احتجاز طالبه سعوديه في مطار هيثرو وتحقيق وبحث بسبب فيزه سائح

الحمد لله على سلامتك ووصولك الى ارض الوطن سالمة غانمة
طيب الخطأ خطأ المكتب في السعودية انتي ايش ذنبك !!!!!!!!!!!!!!!!


لاحول ولاقوة الا بالله

الله يسلمك من الشر
هذا ايش ذنبي ؟؟ وليش المرمطه ؟
الله يستر بس

الحمدلله ع السلامه ،،

والله يكون بعون الطلاب والطالبات مع اجراءات الفيزا البريطانيـة !!

ايه والله الله يعينهم ..

وخصوصا انو الفيزا لتر صارت مشكله لو كنت بالسعوديه ماتوصلك الا بعد نشف الريق

وقانونهم يمنع انو تقدم الفيزا وانت فيزتك منتهيه في بريطانيا
المشكله انا جيتهم بيفيزا وقلت ابقدم من هناك .. ويوم قالو لا قلت اوكي اباخذ الفيزا لتر وابرجع قالو لا برضو

عموما اتصلو اهلي بالتعليم العالي وشرحو لهم ايش صار قالو
راح نكتب لها خطاب لتسريع استخراج فيزه الطالب
او اذا تبي تغيير الى دوله ثانيه احنا مستعدين
وبصراحه وقفو معي وقفه طيبه

الحمدلله على السلامه
بس ماني فاهمه شنو قصدك كيف تدخلين بفيزة سايح والعمل على اجراءات فيزة طالب يعني تم توقيفك على اي اساس في المطار قالو ليش فيزتك سايح؟؟؟؟؟؟؟؟؟

السلام عليكم

أنا مهندس ومعرفتي بالقانون ماهي بذيك

لكن حسب علمي واطلاعي القاصر على قانون الجريمة criminal law في بريطانيا:

أولا/ بالنسبة للتفتيش الكامل strip search لا يحق لهم تفتيشك في الأماكن العامة. يعني لو يبغوا يفتشوكي لازم يأخذوكي لمكان خاص.
ثانيا/ يجب أن يكون المفتش من نفس جنس المشتبه به، يعني كان لازم يفتشك امرأة.
ثالثا/ يجب عليهم توضيح سبب الاحتجاز.
رابعا/ من حقك التحدث إلى محامي solicitor مجاناً فور وصولك إلى مقر الاحتجاز. والمحامي سيبين لك حقوقك ويشرح لكي أكثر.


طبعاً هذا إذا كان الشرطة هم اللي احتجزوكي تحت قانون الجريمة.


ما أدري إذا في قانون ثاني، وكيف ممكن تأخذي حقك؟ ممكن المختصين وطلبة القانون يساعدوا.

عموما هذه الحادثة وأمثالها توضح بجلاء أهمية المحرم في السفر، وتوضح خطر سفر نساءنا إلى بلاد الكفار.
يفترض أن يكون العرض عندنا غالي.

أذكر بقصة المسلمة التي آذاها اليهود في سوقهم في المدينة زمن النبي صلى الله عليه وسلم وكيف كان تعامل المسلمين وتعامله عليه الصلاة والسلام في الموقف.

اول شي الحمد لله على سلامتك

بس بجد احسه فلم .. والله حاسه بشعورك ..

صح هو المفروض الواحد مايسكت على هذا اللي صار .. وليش يرجعونك من الاساس .. ووين دور السفاره السعوديه ..

اكيد في اسباب .. كثير دخلوا بفيزة سائح وليش انتي وقفوك .. وايش عرفهم انك بتدرسي ..

كثير امور .. المفروض ماتسكتي وترجعي حقك حتى لو ماسافرتي بريطانيا

عموما اهم شي انتي بخر .. ومافي داعي للخوفوالقلق .. مجرد تجربه بالحياة تقويك بالمستقبل

وان شاء الله دوم اسعد بنت

ايـــــــــــــــــــــــــــــــه

مافتشوني بمكان عام كان التفتيش قبل الدخول للغرفه اللي جلست فيها وقت طويل
لكن الحرمه اللي فتشتني كان فيه معها رجال


اما سبب الاحتجاز مالقيت له سبب
بمانهم عرفو بمشكلتي والمو بها المفروض خلااص يطلعوني في جهه التيرمنالز مو يخلوني لين موعد الرحله في هذا المكان المغلق



اما بخصوص المحامي هم ما اعطوني فرصه احكي اصلا لدرجه اني ماستوعبت الوضع الا بعدين
ولمن جلس يحقق سمح لي بالكلام وببطرح اي اسئله



اما بخصوص المحرم مااعتقد ان مـا له دور في هالقضيه (لو كان يقدر كان يساعد قدرت عليها القنصليه والملحقيه اللي فور الاتصال وصلو المطار كما سمعت اخيرا ان ضباظ الهجره وضحو لهم الاسباب ورفضو انهم يكلموني او يشوفوني وحجزو ولي للرجوع)




المسأله مسئله احترام لك كمسافر وطالب مبتعث اخطئت في احد اجرئات السفر ومو لازم انو يحيلونها لمثل هالتحقيقات
اللي تخيف بصراحه