ههههه نفس الحالة كنت اتمنى كاردف ولا بريستول ولا مدينة كبيرة وسبحان الله صار نصيبي في اكسفورد
والحين صرت اعرف فيها كل شي وانا توني ما رحتلها باروح الجمعة ان شاءالله بس الخيرة في ما اختاره
الله بالنسبة لاكسفورد اغلب اللي فيها يمدحونها من ناحية الامان ومدينة لها سحر خاص ما ادري وش السبب
بس حتى الاجانب يعشقونها واحد من بلغاريا كان في مقطع في اليوتيوب عن اكسفورد يقول ما زلت الى الحين
اتخيل اني امشي في طرقاتها واحلم فيها كل يوم عموما من ناحية البنات فيه بنات سعوديات فيه اختنا حلم امي
وابوي لها موضوع هنا في المنتدى تجمع للي في اكسفورد عموما انا رايح ان شاءالله والله يسهل الامور وممكن
افيدك فيها اكثر عموما المدينة فيها ميزة انها قريبة من لندن ساعة بالقطار وكل ثلث ساعة فيه رحلة بس يعيبها
زي ما قالوا الغلاء وميزة ثانية انها مليانة معاهد وفيها اقوى او ثاني اقوى جامعة في العالم وفيها جامعة اكسفورد
بروكس ومدينة طلابية بشكل عام فيها خليط من كل الجنسيات ماهو مثل المدن الثانية يمكن ما يكون فيها الا انجليز
ويا خوفي يكونون انجليز ومتعصبين بعد وزي ما قلت قبل ميزتها ان المدينة آمنة وفيها سعوديين اذا كان السعوديين
بالنسبة لك ميزة ففي منتدى الطلاب السعوديين في بريطانيا مخصص قسم لاكسفورد وحاليا فيه مدرسة سعودية
افتتحوها تقريبا قبل شهرين اذا كان ممكن انقل لك صور من المدينة يمكن تتشجعين وتختارين اكسفورد
فيه ميزة مهمه جدا ويعرفونها خبراء بريطانيا دراسة اللغة في ويلز( كاردف او سوانزي او نيوبورت
مشكلتهم ان عندهم لغة ثانية وهي الويلزية حتى ان اللوحات في الشوارع تكتب باللغتين لذلك
لا ينصحون بدارسة اللغة فيها بعكس اكسفورد اللي تعتبر يمكن معقل الانجليزي <--- هاذي المعلومة من راسي بس اتوقع صح
عموما افضل مدينتين لدراسة اللغة كما هو معروف اكسفورد وكامبريدج بس اكسفورد احلى
من كامبريدج يقولون كئيبة ولان كثير من اللي زاروا اكسفورد وكانوا بكامبريدج نقلوا لاكسفورد
وليس العكس عموما يمكن تكون فرصة لك لتعلم اللغة وخيرة اما من ناحية الخدمات فكل الخدمات
موجوده فيها ولندن قريبة وجنبها مدن كثيرة
ميزتها انها في الوسط بين لندن وبريستول وكاردف وجنبها مدن حلوة مثل سويندون وقرية بستر فليج
باحاول اجيب روابط المواضيع اللي تتعلق باكسفورد وصور لو لقيت على طريقي وان شاءالله اكون
افدتك لو بمعلومات بسيطة
كاديلاك April 22nd, 2009, 06:05 AM
LinkBack URL
About LinkBacks
April 22nd, 2009, 02:35 AM
المهم ياااهل اكسفورد انا مبتعثه وكان اخر مكان افكر فيه اكسفورد بس الى صار انى طلعت الفيزه فى النظام الجديد ولازم اروح على القبول الى قدمت فيه الفيزه وهو اكسفورد وانا ماكنت ناويه اروحه بس ربى اراد كذا
والحين مافى وقت على سفرتى وبتكون بعد 20 يوم تقريبا طيب انا ماعرف شئ عن اكسفورد ولا اعرف فنادق ولا سكن وانا فى معهد الامبسى وابغا اعرف اكسفورد فيها عماير تكون بسكيورتى يعنى بالبطاقه ويكون فيها عوائل وبنات سعوديات تكون يعنى امان لبنت ويكون قريبه من المعهد والافضل انها قدام المعهد لاااحد يبخل على بمعلومه لان من جد والله محتاجه لها وخلاص الوقت ضاق واتلخبطت الامور والحمد الله على كل حال