استفسار اوقات استلام الفيزا ؟

حسب علمي أخي الكريم .. الساعة 3 موعد استلام الفيز .. وبالتوفيق ..

اخي الكريم ممكن تقولي اش الاوراق الي قدمتها لهم ؟؟

الاوراق المطلوبة ( مبتعث من جهة العمل لدرجة الماجستير ):
1-صورة من جواز السفر مع الاصل
2- صورة طبق الاصل من شهادة البكالووريس
3-صورة من قبول المعهد او الفيزا لتر
4- عدد 2 صور شمسية خلفية بيضاء
5- الضمان المالي الاصل
6- تعريف من جهة العمل
والرسوم تقريبا 915 للتاشيرة و8 ريال لرسائل التذكير

مع تمنياتي للجميع بالتوفيق

اخوي طلال بارك الله فيك ما قصرت لكن ابسالك انا ابغي اجدد الفيزا فهل الاوراق المطلوبة نفسها والافي شي زائد ؟

والله بهالنقطة مااقدر افيدك لاني اول مرة اطلب تاشيرة دراسية
لكن انا اخذت كل اوراقي بظرف وخليتها معي وكل ماطلب شيء قلت له سم

اخوي ابو طلال
انت اختبرت تحديد مستوى ولا كيف عطوك الفيزا لتر
انت قدمت بعد النظام الجديد ؟؟ 22/2/2010

اخوي طلال

يعطيك العافية على هالمعلومات

عندي سؤال بسيط

كم مدة الفيزا اللي انت طلعتها (صلاحيتها) ؟
وكم اقصى مدة يعطوك اياها السفارة لفيزا الطالب ؟
وكم المبلغ المطلوب لاستخراج الفيزا ؟
وكيف المقابلة ، هل قابلك شخص سعودي ام بريطاني ، ووش سألك ؟
وانت طلعتها من اي مدينة بالسعودية ، جدة - الرياض - الخبر ؟
ونظرتك الاخيرة عن طريق التعامل مع السفارة وسرعة ردهم عليك وما الاشياء اللي شوي تعبت فيها او زهقوك فيها لسفارة ؟


وبيض الله وجهك وما قصرت واسف لاسئلتي الكثيرة

ابشركم اليوم استلمت الفيزا وعلى فكرة اوقات الاستلام هي من 10 ص الى 5 المغرب لكن الافضل بعد الظهر عشان الزحمة ...

ابو ريم : المعهد ارسل لي اختبار تحديد مستوى من 8 صفحات تقريبا وحليته وارسلته لهم ـوبعد اسبوع ارسلوا لي الفيزا لتر وقدمت للمكتب
يوم 27-2

الاخ ميدو : بالعكس اسال عن اللي تبغى لاني تحت امرك ومستعد افيدك باللي اقدر عليه

الفيزا اللي طلعتها ياطويل العمر فيزا طالب عام general tudent يسمونها نموذج 4
كانت مدتها تقريبا 9 شهور على حسب مدة برنامج اللغة وقيمتها 915 ريال + 8 ريال لرسائل التذكير

المقابلة مدتها 3 دقايق ومااسالني عن شيء بس طلب الاوراق اللي ذكرتها فوق واحب افيدك ترى اللي قابلني هندي من شركة مخولتها السفارة البريطلنية ياصدار التاشيرات ومقرها في السليمانية بالرياض

صراحة الاجراءات سهلة مرة وميسرة وعلى فكرة هناك مكتب متخصص يعبي لك النموذج من الالف الى الياء ب 100 ريال اسال عنه اذا جيتهم
حطيت رجل على رجل وريحني كثير

تمنياتي لك بالتوفيق

يعطيك العافيه طلال والله يوفقك في دراستك


يعني الفيزا اخذت منك 3 ايام فقط ؟ صراحه اذا فعلا وقت قياسي جدا..


بالنسبه للمكتب اللي يعبي لك النموذج كيف طريقته اعطيه اوراقي وهو يعبي النموذج ولا كيف؟

انا ان شاء الله بطلع ادرس في بريطانيا على حساب العمل .. اذا فيه نصيحه معينه ..