ارجو المساعدة في اختيار المدينة والمعهد !!!

اخي الكريم مثل ما جاوبت في الموضوع المشابه
لا تشيل هم الشيء هذا ابد
توكل على الله واختر اي شي منهم لان اغلب مدن بريطانيا متشابهه
وبالتوفيق

تحياتي أخوي

بالنسبة لي
بأدرس (بإذن الله) الماستر في برستول
لكن اللغة اخترت كامبردج في معهد يوروسنتر لأنها مدينة تعليمية وحلوه
فيها أماكن للتسلية لكن ماهي مثل بعض المدن اللي فيها مغريات تخليك تخلي الدراسة وتقعد تطامر من مكان لمكان

نيوكاسل شوي أبرد لأنها في الشمال
أكسفورد أخت كامبردج

ومثل ما قال نفرسأودي كل المدن متشابهة إلى حد ما

طبعا هذي تبقى وجهة نظر

دامك بعيد عن الجنوب امورك في السليم

وعليك بالاستخاره

والله يسهل دربك


دمت

الاخوة الأكارم


المدن البريطانية تفرق عن بعض خصوصا القريبة من لندن او المدن الجنوبية وانا اقصد الاسعار


انا أحبذ الدراسة في كامبردج لأنها أقل سعوديين من نيوكاسل وكذلك لسان اهلها افصح من لسان شمال بريطانيا


السؤال اللي يطرح نفسه أي المعهدين أختار؟

1- كابلن أسبكت

2- يورو سنتر

وهل كلا المعهدين عندهم كورس البريسشنال pre-sessional ؟
اخوكم دكتوراة

يعطيكم الف عافية

مرحبا فيك اخوي ويشرفني أجاوبك على أستفسارك.
ولكن من أسلوبك الراقي حسيت إنك زميل والله اعلم.(جهة ابتعاثك من جامعة حكوميه)
أنا درست في مدينة كامبردج وفي معهد يوروسنتر بالذات بالنسبه للدراسه في مدينىة كامبردج ماتنفع أكثر من 3 شهور .بمعنى آخر الدراسه هناك مفيده للمبتدئين في اللغه لمده لاتزيد عن 3 أو 4 أشهر بالكثير .
أخوي أنا درست في كامبردج لمدة 6 شهور وندمت لأنها تركز على دراسة الجنرال .
بالنسبه لمعهد اليوروسنتر كويس نوعا ما ولكن في الصيف ما أنصح فيه هو وجميع المعاهد هناك لانهم ما يركزون على الطالب وعلى الدراسه ،تخيل كل أسبوع يبدأ كورس وطلبه جدد والمدرسن أي كلام والدراسه كلها باستخدام الاوراق بدون كتب
بالنسبه للسعوديين في كامبردج مررررررره كثير وصراحه كل المدن البريطانيه كذا.
الشئ الثاني كامبردج غاليه جدا خصوصا إذا معاك عائله .
وهالشئ ينطبق عتلى مدينة أكسفورد لأنها مدينتان مشهورتان في التعليم أصبحت مكتظه بالطلاب في فترة الصيف خصوصا .
إذا عندك قبول من معهد جامعه أنا أفضل تدرس فيه لأنه عندهم نظام تمشي عليه وكمان الدراسه بتكون أقوى
على العموم اخوي ياليت أفهم جامعتك بأي مدينه ؟علشان أحدد لك الأفضل بإذن الله
ممكن تدرس في مدينه حلوه ورخيصه فترة اللغه وبعدها تنقل لجامعتك .
أتمنى إني أفدتك وأنا حاضر بأي شئ اخوي
اهم شئ لاتنسانا من دعواتك .

verycute

حياك الله.. وهذا من طيبك >>اخوك من برنامج خادم الحرمين يعني الله يرزقني الوظيفة حتى اصير زميل عمل ( :

الحقيقة انا مخطط للدراسة في (درم) ولكن المشكلة انها لاتصلح في البداية لأن ادرس فيها اللغة ونيوكاسل جيدة وقريبة منها لكن معهد الجامعة ألغت الملحقية اعتماده لتكتله بالسعوديين..

كامبردج ميزتها فصاحة اللسان اكثر من نيوكاسل وأتوقع الجنرال انقليش هو المطلوب الآن اما الدراسة الاكاديمية فيمكنني آخذ كورس pre-sessional وتنتهي المشكلة..

والصيف جاي على جميع المدن البريطانية ..!! يعني الوضع متأزم على الكل لكن على الأقل نكون بعيدين عن برايتون وذيك المناطق

السؤال مالأفضل:

كابلن اسبكت

يورو سنتر

وايهما افضل في الـ pre-sessional


خالص دعواتي لكم بالتوفيق والسداد

في تقرير للاخت شماليه

ممكن يفيدك اخوي في الاختيار

موضوع عن المدن البريطاينا

فهي مفصله كل ماتحتاجه

اثابها الله خيرا

اخي الكريم انا قلتلك انها بتكثر الاراء وبتزيد حيرتك
والسبب ان الوضع ما يفرق
اما سالفة فصاحة اللسان هذي فوالله انها عذر ما ادري وش يبي
لان ماله على الواقع اي تأثير
ما اقدر اوصف لك مدى عدم اهميته
ثاني مره اكرر الفروق بسيطه جدا
والمعهدين اللي ذكرتهم بتمتلي سعوديين وبريطانيا كلها بتمتلي سعوديين
وكل المعهدين ما تفرق
ولو تلاحظ اللي ردوا عليك بعضهم ينصحون وهم باقي في السعوديه
وانت ما شاء الله انسان دقيق جدا
وانا اقولك وانا فاااااااااااااهمك زين توكل على الله وروح اي مكان ما تفرق وسالفة غالي ورخيص ترى الفرق بسيط جدا وتعتمد على الشخص الاشاعات كثيره والواقع غير الاشاعات تماااااااااااااااما
لا تتوه نفسك اكثر وتوكل على الله
بالتوفيق

الله يعطيكم العافية ومشكورين على آرائكم اللي استفدت منها ولا شك