بليز ارجوكم والله ابغى ابكي ابغى شقة ومرمية من فندق لفندق في شيفيلد

September 16th, 2009, 10:29 PM

الله يخليكم اخواني يا اهل شيفيلد انا وصلت اليوم شيفيلد دخلت على فندق المهم سعره غالي ولازم ادفع حق الاسبوع كله وبصراحة كدا دخلته كئيبة المهم رحت فندق تاني صح سعره معقول بس مافي غير سرير وحمام طيب بالله كيف اغسل ملابسي وكيف اسوي لقمة اكلها وحتى مافي تلاجة اشيل فيها الاكل
اللي فهمته من البريطانيين انه الهوتلات كدا مافي الا نوم وحمام طيب انا ابغى سكن دائم وقريب من الجامعة وسعره طيب كيف الاقي وانا ما اعرف احد هنا واللهي الدمعة في عيني وبابا كبير معايا كمان بحاله تعبان ..

كفايه انه حاقعد يمكن اكتر من شهر من غير مكافاة وكله من جيبي لانه الملحقية قالتلي ما تقدري تفتحي حساب الا لما يسير عندك عنوان دائم .
اخواني انا ابغى شقة لو غرفة بسريرين يكون فيها اهم شئ غسالة ومطبخ وتلاجة لو صغيرة واللهي مني عارفة حتى اكل وماعندنا سيارة ملك توديني مكان ما ابغى ولا شئ ..
اخواني هل انا اخطات في حق تفسي وجيت بلد غريبة عني؟ لا اهل لا صحبات لا لغة لا عادات ؟ هل ارجع معززة مكرمة لبلدي ؟ انا ما اعرف انه تعب ودموع كفاية اني بعيدة عن اهلي وماما حبيبتي
عارفة طولت بس الله يخليكم ساعدوني باي شئ لو بكلمة لو بنصيحة لو مكتب عقار يدلني او شخص ساكن في شيفيلد ويقدر يساعدني

• نشر عبر تويتر
• نشر عبر فيسبوك
• نشر عبر جوجل