أرجوا المساعدة .. ولكم خالص الدعاء

December 18th, 2013, 09:12 AM

السلام عليكم ورحمة الله وبركاته ..

صراحة أشكر كل من يقوم على هذا المنتدى اللي أعرف أنه أفاد شريحة كبيرة من الطلاب المبتعثين وأنا أحدهم وأسال الله أن يجعله في موازين حسنات الجميع ..

أنا طالب مقبل على الذهاب الا المانيا لدراسة الباكالريوس ( طبعا واللغة حقتهم الله يعين والسنة التحضيرية ) وأقترب موعد السفارة طبعا ودعواتكم لذا الفيزا أنها تطلع في اسرع وقت ممكن

المنطقة اللي بروح لها هي بون وبدرس في معهد Steinke-institut طبعا جاني من هناك قبول اللغة والسنة التحضيرية من نفس ذا المعهد .. ما عرفته عن بون أنها ممتلئة بالطلاب العرب والاجانب عامة وهي مدينة جيدة للدراسة وجامعتها ممتازة
عشان ما أطول عليكم الاشياء اللي حاب اسأل عليها هي :

أول شي وأكثر شي شاغل بالي هو السكن ما أدري كيف بحجز وبلقى السكن طبعا اتكلم على الجامعي اللي هو بطول فيه طول مدة الدراسة ما اتكلم على الفندق اللي بقعد فيه اول الايام طبعا اتكلم على طريقة التأجير وغيره من عنده العلم يفيدني والله انه بيفك ازمة كبيرة علي لأني حسب ما قرأت أكبر مشكلة هي السكن وانا بروح عليمي عندي انجليزي يسلك وضعي لكن ما أظن انه بيكون سلاح قوي .. ويا ليت تفيدونا بالسعر بعد .. الله لا هينكم جميعا

الشي الثاني ذا المعهد اللي هو Steinke-institut اللي يقول لي انه معهد تسليك مررة والبعض يقول لي انه جيد وجتني معلومة انه شهادة اللغة مستوى B1 غير معترفة من ذا المعهد فا ياليت من عنده معلومات على ذا المعهد يفيدني ويعطيني عنه معلومات أي شي في باله عن ذا المعهد يقولي اياه .. لا تحقرن من المعلومات شيئا (المعلومات من كيسي بس عشان السياق)

الشي الثالث والاخير هو العمل .. أنا قرأت انه حسب النظام الجديد أصبح مسموح للطلاب الاجانب ( غير طلاب الاتحاد الاوروبي ) أنهم يعملون 180 يوم في السنة بعد ما كانت 90 يوم مقسمة بالساعات طبعا لكن في شخص اخبرني أن نظام الايام والساعات هذا رمزي يعني مجرد كلام لا أحد بيحاسبني أذا عملت حتى لو أكثر من كذا او معدل ساعات أكثر فهل هذا الكلام صحيح أم انه لازم اكون منتظم بهذا الشي لأننا محنا فاضين مشاكل هناك بسبة كم ساعة فرق وبالنسبة لطريقة ايجاد العمل كيف تكون .. وفي اللي قال لي أنه لا أستطيع العمل إلا بعد دراسة اللغة فهل هذا صحيح ؟؟

أعذروني على أطالتي أحبتي ويعلم الله ما أطلت ألا من حيرة ومن رجاء من الله ثم منكم في الاجابة على تساؤلاتي ..
جعل الله كل حرف في هذا المنتدى في موازين حسناتكم جميعا .. والله يوفق كل مبتعث ومتعثر وكل شخص يريد أن يكمل دراسته ..
مع أطيب التمنيات للجميع بالصحة والعافية

• نشر عبر تويتر
• نشر عبر فيسبوك
• نشر عبر جوجل