استفسار هل هناك امل بالالتحاق بالبعثة؟

اخوي .. من واحد عارف الوضع اقولك ان الوضع مثل المعادلة هاذي :.

لازم مبتعث ينسحب او يحول لبلد ثاني ( عشان تأخذ مكانه ) + واسطة تكون قوية = تحصل على الالحاق

لكن ابقولك لآ تروح وانت ما عندك واسطة لأن حتى مع الواسطة نسبة انضمامك ما تتعدى 30%

انا والله اشد منك ابغى بريطانيا لأنها قريبة من السعودية والدول الاوربية وفيها افضل الاندية وسياحية من الدرجة الاولى ... الخ لكن وش اسوي..

ما ودي ازيد بالتحطيم .. لكن تذكر ان مع الدعاء كل شئ يتسهل..

انا عندي واحد واسطة يعرف غازي مكي مدير الملحقية جد المعرفة , وهو اللي قال له لازم ان اي طالب ينسحب او يحول لبلد ثاني عشان نضيف اللي مقدم على الالحاق..

وقال كمان ان سبب منع بريطانية هي زحمة الطلاب وكثرة العوائل المبتعثة لأن العوائل ما تنسحب من البعثة اما الافراد كل 3 شهور يجيهم 2 او 3 يبغون يلغون او يحولون لبلد ثاني

انا اكرر .. انا كلامي لا تأخذه بعين الاعتبار , لأن من يوم اصدروا قرار المنع في اكثر من 10 حالات انضموا للبعثة شفتها بالمنتدى

طبعا ذولا 1000000% عندهم واسطة وواسطة قوية بعد وانا ما احسدهم الله يهنيهم

وفيه طريق ثاني .. انك تروح لبلد يكون الانضمام فيه مباشر مثل الصين كوريا .. الخ , وبعدين تطلب قرار نقل لبريطانيا وهذا الحل يعطيك فرصة 50% انك تنضم مع الواسطة طبعا

هذا اللي عندي والله يوفقك ويحقق لي ولك ولكل مرادنا يا رب

في امان الله