استفسار سؤال بخصوص استخراج فيزا الدراسة من القاهرة

November 16th, 2014, 06:48 PM

السلام و عليكم،

أنا حالياً طالب في السنة الثانية جامعة القاهرة، رحت انهارده عشان الـ Interview فقبل المقابلة، الي كانت بتسألني بتقولي "إنت إزاي هتروح ألمانيا و إنت مش عارف ألماني؟" و إني لازم أكون عارف ألماني و دارس فيه على الأقل 5 مستويات أو 6.
وأنا المفروض إني مقدم في جامعة كلاوستهال و جالي طلب القبول و اني اتقبلت في الكورس الالماني كمان. و بعدين و انا في نص المقابلة قالتلي إن نسبة قبولي ضئيلة جداً و إن أنا حابب اكمل ولا اسحب الطلب، و كان في واحد مسؤول في السفارة جه و شاف الورق في نص المقابلة و قالي إني ازاي اقدم من غير لغة خالص، و إلخ....
علماً بإن الكلية في ألمانيا حاطة برنامج كامل للكورس الالماني بكل التفاصيل. غير كل ده في الاخر رجعتلي الجواز و مخدوتهوش، فهل دي علامة إنها خلاص راحت عليا؟ ولا هم لسه عايزين يتأكدوا و بعدين هيطلبوا جواز السفر؟ مع العلم إنها طلبت مني ورق زيادة.

شكراً مقدماً

• نشر عبر تويتر
• نشر عبر فيسبوك
• نشر عبر جوجل