للبلابل الانقلش

مارس حاول تستخدم لغتك حتى لو عكيت الدنيا لا تحط حاجز وتقول اخاف اخربط الا خربط وحاول تتحكى بالطول بالعرض شوي شوي الممارسة بتطلق لسانك بس اهم شيء مارس مع انقليز يعني تانيف انقليش لانك اوتوماتيك راح تكتسب لغتهم لا تطقطق مع عربان تكتسب لغتهم المكسرة

وجهة نظر قابله للصح والغلط لكن من واقع تجربتي كانت هذي الطريقة الوحيده اللي طلقت لساني

يديك العافيه بندر

والله شوف يالحربي مهما تعلمنا تبقى اللغه الانجليزيه كلغه ثانيه.... يعني هاللغه اللي معك اللي تخليك تروح وتجي وتتفاهم وتطلب اللي تبي وتفهم اللي قدامك وش تبي وتفهم منه ايش يبغى تراها انجااااز...... الشي الثاني انت تتطور يوم عن يوم بدون ماتحس وفيه واحد مثل بمثال كويس.... يقول تعلم اللغه مثل الابريق اللي على النار تحصله تزيد الحراره فيه بدون صوت ولا شي الى مايوصل درجة الغليان .... واذا جيت تقيس لغتك قسها بالسعوديه او باي دوله ثانيه غير انجليزيه تحصل نفسك بلبل....

الشي الاخير الطموح شي جميل ويحث على المبادره لكن يبي له شوي ثقه..... وعلى كلام اخوي ترا بدون الخطاء مافيه نجاح

والله يوفقنا واياك

ياولد ورى مانشوف هالمواهب من اول

عن جد كلامك عين العقل .. عسى الله يوفقنا وياك..

لكن يابو جبل ماني عارف وش المشكلة .. القرمر وشافطينه شفط والكتابة نكتب زي الاوادم .. والقراءه نقراء زي البشر .. لكن السبيكنق للحين وحنا .. بين كلمة وكلمه نقول ( أأأأأأ )

الله مير يحيك يابو جبل

ههههههههههه
حلوة ياولد العم !
بس على راي ابو جبل حنا مقارنة مع الصنييين والكورييين منطلقين وبلابل

للإنطلاق في السبيكنج خطوتين مهمة
أول شئ لاتفكر في الجرامر وانت تتكلم ولا تترجم الكلام بالعربي في راسك أول يعني مثل ماقال ألأخ فوق حتى لو عكيت الدنيا ابدا لاتتردد ولا تخاف إذا غلطت التيتشر بيصلحلك وخلاص ماتعيد الغلطة

والخطوة الثانية اللي بتطلق لسانك إن شاء الله 90% ها كم تدفع ؟ >> أحلفي بس

خذ القصص القصيرة وأقرأها كويس وبعد كذا خلي أحد من أصحابك أو زوجتك أي أحد يسألك عنها أو حكيها لأي أحد
إنت بتكون عندك الفكرة والمفردات بس في البداية صعب انك تتكلم بسرعه على قولك ااااا
بس مع التعود كل يوم كل يوم ان شاء الله بتصير نيتف بنلخبط بينك وبين البريطانيين الله يعيننا

>> مو شرط قصص بس هي أفضل عشان تصححلك الجرامر وتفهمها كويس يعني لو القصة في الماضي بتستخدم جرامر الماضي وهكذا

بس أنا عشان ماعندي قصص فأي شئ أقراه مثلا مقال في جريدة أو حتى برقراف في كتاب اي شئ اقراه وأفهم الكلمات الصعبة وأقفل الصفحة وأرجع أعيده مرتين ثلاثة مع نفسي حتى لو مافي احد

والحمدلله يرجع الفضل إلى الله ثم لهذه الطريقة في تطور السبيكنج عندي وأخذتها من أستاذ أمريكي
>> يستحسن تقرأ مقالات من الجريدة أو مواضيع عن مواضيع الأيلتس اللي تجي في الإختبار غالبا ليش
عشان تجمع فوكابلري وتعرف كيف مستخدمينه فلما تعيد المقال غيب في نفسك كذا مرة بتحفظ االكلمات وبيصير عندك فوكابلري حلوة


جرب ماحتخسر ان شاء الله وبتدعيلي

والله اتوقع ان الحركه الثانيه ناجحه .. وجاري تجربتها .. لكن البلا في حريمنا يوم بس نقول ( ok ) قالو أحلى يابلبل انقليزي ههههههههههه تريقه

الله يجزاك خير والله اول مررره اسمع بهالحركه .. ان شاء الله نطلع منها بنتيجة

بس امواج ممكن اعرف وش مشروبك المفضل .. أنا اتوقع ان السبيكمق له دخل بالمشروبات

موفقه ان شاء الله

والله يا حربي جبتها عالجرح
وعلى فكرة 90% من المبتعثين على هذه الحالة ولكن إما انهم مستكبرين يعترفون او راضين بهذي الحالة
ومشكلتنا حنا العرب نفكر بالعربي ونترجمه بنفس اللحظة للانجليزي اذا لقيت حل عجل علي فيه ولك هدية

ههههه الله يديك العافي ياوزير .. صدقني ماخلاني اطرح الموضوع اللي نبي نكون حنا الاحسن


تدري ياوزير المشكلة انه على قولك .. اسولف دايما مع شباب .. اقلهم يعيال والله الاسبيكنق حقي مب قد كذا وحنا معاد بقيلنا شي وننتهي من الماستر ... بعضهم يقووولي رح سوي كذا وراح تفلح زي مانا سويت .. والثاني يقول سوووي زيي دخلت عند عايله وكنت اسولف معهم واللخمدلله صرت بلبل ...

وبالنهايه يالوزير انا .. ابرطق بالانقلش اطلق منهم هههههههههههههههه

المشكلة ان بعضهم .. يعرق يطلب من مطعم اكثر من ثلاث همبرقرات وواحد بطاطس واثنين بيبسي .. قالك شف هالطلب معقد وطلبته هههههههههههههههه

اللحمدلله حنا نسولف بالانقلش .. لكن مو بالشكل المطلووووب اللي المفروووض نكون عليه حالياً.

يعني فيه اثنين اعرفهم عراقيين ويمنين .... والخ .. خلال سنه الا وهو زي البنقاله صار يسب بعد بالانقلش .. وحنا باقيلنا شهر وننهي سنتين .. وحنا يالله الخراج نمشي امورنا

فمادري وين العله ..

اسال الله لي ولك التوفيق وللجميع

تحياتي ياوزير