كيف اعبي الفيزا <<< صريح

يالغالي انا معبيه بناءا على ترجمة الاخ وزير سابق (للمرافق) لكن الطالب عبيته عن طريق شخص سوداني مدري عني وعنه يكتب ويمشي وكل شوي وانا ناط في حلقه اقوله علمني وش تقصد في هذه وتلك
على كل حال انت اصلا من تروح للمكتب بتحصل السكيورتي يعرف اشخاص بس ماهوب ثقة ابدا ابدا ابدا ابدا شف احد معارفك

انا حصلت بنغالي تحت بس قالوا لي لا تعتمد عليه
لأنه موب ثقه كم مره وهق طلاب
بس كأني سمعت ان فيه مصري يعبيه بخمسين
بس مدري وين

إلى من يهمه الأمر ....
أنا عبيت الأبليكشن عند وكالة الصرح - تقاطع طريق الملك عبدالله مع التخصصي - في قسم التأشيرات عندهم واحد هندي بس فاهم إلى حد كبير - مشكلته الزحمة - روحوا له الصباح الساعة 11 ومابعدها.....
أنا ولله الحمد عبيتها عنده قبل أسبوعين - يعني على نظام النقاط الجديد - وفعلا عباها بشكل ممتاز واليوم -ولله الحمد والمنة - استلمت الفيزا ............ قولوا ما شاء الله

من باب العلم بالشيء هالهندي ما شاء الله متخصص في تعبئة التأشيرات الأوروبية ...... وقنوع يرضى بالمقسوم ..
باقي نسبتي ؟؟!!!
نسبتي تتكون من خالص دعواتكم لي بالتوفيق دنيا وأخرة......... وجزيتم خيرا

الله يوفقك وييسر امرك
ويعطيك على ما تريد

طيب الهندي هذا وش اسمه ؟؟

اسف نسيت اقولك
الف الف مبرووووووووووك على الفيززا

أخوي شكرا على مباركتك ...........ز
والهندي صراحة نسيت أسمه لكن مافيه في قسم التأشيرات عند وكالة الصرح في الفرع اللي قلت لك عليه إلا هو .. وتراه أسمر ودبيب يعني له كرشة ................. وصف دقيق

اول شي الف الف مبروك ع الفيزا وعقبال توصلنا في بريطانيا بالسلام
الله يجزا راعي الموضوع خير والرادين بعد
انا ابي عيالي يجون وحلو ان فيه حد يعبيلهم الابلكيشن يكون ثقه وخبرة عشان ما تنرد منهم

عندي بعد انا استفسار
هل ممكن الي يروح ياخذ موعد محدد عن طريق النت او التلفون ويروح على موعده خاصه الي عنده اسرة واطفال
ثاني شي انا في ب ريطانيا وعيالي بيطلعون فيزة زيارة عشان يجوني شهرين من عنده اي معلومات عن الطريقه يفيدني ارجوكم اخاف يقولون لازم حضوري او شي

والله اخوي ما عندي اي دراية بالموضوع لكن الحل الافضل
لو اهلك بالسعودية وبالتحديد بالرياض
هذا رقم تليفون مكتب السفارة
012886771
وخلهم يستفسرون منهم او انا افضل انك تستفسر انت بنفسك