الأعضاء الإشتراك و التسجيل

الملتقيات
ADs

تجربتي في الحصول على الفيزا والقبول الجامعي من جامعة كلاوستال مفيد للسوريين

تجربتي في الحصول على الفيزا والقبول الجامعي من جامعة كلاوستال مفيد للسوريين


NOTICE

تنبيه: هذا الموضوع قديم. تم طرحه قبل 2015 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية khaled shrayf
    khaled shrayf

    مبتعث جديد New Member

    khaled shrayf سوريا

    khaled shrayf , ذكر. مبتعث جديد New Member. من سوريا , مبتعث فى سوريا , تخصصى تقانات الهندسة البيئية , بجامعة جامعة حلب
    • جامعة حلب
    • تقانات الهندسة البيئية
    • ذكر
    • حلب, حلب
    • سوريا
    • Feb 2013
    المزيدl

    April 18th, 2014, 03:27 AM

    السلام عليكم أخواني ..
    حبيت أنقلكن تجربتي بالسفارة الألمانية بأنقرة .. الأوراق يلي قدمتها للسفارة :
    1- قبول جامعي ماستر مشروط مع قبول معهد لغة في جامعة كلاوستال
    2- حساب بنكي مغلق ب 7950 يورو.
    3- شهادة التخرج من الجامعة مترجمة للألماني ومصدقة من الخارجية.
    4- شهادة البكالوريا مترجمة للألماني ومصدقة من الخارجية .
    5- كشف العلامات مترجمة للألماني ومصدقة من الخارجية .
    6- صورة عن جواز سفر كان فيوا صلاحية أكتر من سنة
    7- Motivation letter بالألماني
    8- CV بالألماني
    9- استمارة التقديم للسفارة
    الحصول على قبول جامعي وقبول معهد :
    أنا ما معي لغة فلذلك كان الحل أني جيب قبول جامعي مع قبول معهد لغة من جامعة تعطي قبول مشروط وكان جامعة كلاوستال هي الأنسب والأسرع فهي تعطي قبول جامعي مع قبول معهد لغة بنفس الورقة.
    فتح حساب بنكي :
    بعد الحصول على القبول الجامعي بتراسل البنك وبتبعتلوا صورة عن القبول الجامعي وصورة عن جواز سفرك وبتكتب برسالة عنوانك واسمك ومواليدك واني بدك تفتح حساب بنكي مغلق مشان الدراسة وبالأخر بتوقع .
    طريقة حجز موعد في السفارة الالمانية في انقرة :
    بتروح عند اي فرع لبنك YAPI KREDI وبتدفع مبلغ 12 ليرة تركي لحساب مكتب idata بعدين يتصل مع المكتب و فورا رح يعطوك موعد
    الحجز عم طريق النت هاد الموقع iDATA
    حجزت موعد بالسفارة بس المشكلة كنت بسوريا أنا وما في ولا بنك ولا حتى الويسترن يونيون رضيوا يحولولي المصاري لحسابي بألمانيا فاضطريت أطلع قبل مقابلتي ب 10 أيام لتركيا وحاولت أحول المصاري من هنيك فصار مشكلة أني كل البنوك بتركيا طلبوا أني يكون عندي حساب بنكي بتركيا لحتى يحولولي المبلغ والويسترن يونيون طلبوا 350 يورو كلفة تحويل بس وحسيت حالي أني ما رح لحق يجيني كشف الحساب ئبل المقابلة .
    كان هناك معارف ئلي بتركيا رح يسافروا عألمانيا هنن معن اقامة فبعتت المبلغ معن وهنن حطولي اياه بحسابي بس طبعا كان راح علي موعد السفارة واضطريت أحجز موعد جديد بعد شهر ونص طبعا بهالفترة كنت حاطط دورات لغة بسوريا واستفدت منن كتير هلئ .
    بالموعد التاني طلعت عانقرة وكنت قدام السفارة ئبل بنص ساعة المهم فورا روح لعند البواب وعطين باسبورك وئلوا أنا عندي موعد اليوم بفوتك حتى لو كان موعدك بال 12 روح بكير بفوتوك . بكون عند نسختين مصورات صور عادية من الوراق يلي ذكرتن فوق ونسخة أصلية بترتبن وبتعزلن كل واحد لحال .
    ساويت المقابلة مع المدام سوسن وطبعا بس سألتني شو دارس وشو بدك تدرس وأخدت البصمات وئالتلي انتظر استريح وفوت وراقي عالقنصل بعد ساعتين بتصيح علي وبتقلي أني القنصل بدوا رسالة تحفيزية أنا ما كنت جايبها وبدوا cv تبعي مترجمة للألماني وأنا كنت مترجمها للأنكليزي فاضريت أطلع وترجمها برا وكتبت رسالة تحفيزية عالسريع في كان برا عالم بيعرفوا لغة ساعدوني بس ما لحقت كانت سكرت السفارة عال 1 وما خلاني البواب فوت بس المدام سوسن ئالتلي أني رح تحط اسمي عالباب تاني يوم مشان جبلها الوراق وتاني يوم جبت الوراق وعطيتها اياهن وانتظرت لحتى شافن القنصل ورجعت ئالتلي كلوا تمام ومنخبرك عالايميل الرد .
    كان في مشكلة بوقتها بكلاوستال مشان فتح الحسابات البنكية وتحقيقات فلذلك تأخرت حوالي 100 يوم وماوصلني شي ئمت جربت راسل السفارة عالايميل تبعن مكتوب بالورقة يلي بيعطوك ياه وقت بتقدم وبعد يومين أجاني رد أني الفيزا طلعتلي بس الغريبة شفت التاريخ أني الفيزا طالعتلي من ئبل بشهر بس هنن ما بعتولي الرد .
    طلعت بعدين أخدت الفيزا بس ئالتلي أني بدها تأمين صحي ل 3 شهور ورحت جبتلها التأمين من مكتب ال idata بكون جنب السفارة كلفني 33 يورو وانتظرت للساعة 4 لحتى عطوني الجواز مطبوع عليه الفيزا .
    حجزت طيران عبرلين من تركيا كلفتني البطاقة 230 دولار طبعا كان هانوفر أقربلي بس كان سعر البطاقة 550 دولار فلذلك أخترت برلين وطبعا كل ما حجزت أبكرا كل ما كان أرخص نزلت بمطار برلين وأخدت قطار عمحطة القطارات الرئيسية ببرلين وبعدين بتحجز قطار عكوسلار , بتنزل بكوسلار وجنب محطة القطارت بكوسلار بكون محطة الباصات بتستنى الباص 830 أو 831 هدول بروحوا عكلاوستال .
    الحمد لله أنا هلئ عبدرس لغة بكلاوستال بمعهد VHS طبعا هالمعهد موجود بكل ألمانيا بس بكون بكلاوستال من أفضل معاهد اللغة بألمانيا بضلوا وراك لتدرس وبيعطوك اللغة بالمعلقة .
    بالنهاية أسف عالتأخير في كتابة تجربتي وان شالله تكون مفيدة للأخرين .
  2. المشاركة الأصلية كتبت بواسطة محمد غريبي
    مبروووك الفيزااا و بالتوفيق يا اخي كم انتظرت مشان الفيزا ؟


    ( تمت المشاركة باستخدام تطبيق مبتعث )
    الله يبارك فيك يا رب
    والله يا أخي انتظرت حوالي الثلاث أشهر
    7 "
  3. المشاركة الأصلية كتبت بواسطة Mohammed alkendi
    مبروك اخوي والله يوفقك .
    ابي اسالك كم تكلفة المعهد بالشهر .؟
    في معهدين بكلاوستال واحد بدرس 4 ساعات وتكلفتوا 220 يورو بالكورس والتاني 5 ساعات وتكلفتوا 240 يورو بالكورس
    7 "
  4. مبروك أخي العزيز وإن شاء الله بالتوفيق
    بخصوص القبول من الجامعة ما هي الأوراق التي أرسلتها بالتحديد
    وهل أرسلتها بالإيميل إلى الجامعة أم بالبريد؟
    وكم انتظرت حتى حصلت على القبول؟

    مشكور سلفاً
    7 "
  5. المشاركة الأصلية كتبت بواسطة هشامو
    مبروك أخي العزيز وإن شاء الله بالتوفيق
    بخصوص القبول من الجامعة ما هي الأوراق التي أرسلتها بالتحديد
    وهل أرسلتها بالإيميل إلى الجامعة أم بالبريد؟
    وكم انتظرت حتى حصلت على القبول؟

    مشكور سلفاً
    الأوراق شهادة الثانوية والجامعة وكشف العلامات وجواز السفر .... صديقي بألمانيا هو يلي جبلي القبول وطول 3 أسابيع
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.