من مطار هيثرو الى بريستول

توصل بالسلامه أخوي

أن شاء الله تجد من يجاوبك

يعطيك العافيه حبيبي فزاع

بانتظار الجواب الشافي

بإنتظاااااااركم تكفوووووون


..........

أخوي أنا في بريستول ,,, ولا تشيل هم ... وتحت أمرك في أي وقت ... وأبشرك الأوضاع كلها سهلة .. ماأبي أطول عليك بالكلام ..

* أول نصيحة أقدمها لك / لاتشييييييييل معك عفش وااجد ... وبالنسبة لبريستول ... أسعارها متوسطة جدااااااااااا

* أول ماتنزل في المطار .. تاخذ تاكسي أفضلك وتروح للملحقية .. تخلص أوراقك من هناك ... تخلص من الملحقية تقريبا الظهر ...

* خذ تاكسي ,, وقل أبي أروح لمحطة فكتوريا (Victoria Station ) ..من هناك فيه باص يروح كل نص ساعة لمدينة بريستول (Bristol ) .. طبعا أول ماتدخل المحطة تاخذي يسار .. تحصل بوابة مدينة بريستول ( رقم 6 ) إذا ماغيروها .. .أنت تروح لشباك التذاكر ... وخذ تذكرة ذهاب وعودة ( لأنك راح تحتاجها ) وبنفس الوقت توفر عليك السعر ....

.الوقت تقريبا من لندن إلى بريستول ساعتين ونصف .. والباص خيار منااسب ومريح ... ( حسب تجربتي ) .

* إذا لغتك ضعيفة ...حاول تحفظ بعض العبارات قبل تجي هنا .. ...

والامور كلها سهلة .... وإذا احتجت شيء راسلني بالخاص ونتشرف بخدمتك ... وحياك الله أخو وعزيز ..

صمت يعطيك الف عافيه

انا ما راح احتاج اني اذهب للسفارة في البداية لأني مضبط وضعي
كل اللي ابيه كيف اروح من المطار الى بريستول بالباص ؟ وهل اقدر احجز من الرياض عن طرق النت ؟

شاكر لك مرورك ونصائحك

دمت بألف خير

هلا فيك أخوي ....

عفوا, فكرتك بتروح المحليقة ... طيب الحين الوضع يختلف ..

في نفس المطار .. أول ماتطلع من الجوازات وتسلم عفشك ,, تحصل لوحات قدامك (underground ) (buses station ) .. الي هي الآندر قراوند ومحطة الباصات .تنزل نزول لها مع الدرج .. وبعدين بتحصل شاشات فيها مواعيد الرحلات المغادرة .... وراح تشوف مدينة بريستول ووقت المغادرة ..

وبالنسبة لشراء التذكرة عندك خيارين :


الأول تحجز وتشتري التذكرة عن طريق النت من موقعهم :

http://www.nationalexpress.com

في هذه الحالة عندك ميزة ووسلبية :

الميزة : أن السعر يكون أوفر لك .. وخصوصا لما تحجز ذهاب وعودة ..
السلبية : لو تأخرت عن الموعد التذكرة تروح عليك ( تلتغي ) ...

ولاتنس تسوي طباعة بعد ماتخلص الحجز ... يعني لازم تجيب لهم الورقة ...

* الخيار الثاني :

تشتري التذكرة من نفس المحطة ... ..

...

ملاحظة / قبل تجي هنا . حاول تشوف مخطط المطار من خلال برنامج قوقل , عشان تكون عندك خلفية عن بعض الأماكن الي تحتاجها مثل : أماكن استلام العفش .. والمحطات الرئيسية الأندرقراوند والباصات والتاكسي . ..

أتمنى أكون أفدتك ,,, وإذا بغيت أي استفسار أو شيء اسأل وإن شاءالله نقدر نفيدك

تمنياتي لك بالتوفيق