مبتعث فعال Active Member
المملكة المتحدة
مبتعثة من جده , أنثى. مبتعث فعال Active Member. من السعودية
, مبتعث فى المملكة المتحدة
, تخصصى اجتماعيات
- غير معرف
- اجتماعيات
- أنثى
- غير معرف
- السعودية
- Jan 2007
المزيدl August 27th, 2009, 08:04 PM
August 27th, 2009, 08:04 PM
اخواني انا مع معمعة وحوسة الاجراءات حقت الابتعاث نسيت ما اكلم المعهد واطمنهم اني حأجي ان شاء الله يعني بس استلمت قبولي من هنا وبدات اخلص اجراءات جامعتي من هنا عشني معيده وتعرفوا كيف احنا الموظفات تعقيدات واجراءات روتينة مية واحد يوقعوا على وحده معاملة .. المهم اليوم وانا بقلب في الاوراق والقى خطاب القبول مكتوب فيه لازم تقولي انك جايه وحاطين تاريخ الاتنين اللي فات واليوم خميس يعني بالعربي يحسبوني دحين مح اجي واني انسانة مهملة وخصرتهم انا وربي من كتر مني مشغولة ما لاحظت انه لازم اكلمهم في دا التاريخ .. المهم ارسلت لهم ايميل قلتلهم انا جايه والله خايفة يلغوا مكاني في المعهد بس مرة قلقانة قلبي مرة يوجعني استغفر الله يعني بعد التعب دا كلو معقول يسير شئ لا سمح الله ؟!
بليز طمنوني الله يرضى عليكم حاسة نفسي مني قادرة اتنفس الله يخليكم ردوا باي شئ يطمن من الصباح وانا قلقانة هل المعاهد مرنة في التعامل وتقبل الاعزار والله ياناس كنت في كرب ما يعلم بيه الا الله عشان كدا ما لاحظت التاريخ اللي لازم اكلمهم فيه وايش اقول لجامعتي بعد ما طلع قراري ؟ ابغى ارجع على راس العمل ؟ ليش احنا جالسين نلعب ؟ بليز قولوا اي حاجة ولايهمك حطي في بطنك بطيخ صيفي
المعاهد مو مثل الجامعات عندهم بدل المقعد عشره
وطالما انك ارسلتي لهم رساله خلاص امورك طبيعيه
عاااااااادي جداااااااا
وممكن تكلمينهم بكره الصباح لو بغيتي تتأكدين بس خذيها مني ان شاء الله ماصار شي ولاراح يلغون قبولك ولاشي .
بالتوفيق
!فهد! August 27th, 2009, 08:22 PM
7 " فهد الله يطمنك ويريح قلبك يارب ويسعدك ويدخلك الجنة ويناولك اللي في بالك قول آمين
مبتعثة من جده August 27th, 2009, 09:42 PM
7 " انا دخلت قلت من جد في احد بيموت دخلت لقيت الموضوع من الامور العاديه و الي تحصل دئما......وترى الانسان دئما يسهل الامور و تهسل مجرد بلغيهم و عيدي مع اهلك لانك راح تعرفي الطفش هناك فا لا تستعجلي و عيدي مع اهلك و كل الناس او اغلبها نازله من لندن تعيد مع اهلها
وتحياتي
Nice_Man August 27th, 2009, 09:44 PM
7 " يا قلبي مايحتاج خوف وقلق المعاهد مفتوحة والمقاعد متوفرة خصوصا شيفلد
لاتشيلي هم وتتوتري وهذا طبيعي مع قرب موعد السفر
موفقة إن شاء الله
مشتاقة لحلمي August 27th, 2009, 10:40 PM
7 " هههه
أنا انهبلت حسبته شيء كبير
لا ما عليك صدقيني بيوفرون لك بدل المقعد عشرة
وإذا ما وفروا لك نحنا نوفر لك عرش مو كرسي بس
وحظ سعيد على المدينة شفيليد
تراها من أجمل المدن البريطانية
الدكتور/عادل العتيبي August 28th, 2009, 02:31 AM
7 " أبد وأنا اخوك لاتشيلين أي هم
انتي ركزي وخلصي امورك في جده وحكاية المعهد مثل ماقال الاخوان اعلاه مجرد ماتوصلين بالسلامه ان شاء الله راح يعملون لك اختبار وتبدين دراسة من ثاني يوم اول كمان من اول يوم،،،
لاتقلقين أبد،،،
بس عندي نصيحه على الطاير إذا معاكي مرافق خصوصا اذا كان الوالد خليه يشتري من البلد صوف انقليزي سعره بين 100 وبين 120 لأن البرد هنا خلاص على الأبواب وبصراحه الصوف الانقليزي نادر ماتلقينه هنا،،،،،
كمان لاتنسين كتاب المرجع الكامل في قواعد اللغة الأنقليزية في مكتبة جرير ترى مرررره مفيد وأسألي مجرب،،،
كمان لاتنسين تأخذين أدوية خفيفه حقت تغيير الجو مهمه كثير،،،،
تحياتي وتوصلين بالسلامه،،،،
verycute August 28th, 2009, 02:40 AM
7 " السلام عليكم
أنا معلم لغة إنجليزية و مترجم مقيم في بريطانيا و أقدم خدمات متعلقة في الدراسة و السكن...الخ التي تخص الطلاب العرب و المغتربين في بريطانيا.
00447917749089
m_abu7 at yahoo.com
لندن
محمد أبوعمارة August 28th, 2009, 03:54 AM
7 " 
LinkBack URL
About LinkBacks
August 27th, 2009, 08:04 PM
المهم اليوم وانا بقلب في الاوراق والقى خطاب القبول مكتوب فيه لازم تقولي انك جايه وحاطين تاريخ الاتنين اللي فات واليوم خميس يعني بالعربي يحسبوني دحين مح اجي واني انسانة مهملة وخصرتهم انا وربي من كتر مني مشغولة ما لاحظت انه لازم اكلمهم في دا التاريخ ..
المهم ارسلت لهم ايميل قلتلهم انا جايه والله خايفة يلغوا مكاني في المعهد بس مرة قلقانة قلبي مرة يوجعني استغفر الله يعني بعد التعب دا كلو معقول يسير شئ لا سمح الله ؟!
بليز طمنوني الله يرضى عليكم حاسة نفسي مني قادرة اتنفس الله يخليكم ردوا باي شئ يطمن من الصباح وانا قلقانة
هل المعاهد مرنة في التعامل وتقبل الاعزار والله ياناس كنت في كرب ما يعلم بيه الا الله عشان كدا ما لاحظت التاريخ اللي لازم اكلمهم فيه
وايش اقول لجامعتي بعد ما طلع قراري ؟ ابغى ارجع على راس العمل ؟ ليش احنا جالسين نلعب ؟
بليز قولوا اي حاجة