هل لنا نصيب ؟؟ طالب ثانوي مقبل على نهاية السنة ويطلب فزعتكم لتحقيق مستقبله الذي يتمنى

شف يا عزيزي اول شي شاكر لك على تفكيرك الحلو والنادر وغريبه صراحه لان اكثر طلاب الثانوي ما يفكرون وش بيسون بعد الثانويه بس يبي يخلص وانا كنت واحد منهم والخطا من الواليدين.
الشي الثاني والله شف مسالة ان البعثه افضل من الداخل مو باكيد بس هي تعتمد على التخصص والدوله وايضا لانك تبي تغير جو ترا مو سبب مقنع يعني عندك قدره تتحمل الغربه تصبر من اهلك فترات طويله واذا كنت طب تدرس 7 سنوات وبصراحه والله كان تفكيرنا كلنا طب او اتوقع انه تفكير اي طالب يعني مستواه جيد لان حنا نخذ الطب بسهوله لذلك شف رغبتك اهم شي بس يبقى الطب هو افضل تخصص
وبالنسبه للمعدل اهم شي التحصيلي وشد حيلك في ثالث لا 50% من التحصيلي يعتمد على ثالث وفعلا اختبار يبي له تركيز وهو اصعب بكثير من القدرات انا اكلمك هالكلام اني ما تفوقت في االاختبار وتراها بعد ترجع للحظ
واخيرا ان جاتك البعثه والا ترا ما انت بخسران والله ان جامعات السعوديه ممتاز جدا يعني لو االله وفقنا وخذنا البكالوريوس في السعوديه والماجستير وغيرها برا هذا والله اشوفه افضل حل لان كلهم في الاخير راح يطونون سوا وبالعكس الي في السعوديه راح يكون متحمس انه يطلع برا والماجستير عندنا مش ولابد يعني هذا جلس عند اهله وارتاح وبعدين كمل برا سنتين بعكس الي درس برا 5 او 6 سنوا اتوقع انه صعب راح يكمل ماجستير وانا اعرف شباب كملوا في السعوديه وما استفادوا شي كثير من الشهادت الي من برا ؟. انا عارف كثرت عليكم بس عاد تحملوا
اتمنى اني افدت في شي وموفق ان شاء الله يا ذيب

وعلى فكره في خدمتك يالطيب في اي وقت وتقدر تراسلني خاص وبعدين يه انت تقولو انت تفكر في الطب وفي نفس الوقت تقول تبي بعثات ارامكوا وسابك ما تجي الاثنين معا يعني اهم شي في حياتك حدد انت وش تبي من الحين لان ذي مشكلة كل طالب ما يعرف يحدد تخصصه فانت من الحين لا تلص ثالث والا في راسك شي تبيه وصدقني راح ترتاح بعدين
باي

يعطيك العافية عزيزي ملك بريطانيا على تجاوبك

يمكن يكون فهمك لموضوعي اني بس ابي اطلع بعثة وخلاص .. لا المقصود اني احب هذه التخصصات : الهندسة والكيمياء والطب .. واقبل بأي واحد منهم بدون اي ممانعة .. وبما ان بعثات المملكة تختص بالطب فقط .. علشان كذا قررت على الطب

وعلى طاري الغربة .. والله كثير شباب طلعوا برا عن اهلهم لغرض الدراسة .. الله يجمعهم ويجمعنا مع المحبين

وعلى فكرة سبب اهتمامي من الحين .. اكثر اقاربي الا تخرجوا العام الماضي ماعرفوا وين يروحوا .. حتى فيه بعضهم عندهم نسب عالية في القياس .. والسبب انهم ماحددوا وجهتهم من الحين

وشاكر لك مرة اخرى