مبتعث فعال Active Member
المملكة المتحدة
ابوعريب , ذكر. مبتعث فعال Active Member. من المملكة المتحدة
, مبتعث فى المملكة المتحدة
, تخصصى اخصائي علاج طبيعي وتاهيل طبي
, بجامعة الملك سعوود
- الملك سعوود
- اخصائي علاج طبيعي وتاهيل طبي
- ذكر
- كولشستر بجامعه essex, كولشستر
- المملكة المتحدة
- Dec 2008
المزيدl October 5th, 2009, 01:06 AM
قصة جميلة جدا ومشوقة وانا متابع بس قهرتني وانا انزل من الصفحة الا مكتوب يتبع لاحقا ...
يالله ننتظر اللاحق
شخص طموح October 5th, 2009, 01:20 AM
7 " ما أبطا من جا يا أبوعريب
وقصة جميلة يا أبو عريب وتفصيل ممتع ، وتكفى ياطويل العمر لا تطول علينا ، هل السبحه وعلمنا بكل شي مثل ماوعدت .. ترى موعد سفري وصل وحابين نستفيد من تجربتك ، وبعدين اهم شي ويش انطباعاتك عن كولشستر وعن الكسك بالذات .. وكيف شليويح مع كولشستر ..
ونتقابل في المعهد إن شاء الله بعد ثلاث اسابيع إن الله يسر ..
العطار October 5th, 2009, 03:50 AM
7 " فنان يابو عريب في طرح قصتك وبالتفصيل الممل بس ننظر التكمله لا تبطي علينا
Meshooo October 5th, 2009, 05:35 AM
7 " والله أحسن انه مقطع من مسلسل طاش ماطاش
الله يوفقك .. أسلوب شيق جدا
ننتظرك بشوق
GOOD-BOY October 5th, 2009, 12:24 PM
7 " ابووو عريب..انا ماصدمني الا 7 شنط !!
هذي وين تحطها؟
والعفش الزايد كيف راح تشيله؟
هذا غير المواصلات !!
طمنــا عنك..نبي نعرررف وشو صاااااار !!
XxXxX_Lady_XxXxX October 5th, 2009, 01:13 PM
7 " ياااااااااااارب ياااااااااااااااااااارب انك تحل مشكلةالاتصال عند ابوعريب ويكملنا القصة
خخخ
ح نين October 5th, 2009, 02:22 PM
7 "
October 5th, 2009, 01:06 AM
سوف اكتب لكم ماحدث لي يوم الرحلة وحتى وصولي لندن من باب التسلية
المهم وصلت للبطحاء على 8.30 وانتظرت نص ساعة ليما فتح الصرافين (انا السعودي الوحيد بالبطحاء)
المهم اكثر من صرااف ماعندهم باوووند وفي الاخير لقيت لي شيخ كريم يشتغل في الصرافة اسمه ابو محسن رحم حالي يوم قلت له رحلتي الليلة ومريت اكثر من صرااف مالقيت عندهم واجرى ا اكثر من اتصال وبعد محاولات عدة قاال روح لمستشفى الشمييسى (انا قلت الرجال يحسب اني استخفيت من كثر مااقووله تكفى دوور لي باووندات وااحن علىه واقوله باي سعر-قلت الشميسى ليه انا حمد لله ماعندي اي مشاكل اصحيه ولاعقلية قام يضحك وقال انا اقصد فرع الراجحي اللي بالشميسى انا كلمت مسوؤل الفرع وقال موجود عندة ثلاثة الاف باووند
قلت شكرا وحركت على مستشفى الشميسى اقصد على الفرع ورحت هناك ومن كثرما انا مستعجل عطيت المحاسب الهندي فلووس زيادة ورجع لي 500 ريال ماكنت حاسبها (الله يجزاه خير مع انه مو مسلم )
اخذت الدراهم (على قولت الشيبان) وعلى مكتب الخطوط السعوديه(حرييص) في اقصى شمال الرياض وارووح واسحب رقم وانتظر
وبعد نص ساعة وصل الدور علي قالوا لي ان البوردنق لرحلة لندن وامريكا لازم من المطار(انا مسوي ذكي باخذ البوردنق وبعدين ارووح المطار على كيفي )
رجعت لبيتنا بحي الروضة واتصلت على الحلاق وقلته له بعد الظهر بمر عليك لاتستقبل احد لاني مستعجل ووالليلة عريس (بتزوج الثانية )
خلاصنا حلاقة وتنعيم وتنظيف وبخار وسنفرة(علشان اصير نفس لون البريطانيين ما كوون غريب)ا ورجعت البيت قالت ام عريب جبت التمر قلت لا قالت يالله اطمر بسرعة والله واطمر وعلى محل التمر واشترى خلاص القصيم ( انا مدمن قهوة ولايتكيف الراس اللى بالقدووع(التمر))
على رجعتي للبيت اذن العصر صليت وافتح ورقة الطلبات واجلس اشطب اللي خلصت والقى مكتوب في اسفل الورقة شطاف موية واطمر مرة تانية والف في الشارع والقى شكير ( السباك) قلت يا شكير ابي شطاف واشتري اثنين كلهم احتياط
وارجع البيت تاني واحمل المدام والبزورة وعلى بيت جدهم(البابااا) علشان يودعوونهم وانا بالطريق اشووف محل ملابس رجالي
وانا امسك بريك(افرمل بسرعة ) واذا ب شليويح(اسم الدلع لولدي فيصل) يحضر عندي في قزاز السيارة ما كان رابط حزم الامان قلت شفت في برطانيا لازم تربطه (بعطيهم درس عن اهمية حزام الامان )وانزل اشتري بجامات لي ولاطفال
عائلتي انا والمدام وبنوتتين 11 و6 سنوات وفيصل 5 سنوات
7شنط من ذات الحجم الكبير والكبير جدا (وحدة منهم بس بهارات وقهوة وريحه البهارات من مسافة كيلو تشمها )
يتبع لاحقاااااا(لوجود مشكل بالاتصال)