الله يرحم والديكم تــرا انتهيـــــــــــــــت وماعندي احد يساعدني ؟؟!!!

الله يوفقك وينولك مرادك .. من كلامك واضح ان عزيمتك وهمتك عاليه .. الله يقويك ..

اول شي لازم تترجم شهاده الثانوية اذا ماكانت مترجمه تترجمها من وزارة التعليم هي والسيرة والسلوك
وبعدين تطلع لك جواز اذا ماعندك ..
واذا فتح البرنامج للابتعاث تسجل بياناتك .. وبعد فتره يطلعون الاسماء اللي انقبلت
على ماتطلع الاسماء انت حدد جامعه وراسلهم عشان يعطونك القبول وبعد مايطلع اسمك ان شاء الله تقدم
القبول للوزاره وهي تعطيك الضمان المالي وتبدأ بعدها رحلتك التعليمية

دعواتك لي بالتيسير في رحلة الماستر

بالتوفيق يالغالي

بس باعلمك ماوجي احطمك ترا والله بس بريطانيا توقفت تراا
توقفت دول كثيره

للمعلومية بدا تقديم الطب الابتعاث للدول العربية مصر - البحرين - الاردن دور على طلب الالتحاق .
لو انت حاب تنتظر الدول الاوروبية انتظر لين 10-8-1430

وعليكم السلام ورحمة الله وبركاته..

أنا باعطيك المختصر المفيد..

كل ماعليك هو أن تتابع موقع وزارة التعليم العالي بمعنى كل يوم تصفّح الموقع مع الصحف ..وبمجرد ماينزل اعلان الابتعاث اتبع مافيه بالدقة ..
واذا احترت في أمر تعال هنا وسنساعدك..

وكل ماعليك الآن هو : أن تدعي ربك بالتيسير ولو فيه جامعات سعودية قدّم عليها لانه ماتقدر تضمن الابتعاث ..
واشتغل بكل الجهات مو تفكر بالابتعاث وتنسى جامعات السعودية..


وبالتوفيق لك...

مشكورين وبيض الله وجيهكم ويعطيكم الف الف الف عافية

بس سؤال ابتعاث الملك عبدلله (( حفظه الله ورعاه ))

يتطلب انك انت تجيب القبول ولا منهم القبول وكل شي .؟؟؟

شالمطلوب مني غير ترجمة الشهادات .؟؟

ويعطيكم العافية

عشووقيـ

اخوي على حسب خبرتي في المرحله الرابعه

انسى بريطانيا او امريكا او كندا او حتى استراليا

الوزاره ماتبتعث طب الا الى ايرلندا بولندا هولندا المجر سلوفاكيا رومانيا
وايرلندا مافيها الا كم مقعد للطب
يعني ممكن تختار ايرلندا ويحولونك على دولة ثانيه مثل هولندا او بولندا

الوزاره نفسها ماتقدر تجيب قبول طب في بريطانيا
واكثر الطلاب الي طلعوا استراليا عشان يدرسون طب الحين راح يحولون الى بولندا

في بريطانيا تدرس مع مجموعه من الطلبه الاجانب وتتنافس على كم مقعد للطب
ولازم تدرس شهادة معينه في بريطانيا عشان تحصل قبول طب

فأنا كنت مثلك ابي ادرس في كندا او بريطانيا ولكن للاسف مقاعد الطب صعبه جدا
وغالبا لاتعطى الا لأبناء البلد (يعني البريطانين يعطون المقاعد الاكثر للبريطانين والكنديين مثلهم والامريكان كذلك)

فعشان كذا فكر في ايرلندا او بولندا او هولندا او المجر او سلوفاكيا او رومانيا
ولاتخاف الوزاره راح توفر لك القبول
انا طالب طب مبتعث عن طريق الوازره ولي معرفه كثيره بها الامور

وانا اتصلت على مكاتب كثيره وكلمتهم على مقاعد الطب وكلهم قالوا لي مافيه مقعد طب الا اذا تبي تتنافس مع الطلبة الاجانب
والله يوفقك

القيصر اولاً الله يشرح صدرك ويطول بعمرك

ثانياً ولله العظيم ماقصرت يالغالي بس معليش

اللي ماله كبير يشتريله كبير على مايقولون

انا مستقبلي الطب بأذن الله لكن محتار وين اروح

الحمدلله متعدي جميع نسب القبول بكل المراحل بخصوص الطب

لكن ما ادري اختار اي دولة بصراحة خياراتي الثلاثاء الاولى

بريطانيا ايرلندا امريكا ..!!! لكن على قولتك كلهن طارن

وين تنصحني اروح والرجاء اللي عنده المزيد من النصائح

فلينصحنا بهن وبيض الله وجيهكم ولله ماقصرتوا


اخوكم

عشووق