قمة الانهيار .......!!!

اختي مو لازم موافقه من جهه عمله في اكمال الدراسة اهم شئ الاجازة

هو مرافق ويحق له اكمال دراسته اذا حقق الشروط



والله يوفقكم

أنا زميلي طلع مرافق مع زوجته ووافقت جهة العمل مباشرة بعد خطاب وزارة التعليم العالي بتفرغة للمرافقة ولكن طلب منه شي واحد انه بعد مايرجع يسدد مستحقات التأمينات الاجتماعية للفترة التي جلس فيها خارج المملكة . فقط ووقع على التعهد وسافر .

الله يسهل أمرك

تسلمو اخواني على مروركم

المشكلة مو في جهة العمل هم وافقوا على اجازة استثنائية

زوجي معترض على عدم حساب سنين الخبرة والعلاوة السنوية

ويقول لو الناس سالوني غبت 4 سنين على ايش بس لانك مرافق لزوجتك

هذا اللي بيجنني وين التضحية ووين الحب وووين وقفة الزوج بجانب زوجته

فعلا مثل ماقلتي وين التضحيه والحب

لكن هو قاعد يضيع فرصة من عمره الفرصه قدامه حلوه

اجازة اسثنائية وبعثه وش يبي بعد
يقولهم رجعت بشهادة الماجستير وش فيها

يؤيؤيؤيؤيؤ سبحاااان الله وانا االي اقول ليتني اتزوج ويروح زوجي معي يعني حتى يوم يحصل الزوج لن تبى الا خيرة الرحمن الله يسهلها عليك انا ماعندي محرم وبعثتي موقفه لها سنتين الله المستعان

اختي الغاليه

انتي لا تستعجلي الامور .. للاسف مجتمعنا صعب ..

يعني كلام الناس اهم شي عندنا ..

حاولي تتركيه فترة اسبوعين او 3 اسابيع . اضغطي على نفسك ولاتكلميه..

وبعدين ارجعي كلميه بكل هدوء ..

لانه مو عذر اللي يقوله.. بالاخص انها فرصه رائعه والكل يتمناها ..

ثاني شي احب اقول لك .. كلنا البنات

سواء مع اهالينا او اللي متزوجات ..

مرينا بنفس المرحله

حتى بعض المتزوجين .. لقوا معاناة من زوجاتهم..

لكن انتي دامك اتخذتي القرار لازم توصليله .. بس

بكل هدوء . .. واتزان ..

هو لو مايحبك .. ولا يضحي عشانك ماكان استمرت حياتك .. لوا مشى معك من البدايه ..

بس للاسف الناس والمجتمع اللي حولينه .. مايحبوا الخير له ..

حاولي بكل هدوء .. تتوصلين لحل يرضي الطرفين

بالتوفيق اختي ..

بالتوفيق ان شاء الله

أستغرب منك أختي متزوجه وقاعده تناقشي أمورك الزوجية الخاصة بالمنتدى

أختي مثل هالخلافات الخاصة تنحل بين الزوجين وان تعذر الامر يتدخل الاقارب...لكن عاد مو في المنتديات!!!

الأغرب من موضوعك رد بعض الاخوان والأخوات عليك بدل مايهونون عليك صاروا يحرضونك بطريقة غير مباشرة

الله يهدي الجميع واتمنى إغلاق هالموضوع!!

أهلين بالزميله
نفس الحكاية صارت لصاحبي هومدرس وزوجته معيده المهم اخذ اجازه بدون راتب وهذا النظامهو المعمول فيه بالسعوديه المهم طبعا بدون راتب او ترقيه او علاوه المهم صاحبي انظم للبعثه والان بيقدم اوراقه على وزارة التربية والتعليم علشان يغيرون النظام ويصير مبتعث وتمشي خدمته وعلاوته.
اتوقع افضل طريقه ياخذ زوجك اجازه بدون راتب ويكون مرافق معاك وبعدين يدرس هنا لغه ويجيب قبول ماستر وان شاء الله يضمونه للبعثه وبعدها يقدم على الوزاره واذا رفضت الوزاره يكون اقل شئ زوجك يدرس لغه وبعدها ماستر ويرجع السعوديه بالماستر ويتعدى زملائه في العمل
الله يسر امورك
تحياتي