اهل اللغه الله يسعدكم اتفضلووووووا....

اكيد البري ماستر مفيد بس انتي متى بتدخلين ماستر اصلا لان البري يكون قبل الماستر بشهرين

وبعدين اكيد ماراح تحسين ببفرق كبير لان مستواك كويس

يعني من البدايه الين الانتر ميديت تسحسين بفرق بس بعد هذا تحسين ان اشاء واجد تتكرر بس كل مره تتوسع

بس كملي كلها بري ادفانس وادفانس وبعد كذا اخذي بري ماستر والله يوفقك ويوفقنا ...

اختي ادخلي كلاسات ايلس وانصحك بالبري ماستر ..
الجينرال اعتقد لمستوى بري انترميديت كفايه .. وتبدين تدرسين اكادمك انجلش لانه هو اللي راح يفيدك بالجامعه ..
اما الجنرال ممكن تقوينه بمحادثات افلام اغاني وكذا ..
هذا رأيي يعني واللي طبقته .. وكثير نصحوني فيه وصراحه استفدت

إلى الاخت برنسيسه انا ادرس فيlevel 5 upper عادي تقدري تدرسي لغه عامه وفي معلومه كمان تقدري تدخلي الجامعه بدون اختبار الايتلس في كورس اسمه فونديشن اللي هو كأنه سنه تحضيريه عادي تدرسيه وتدخلي الجامعه وانا مقدم على كذا
الفرق بين الايتلس والفونديشن:الايتلس بسرعه تختبري وتدخلي الجامعه لكن كورس الفونديشن نفس الايتلس بس تأخديه في أقل شي 9شهور

البري ماستر < احيانا يقولون مقبول لدى الملحقية واحيانا لا !
لذلك اسألي المشرف قبل كل شي ،،

انا الجامعه عرضت علي بري ماستر بعد وصولي بـ 6 أشهر ،
ولكن المشـرف قال ، غير معترف به !!

البعض يقول اذا كان البري ماستر بس لغة اوكى ، لكن اذا كان فيه مواد اخرى فغير مسموح لك



انا نصيحتي ،،
خذي Presessional وهذي معلومات اكثر . الرابط

طيب اناا اخوااني قبول الجامعه الي عندي في شهر سبتمبر السنه القاادمه ولا وزم اجلس في مدينتي الين شهر 3
وانا بدات بانترميديت والحين ابر سؤالي هو البريسيشنال هل بيكون تبع الجامعه اللي ادخل فيهااا ؟؟ لانه جامعتي في مدينه وانا حالياا في ميدنه ثاانيه
بعدين سؤالي الثااني الفاونديشن تبع الجامعه برضوا على مااعتقد يعني ماقدر اخذه الحين الى لماا ادخل الجاامعه صح؟؟
بعدين اخي الكريم الي يقولي انجلش اكاديمي اناا بدرس انجلش اكاديمي على قولت المعهد بس احسه عادي مدري ايش الفرق بين الاكاديمي والعام؟؟

ومشسكووووورين الله يوفقكم ويستر عليكم على الردوود

اختي البريسيشنل كورس غالبا يبدا قبل الماجستير بخمسة اشهر ( بالكثير ) للي مستواهم 5 في الايلتز .. اللي مستواهم اكثر من كذا يحتاجون فترة اقل .. والبريسيشنل يركز على القراءة والكتابة الاكاديمية والبريزينتيشن والاشياء العملية اللي ممكن الواحد يحتاجها في الماستر .. وعموما .. هو يختلف من جامعة لجامعة ..

لو تبين رايي الشخصي .. من هنا الى شهر 3 اتوقع انك راح تحصلين الدرجة المطلوبة في الايلتز ان شاء الله اذا كانت 6 او 6.5 .. بشرط انك تكملين بجدية وتحطين في بالك انك تقدرين تجيبينها ..

اما من ناحية الاكاديمي والجنرال فالاكاديمي مفيد جدا في الماجستير اكثر من الجنرال بمراحل .. وهالشي ما يعني ان الجنرال مو مفيد لا بالعكس .. مفيد للحياة اليومية وفي الماستر بعد .. لكن الاكاديمي مفيد للي يحتاجون للكتابة والقراءة كثير في الماستر ..

الله يوفقنا وياكم ..

ياااخ فرعوون الله يكفيك شر الاسم
الله يوفقك اخوي ان شالله دنيا واخره انا اولا ابغى اعرف الفرق مو انه هذا يعتمد على كتابه وهذا مدري ايش لا لاني انا بدرس في معهد وهم بيقولولي انه اكاديمك انجلش بس اناا ماني حاسه انه اكااديميك يعني مااشوفهم يركزوااا على الكتاابه ابداا عشاان كده سؤالي ابغى توضيح الناس اللي بتدرس اكاديمك ايش بياخذوا ؟؟تقريباا يعني
بعدين بالنسبه للبريسشنل كورس هل لازم يكون لنفس الجامعه الي بدرس فيهاا ولا مايفرق اخذ الكورس هذاا في جامعه وقبولي في جامعه ثانيه ؟؟
علما باني بختبر الايلتس على شهر 12 وان شالله متفائله اني بجيب من 5 الى 5.5 باذن الرحمان واللي ممكن يجيب لي قبول مبداي في جامعه حلووة بس في هذه الحااله رايك اني اخذ ايلتس فل تاايم لمده 3 شهور واختر ثاني ولا ادخل بريسشنال كورس على طوول وبلاها من الايلتس ؟؟


واشكر من كل قلبي كل من سااهم وساعدني في الموضووع هذاا والله يفرج عليكم ياااااااااارب

وين الفرزززعه ياشبااااب ارجوكم اعطوني ارااءكم عشان
اعرف اقرر برااحتي وماانضغط في الوقت

الله يجزاك خير اختي على دعائك ويعطيك مثله واكثر ..
بالنسبة للاكاديميك انجلش هو اللي يركز على كيفية القراءة الاكاديمية اللي هي يسمونها سكيم اند سكان وهالشي موجود حتى في الجنرال انجلش لكن الاكاديميك يركزون عليها اكثر ويدرسونها بكثافة اكبر .. وبالنسبة للرايتينق فهم يعلمونك كيفة كتابة نص اكاديمي بحت من غير ادخال الرأي الشخصي فيه وكيفية البحث في المراجع وكيفية فهم وتحليل السؤال المطروح وكيفية كتابة المراجع في اخر البحث وكيفية جعل البحث اكاديمي بحت من حيث البنية وخلافه.. الخ

هذا غير انه في الليسننق يعلمونك كيف تكتبين نوتس اثناء المحاضرة وكيف تختصرين النوتس تبعك بحيث انك ما تستهلكين وقت طويل في كتابتها .. واشياء غيرها كثيرة ما تحضرني لكنها مفيدة جدا للجميع وخصوصا الطلاب اللي تعتمد دراستهم على الكتابة والقراءة بشكل كبير ..

اما بالنسبة للبريسيشنل كورس .. فاغلب الجامعات ما تقبل كورسات بريسيشنل من جامعات ثانية .. البعض يقبل اما الاغلب من اللي اعرفهم ما يقبلون الا البريسيشنل تبعهم .. وانا افضل ان الطالب ياخذ البريسيشنل من الجامعة نفسها اللي بيدرس فيها لانهم بيدرسونه اللي هم محتاجينه ..

اما بالنسبة لدخولك لبرنامج الايلتز فانا مؤيد جدا لدخول الطلاب لبرنامج الايلتز قبل دخول الاختبار الفعلي .. خصوصا اذا كان الكورس من نفس الجهة اللي تنظم اختبار الايلتز .. وان شاء الله انك تجيبين السكور المطلوب من اول مرة وما تحتاجين البريسيشنل كورس .. لكن لو ما جبتيها لا سمح الله برضه لازم تجيبين في الايلتز على الاقل 5 عشان تدخلين البريسيشنل كورس في اغلب الجامعات ..

ونصيحتي للكل .. حتى اللي جاب السكور المطلوب في الايلتز وحصل الانكونديشنل اوفر يحاول يدخل هالكورس "البريسيشنل" لانه يعلم اشياء كثيرة للطلاب في مجال دراستهم في المستقبل ان شاء الله ويخليهم بجو الدراسة قبل بداية الماجستير ..

الله يوفقنا وياكم ..