بسم الله الرحمن الرحيم مبتعث جديد انشاءالله فى برايتون

عليكم السلام ورحمه الله وبركاته .. أهلين أختي الكريمة

الحمدلله المدينة أمنه إن شاءلله .. وقريبة من لندن تقريبا ً ساعه بالقطار .. وقريبة من مطار قاتويك نصف ساعه بالقطار

وحسب ما سمعت فيها ثلاثة مساجد .. والحمدلله صليت في أثنين منها .. واحد من المسجدين فيه قسم للنساء

و بخصوص العرب مليانه سعوديين ماشاءلله لدرجة انهم في شهر من الشهور أعتقد على بداية أو نصف السنة الماضية تقريبا ً

منعت الملحقية السعودية الطلاب بأن يدرسون اللغة فيها لتكدس السعوديين فيها بجوار ثلاثة مدن غيرها في جنوب بريطانيا .. والحين مدري أتوقع مسموح

فيها عرب كذلك سوريين ومصريين وسودانيين يشتغلون في البقالات وفي التكاسي وفي المطاعم هيك شي

وجزاك الله خير على دعائك .. والله يسمع منك إن شاءلله ويوفق الطلاب كلهم ..

بالتووفيق ،،

بسم الله الرحمن الرحيم
السلام عليكم ورحمة الله وبركاته

مشكور اخوى قنبلة الانترنت ما قصرت الله يوفقك و يرزقك وينصرك اللهم امين بس بغيت اسئل يعنى هل مواصلاتهم امنه انشاءالله؟ لبنت و اذا عندك اى معلومه عن ef معهد و الحمدلله ما تقصر اذا يبت لى اسم المسجد اللى فيه قسم للنساء

وما قلت لى شلون الجو الحين ؟ انشاءالله زين

عليكم السلام ورحمه الله وبركاته

لاتشكريني على فعل واجب .. واللهم أمين على الدعوة والجميع إن شاءلله

بصراحة ماعندي معلومة عن المعهد لكن اللي اقراه في بعض المشاركات انهم يهتمون بالآنشطة والرحلات في الويكند

بخصوص المواصلات أمنة إن شاءلله بس عاد الواحد لازم ياخذ احتياطه أخر الليل وخصوصا ً في الويكند لآن بعضهم سكارى أعوذ بالله

بس نصيحة عليكي بالآذكار الصباحية والمسائية وأية الكرسي فهي خير حافظ بعد الله .. من مجرب والحمدلله

أسم المسجد/ المدينة .. ثلاثة أدوار ماشاءلله وأفضل من المسجد الآخر اللي صليت فيه وحتى موقعه حلو في شارع الويسترن رود ..هذا الشارع الرئيسي في برايتون

بخصوص الجو أختي الكريمة .. انا الآن في السعودية .. لكن اخر يوم قبل ما ارجع كان ثلوج .. تقريبا ً قبل 18يوم .. لكن تقدرين تدخلين موقع الطقس وتشوفين الجو

بالتوفيق ،،

بسم الله الرحمن الرحيم
السلام عليكم ورحمة الله وبركاته
مشكور اخوى ما قصرت الله يجعله فى ميزان حسناتك و يرجعك بالسلامه امين انا بس اللى خايفه منه المواصلات اخاف مو امنه لانه راح اكون بروحى وجذى الله يستر انشاءالله ,, امين وما قصرت اخوى

اختي المدينة فيه نسبه كبيره من العرب وجيده من كل النواحي والمواصلات امنه ان شاء الله
طبعا انا سبق ان درست فيها مدة شهرين بالصيف
وان شاء الله لما تجين راح تلقين اخوات فاضلات من السعودية ويهونون عليك غربتك ووحدتك ان شاء الله

والله يوفقك ان شاء الله

مشكور اخوى الدوسرى ما قصرت انشاءالله الله يوفقك وينصرك ويرزقك ويثبتك عند السئوال اللهم امين انشاءالله وفيكم الخير

أختي الكريمة .. بخصوص القرآن ,, بريطانيا دولة تحترم الديانات لدرجة ماتتخيلينها . حكومة وشعبا .. ولله الحمد .. فهي آمنه بالنسبة لنا كمسلمين ... ولاتشيلين هم تقبلك كمسلمة .. نرى نساء يلبسون العباة بشكل كامل مع نقاب والشعب متقبل وجودهم جدا .. المسلمين في بريطانيا نسبتهم عالية .. بخصوص المواصلات .. هي آمنه من باصات وقطارات .. لكن نصيحة أختي الكريمة .. من بعد غياب الشمس لاتركبين باص ولاتمشين لوحدك ... صحيح البلد آمن وماشي ع النظام .. لكن مايعني أنه مافيه أخطاء فردية (( سكارى )) عموما القطار بأي وقت آمن لمافيه من رجال أمن .. لكن الباص ما انصحك بعد غياب الشمس يكون التاكسي آمن لك ..,
بريطانيا بلد جدا منظم والكاميرات موجودة بكل مكان بالشوارع .. وبرايتون سمعت عنها أنها مدينة ترفيهية وسياحية ., ومثل ماقالت لك الأخت أذكار الصباح والمساء والأدعية تحفظك بإذن الله ..,
نصيحة لكل الأخوات // بعد غياب الشمس لاتطلعون الا للضرورة القصوى , لما رأيت من مواقف فردية .., حتى بنات بريطانيا مايسلمون ..

وموفقه والجميع يارب .,

سبحان الله وبحمدهـ سبحان الله العظيم .,’

أختي شوفي الموقع هذا يعطيك معلومات جغرافية لا بأس بها
http://www.multimap.com/maps/#map=52...ited%20Kingdom