زمالة طب الأسنان في ألمانيا..(يارب توفق اللي يجاوبني)

السؤال الأول
في ألمانيا ما تستلم المريض ولا تقربه الا بعد Facharzt
فاخ آرتزت اللي هي زمالتهم

دن دن

Dendnation Agency

يعطيك العافية على ردك..

ومن وقت ماينقبل فالزمالة لين يخلصها..يشتغل على شنو؟

لا ويمكن يرجع وهو مالمس مريض..لأن لما يخلص الزمالة بيرجع السعودية

والله حاله

طيب مسموحله يتصور جنب المريض؟؟

والله انك فلة
أنا قصدت ما تمسكه ولا تقربه في العمليات
لكن ممكن تكون تحت اشراف وهذا الحاصل
السبب في ذلك حتى ما توير كارثة في آدمي

التطبيق والدراسة في نفس المستشفى ما تحتاج للجامعة
غالبا
في الغالب اذا ما عندك راتب وخلصت مستوى B1 وحصلت على رخصة العمل ورخصة مزاولة المهنة تبدأ تشتغل في المستشفى ويعطوك راتب اذا ما كنت على البعثة
وطبعا الزمالة مدتها على حسب التخصص من 1- 5 سنوات

دن دن

الله ييسر امرك
قدم على المرحلة الجاية اذا كانت الشروط منطبقة عليك وريح دماغك
ومن الحين الا ذاك الوقت اذا كنت في الرياض ادرس كورسات الماني يمديك تخلص B2 بالراحة
لأن التقديم في شهر 7 والروحه في شهر1 السنة الجديدة

اذا انت فاضي ادخل على المواقع السورية
لأن معظم الأطباء العرب هناك من سوريا
ولهم أكثر من جيل
ابحث عن ما تريد هناك تجد ما يسرك
روعة في السرد للمعلومات والتنظيم للمواضيع

طبعا ما يفرق انت سعودي وهم من بلد ثاني
النظام في ألماني ساري على الجميع
يعني المعلومات اللي بتحصلها بتخصك برضه


دن دن

اخوي Dendnation Agency

الله يبارك فيك..انت افدتني اكثر من المنتديات السورية..وضعت تساؤلي فأكثر من واحد ولاأحد قدر يفيدني عن طب الأسنان..

الصراحة أنا ناوي ارقي بعثتي على ألمانيا..لأني ع وشك ادخل امتياز..وبنفس الوقت ابي آخذ كورسات مبدئية
لكن كنت أبي اعرف كيف وضع التدريب هناك..

وتبقى مسألة الحصول على قبول..وش تنصح..

عن طريق الملحقية..
او عن طريق مكاتب..

لأن فيه ناس اشتكو ان الملحقية ماكانت جادة فالحصول على قبول لهم!!

والف شكر لك يا علي..من يصنع المعروف لا يعدم جوازيه

اذا كنت بترقي البعثة فخل القبول عن طريق الوزارة اصرف بدل دوشة الراس

أو يمديك تجيب B1 اللي هو مستوى 3
وانا بأدلك على المستشفيات اللي فيها التخصص والاشخاص اللي راح يساعدوك
بإذن الله
قدامك سنة الامتياز تكون خلصت المستوى المطلوب وتقدم على طلب الدراسة والعمل يجيك قبول اللغة مع قبول الدراسة المبدئي مع رخص العمل على حسب النظام
ثم تجيبها للوزارة وعلى طول يعطوك خطاب للسفارة والفيزا تقعد لها حوالي شهرين

أو تشوف طريقة التمديد حقتهم(الوزارة) وتمشي عليها

دن دن

السلام عليكم ورحمة الله اخوي

بالنسبه للزماله في المانيا في طب الاسنان تكون فقط في Ortho......oral surgery وتسمى Facharzt ويخلونك تعالج مرضى لكن بعد ما تتدرب فتره كم شهر عشان يشوفون مستواك يعني حط فبالك اربع الى ست شهور بعدها يسمحون لك تعالج مرضى طبعا تحت اشراف البروفيسور المسؤول عنك وفي نهاية الثلاث سنوات فيه لجنه تسوي اختبار لك طبعا اللجنه ما تكون من الجامعه اللي انت فيها .....

اما بالنسبه للتخصصات الاخرى مثل Prosth......Endo..... فيه شهادة اختصاص Specialization Certificate
مدة الدراسه 3 سنوات وفي اول الشهور تاخذ محاضرات مع الطلبه وتسوي فالمعمل اشياء مطلوبه منك في التركيبات وتحضر مع البروفيسور وتسأله ويشرح لك المهم انك خلال هالكم شهر الاولى يكون عندك اساس علمي وعملي قبل تدخل العياده.... بعدها تدخل العياده بس طبعا مو كل يوم لكن يحدد لك كم يوم فالاسبوع ويعتمد على حسب اللي معاك فالبرنامج.....بعدها تبدا تعالج المرضى تحت اشراف الدكتور وتسوي توثيق لكل مريض وتصور كل خطوه تسويها وانت وشطارتك اذا شافوك شغلك تمام يفتحون لك المجال في حالات اصعب لكن فالبدايه حالات سهله....

شروط الحصول على شهادة الاختصاص:
1- انك تخلص 8 حالات (complete case)
2-تسوي بريزنتيشن لحالتين منهم
3- تسوي 2 publication وحده منهم تكون انت First auther

وبالتوفيق