ماهو البريسشنال كورس ؟ وهل فيه نجاح ورسوب ؟

اخوي البريسشنال كورس هو اكاديمك كورس مو جنرال..

الدراسه فيه تهيئك للدراسه الجامعيه فيعلمونك كيف تكتب essay وانواعه و كيف تكتب بطريقه اكاديميه و بكلمات اكاديميه من غير القرامر و السبيكنق عاده يكون تدريب على الاكاديمك دسكشن و البرزنتيشن

عاده يكون المعهد اللي يقدم البريسشنال كورس تبع الجامعه واذا كان عندك قبول في نفس الجامعه اللي فيها المعهد راح تقبلك الجامعه بناء على اجتيازك البريسشنل كورس في معهدهم بنجاح مساوي تقريبا لدرجه الايلتس وكل معهد يختلف في تصحيحه و تنجيحه للطلاب.

بمعنى تـنـقبل بالجامعه من معهدها بناء على درجه البريسشنال كورس حق معهدهم مو الايلتس.

بالنسبه للقبول بالجامعات الاخرى بناء على شهاده البريسشنال كورس.. فيعتمد فيه جامعات تعترف بمعهد جامعات ثانيه وفيه لا.

السؤال الاخير : هل فيه نجاح او رسوب ؟
نعم فيه

اخيرا يفضل انك تدخله لانه بيوفر لك فرصه ثانيه لدخول الجامعه بدل الايلتس ويصير تختبر ايلتس على راحتك وبنفس الوقت تعتمد على الكورس وطبعا لكل معهد شروط دخول ترتبط عاده بدرجه معينه بالايلتس.. وبنفس الوقت يعودك على الكتابه الاكاديميه واللي بتفيدك بالجامعه.

اتمنى اني جاوبت عن استفسارك

بالتوفيق

إضافةً لما ذكرته الأخت لاودي

توجد بعض الجامعات لا تشترط اختبار في البريسيشنال، و إنما فقط الحضور و ربما اختبار بسيط
و بعضهم عندهم اختبار شبيه بالأيلتس ، بل و ينافسه في الصعوبة، مثل اختبار جامعة سوانزي

لكن هو كرس جدا جدا مفيد و أنصح الجميع بالدخول فيه حتى لو كانت إنجليزيتك جيدة

الله يعطيك العافية اختي loudy وماقصرتي الله يجزاك خير
لكن انا جيب بالايلتس 5.5 وهذا يضمن لي اددخل الجامعه بس لازم ادرس بريسشنال كورس في معهد تابع للجامعه
هل الكورس ها الي راح ادرسه ان شاء الله فيه نجاح ورسوب ام فقط للفائدة وتطوير لغتك قبل دخولك برنامج الماجستير ؟
وشكرا

الله يعطيك العافيه اخوي المحلل ولك كل الشكر على نصائحك
جزاكم الله خير جميعا
تحياتي

ولم افهم قصدك بلازم ادرس الكورس كيف جبت الدرجه دخول الجامعه ولازم الكورس.

كما فهمت منك انك حصلت على الدرجه المطلوبه لدخولك للجامعه وهي 5.5 في الايلتس اذا صحيح ما فهمته.

اذن رسوبك او نجاحك لن يؤثر على قبولك في الجامعه اذ يمكنك من الان ان تعطي مكتب القبول في الجامعه نتيجه الايلتس ليعطوك القبول الغير مشروط وترتاح..


يبقى هنا هل الكورس مفيد ام لا .. الكورس جدا مفيد فسبق ان شرحت لك عنه في ردي السابق.. هو مفيد بكيفيه الكتابه الاكاديمه لما يطلب منك اثناء الدراسه الجامعيه مثل كتابه مقال بطريقه معينه او لما تصير بقروب مع طلاب تديرون مناقشه حول موضوع معين.

بالتوفيق

uuuuuuuuuuuuuuuuuuuuuuuuuuup

مشكوووووووووورة وماقصرتي اختي يعطيك العافيه
ايوا وصلت الفكرة الحين الله لايهينك
انا اقصد ان قبولي مشروط بـ 6.5 ايلتس علشان ادخل دايركت للبرنامج
بس معطينا فرصه ثانيه الي هي اجيب 5.5 ادخل برسيشنال كورس
جزاك الله خير

ما ادري بس احسها ما وصلت

اذا على حسب ما وضحته بردك يعني الآن تقدر تدخل الكورس لانك جبت الدرجه المطلوبه لدخوله.

كما قال الاخ المحلل الرسوب والنجاح يعتمد على المعهد اذا يسوي اختبار اولا مع اني اشوف ان اغلب المعاهد الاكاديميه واللي تقدم بريسشنال كورس تطلب النجاح ولكن الطريقه تختلف من معهد لآخر.

فتشوف معاهد لها اختبار مستقل معترف فيه من جهه معينه شبيه بالايلتس وفيه معاهد تلاقيها تطلب منك اثناء الكورس اختبارات للكتابه مثلا و تسوي لك اختبار اخير للكتابه .نص الدرجه يكون متوسط الاختبارات طول فتره الكورس والنص الثاني على النهائي. واللسننق يختلف فيه ناس زي الايلتس وفيه لا يقرون لك محاضره وانت تاخذ نوتس و يعطوك اسئله بناء عليها تحل وهكذا لباقي المهارات.

شد حيلك بين لهم انك مهتم طول فتره الكورس وان شاء الله بتنجح .

بالتوفيق

البكالوريوس والفاونديشن مايحتاج برسشنال كورس

فقط للدراسات العليا