاهد في ألمانيا والكل يشكر فيه ب240 يورو بالشهر وتنتهي الB2 ب8 شهور وهذي نموذج عن دوراتهم
http://www.izc.tu-clausthal.de/filea..._Juli_2013.pdf

طبعاً اللي بيدرس سنه تحضيريه بحاجة لB1 او B2 فقط يعني 1700 يورو كامل دراسة اللغة .. وفي ايضاً ببرلين معاهد بنفس السعر وممتازة وبكل مدينة في معاهد رخيصه