الأعضاء الإشتراك و التسجيل

الملتقيات
ADs

شرح معلومات تهم المبتعث الجديد

شرح معلومات تهم المبتعث الجديد


NOTICE

تنبيه: هذا الموضوع قديم. تم طرحه قبل 5212 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية كرة بيلسان
    كرة بيلسان

    مبتعث جديد New Member

    كرة بيلسان المملكة المتحدة

    كرة بيلسان , أنثى. مبتعث جديد New Member. من السعودية , مبتعث فى المملكة المتحدة , تخصصى فيزياء الضوء , بجامعة جامعة مانشستر
    • جامعة مانشستر
    • فيزياء الضوء
    • أنثى
    • مانشستر - بريطانيا, السعودية
    • السعودية
    • Oct 2009
    المزيدl

    December 20th, 2009, 07:09 PM

    أدري الأخوان ما قصروا ولكن هناك معلومات إحتجتها فلم أجد من يجاوبني عليها فتورطت لذلك أبغى أسرد هذا المعلومات عشان ما تتوهقوا مثلي .
    في البدايه المبتعث يجب أن يستلم من الوزارة التالي :
    1- قبول المعهد وممكن هو يغيره .
    2- الضمان المالي ومنه ممكن عمل الفيزا فورا .
    3- أمر الإركاب ( تذكرة الطيارة )يعني تحجزلرحله المناسبه من خلال زيارتك شخصيا للوزارة بالرياض يفضل الحجز قبل ذهابك للسفارة لأن ابلكيشن السفارة مطلوب تحدد موعد سفرك لبريطانيا بس ما يطلبوا منك التذكرة .
    4- بعد ما تطلع الفيزا ترسل صورتها للوزارة عشان يصدر لك( قرار الإبتعاث ) وهو الورقه النهائية من الوزارة .
    ملاحظة يتطلب في كل مرة إستلام الورق شخصيا بالرياض في الوزارة تحديدا .

    بالنسبه للفيزا :
    1 -يفضل أن يكون معك أيلتز عشان تقدر تاخذ معهد بسنه ولو ما كان عندك أيلتز يعطوك في البدايه معهد ب 6 أشهر حتى تختبر الأيلتز وتجيب قبول 6 الأشهر الباقيه من المعهد المشكلة في هذي الطريقه إنك لو جبت قبول 6 أشهر فقط يعطوك فيزة طالب زائر وهذي الفيزا ما تقدر تجددها من بريطانيا لازم ترجع السعودية حتى تجددها .
    2- لازم تحجز في مكتب الطيار بالوزارة أول عشان تعرف تملي الأبليكيشن .
    3- لازم تختار الأبليكيشن إلي يناسب حالتك من موقع الفيزا لبريطانيا فهناك فرق بين طالب جديد لمدة سنة وطالب جديد لمدة 6 أشهر وطالب يجدد فيزته و إذا ما عرفت ببساطه روح للسفارة وهم يسلموك الأبليكيشن المناسب لك .
    4- إذا ماعرفت تملي الأبليكيشن في مكاتب خاصه تساعدك وغالبا تكون بجانب السفارة .

    نجي لطلبات الفيزا (قرات كثير في النت كلها أختلفت علي لما رحت بنفسي ) :
    1- الأبليكيشن ( نموذج الفيزا ) + أبليكيشن خاص بالمرافق .
    2- جواز سفر المبتعث والمرافق .
    3- إذا كان المبتعث والمرافق أزواج لابد من ترجمة كرت العائله الأصل في مكتب ترجمه معترف به وتحتاج لترجمه كرت العائله الأصل وجواز سفر الزوج الأصل وممكن تترجم من مكتب ترجمه قريب من السفارة وخذلك صورة منها لأن كل مرة حتجدد فيزا تحتاجها .
    4- صورة واحده للمبتعث وأخرى للمرافق وفق مواصفات الصور على موقع السفارة .
    5- الشهادات وكشف الدرجات وخبرة إن وجد ولا تنسى صورة طبق الأصل منها لأن بياخذوا الصور .
    6- الضمان المالي وأعطيهم صورة منه بعد ما توريهم الأصل .
    7- قبول المعهد والجامعه إن وجد واعطيهم صور منها .
    8- قالوا إنو مطلوب كشف حساب للبنك لللي يشتغل سواء الزوج والزوجه حتتى المرافق ولكن ما طلبوها مني .
    9- الرسوم لطالب زائر 448 ريال ولطالب لمدة سنه 950 ريال وما عندي فكرة عن سعر التجديد .
    هذي هي الطلبات إلي أخذوها مني طبعا مضاف لها البصمة وأخذوا جواز السفر ويسلموه وقت ما تخلص الفيزا .

    لا تنسوا يالمبتعثين تحجزوا قبل موعد دراستكم أقل شي 5 أو 4 أيام وتعملوا الفيزا قبل موعد سفركم أقل شي 3 أسابيع لأن في مناطق تاخذ إسبوعين حتى تطلع الفيزا زي جدة و الرياض و لكن الخبر ممكن يومين وأيام الأعياد 7 أيام وممكن تشوفوا مواعيدهم من النت تحجزوا موعد وكمان تعرفوا مواعيد الإجازة لهم .
    بعد ما خلصت لفيزا وطلعت فورا أرسل صورة للوزارة عشان يصدر لك قرار الإبتعاث وتروح بنفسك تستلمه . أتمنى أكون أفدكم خليكم دقيقين في المواعيد لأن ما ينفع تبدأ الدراسه وإنت لسه ما خلصت فيزتك بالتوفيق يارب للجميع لإخواني وأخواتي المبتعثين والله يردكم لبلادكم سالمين غانمين ....
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.