السلام عليكم....


كيف حالكم ياشباب....

ممكن احد يفيدني بطريقة التحويل من حسابي في الhsbc الى حسابي في بنك الراجحي؟؟؟

يعطيكم الف عافية

عن طريق البنك

او اون لاين

يستغرق 72 ساعه تقريبا

السلام عليكم أخوي فني

فيه طريقتين للتحويل الأولى عن طريق البنك والثانية عن طريق النت

الأولى تروح للبنك ومعك بيانات الحساب اللي بالراجحي زي IBAN اللي هو رقم الحساب الدولي وفيه رقم ثاني BIC اللي هو رمز الفرع الدولي وراح احط لك رموز الفروع الدولية لعدد من البنوك تحت, ثم تقول لهم حولولي والعمولة 17£.

الطريقة الثانية واللي هي عن طريق النت وهي اذا فتحت حسابك تبي تلقى الصفحة الرئيسية اللي توضح رصيدك واسم حسابك, اضغط على اسم حسابك عشان تدخل لكشف الحساب, اذا دخلت على كشف الحساب تبي تلقى خيارات على يسار الصفحة من بينهن خيار اسمه Send Money Overseas اضغط على هذا الخيار وراح يطلب منك اسم الدولة المحول اليها والعملة اللي تبي تحولها ثم يدخلك ع البيانات زي اسم المستفيد و IBAN و BIC والمبلغ وسبب التحويل اذا عبيت البيانات كلها وضغطت على Continue يبي يطلع لك مراجعة للمعلومات ويطلب تأكيدك على صحة المعلومات ثم تسوي تأكيد ويتم ارسال الفلوس وعادة تاخذ مابين يوم الى 3 أيام مع مراعاة فرق الويك اند ببريطانيا والسعودية والعمولة نفسها 17£ وبعد فترة يسحبون تقريبا 8.33£ كرسوم اضافية بعد. (هذي الرسوم الاضافية سحبوها من عندي كذا مرة وكنت كل مرة أحول عن طريق النت ماقد حولت عن طريق الفرع فـ ماادري هل الرسوم هذي تبي تنطبق عليك اذا حولت عن طريق الفرع ولا لا).

الخدمة هذي شغالة عن طريق النت من الاثنين الى الجمعة من الساعه 8 صباحا الى الساعه 3.30 مساءا

رموز الفروع الدولية لبعض البنوك السعودية:
بنك الرياض RIBLSARI
بنك العربي ARNBSARI
بنك الراجحي RJHISARI
بنك سامبا SAMBSARI
بنك البلاد ALBISARI

أتمنى اني وصلت لك المعلومة بكل وضوح

تقبل مروري

اخوي الله يعطيك العافية بس ايش قصدك لما يسألك العملة و هل اذا حولت للراجحي اضمن انه يعطيني افضل سعر صرف لان البنوك تعطي سعر و محلات الصرافة سعر و الله قهر و بعدين انا سألت موظف البنك و قال لي 17 باوند ما شاء الله ايش الرسوم الاضافية هذه و قال تحويل الفرع 30 باوند او 25 انا ناسيه

يعطيكم العافية يا اخوان مشكورين وما قصرتوا

فيه طريقة وهي عن طريق الويسترن نيونيون

إذا حولت المبلغ يوصل في نفس اللحظة للمستلم يعني إذا تبيها في الحال

و إذا تبيها بالحالة العادية أعتقد يوصل المبلغ للمستلم بعد 12 ساعه أعتقد لآني ماني متأكد

وسعر التحويل على حسب المبلغ اللي بتحوله أنت .. بمعنى كلما كان مبلغك أكبر كلما زاد قيمة التحويل

بالتوفيق ،،

اهم الاشياء التي من المهم معرفتها عن البنكين هم :
IBAN NO
SWIFT CODE
BIC ADDRESS
ACCOUNT NUMBER

اطلبها من نفس البنك .،
ومن خلال INTERNET BANKING ONLINE قم بعملية TRANSFER



بالتوفيق

المشاركة الأصلية كتبت بواسطة سالي007

اخوي الله يعطيك العافية بس ايش قصدك لما يسألك العملة و هل اذا حولت للراجحي اضمن انه يعطيني افضل سعر صرف لان البنوك تعطي سعر و محلات الصرافة سعر و الله قهر و بعدين انا سألت موظف البنك و قال لي 17 باوند ما شاء الله ايش الرسوم الاضافية هذه و قال تحويل الفرع 30 باوند او 25 انا ناسيه

أختي العملة يعني نوع العملة اللي تبين تحولينها وبالعادة تكون ريال سعودي لأنك تبين تحولين للسعودية.

وبخصوص سعر الصرف البنك يعطيك سعر صرف العملة حسب سعر السوق على ماأعتقد.

وبخصوص العمولة انا حولت تقريبا 5 مرات من HSBC الى حسابي في بنك الرياض عن طريق النت واذا جيت احول ياخذون عمولة 17 £ ثم بعد فترة تقريبا اسبوعين يسحبون 8.33£ .

تقبلوا مروري

طيب ايش الارخص هل ويسترن يونيون ارخص بلللليز من جربها و كم العمولة اي رسوم التحويل و هل يفرق بحجم المبلغ يعني 4000 باوند كم بتكون انا قصدي على ويسترن يونيون بللللييييز افيدوني

انا دايم احول من الويسترن يونيون على السعوديه

ولما احول الفلوس تقولي تبينها في نفس اللحظه توصل لهم ولا بعد يوم او يومين لانه اذا في نفس اللحظه ادفع عموله وتقريبا العموله 19 ياوند ولو ابغاها توصل بعد يوم ماتاخذ مني عموله وبس

وللحين ماجربت احول من حسابي لحساب سعودي كل مابغيت احول مبلغ احول بالويسترن يونيون

وبس ^_^

اي وبالنسبه للمبلغ اذا كان كبير زي ماانتي قلتي 4000 باوند بتطلب منك اثباتات وجواز السفر + Bank statement