فول وتميس ووزارة التخبيص..!!

نوووووووووووو كومنت

السلام عليكم ورحمة الله

ياخي انت مالك ومال الطلاب اللي في الدول الثانيه خلك في نفسك
الله يرزقهم
اذا تبي تطالب براتب زيادة من حقك وطلاب بريطانيا كذالك يوقعو على طلب ويرفعوه للوزارة ويكون الطلب قانوني
ومدعوم باسباب مقنعه وانا مستعد اكون اول واحد بس بشرط مايتم ذكر اسوة بطلاب الدول الثانيه
لنترك التفكير في ما يحصل عليه الاخرين وماخلى بلدنا يستشري فيها الفساد اللا التفكير بهذه الطريقه
لك حق اطلبه مالك حق اسكت وخل خلق الله تعيش ولا تعلم ماهي ظروفهم
غريب امر الناس
يوم يجي واحد ويقول زميلي اشترى جزمه ب 60 باوند عشان عندهم مرافقين وعياله في السعوديه وهو قاعد يتنعم في فلوسهم
والثاني يقول طلاب مومباي
اتقو الله
وخلك على راي المثل

لاتفكرا في المفقود حتى لاتفقد الموجود

بالتوفيق

اتمنى لجميع الطلاب التوفيق وبالاخص من هم على البركة لأني احزن عليهم كيف راح يتدبرون امورهم والتفكير عندهم جدا محدود

ردا على موضوعك اخي الكريم
بإختصار الراتب ينزل بالريال السعودي وليس بالعملة المحلية
وانتبة من بعض الردود اللي راح تتهمك بالحسد والجشع وانت اصلا تطالب النظام والانصاف وانا فاهم نيتك بالظبط
عموما مثل ما قلت لك الراتب ينزل بالريال وكل الطلاب نفس الراتب ( يعني الوزارة منصفة بموضوع الراتب )

My regards

ادعي دعاء الرسول لزوجة جليبيب


اللهم صب علينا الخير صبا ولا تجعل عيشنا نكدا

والخير جايك

اللهم بارك لنا فيما رزقتنا


تقبل مروري

سلامي ،،

اشكرك على الرد والمشاركة اولاً
وثانياً انت شكلك لسه ما ابتعثت ولا شفت العيشة هنا
ثالثاً يا اخي افهم النقطة الي قاعد انا اتكلم عنها وعلى فكرة لي عيال عم في كندا وفي امريكا ونيوزيلندا وبعض من الزملاء في الهند يعني انا ما بقلبي عليهم شيء ولا اني احسدهم..!!
لا يا حبيبي انا كل كلامي انه تشوف الغلط من الوزارة وتسكت
تشوف اننا كلنا طلعنا من السعودية كمبتعثين وبعدها تشوف كيف التفرقة بيننا تراها مو حسد هذي
اذا انت تشوفها حسد لا حبيبي هذي اسمها تفرقة وما احد يرضاها
وش فرقنا عن غيرنا
وانا ما اقول نقصو عليهم الرواتب او سوو لهم شيء لا لا والف لا
انا فقط انادي انهم يسوون اعادة نظر في جدوى رواتب مبتعثين بريطانيا
والنقطة الاخيرة ابيك تجاوبني عنها لا هنت

هل 1800 يورو تساوي 1167 باوند ؟؟

هل 3052 دولار استرالي تساوي 1167 باوند ؟؟

اريد جوابك يالغلا..؟؟؟


ترانا كلنا في برنامج الملك عبدالله وكلنا سعوديين ولا كان علمونا اول انه فيه فرق ؟؟


بس لي تعليق على كلمتك هذي..!!

ياصاحبي ماخلا بلادنا يستشري فيها الفساد الا طريقة تفكيرك ومن هم على شاكلته
والساكت عن الحق شيطان اخرس
واذا انت تشوف انه موب حقك انك تاخذ زي ما ياخذ اخوي المبتعث في الدول الثانية عاد خلك في بيتك ازين لك

تحياتي

لا تحسد الناس و انت اذا غاليه البلد غيرها .......ولا تجلس تحسب للناس ترى الرازق ف السماء و الحاسد بالارض

تحياتي للجميع

انا لله وانا اليه راجعون

كل شوي ناط لي واحد قال لا تحسد

وش مفهوم الحسد عندكم ياجماعه

الحسد اني احسد واحد على شيء مو لي او ما اقدر احصله

بس الي انا قاعد اتكلم عليه انه طلعنا من السعودية على اننا بناخذ نفس الرواتب وانه ماتفرق الدولة بس لما جينا هنا صارت على حسب دولتك وهذا شيء ما احد يرضاه

نريد المساواة والعدل

واذا على التغيير لا تحسبه انه سهل

حاولنا كذا مررة ووصلت انهم قالو يا تكمل هنا ولا ارجع للسعودية

يعني هذا القدر المحتوم لاني انا ما عندي اعذار ثانية او ضروف بالعكس كل حاجه هنا كويسه ما عدا الراتب


والحسد ما احد جاب سيرته

شاكر لك مرورك

هلا بك اخوي لا بالعكس لا مضايقه ولا حاجه بل اسعدني تواجدك
من ناحية المطالبة من زمان وحنا نطالب ماحولك احد..!!
واذا انت مبتعث وفي بريطانيا ما اعتقد انه يخفى عليك الغلا ومدى كفاية الراتب خصوصاً انه معاك عائلة والله يعينك على المصاريف..!!
واما من ناحية اني ما اشوف غيري؟ ليش لا انا مارحت قارنت مبتعثين بريطانيا مع حالات ثانية
بالعكس انا قارنت مع اخواننا المبتعثين في دول اخرى مع اني لما وقعت على ورقة الابتعاث كان مكتوب انه الرواتب محددة على جميع الدول ومافي فرق بينهم
لكن لما جينا هنا حصلت اننا اغلى دولة وناخذ اقل من غيرنا
انا مجرد اطالب بالمساواة وعدم الظلم والتفريق بيننا كلنا في برنامج واحد وكلنا سعوديين
لانه اذا اهلي قدروا انهم يساعدوني غيري مايقدر وحنا ماطلعنا من السعودية على ان اهلنا بيتكفلون فينا
حنا ورانا حكومة تدفع لنا لكن.....!!!

اذا تشوف الظلم لازم نتكلم..!!

موب تقول ماعليك الا من نفسك..!!

اذا انا قدرت اخارج نفسي بمساعدة من الاهل غيري مايقدر
والصراحه يحز بخاطري انه بآخر الشهر تشوف اخوك السعودي يروح يتسلف من البقالة العربية ولا من المطاعم العربية بسبت ايش؟؟؟؟

وانت تقول لا تنظر لغيرك..!!

انت بديرة غربة لا اهل ولا اصدقاء عندك..!!

لو تطيح بالارض ما حد يمد يده لك الا ولد ديرتك..!!

وانت تقول حسد وما حسد انا اقول لك بسك انانية وفكر بأخوانك الي حولك مهب كل شهر والثاني سلفات وديون..!!

اتمنى انك فهمت وجهة نظري لاني انا فاهم وجهة نظرك وانا مقد طالبت بتنقيص او اعادة نظر برواتب مبتعثين الدول الثانية..!!

بس حنا نريد حقنا بس..!!

والحمد لله اولاً واخراً

وبالتوفيق لكم كلكم سواءً انتم معاي ولا ضدي

تحياتي