كيف اقدم عالبعثه.. ساعدوني ...PlZ

ساعدوني الله يجزاكم الجنه

اختي
اهم شي تاكدي من جامعتك هل مازال باب الابتعاث لبريطانيا مفتوح
بعدين مسائل القبول سهله ان شاء الله باذن لله
تحضرين قبول لغه وقبول جامعه
وتدرسين لغه في معهد خاص فتره الين تتحسن لغتك ثم تلتحقين بمعهد الجامعه تكملين الاكاديمك انقلش وتبدين الماستر باذن لله
طبعا هذا الافضل وكل هذا يرجع حق لغتك
ولكن مثل ماقلت لك تاكدي من موضوع القبول في بريطانيا من جهه عملك

وبالنسبه للمكاتب الله واعلم عنها بس تعامل اغلبهم تعبان ياخذون المبلغ منك ثم يبدون بالمماطله
ولكن فيه مكاتب قبولات في بريطانيا تجيب القبول مجاني وتاخذ نسبتها من الجامعه عشان كذا تشوفينهم احرص منك على القبول
انا ببحث لك عن رقم مكتب تعاملت معهم وكانوا ممتازين طبعا في بريطانيا المكتب هذا
وبالنسبه لقبول المعهد بعد ماتحصلي على قبول الجامعه وتحدديين المدينه اللي تبينها نبحث في نطاقها

تحياتي وموفقه

لحد يورط نفسه يسافر و مممكن ما يلتحق و يضيع هناك فا الحذرررر

أهلين أختي
فعلاً
أول شئ أسألي إدارة الابتعاث في جامعتك
هل الابتعاث لبريطانيا مفتوح أو لا ؟

إذا قالوا لسه في مجال ؟
فأول شئ جيبي قبول
من معهد ممتاز وفي مدينة كويسة
بعدين جهزي كل أوراقك ، وخذي بيانات ونماذج من إدارة الابتعاث بالجامعة
عبيها
سلميها للقسم عندك
يوافق عليها مجلس القسم
ثم تدخل مجلس الكلية
يوافق عليها مجلس الكلية
ثم ترسل لإدارة الجامعة
وتدخل اجتماعات طويلة مالها آآآآآخر

إلا بإذن الله والنية الصادقة والمتابعة المستمرة لمعاملتك وفين وصلت ؟؟
لأن المعاملات عندنا والمخاطبات توقف وتموت إذا ماتابعناها خطوة خطوة
بعدها يصدر قرار ابتعاثك
وتعبين نماذج ثانية
ثم تحجزين
وتتوكلين على الله
وتجين بريطانيا

ونفس الوضع لو كان لأي دولة ثانية
أهم شئ حددي الدولة - المدينة - المعهد
أدرسي لغة لمدة سنة أو سنة ونصف إذا وفقوا لك على التمديد
ثم اختبري إيلتس
جيبي الدرجة المطلوبة لجامعتك أو قسمك

وخلال دراسة اللغة جيبي قبول جامعة ، بعد ماتختاري التخصص المناسب والقوي
وإللي توافق عليه جامعتك - جهة عملك - .. وأرسليه للملحقية
وكملي إجراءاتك

طبعاً يوجد كثير من المكاتب لإحضار القبول
أنا تعاملت مع مكتب هنا ببريطانيا اسمه أدميشن
لهم فرع بالرياض
صادقين في تعاملهم
دفعت لهم 300 ريال سعودي تأمين
وجابوا لي القبول خلال شهر
ووحدة ثانية أعرفها جابوها لها القبول بأسبوع
ورجعوا لي مبلغ التامين لما وصلت بريطانيا
كل تعاملاتي معهم بالنت وأرسلت لهم الأوراق والشهادات كله بالنت
وكانوا إذا بغوا شئ يتصلون عليّ بالتلفون

وبالتوفيق ربنا معاك ويسهل لك ولنا كل أمورنا ..

الاخوان صادقين

الابتعاث لبريطانيا موقف الأن نهائياً واستراليا ونيوزلاندا وماليزيا فارجوا منك التاكد من الكليه عشان يخاطبون وزارة التعليم العالي
لان واحد من الاصدقاء كان معيد بجامعة اللملك سعود وجاء ترشيح للابتعاث وقالوا جيبوا قبولات المهم هو قدم على بريطانيا وجاب قبوول وطلع الفيزا وفي الاخير تفاجاء بان بريطانيا موقفه بعد كل هالتعب والحين حول لامريكا فانصحك بالسؤال واخذ الخبر الاكيد...... وبالتوفيق

تحياتي لك,,,