الأعضاء الإشتراك و التسجيل

الملتقيات
ADs

سوانزي المدينة الناعسة .............تقرير مع بعض المعلومات

سوانزي المدينة الناعسة .............تقرير مع بعض المعلومات


NOTICE

تنبيه: هذا الموضوع قديم. تم طرحه قبل 5360 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الدكتور/عادل العتيبي
    الدكتور/عادل العتيبي

    مبتعث رهيب Awesome Member

    الدكتور/عادل العتيبي المملكة المتحدة

    الدكتور/عادل العتيبي , ذكر. مبتعث رهيب Awesome Member. من السعودية , مبتعث فى المملكة المتحدة , تخصصى دكتوراه تسويق. , بجامعة The university of Hull
    • The university of Hull
    • دكتوراه تسويق.
    • ذكر
    • HULL, YORKSHIRE
    • السعودية
    • Dec 2007
    المزيدl

    July 26th, 2009, 05:12 PM

    رحلتي إلى سوانزي :



    في البداية لازم أقول لكم كيف أنا أصلا حصلت على قبول في سوانزي :


    كعادة حياتي ماشية بالبركة


    وبالصدف والأخطاء :


    سمعت إن الملحقية نزلوا قرار اللي ما جاب قبول خلال فترة اللغة تنتهي بعثتي مباشرة ...قلت أقعد بعدها فدقيت على واحد قلت جب لي قبول لو بالقطب المتجمد الهندي ...أهم شيء أسرع وقت


    قال أنا أقدر اجيب لك سريع في سوانزي قلت موافق...


    أنا الصدق أحسب سوانزي


    سويدن تقاربت علي الاسماء وسويدن قريبه من عندي


    من أكسفورد


    .وأنا ما أحب أبعد عن البيت وخصوصا عندي كثرة شنط مثلكم عارفين



    لما جاني القبول ناظرت المدينة لقيتها سوانزي مو سويدن ..وسوانزي في ويلز


    وويلز عندهم لغة غير ..قلت أقعد بها يا عادل ...وين ماطقيناها عويا على لهجة أخواننا الكويتين..


    عدل يا بدل قال ياخي أنت طلبت القبول وجبته لك..


    قمت أسأل عن سوانزي لقيت الكل يمدحها ويمدح الشعب الويلزي وكل من سألته مدحها ...قلت واللغة قالوا مو كل الشعب يتكلم الويلزية اصلا هي لغة ماتت من زمان والحين جالسين يحاولون يحييونها ...المهم


    بغيت احول واغير عدل بدل مال قلبي لها ...شديت حزامي ورحت



    حسبت المدة بينيا وبين اكسفورد لقيتها ثلاث ساعات ..كلمت مسؤؤلة السكن في الكلية قلت ابغى سكن؟..


    قالت متى تجي قلت بعد ثلاث ساعات أو اربع


    المهم ركبت الترين ومعاي الجدول لعدد التغييرات لانها كثيرة ...المهم كل تغييرة


    بمجرد أنزل لازم بسرعة أنطلق لأن الترين الآخر مباشرة يمشي


    للثاني ومعاي شطنة كبيرة ام بطن تمشي وتطيح


    وجالس العن الموضفين على هالحركة لأني أسألهم ما يقولون لي بسرعة انطلق يقولونها ببرود ..وانا اطير ...في النهاية


    لقيت ساعتي ملخبطة ومتقدمة


    هههههههههههه


    قلت نعيش وناكل غيرها ...


    جلست انتظر ومليت ..وانا ما أحب ااجلس فاضي ..بمجرد افضي في محل باص او ترين أروح اسأل الرسبشن متى رحلتي واي ستوب كذا عبط عشان امارس اللغة ....


    قلنا لكم الشطنة ما يشيلونها اثنين بس انا عندي لياقة في حمل الشنط فاقدر اشيلها ...نزلت الشطنة على الأرض


    و نزلت بسأل الرسبشن


    ما دريت إلا عجوز عمرها مئة تلحقني وتقول لو سمحت لا تخلي شطنتك


    قلت وهي على راسك ...قالت اخاف تنسرق ...


    قلت هذه أولها يالشعب الويلزي والله تفاءلت خير ..يخافون على الطلاب المبتعثين ما شاء الله عليهم...المهم


    غيرت مكان الشطنة وحطيتهاا في مكان ما تشوفها ...ورحت للرزبشن أسال..


    عطاني برنت صغير


    مكتوب فيه لندن وتحتها اسم ما اعرفه ...


    قال لندن وهالاسم تنزل وتاخذ القطار حقك ...قلت ا وكيه


    ركبت القطار ما فيه إلا أنا وخمسه جالسين يسولفون


    وصلنا نفس الاسم اللي مكتوب تحت لندن ...نزلوا الناس قلت هذه لندن؟


    جلسوا يضحكون كانهم يقولون وش هالسطل اللي ما يعرف لندن؟


    أنا أعرف لندن زين ماني بدبشة


    بس هذه قرية خالية ...المهم نزلت


    جلست أفكر رجعت أقرأ


    لقيت مكتوب بالبرنت خذ القطار اللي يروح إلى لندن وأنزل في القرية هذه ...قلت والله إني أدري إني مخطي والا الفرق بينها وبين لندن كبير >>>توك تدري...



    جلست قالوا القطار يبغى له ساعة حسب توقيتهم ..بس بتوقيتي باقي نصف ساعة..


    جلست جاني واحد تكلم معاي مدري تكلم علي....ما ادري وش يقول :


    قلت بس أقعد بها هذه اللغة الويلزية اللي يقولون ....المهم قلت سوري ...ومشي .....


    وش صار ..صار فرنسي يحسبني فرنسي ....وش القصة مدري والله لاعيوني خضر ولا زرق ...بس يمكن يكون شربان ...


    جاء القطار وركبت وركب الفرنسي معاي ...ومشينا فتحت اللاب توب وجلست ارتب الملفات ...فجأة اظلمت الدنيا وإحنا بوقت الظهر؟


    وش السالفة مستحيل يكون شجر ...لأننا دخلنا تحت شيء ومستحيل يكون كبري ..لأنه مرة طويل ...قلت بس


    هذا القطار اللي يروح لفرنسا دخل الحين من تحت الماء


    والدليل الفرنسي اللي جالس معاي ...يارب وش أسوي .....وين ما طقيتها عويا ...المهم الحمد لله طلع القطار صار نفق تحت شركة مدري مرزعة مدري تحت سوق خضرة ...


    وصلت المدينة ولقيت المدينة فوق الخيال


    مدينة على جبل بجوار البحر


    رحت الجامعة


    قبل كل شيء قلت أبغى سكن على الجبل


    قالت لي أنت سعودي ؟!


    قلت لا يكون شكلي فرنسي بعد أنتي الثانية


    قالت لا بس السعوديين مدلعين والسكن فوق الجبل متعب


    خصوصا بالطلعة والنزلة .


    قلت وش بقى ..


    قالت جد متعب عليك


    قلت أبغاه أو ما أبغى سكن


    عطوني بيت فوق الجبل ولا عاده الله من بيت


    العائلة كويسة ومحترمة جدا والبيت صار لي لحالي


    بس إذا جيت أطلع أحتاج أحد يسحبني وإذا جيت أنزل


    أحتاج أحد يمسكني


    وربي في الطلعة أفقد كل الطاقة والسعرات الحرارية


    وفي النزلة تخرب فحمات رجولي من الفرامل ..


    بس المدينة عجبتني كثير


    هي صحيح كأن أهل المدينة على قد حالهم


    بس أحسن من أنجلترا ضاع عمري فيها وحيد


    مشكلة هالمدينة كلها صينين وسعوديين


    قلت السعوديين دابلين تسبدي ولا يهينون


    خلنا نشبك صينيين


    شبكت صيني طلع فنان مشهور بالصين


    عجبني اخذه لأي سوق ما يطلع إلا ضاف السوق كله


    لدرجة أخذته لمحل عربي


    طلع مشتري أكثر مني


    مسكين فيه طبع حريم .>>يعلق


    على طاري الحريم


    شفت وحده سعودية اشترت امبرلا حقت مطر


    بسبعين باوند


    بغيت أموت


    المشكلة لونها نفس لون اللي معاي من محل أبو باوند


    بتسع وتسعين بنس .


    أموت وأعرف أيش نظرة البنات للفلوس.؟!


    شكلها مثل ما قال أبوي


    يتوقعون الفلوس تحشى من التراب


    مالنا ..


    الشاهد


    مدينة سوانزي مدينة فوق الخيال في الجمال


    والغريب عندما كنت أبحث عنها لآخذ بعض المعلومات


    لقيت إن المبتعثين (الله يهديهم )


    ما تغيرت نظرتهم وما تعودوا أحد يستفسر منهم


    ما تنفع ..كلها سعوديين الجامعة زبالة والمدرسين زفت


    تذكرت مدرس أنجليزي يقول : السعوديين فيهم أنانية


    قلت ليش ؟


    قال كل واحد ما يبغى سعوديين معاه في الكلاس!


    يبغى نطرد كل السعوديين ونرجعهم للسعودية


    وندرسه لوحده..


    هذا الواقع


    أو هو اللجوء لأعذار الحياة


    لما يفشل الواحد في تعلم اللغة يلقي بالعذر على كثرة السعوديين


    مو عذر هذا


    ابدأ ولا نقبل به


    شيء ثاني :


    أتمنى من جميع أخوانا المبتعثين


    بمجرد يقرون واحد يستفسر عن مدينة أو معهد


    إن الواحد يقول شيء منطقي


    أو يسكت يخلي الشخص يجي يحكم بنفسه


    والله العظيم أعرف واحد جلس بالسعودية ما طلع يدرس


    والسبب كلام المبتعثين


    كل ما سأل أحد عن دولة سبها


    وكل ما سأل أحد عن مدينة سبها


    لين تشآءم


    الغريب سأل عن بريطانيا


    قالوا المكافأة ما تكفي


    وحنا نشتغل عمال نظافة عشان نحصل فلوس الأقلام والبرايات حقت أقلام الرصاص


    أجل وشلون البنات يشترون أمبلات بتسعين باوند


    ودفتر تكتب فيه الكلمات بثلاثين باوند


    فيه تناقض كبير


    المكافأة تكفي ونصين


    الحيرة في اختيار الجامعة :


    هذا هاجس كل الشباب وخصوصا الذكور


    ما أخفيكم لي فترة طويلة جدا من جامعة لجامعة عجزت أحدد


    وكل ما سألت أحد عن جامعة سبها وطبيعة الواحد يخاف


    لما دخلت بقرأ عن سوانزي


    لقيت المواد للماجستير 12


    وكلها أختبارات


    سألت واحد


    قال 12


    تقل بكالوريوس


    وأختبارات بعد


    اهرررررررب احذر تدرس


    قلت ليش؟


    قال والله إن تسقط


    وخصوصا لغتك مثل وجهك


    فعلا جلست شهر أدور جامعة غيرها


    ما قدرت !



    جلست شهر أدور حل


    بطبعي في الحياة لو أشوف قعرة تمشي بالشارع


    استفدت منها فائدة


    لاحظت في منتديات المبتعثين


    أسئلة الشباب :


    وش أسهل جامعة؟


    أبي جامعة خرطي ؟


    أبي جامعة للي مثلي لغتهم مشي حالك.



    وأسئلة البنات :


    أيش أقوى جامعة في تخصصي؟



    أيش الجامعة اللي تعطي مواد أكثر


    عشان آخذ خلفية عن التخصص أكبر


    لقيت الفرق ........>>>>حط يده على فمه ويتافض من الضحك


    قلت ناخذ هالطبع من البنات


    على إن البنات ما تودك تاخذ منهم شيء


    إلا في الطموح


    عندهن طموح مدري من وين


    جايبنه ..


    اتكلت على الله ودخلت الجامعة


    وقلت ناجح ناجح الله لايعوق بشر .


    والله ما طلع من بريطانيا


    لين يجي غازي مكي يسحبني من فنيلتي


    ويركبني الطيارة .


    أجل أحد يجي هالدولة ويطلع منها


    فلة ، وناسة ،


    لا تجي أحد ولا أحد يجيك


    ولا وعندك التسكو بعد


    الغريب حتى التسيكو


    حقت سوانزي يختلف


    فيه بيض بط


    وبيض حمام وسمان


    جربت بيض البط


    طلع مهب زين فيه دهون تسد النفس


    بس باقي بيض السمان ..



    المهم هذا موضوع بسيط عن المدينة


    نقلته من أحد الكتاب في أحد المنتديات


    لعل أي واحد يرغب المدينة يقرأ عنها

    وما أنسى أضيف نقطة

    من مميزات هذه المدينة يكثرون فيها العتبان

    ليش ما أدري

    يمكن عشاني فيه
  2. سوانزي Swansea او باللغة الويلزية ابرتاوا Abertawe هي مدينة ساحلية تقع فيجنوب ويلز و هي ثاني اكبر مدينة في ويلز, التعداد السكاني للمدينة 223000 نسمة . تبعد سوانزي عن لندن 187 ميل (حوالي 3 ساعات). بالقرب من سوانزي توجد شواطئ قاورالجميلة Gower و هي من أجمل الشواطئ على مستوى بريطانيا و من أهم تلك الشواطئروسيليRhossili و ثري كلف باي Three Cliff Bay

    للمزيد من المعلومات عنسوانزي يمكنك زيارة الموقعhttp://en.wikipedia.org/wiki/Swansea
    http://www.visitswanseabay.com/


    الوصول من مطار هيثروإلى سوانزي
    1- عن طريق الحافلة من مطار هيثرو Central Bus Station إلى مدينةريدنق Reading و من ثم بالقطار إلى مدينة سوانزي

    2- عن طريق قطار هيثرواكسبرس الى محطة بادنقتون Paddington وسط لندن ثم من بادنقتون إلى سوانزي
    http://www.firstgreatwestern.co.uk/


    3- عن طريق الحافلةمن Central Bus Station إلى سوانزي
    http://www.nationalexpress.com


    4- عن طريق التوصيل منسائق مسلم بسيارة خاصة (يرجى التنسيق مع الإخوان في سوانزي)
    ينصح بشراء تذكرةذهاب و عودة و ذلك لقرب السعر

    الجامعات و المعاهد

    جامعةسوانزي Swansea University http://www.swan.ac.uk/
    و لمعرفة تصنيف التخصصات في جامعةسوانزي يمكنك زيارة الموقع التاليhttp://www.hero.ac.uk/rae/rae_dynami...s/openInst.asp


    ,كليةسوانزي ٍSwansea Collage
    http://www.swancoll.ac.uk/


    و معهد سوانزي Swansea Institute
    http://www.sihe.ac.uk/


    المساجد
    يوجد في سوانزيمسجدين, مسجد في مسجد الجامعة و مسجد في شارع St. Helen تحتوي مدينة سوانزي علىنادي سعودي و مدرسة سعودية

    السكن في سوانزي
    يتواجد السعوديين فيعدد من الأحياء منها Sketty – Marina - cockett ينصح للقادم الجديد بسكن في الشققالتي تؤجر أسبوعيا عن طريق مكاتب التأجير التالية إلى أن يستأجر منزل بعقد طويل Home from home
    Telephone 00441792 360624
    http://www.homefromhome.com/
    Bay estate agents
    00441792645566
    http://www.bayletting.com/
    Marina Quay Properties
    00441792463764
    http://www.marinaquayproperties.com/




    توجدمعظم المحلات التي تبيع الحوم الحلال و المواد الغذائية العربية في شارع St. Helen

    من أحسن الورش في سوانزيHafod MOT Centre Ltd Unit 1,Old CMT Buildings,Neath Rd Swansea SA1 2LF Tel. 01792 655454

    من أحسن المطاعم فيسوانزي

    Mediterranean Grill Restaurant
    مطعم تركي
    640 Mumbles Road,
    Mumbles,
    SA3 4EA
    01792363666
    Mumbai Indian Restaurant
    Mill Lane
    Blackpill
    01792402402

    عيادة اسنان في سوانزي
    Mumbles Road Dental Practice
    360 Mumbles Road, West Cross
    Swansea SA3 5TW

    Tel: 01792 404773

    ميزة هذة العيادة انها ما تحتاج تدفع لهم فقط بلغهم عن رقمملفك و هم يتفاهمون مع الملحقية



    جامعة سوانزي

    معلومات عامة

    جامعة سوانسي الحائزة على جائزة ملحق صحيفة التايمز الأولى لأفضل التجارب الطلابية في مجال التعليم العالي Times HigherEducation Supplement Best Student Experience Award سنة 2005/2006 تأسست عام 1920. نحن جامعة طموحة على المستوى العالمي نولي اهتماما خاصا بالأبحاث بمنظور عالمي، وجميع درجاتنا العلمية تمنح من خلال جامعة ويلز.. والجامعة تتحكم بمؤهلاتها الخاصة من حيث النوعية. كما أنّ شهادات جامعة سوانسي معترف بها دوليا وهي تحظى بسمعة طيبة على صعيد النوعية والمستوى والقيمة الأكاديمية. تضم سوانسي ما مجمله 500 12، طالب تقريب.

    "... نمط حياة يعتمد إلى حد بعيد على الحرم الجامعي العصري القريب من البحر أو المدينة أو الجبال؛ وسكن رحيب سواءً في الحرم الجامعي أم عند مجتمع طلابي قريب؛ والعديد من النشاطات الثقافية والرياضية في الحرم الجامعي؛ بالإضافة إلى السمعة الأكاديمية الطيبة." تلك هي جامعة سوانسي. حلم مستحيل؟ "بدون مبالغة لا بد لنا من القول إنّ سوانسي تحقق لك كل شيء..."

    من دليل بوتر للتعليم العالي في جامعات وكليات المملكة المتحدة.

    القدرات الأكاديمية تضم جامعة سوانسي عشرة كليات: القانون والأعمال والاقتصاد و الآداب والإنسانيات والهندسة والبيئة وعلم الاجتماع والعلوم الطبيعية والعلوم الصحية والعلوم الإنسانية بالإضافة إلى كلية الطب..

    تطرح الجامعة ما ينوف عن 500 برنامج للدرجات الجامعية الدنيا وبرنامج تأسيسي دولي معروف إضافة إلى برامج ما قبل الماجستير. كما تطرح الجامعة ما يزيد عن 130برنامجا للدراسات العليا مع توفر الفرصة لدراسة MBA،MA، LLM، MBL، MRes، MPhil و PHD.

    يحظى 15 مجالاً بتصنيف ممتاز كما تنال برامج الأبحاث الإعجاب.

    المرافق
    تزخر مكتبة الجامعة بأكثر من000 850 كتاب ودورية وهي تفتح أبوابها 81 ساعة أسبوعيا أوقات الدوام. مرافق الكومبيوتر على اختلاف أنواعها وخدمة الإنترنت والبريد الالكتروني متاحة للطلبة مجانا بحساب مفتوح.

    يتوفر في المركز الرياضي مرافق لجميع الرياضات الرئيسية وفيه بركة سباحة بمقاسات أولمبية. كما يقدم مركز الفنون برنامجا موسيقيا مباشرا ورقص و مسرح وأفلام حتى يرضي العديد من الأذواق.

    يضاف إلى ذلك أن الحرم الجامعي يضم مكاتبا خاصة به للتأمين والسفر والطباعة وكنيسةً ومسجداً ومكتباً للبريد وبنكاً ومطعماً وبارات ومجمعاً تجارياً ومغسلةً وحتى صالون حلاقة.

    يساعد المركز المهني الممتاز على إيجاد فرص العمل للطلبة بعد التخرج وأثناء الدراسة. تفاخر سوانسي بأن 95% من خريجيها يحصلون على وظائف خلال ستة أشهر من تخرجهم.

    الحياة الطلابية
    يدير اتحاد الطلبة مقهيين تم تجهيزهما ليفيا بالغرض. ويقدم كل منهما برامج موسيقية وفوازير ليلية وكاباريهات وكوميديا وفرق غنائية وحفلات. كما يوجد في الاتحاد مطعمان متنقلان لتقديم الطعام الجيد بأسعار جيدة يفتحان منذ الصباح الباكر حتى ساعة متأخرة يومياً أثناء الدراسة.

    كما يقدم اتحاد الطلبة العديد من البرامج الترفيهية. يقوم موظف متفرغ بالإضافة إلى موظفين من الطلاب بترتيب برنامج متوازن من الأنشطة و تدعم 120 من الأندية والجمعيات.

    كما يوجد في اتحاد الطلبة ضابط شؤون طلبة دولي و مركز شؤون اجتماعية وحضانة. ويقدم الاتحاد أيضا جريدة مجانية ومحطة راديو جامعية ومواصلات ليلية آمنة بالإضافة إلى خط هاتف للطوارئ على مدار اليوم. كما تشتمل الخدمات التي تقدم في الحرم الجامعي على مركز طبي وعيادة أسنان والإرشاد.

    يقدم مكتب الخدمات الطلابية معلومات ونصائح للطلبة ولعائلاتهم وهو مشترك في خدمة استقبال في المطارات للطلبة الجدد، كما ينظم المكتب برنامج توجيه مجاني ويزود الطلبة القادمين من أنحاء العالم بدليل قبل وصولهم إضافة إلى الرسائل الإخبارية ومجموعات البريد الالكتروني.

    وهناك أيضاً برنامج تقوية مجاني في اللغة الانجليزية. كما توجد رابطة خريجين نشيطة ينضم الخريجون إلى عضويتها بشكل تلقائي.
    7 "
  3. صور للجامعة من الداخل










    الباص العظيم

    من شركة فرست قريت

    مصمم على طريقة القطار

    بحيث تركب بدون حساب

    ويجي رجل ياخذ الحساب من الداخل

    غير الرجل اللي يقود الباص والذي لا يمكن أن تراه

    يعني قطار والسلام عليكم












    التنشيط السياحي والعروض العسكرية على البحر


























    هذه صور الالون العكسرية

    يلونون الأطفال

    أنا طبعا ما لونت وجهي














    الشاطيء في سوانزي

    الشاطيء غريب
    من حيث المد والجزر

    جبل كامل في اليوم الواحد يظهر ويختفي مرتين
    من قوة المد والجزر
    الله يستر







    الشاليهات على البحر :






    هذه المنطقة وقت علو المد

    تختفي تحت الماء



    هذه المنطقة تقريبا حتى تحت أسفل المبنى
    كل يوم تمتلأ بالماء






    لا تعليق

    ولو علقت قلت

    نعنبو هالحب

    حتى طحالب البحر ما سلمت منه





    كتبت هذا الموضوع بشكل سريع

    مع نقل بعض المواضيع

    عادل العتيبي
    7 "
  4. المشاركة الأصلية كتبت بواسطة حلا السعودية 10
    معليش بقطع كلامك دحين انا بسافر لها ان شاءلله وصديقتي تقول من احسن مايكون بس انا سمعت انة الجامعه صعبه وشينه صحيح هالحكي ؟

    اصبري الله يصلحتس بنزل الصور عيت تنزل
    7 "
  5. والله إنـك فله يا عادل . . . .ههههههههههه

    إستمتـعت بكلامــك وشرحـك لهالمديـنة اللي ما دخلت مزاجي ... لكن الله يهنيك فيها يارب ويوفقكـ .. .

    لا تنسى تقول لنا خبرتــك في بيض السمان بعـد تجربتـك للبطـ . لووول . .

    تحيــاتي . .
    7 "
  6. المشاركة الأصلية كتبت بواسطة وزير سابق
    تكفى عدول وش احسن معهد باكسفورد <<<
    <
    <
    <
    <
    <
    <
    <
    <
    <
    <
    <
    <
    <
    <
    <
    <
    أمزح معك >> لا يجيني كف مع الشاشة

    بس حياة البهذلة حلوووووووة
    وأنا ماخذ دكتور فيها الله يحفظني (ايقونة خدودها حمر)

    لا أكسفورد

    طلقتها

    أسوي دعاية لسوانزي الحين
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.