بكالوريوس شريعة .. التكميل في القانون .. كيف الطريقة ؟؟

واصل طموحك ولا تقف
الشريعة والقانون قريبة من بعض
وانت الحمد لله عندك خلفيه شرعية ومع الايام تكتسب الخلفية القانونية
راسل المكاتب للحصول على قبول بريطانيا افضل
الرزق بيد الله وان شاء الله تحصل على ظيفة جيدة بعد الماستر

اخوي لاتخاف القانون اقرب شيء لك وفي جامعات كثيرة وقي طالب معي بنفس المعهد نفس حركتك هو متخرج شريعة وبيدرس قانون بجامعة بانجور وبالنسبة بالقبول لو تراسل الجامعة انت بنفسك يمكن افضل واسرع

وعليكم السلام ورحمة الله وبركاته .. حياك الله اخوي .. على البركة التخرج والله يجعلها فاتحة خير وبركة لك ويوفقك لكل ما يحب ويرضى .. معدلك ما شاء الله يعتبر كويس مقارنة بالمطلوب لدراسة الماجستير في اغلب الجامعات في المملكة المتحدة .. انت وثيقتك بالانجليزي راح يكون مكتوب فيها انك خريج قانون اسلامي .. فيعتبر التماجستير في القانون اللي راح تدرسه في بريطانيا ان شاء الله امتداد لتخصصك في البكالوريوس .. يبقى لك بس انك تحدد في اي مجال في القانون تحديدا ترغب انك تكمل الماجستير .. اللغة الانجليزية ان شاء الله ما راح تكون عائق بإذن الله لو شديت حيلك وركزت في فترة دراسة اللغة وزي ما جبت البكالوريوس ما شاء الله تقدر تجيب الدرجة المطلوبة في اللغة باذن الله .. بالاضافة الى نقطة مهمة وهي ان اللي راحوا ولغتهم صفر ورجعوا بماجستير ما يتميزون عنك بشي .. ما احد ولد متعلم ..

اما عن الوظائف المتاحة لك في المملكة فهي كثيرة ولكن تحتاج لصبر وطولة بال .. فيه هيئة التحقيق والادعاء العام .. وفيه هيئة الرقابة والتحقيق .. وفيه مكتب العمل .. وفيه التدريس .. هذا بالنسبة للجهات الحكومية .. وبالنسبة للقطاع الخاص فتقدر تقدم على الادارات والاقسام القانونية في الشركات والبنوك .. وتقدر تتوظف كمدرس في احد المدارس الخاصة ( وهذا ما لا انصح به ) وتقدر تتوظف في مجال المحاماة وهو ما انصح به ان كنت تبحث عن وظيفة ..

اما اجمالا فانصحك اخي باكمال الماجستير في القانون واكتساب اللغة ..

الله يوفقنا واياك ..

الله لا يهينك على ردك الكريم ...

وفقك ربي ...
ما هي أقسام القانون وخاصة ما يتعلق ما تحتاجه بلادي ... حيث أنها مقبلة على أقتصاد عالمي ... متمثل بدخول منظمة التجارة العالمية...