معيده وطالعه بعثه بليييييييييييييييييييز ادخلي

يعني 8 معيدات دخلوا ولا وحده ردت ولو بدعوه شدعوه
الموضوع قايله فيه معيدات فاللي دخلوا nO COMMENT

حياكـ يا أختي...

انا مبتعثه من قبل كلية اللغات و الترجمة..
في جامعتي يعقد مجلس الجامعة اسبوعيا.. فتقريبا جاءت الموافقه خلال 4 ايام من رفعي لأوراقي... أما قرار الابتعاث يجي بعدها بحوالي شهر... لكن هي امور شكليه لأن موافقة مجلس الجامعه هي الاساس و الباقي مجرد اكمال للاوارق...
انا سفرتي ان شاء الله في أواخر سبتمبر... يعني باقي ما عندي أي تجربه عن المطار... لكن من واقع تجارب سبقني من صديقاتي ان الامور جدا متيسره في المطار... و التعقيد و الصعوبات هي في الاجراءات هنا...

و أهنئك على قبولك بمانشتسر.. مدينة جدا مريحه و وجود المسلمين فيها كبير.. و فيه كثير أخوة و أخوات بالمنتدى كتبوا تقارير مفصله عن هذه المدينة...

اما بالنسبه لموضوع الخادمة..تشترط السفارة البريطانية ان تقيم الخادمة في السعودية مدة لا تقل عن سنة
بعض الاخوان لم يستطيعوا الحصول على فيزا حتى بعد مرور 11 شهر...

و هذه اجراءات احضار الخادمة..
الخادمة يجب ان تكون باسمك او تنقل كفالتها من احد اقربائك
قبل الذهاب الى السفارة عليك الاتي..
_الحصول على خروج وعودة من الجوازات لمدة سنة للخادمة_الخروج والعودة غالبا ما يكون اقصاه 6 اشهر,, ولكن لانك مبتعثه يمكنك عمل خروج وعودة لمدة سنة
_صور شمسية
_التأكد من صلاحية جواز سفر الخادمة
_التأكد من اكمال مدة 12 شهر في السعودية
_الا تكون قد منعت من دخول بريطانيا من قبل
_نقل الكفالة اذا احتاج لامر
_ورقة حجز توضح تاريخ السفر والعودة

احيانا لا يكتب على فيزا الخادمة الحاجة للتسجيل في الشرطة عند الوصول... و انتي تأكدي من هذا الشي بنفسك..

يجب عليك تسجيل الخادمة في اقرب مركز صحي وذلك في حالة الحاجة للعلاج...

اتمنى لكـ التوفيـــــق...

هلاا ياقمر
أنا مبتعثة من كلية الصيددلة
ماحبيت أرد بس قلت عيب ما أرد
أنا حالتى كانت استثنائية فيمكن ماتستفيدي منى
أموري كلها من لحظة حصولي على القبول الى تاريخ سفري خلصت خلال شهرين لأن عميدنا جزاه الله خير كان هوا اللي ماشي ورا الموضوع وخلص ورقنا كلو أذكر خلال اسبوع بس طول شوي في قرار الابتعاث بس برضو خلصلنا هوا قبل الثانيين ،،،
على فكرة أنا استلمت الفيز يوم الاربعاء عملت اخلاء الطرف يوم السبت ووقعت قرار الابتعاث النهائي نهايه دوام يوم السبت برضو وسافرت الأحد على طول ,, أموري كلها صارت في اخر لحظة والحمد لله سهلها من عندو,, ترانى كنت رح ااجل سفرتى لو ما اتوقع القرار بس العميد قاللي لو ما اتوقع روحي واحنا نرسل له لك بالفاكس وامورك بتمشي عادي بس لا تاجلي شي.


وقالولي نوقف الراتب من تاريخ صدور القرار الى تاريخ مباشرتك في البلد المبتعث اليها يعنى الأفضل ماتطولي الفترة

اذا ع الرحله انا رحلتى 13 ساعه لأمريكا ورغم انى اخداها بيزنس كلاس >>>>>>> مررة فرحانه حضرتى
بس برضو 13 ساعه كثير ,,,,,,, راحت في النوم ,,,, وكل ما اتذكرت اهلي بالمطار بكيت ,,, فالنوم احسن

مطار امريكا مافيه بهدلة ولا شي ... كلو مرر ... ولا اتفتشنا لا احنا ولا اغراضانا

امور الخدامه ماعندي اي فرة ولا سيما بريطانيا وربي يسهلك امورك وتوصلي بالسلامه

أنا مبتعثة من قسم الفيزياء بس بصراحة أوراقي طولت لان السكرتارية عندنا مرة مفهين وما يعرفوا شغلهم وجلست عندهم ثلاث أسابيع ماعرضوها على مجلس القسم وبعدين رفعوها لمجلس الكلية ناقصة ماحطوا قبول اللغة وفي مجلس الكلية أسبوعين وبعد كذا مشيت المعاملة بس تعرج!!!! كل موظف يجلسها عنده أسبوع أقل شي وتعبت وأنا اراكض وراهم بصراحة مصخرة.......!! وللحين ماجت موافقة الوزير!!

انا مبتعثة من كليه اللغات والترجمه وانشالله ع جامعة اسكس
اما بالنسبه للاوراق انشالله ارفعها ع الاسبوع الجاااااااي واللله ييسسر
اما اجراءات المطاااار مررررررررررة سهله من تجربه كثييير من صديقاتي واوافق اختي ريمه في كل كلامها التعقييييد من هنا فقط لاغيير توكلي ع للله
وانا انشاللله جايه ع اوكتوبر

ريمه ربي يوفقك ويسعدك من جد كفيتي ووفيتي قولي امين ربي ينجحك وترجعين بريفسوره بعد
ريري الله يجزاك خير يا قلبي الله يوفقك
مبتعثه جديده الله يفرجها من عنده لي ولك يا رب ويسعدك دنيا واخره
نور المساء تسلمين يا عسل الله يجزاك خير
ايسكيس موفقه عيوني الله يسعدك يا رب

الراتب بيختلف من دولة لأخرى ,, بالنسبة ليا في أمريكا المكافأة 1900 $ بالتقريب
ومع المرافق اقل من 3000$ بالتقريب برضو ,,, اسفة ياقلبي بس مانى عارفه كم بالضبط

لا تنسي لنا نصف الراتب الرئيسى من الجامعه وياخذو منه كمان حق التقاعد

بالنسبة لقرار الابتعاث ,, اتوقع يخلص انشاء الله عندك وقت لين اكتوبر بس انتى لازم تتابعي الوضوع بنفسك وتزززنى عليهم ,,, انا ما اعرف كم بالضبط ياخد بس عندنا لو اتأخر ياخذ 3 شهور على ما اذكر ,,, اتوقع كمان يختلف من جامعة لأخرى ربي يسهلك امورك اميــــــــــــــــــن

تسلمي ياعسسل ربي يوفقنا ويسهل أمورنا كلنا يارب