التحضير للسفر نصائحكم خصوصا ان معي عائلة وبالذات نصايح اخواتي الامهات

أبو شليويح هههههههههه قصدي (فيصل ) وإن شالله يطلع شاعر مثل الشاعر الكبير شليويح العطاوي (الله يحفظه لك هو وخواته ويطرح لك فيهم البركة )
الأمور سهاله إن شالله
حاول تكون أوراقك كلها كاملة يعني جميع أوراقك الثبوتية البطاقة المدنية الخاصة بك وكرت العائلة الخاص بأسماء العائلة وجميع شهادتك بما أنك المبتعث لأنها مطلوبة في الملحقية عند فتح ملف وجميع قبولاتك .
الشهادات الدراسية للبنات عشان تقدر بموجبها تدخلهم المدرسة السعودية في المدينة إللي إخترتها .
أوراق القبول الخاصة بالمعهد أو الجامعة إللي تبي تدرس فيها عشان يطلبوها منك في المطار .
كذلك يطلبون أشعة للصدر لك ولزوجتك (أحيانا لاتطلب ) ولكن الإحتياط واجب . عشان ماتطول في المطار خصوصا وإنت معاك عائلة .
شوف ما يحتاج تاخذ معك شيئ إلا الضروري لأن كل شيئ متوفر هنا في بريطانيا عشان ماتثقل على نفسك .
وبخصوص الملابس خذ إحتياطك لأن الديرة بعد كم شهر داخله على فصل شتاء .
عموما أتمنى ما طولت عليك .
تمنياتي لك بالتوفيق .

و عليكم السلام و رحمة الله و بركاته...

هذه الراوابط " مواضيع للأخت شماليه" ان شاء الله تفيدك....
http://www.mbt3th.us/vb/forum66/thread34247.html

http://www.mbt3th.us/vb/forum66/thread36678.html


بالتوفيـــــــــــــــــق...

ولد العم اخت بقلاوة الف شكررررر

عفوا أخي الكريم :
أردت السؤال عن مسألة إدخال أبنائك المدارس البريطانية ... والمدارس السعودية ..
كيف يتم التنسيق ؟ وماهو النظام المتبع في ذلك ؟
لأني مبتعثة إلى المدينة نفسها أعني كولشستر ومعي طفلان ( عمر 5 سنوات ) على أكتوبر
ولا أعرف كثيرا عن نظام المدارس في بريطانيا ؟
أرجو الإفادة .. وشكرا

اهلين اخوي تصولون بالسلامه وحجزكم نفس موعد حجزي انا وزووجي وولدي
عيالك ماشاء الله كبار ملهم سن مدارس بريطانيه وبعد سجلهم بالسعوديه

جيب جميع اوراقكم ووصور

وادويه اذا اولادك يتعبون بالعاده لان هنا مافيه هنا ادويه زي السعوديه مسكنات حراره مثل الفيافادول وتحاميل

ومضاد ودواء للاسهال والله من جد اتكلم لان بتجي عالبرد وبتغير عليهم الجو والفكس لا تنسونه

وخذ معاكم سجادات للصلاه والملابس نصيحه لوجه الله لا تكثرون يادوب اللي تمشيكم اول يوممين لن هنا فيه كل شي


بس اهم من هذا كله وصي ام العيال تجيب من السعوديه لك وليعالك ولها بجامات داخليه شتويه لان هنا مافيه

ملابس البيت تكون مو ثقيله قطنيه لان فيه هيتر بالبيت دفايات ماتحس بالبرد بس الجاكيتات طبعا والايشرابات للرقبه والشرابات وهالاشياء والقفازات


اغراض المطبخ انا عني خذوه طبعا القهوه والهيل والقرنفل والبكرج حق القهوه

الشاهي هنا فيه البهارات هنا فيه من كل شي


اهم شي اذا


طبعا اغراض للخياطه خليها تاخذ شنطه صغيره والبخور والفحم هنا ماهو زين فحمه عشان تسوون مندي والزعفران هنا مافيه الا العادي وغالي خذو الصبغه حقته زينه

انا عني هالاشياء اللي بركز عليها لما ارجع السعوديه ثاني مره

اختى الفاضلة حسب خبرتي البسيطة واللي عرفته من الاخوان هنا ان المدارس البريطانية بناء على سن الطفل يدخلونه المرحلة المناسبة


اما بالنسبة للمدارس السعودية
ففيه نادي سعودي في كولشستر وفيه مدرسة واعتقد انها يومين في الاسبوع بعد الساعة ثلاثة
اهم شيء لاتنسين شهادة الطفل الدراسية اذا كان يدرس بالسعودية وشهادة التطعيم مهمة وتكون متلرجمة

الف الف شكرااا اختي الفااضلة ولي عوودة ببعض الاستفساارات

من ناحية المدرس البريطانية
لا تشيل هم ابدددددددددددددددددددددددا ..وخلي في بطنك بطيخه صيفي .

الشي الوحيد الي ممكن تواجهها انه ممكن المدرسة الي تكون قريبه من البيت مزحومه ....
فالحل يتواصلوا مع ادمنيشن ويرسالونكم لاقرب مدرسة ...
وفي التسجيل تعبوا ابلكيشن وبس ...ولا يطلبوا اي ورقة ..احيانا بعض المدارس يطلبوا صورة من الجواز ..انا بلنسبة لولدي عبيت بس الابليكيشن ..
وبالنسبة لاعمر اولادك الله يحفظهم لكي ياااارب
رااح يدخلون ريسيبشن ..ولا تخافي عليهم ان شاء الله راح يتاقلون من اول اسبوع ...وراح تدرسهم مدرسة خاصة باللغة وتجيهم مررة وحده بالاسبوع تجلس معاهم وتعلمهم .
وطبعا المدارس السعودية ماراح يدخلو هالسنة واتوقع حتى الي بعدها ..واغلب المدارس السعودية هنا تفتح ايام الويك اند " سبت واحد "

واي سوال انا حاضرة

فيه شيئ بسيط يمكن الواحد ينساه وهو والله له قيمة عالية
استفدته من نصيحة الأخت شمالية ويعلم الله إنه كل وقت ندعي لها
هي ساعة الفجر الي تعلق على الحائط وفيها منبه للأذان لكل وقت
صار الأذان ما ينقطع عن بيتنا هناك وكله بفضل الله ثم نصيحة الأخت شمالية
الله يجزاها عن كل خير
وعلى العموم أنا راجع في بداية أكتوبر لكولشستر إذا احتجت شيء حاضرين!