LinkBack URL
About LinkBacks
ولا رد ..
وينكم يا شباب برتش ..
7 " وينكم يا شباب برتش ..
ماجستير تربية خاصة .. أرجو المساعدة
ماجستير تربية خاصة .. أرجو المساعدة
تنبيه: هذا الموضوع قديم. تم طرحه قبل 5330 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- ماعندي فكره بس حبيت ارفع موضوعك7 "
بالتوفيق يارب - هلا واللة7 "
اخوي اتوقع عندك جامعتين الى اعرفة بس يمكن فية اكثر
جامعة شفيلد و جا معة سوانسي
انا زوجتي مقدمة على ماجستير رياض اطفال في جامعة سوانسي , وانت ورايك , اذا تبي واحد يقدمللك بلغني
نلتقي على خير - مشكور أخوي ابو مشعل ما قصرت .7 "
لو ترسل لي رقم الشخص او ايميله اكون لك من الشاكرين . - 7 "السلام عليكم كل عام وانت بخير
الصراحه انا سعيدة جدا ان فيه احد يبي يدرس هالتخصص
لاني احس انه مهمش وخصوصا ان هالتخصص عندنا نادر يعني مافيه بالرياض الاجامعة وحدة بس والله بالخير عاد الدراسة كلها كوم والتطبيق كوم ثاني
لا وبعد ازيدك من الشعر بيت مافية بالدراسات العليا الا مسارين فقط وكل الي متخرجين بالبيت الله المستعان
ماعلينا محاكيتك بتمووووووووووووووووت انها تكمل في تخصص اضطرابات سلوكية او موهبة بس ماعندك احد مابه الا تقنية نانو والبربسة الباقية والا هالقسم مهمش صفر عالشمال ليه مدري مابعد اعترفوا فيه يمكن
قدمت على البعثة واخترت اقررررررررررررب شي لهالتخصص خصوصا ان لي ثلاث سنوات ضاعت بس مراكض لهاالجامعة على امل القبول بس ماعندك احد قلنا البعثة بس مابه تربيه خاصة
طموحي ذبحني ابي اكمل بالتربية الخاصة ابي اغير ياناس ابي اسوي شي مفيد
قدمنا على علوم صحية
وكانت مساراتها حلوة <<<تلعب على نفسها يحول
ومنها :::
Prerntiv
Curative
Nursing
Tele_ medicine
X-ray/radiology
Laboratory
Pharmaceutical
Insurance
Nuclear
Rehab
Athletic
Mental
Addiction
Rescue
Ambulatory
Comatic
Paliatir
Geriatric
Environmental
Administrative/financial
Maintenance/operation
طبعا الي تحته خط يفيد المعاقين وهو بعد امتداد للتخصص فاهم علي ..!!لاني جلست مع نفسي ولقيت اني ماانفع تدريس خصوصا ان لي ثلاث سنوات وقسم بالله كل ما اتذكر يجينن هبال ودي اذبحهم ....!!!
ياهي ركبة اخذت على كيف كيفك ماعلينا مانبي نفتح مواضيع احنا في غنى عنها
المهم بعد مشاورات مع نفسي لقيت اني اقدر اساعدهم من خلال تخصص علاج طبيعي ومحاكيتك الغبية مقدمة على علوم صحية والعلاج الطبيعي من ضمن قسم علوم طبية الاخت فاهمة غلط
وهاذي مساراتها
التقنية الطبية هيا >> التقنية الطبية فيها العديد من الاقسام.(التخدير.المختبرات.تقنية الاسنان.الصحة العامة.علم الامراض.علاج طبيعي. التمريض علاج صعوبات نطق...)
ماعلينا
انا ابي انصحك نصيحة لوجه الله حرام تسافر وتتغرب على تخصص انت دارسة بالبكالوريوس غير شوي خذ اضطرابات موهبة شي غير موجود عندنا يعني قل مثلا بعد اربع سنوات بترجع تلقى لك وظيفة انا مدري اذا انت حاب قطاع الحكومي اقصد حاب التدريس حلو ومن ناحية انك تدرس بالجامعة مطلوب بعد لان الحين فتحوا هالتخصص والدكاترة اجانب يا اخي حنا اولى والله
صح
عموما انا قريت عن احسن جامعة متخصصة بالمعاقين هي جامعة الينوي في شيكاغو
مدري انت شكلك رايح على حسابك صح
الله يوفقك يارب ويسهل امورك وعقبال ما اكمل بهالتخصص بس ماجستير مابي شي
كثرت قرقه بس فرحت والله ان فيه احد يبي يدرس بالتربية الخاصة
موفق - 7 "
هلا اختي طايح حظي ..
كلامك جميل جدا ونفس فكرتك أنا تقريبا بكل ما قلتيييه .
لكن .
بوجز مناقشتي لكلامك بنقاط .
1- بالنسبة للدراسة كوم والتطبيق كوم صدقتي والله ولا يحلتونك بالمدرسة ولا يسألون عنك الا اذا جاء التقييم .
2- بالنسبة للماجستير اذا بالتربية الخاصة ماجستيرهم لهم وظايف بالهبل .
3- بالنسبة للاضطرابات السلوكية حلوة بس فيه الاحلى وهو التخلف العقلي لتعدد الجامعات اللي تقدم برامج بها المسمى>> بالنسبة للي مثلي قرف من المدارس والطلاب ويبي جامعة وطلاب عاديين .
4- نسيتي شي غير النانو >> الغرفة النظيفة وثاني اسرع جهاز حاسوب بالعالم هع
5- بالنسبة للتدريس انا قرفت منوه صراحة ولا أنا متحمل بزارين صراحة بالرغم من إني لي سنتين وانا ادرس اقول اغديي اغير فكرتي بس للاسف كل يوم اكره التدريس اكره من اليوم اللي قبله .
6 - شكرا لنصيحتك بخصوص تغيير التخصص بمرحلة الماجستير وصراحة دخلت مخي الفكرة والتنوع زين .
ملاحظة / فهمت من كلامك انك مبتعثه على حساب الدولة اذا كذا روحي وخلال دراسة اللغة غير التخصص الى تربية خاصة >> كثير سووو هالحركة ومشت يعني عادية .
وترا اهم من دراسة التخصص هناك معرفة طبيعة الوظيفة بعدين اذا رجعتي بحول الله >> احس العلاج الطبيعي فيه مشاكل كثيرة
شكرا لردك المطول اللي استفدت منه كثير ..
- معليش على التاخير7 "
هذا رقم الدكتور زكريا سوداني الاصل مرة خدوم , اخذت رقمة من اخوي الخشابية
00447875567584
ارسلي اورقك لة وهو مارح يقصر بس بليز لا تقبلين على المكاتب وبلش
وهذا رقم ثاني مكتب في برطانيا فية عرب واجانب يتكلمون عربي انا مجربهم هذا رقمي 00442920302382
اتمنا - 7 "والله حتى انتم يالرجال !!!نفس الحركة انا ذبون اول ماتخرجت بالخرج.. على بند محو امية تخيل المشوار من الرياض للخرج معاناة... بس قلنا يالله لاجل الماجستير نبي نجيب سنتين خبرة وتعال شف الموجهات الي مو فاهمين شي مدري وشلون صارو موجهات هاذا السؤال دايمن اسأل نفسي فيه؟؟؟؟ هيكل التربية الخاصة فاسد فساد ذريع محد فاهم شي ... موجهة تخلف ...على كل التخصصات على التوحد, والسمعي ,,وكل حاجة مدري وشلون تقيم بس... وتعال شف يذبونك بفصل مابه الا جدران ومعك خمس اطفال يزيد ولاينقص ومختلفين الاعاقات والدرجات.. توحد على تخلف.. على كيف كيفك وانتي يالمعلمة ادفعي من دمتس ...عشان توفرين الوسائل والى يومك ألاحقهم ابي حقوقي ومعطيني اكبر ركبة.. وانا مجنونه ابتكر بهالوسائل واحط من مصروفي الخاص فوق الراتب الخايس وطباعة انشطة بالالوان وهات ياصرف... بس هدفي هالاطفال وشلون اخليهم يتعلمون لا اكثر... والا انا ما ابي تعليقاتهم ومدحهم لانهم مايهمون ... لان ماعندك احد مايجونك الا مرة بالسنة يحضرون للدرس ويطالبون بالوسائل ويطسون ... فقط ... معلمة التربية الخاصة مهنتها كل شي هي أخصائية تخاطب .. وتودي حمام .. وتسوي الخطط الفردية وبعد هي الي تسوي دورات توعوية للمدرسة الدمج.. للمعلمات,,والطالبات,, وللامهات ,,والابهات,, والجيران,, والحارة والمحافظة.. ومطويات,, وقسم بالله فيني الصيحة كل ما اتذكر اني كنت ما انام ابد من كثر الشغل.. بس شغاله تحاضير وخطط فردية ووسائل أكلت يديني هالمشارط..وكل شي بالكنبيوتر ومصدقة عمري بعد كد سنتين بهالمشاوير .... يقولون اصلا شهادات الطالبات المعاقات غير معترف فيها ... هاذا الكلام طالع من الموجهات انفسهم ... بالعربي يسكتون الامهات .. اسم انهم يفتكون سبع ساعات من بناتهم يعني تعبنا ولا شي..
وشف كيف يقيمونك شي يقهررررررررررر
طبعا بعد السنتين جلست بالرياض لاني تعبت من الخرج حوادث وشي الله لايوري لاصديق ولاعدو الي شفته وبصراحه اكثر ماجددو العقد وجلست بالرياض احوس بالمدارس الخاصة الله لايوريك بس موب كرهت التدريس كرهت تخصصي كره تحسفت على الاربع سنوات الي ضاعت هدر لا انا الي انقبلت بالجامعة اكمل دراسة ولا انا انقبلت بالديوان ... والمدارس الخاصة مفكرة معلمة التربيه الخاصة مجرد تعلم حمام لا اكثر وقسم بالله اني سحبت السيفون على ثلاث مدارس بس اهج وجاني الالام بالظهر واكتئبت من الحمام خصوصا مع الأولاد شي يقرف واعمارهم كبيرة تسع سنوات وهلم جرة... الان بس جالسة بالبيت زيادة عدد على المجتمع لا نفع ولا هم يحزنون .. ماخليت ولاشي ماقدمت عليه حتى سكيوروتي محد قبلن ... الحمد لله على كل حال... ماتحسفت على هالسنة لاني ماخليت مسار بالتربية الخاصة مادخلت دورة فيه من لغة اشارة وبرايل ودورات توحد الحمدلله راضية عن نفسي ... صح ذبحتني الفلوس بس اطر من الاهل كني بزر ماتتخيل قمة الاحراج وانت تمد يدك بعد ماكنت بعز اصرف على عمري واعزم على غيري .......... معليش نسيت نفسي كتبت قصة حياتي من غير ما احس
كيف لهم وظايف ما اشوف انا يمكن انتم يالرجال واذا على الماجستير انا اذا رحت الديوان اشوف الوظائف النسائية للتربية الخاصة يطلبون ماجستير تربية بدنية فقط.. بالريض يبون خمس من وين بالله وش هالمزح
ليش انت موب شهادة البكالوريوس تخلف عقلي ليش تكمل فيه ياخي فتح مخك شوي فكر لبعيد هنا موجود هذا التخصص والخريجين كثر انت بتتغرب ادرس شي غير موجود افضل واسم انك نوعت لان التكرار مايفيد خلاص التخلف العقلي عرفت وشو شف شي ثاني
وشلون ههههههههههه غرفة نظيفة هههههههههه
انت موظف حكومي والا خاص
بالله كيف بزران...!! البزران عندنا حنا انتم يجونكم وهم مظبطين من عندنا والا ؟؟؟؟ وشلون !!!تحوسون معهم ياربية ماتخيل عجزت ...الله يعين اهلهم الصراحه والا حنا كلها كم ساعه ويروحون الله المستعان
ايه انا على حساب الدولة وش تبين اسوي الوزارة شفطتني تشفيط من كثر ما اشتري لهم من مكتبة المثلث واثث للمدارس وبالاخير اطلع خالية الوفاض ...لا انا الي ترسمت ولا انا الي انقبلت بالجامعة6 - شكرا لنصيحتك بخصوص تغيير التخصص بمرحلة الماجستير وصراحة دخلت مخي الفكرة والتنوع زين .
ملاحظة / فهمت من كلامك انك مبتعثه على حساب الدولة اذا كذا روحي وخلال دراسة اللغة غير التخصص الى تربية خاصة >> كثير سووو هالحركة ومشت يعني عادية .
وترا اهم من دراسة التخصص هناك معرفة طبيعة الوظيفة بعدين اذا رجعتي بحول الله >> احس العلاج الطبيعي فيه مشاكل كثيرة
وبعدين على فكرة ادرس اللغة واغير التخصص هاذا كان تفكيري وانا اختك وانصدمت صدمة موب طبيعية انت ماتشوف اسمي سبحان الله بس
يقولون مافيه تربية خاصة تحويل لانه مو من ضمن البرنامج يعني من ضمن التخصصات المطروحه عشان تحولين وهاذاني راسي شيب من التفكير وشلون بكمل
قالو مافيه الا بحالة وحدة بس ...على حسابك وانا فقيييييييييييييييييييييييييييييييييييرة
أفقروني من وين اجيب لا وظيفة ولا مصدر رزق وصعبة اطلب من الوالدة صعب صعببببببببببببببببببببببببب والله استحي 
... انا كيذا احس اني اف بس وهـ ياشين قلة الحيلة
...ربك يعين بس ..جالسة العب على نفسي بالعلاج الطبيعي ...لاني ماعاد ابي شي اسمة تدريس لو يقولون لي بتدخلين الجنة بس درسي مستحيل ... انا هدفي اني اكمل عشان اغير المفهوم اصلح شي بالهيكل الي حتى ماحطو مناهج للمعاقين تخيل المتوسط والابتدائي احنا نصلح لهم منهج عشان يدرسون واغلبه من كتب العاديين ... ياخي مابي اتكلم اخاف يزل لساني واغلط بتوقف لحد هنا .... ان شاء الله تكون فهمت
بعدين لاتحبطني شجعني على العلاج الطبيعي ... والا انت تشوف شي ثاني ... طيب العلوم الصحية موب زينه ؟؟؟هاه
هههههههههههه لا توصي حريص انا اذا حتسيت معد سكتت الله يعينكم بس..هاذا حال الفاضي
- الكورس في هذا التخصص بدأ الاسبوغ الماضي في جامعه وحيده في بريطانيا و هي يونفيرستي اوف مانشستر7 "
و فيمة الكورس فيه 8650 باوند
ومدة الدراسه سنه و شهرين مقسمه على اربع اجزاء ماعرف بالظبط طبيعة الدراسه
طبعا تدرجة الماجستير
ما ادري اذا تلحق او لا
الله يوفقك و سهلك
September 22nd, 2009, 10:22 PM
السلام عليكم ورحمة الله وبركاتهـ ..
كل عام وانتم الى الله أقرب .
ومن العايدين ان شاء الله .
عندي نية إكمال الدراسات العليا في بريطانيا بمجال التربية الخاصة تخصص تربية فكرية (تخلف عقلي) وعندي كذآ سؤال أتمنى من أهل الخبرة الجواب عليهآ مشكورين .
س. ماهي الجامعات التي لديها هذا التخصص وتكون معتمدة لدى وزارة التعليم العالي ؟ ويكون لديها معهد لأجل الدخول للدراسة للماجستير بدون اختبارات ؟
س. كم مدة دراسة الماجستير في بريطانيا وما يتعلق بالدراسة من بحوث واختبار شامل >> المدة كاملة ؟
س. بالنسبة لتوقف البعثات لبريطانيا هل بإمكاني الذهاب هناكـ والالتحاق من هناك >> هل الالتحاق موقف ايضآ ؟
س. ماهي البلدان الحلوة ببريطانيا من ناحية الجو الغير بارد جداً .. والمعيشة الرخيصة .. والمجتمع المتآلف مع العرب ؟
كل الشكر لكم .