طالبتكم اخواني تساعدوني(المانيا)

وعليكم السلام
نتشرف بك
مرحبا بك
طيب أخوك مخلص الثانوي زي ما تقول
يبغى في اي فروع الهندسة
واي مدن ألمانيا
ولازم تعرف انه لابد من دراسة سنة تسبق الجامعة اسمها السنة التحظيرية أو التمهيدية
تكون تكماة للثانوية
يحسب له الثانوية 50% وهذي السنة 50% نسبة لدخوله الجامعة
ويدرس فيها
الفيزياء والكيمياء والرياضيات ومواد مساعدة في اللغة الامانية
طبعا السنة هذي بعد مرحلة اللغة اللي في المعهد

أخوك يبغى ينظم على حساب البعثة بعد كم من دراسته
اذا كان بعد اللغة بسرعة لكن قبل مرحلة اللغة او في نصها
لازم قبول التحظيرية حتى يتسنى له الانظمام
ولا تشيل هم العمر اذا كان كبير فهناك يدرس كل الاعمار من ابو 19 الى 80 سنة
والتخصص مطلوب في الوزارة
دن دن
اتمنى لك التوفيق انت واخوك

السلام عليكم
دخلت الموضوع لقيت ابو فردان سابقنا
اهلا بك وسهلا نيابة عن الاخوان في المنتدى
طبعا اخوك يبي يدرس
هناك نصائح ممكن ان اقدمها لك
1- قولك في اي منطقة ( انت تبي الاخوك الاحسن )
شف موقع الوزارة شف الجامعات المعترف فيها
2- شف قابلية اخوك للدراسة ( يعني هو اللي يحدد تخصصه )
لذلك حتى يبدع في التخصص
حنا نعاني من مشكلة ان الواحد منا ما عنده رغبات في التخصص
وانا اخوك شف رغبات اخوك
امكن يبي يدرس تخصص هو حابه
على فكره الانسان يدخل في تخصص ما يحبه ينصدم فيه بالمستقبل حتى لو نجح
والغربة تبيله من يصبر عليها وعلى الدراسة فيها
تقبل تحيات اخوك

مانزيد على كلام الشباب نفس كلامهم

خلوه يحدد المدينة والتخصص يصير خير واللي نقدر عليه مانقصر ان شاء الله


لاتنسونا من دعائكم

يسلمكم ربي بصراحه اجوبتكم عطتني الامل وكانت اجوبتكم ارقى منما كنت اتصور

بالبدايه احب اقول ان اخي عنده قدره على الدراسه وبصراحه هو يتمنى يدرس

هندسه الكترونيه وبعد مافي مانع انه يدرس في بون وفأي جامعه المهم يكون فيها

التخصص الي يبيه ولي سؤال ثاني نبي نجيب له قبول علشان يكمل اوراقه من المملكه

السنه التحضيريه والمعهد هذي الدوله بعد تتكفل بمصاريفهه ولا كيف

اتمنى تردون علي وتشرحولي الوضع لان بصراحه املي بالله ثم فيكم

سلام
دن دن
أبو ثاني الزير تخصص هندسة
هو يقدر يجاوبك في مسألة القبول
وأنا أقولك الدولة تتكفل بكل شئ من هنا اذا عندك قبولات وفيزا ....بخشة العين يضموكنه للبعثه من المملكة
اومن هناك اذا بديت الدراسة يبغى لك تخلص اللغة أول حتى يضموك
أما اذا عندك قبول التحظيري هذا كلام ثاني ولا أفتيك فيه
لكن إن شاء الله خير
شوف ابو ثاني ايش يقدر يسوي معاك
وأنا برضه في الخدمه
وأي سؤال اجاوبك عليه أنا والشباب

يعطيك الف عافيه اخوي

انا انتظر الاخ يجي ويفيدنا

هو للعلم للحين ماقدم على اي بعثه

بس ودي اعرف الاول ارسل اوراقه يجيني قبول من المانيا وبعدها يباشر

بالمملكه واللغه مجبور يدرسها بالمملكه ولا لا

شاكره لكم تعاونكم معي

عساكم على القوه

السلام عليكم
والله ونعم الراي ابو فردان
بما ان اخونا متخصص بالرد على اسئلة المهندسين ( جزاه الله خير )
يمكن يفيد الاخت واخوها

بس ودي اعرف الاول ارسل اوراقه يجيني قبول من المانيا وبعدها يباشر
بالمملكه واللغه مجبور يدرسها بالمملكه ولا لا

لا ياختي انت تجبين قبول من المعهد ( هناك يدرس اللغة الالمانية مو بالمملكة )
الشي الاخر يدرس هناك ويجيب قبول من الجامعة
وتنزله فيزا
على هذا الاساس ( عند الدراسة اللغة ممكن ان ينظم الى البعثه )
يعني قبل كل شي ( قبول من الجامعة + قبول من المعهد )

على راي ابو فردان ابو ثاني الزير هو يفيدكم اكثر الانه مااااااره عليه هالاشياء هذه

بس تعرفون (ابو ثاني الزير ) عنده ثار في ميونخ لكليب ويرجع الى برلين
الله يستر راحوا فيها ابناء هتلر
هههههههه ( مجرد مزحة خفيفة )
اسأل خبير ولا تسأل طبيب

تجيب قبول وضمان مالي
وتحجز طايره وسكن فندف ليومين مجرد حجز وتسوي فحص طبي
بعدها تطلع فيزا
ثم تسافر
بيباي يا سعودية
وهناك تنضم بإذن الله
دن دن

يعني هالحين انا بصراحه موعارفه اركز تحملوني شوي ربي يحفظكم


هالحين هو عنده شهاده الثانويه العامه وصور من الجواز وضمان بنكي

هالاشياء نرسلها لألمانيا يجيه قبول من الجامعه والمعهد وبعدها يحجز بفندق وياخذ تذكره الطائره وبعدها يسوي الفحص الطبي ويجي لالمانيا
ولا كيف


ادري اني ضايقتكم بأسئلتي بس ابي اعرف اول خطوه نخطيها بأيش والثانيه والثالثه وفي احد يساعدنا يقدم اوراقه في المانيا ولا لا

حرت وحيرتكم وتعبتكم معي تحملوني شوي لان ماعندنا خلفيه عن الموضوع

انتظر ردودكم