معليش وحاد قالي كلام عن ايرلندا ماكنت اتوقع وشاركوني في الموضوع

والله مــآني عارف احس كلامه متنـآقض ..ولا انـآ مافهمت بصرااحه مدري !!

السلام عليكم ..
عزيزي .. هذي آراء ، والاختلاف في الرأي ما يفسد في الود قضيه
وصعب نحكم على شي واحنا ما شفناه ،،

ايش رايك انت في البطاطس الايرلندي ؟
انت ما جربته .. وابي رايك انا فيه ؟


هذا مجرد مثال ، والبطاطس شي بعيد كلياً عن طبيعة الحياة والدراسة و ..الخ

اولاً بخصوص وسائل المواصلات
عندك طريقة توصل فيها للمكان اللي تبيه وهي ( الباصات )
الباصات الله يسلمك تختلف بإختلاف المنطقة
انا ساكن في مكان يمر عليها 8 باصات .. وكل باص يحتاج 10 دقايق عشان يجي
احيانا اشوف 4 باصات جايه .. واحيانا انتظر عشر دقايق من شان يجي ،،

طريقة تانيه وهي ( القطار الكهربائي ) يسمونه " اللويس "
هذا سريع .. المسافة اللي تقطعها في نصف ساعه بالباص .. اللويس يقطعها في ربع ساعه بالكثير

عندك السيكل ،، والايرلنديين والاجانب مو احسن منك ، تقدر تشتري لك سيكل مثلاً
وتداوم فيه بالجامعه وتربطه على جنب وما احد بيقرب منه

موظفين وموظفات المعاهد والجامعات ، يجون على سيكل < بحكم انه رخيص وما يحتاج الا طاقه منك


امممم بالنسبة للدراسة ، نظامهم نظام بريطاني .. ممتاز كثير

واذا تبي تعرف اكثر عن الكلية الملكية للجراحيين ، راجع المنتدى وفيهم الخير والبركة
موضوع .. موضوعين .. راح يرد على كل استفساراتك


انا ما اقولك تعال ايرلندا ،، لكن لا تسمع كلام أحد ما زار البلد
والله يوفقك يالغالي

الا هذا الي قالي زاير البلد

لا يهمك يامهستر

رأيه حتى لو أنه زايرها

ولا كن أنت خذ الرأي من النااس اللي تدرس فيها

عشاانك انت راايح تدرس واللي رايح يدرس يختلف عن اللي رايح سياحة

تفبل مروري

المشكله الي قالي هذا الكلام ماقد سافر الخارج وحكم على ايش انا ما ادري

انت تقول بالأول ماسافر والحين تقول زاير !!!
ع العموم كل واحد وله وجهة نظر

هلا وسهلا طبعا يا اخوان هو كان يسألني وقلت له كم مره خذ رأي غيري

طبعا الرجل يسألكم هل ايرلندا متطوره زي بريطانيا<< من ناحيه الاندرقراوند والاسواق وغيرها
واضن الاخ ايرش له علم كبير بما انه طول وقته جالس في دبلن
مافيها الا اللوس ويروح اماكن وامكانه محدوده



الباصات في دبلن وكورك وقالوي تقريبا وماهي بنفس كثره الباصات في دبلن
ولكن في مدينتي لايوجد باصات الا الصباح تبع الكليه فقط
وماشين على التكاسي والسياكل

على فكره يا ايرش ماقلت لك انه التاكسي عندنا بـ 6 يورو لكل مشوار<<فقط للسعوديين(بعد المكاسره)

وبالنسبه لسوالك عن المجال الطبي
هذا رد احد المشرفين على احد الاعضاء الي سأل عن علاج لولده
وهذا احد الاخوان الي يدرس في الكليه الملكيه
http://www.mbt3th.us/vb/forum66/thread121337-5.html

طبعا انا مازلت اقول انها ماهي سيئه ولاهي قويه
هي كليه طب زي اي كليه طب ماتختلف بشكل كبير


ولكن صراحه في الاونه الاخيره صارت تقبل اي طالب درجاته قويه او لا اهم شيء تدفع الفلوس
وحتى صاروا يمشون ايلتس 6 احيانا بعد ماكانت 6ونص
يعني لو احصل كليه طب ثانيه تقبلني تكون في المانيا او ايرلندا اضن ما راح اتردد في التحويل

لا يجي واحد يقلي انا اذم الكليه<< خخخخخ انا اقول الي اعرفه ويمكن شخص عنده رأي اخر


يعني رحت ايرلندا؟ ولا شفتها بس بالصور

ولكن انا اقول ماعليكم في تطور البلد او لا
انت جاي لهدف دراسي فأجتهد له وخليك من غيره