وش رايكم ياطلاب وطالبات بريطانيا.

هلا اختي انا ادرس في جامعة ايست لنددن
اوكيه الجامعة بحوث وماعليها
كل شي اوكيه

طيب وش تخصصك وهل تخصص الادارة معتمد في الماجستير في ايست لندن يعني مافيها اختبار
وهل استطيع الحصول على قبول مع برسشنل كورس وياليت تفيدني عن جامعة ميدلسكس
وشكرا على ردك

تواصلوا معي لمساعدتكم في الحصول على قبول

للرفع للفائدة
-------------

مساالخير اختي الكريمة
بالنسبة لجامعة ايست لندن جامعة جيدة وتصنيفها بين الجامعات يعتبر متوسط نوعا ما ولكنها جامعة مرنة مع الطلاب
وماعندهم تعقيد واضح مقارنة ببعض الجامعات.. طريقة الدراسة عندهم بشكل عام تعتمد على البحوث والواجبات المقالية
ولكن ايضا يوجد عندهم اختبارات بسيطة في بعض المواد كجزء من متطلبات اجتياز المادة ولكن النصيب والتركيز الاكبر
يقع على البحث..
جامعة ميدليكس تقريبا ينطبق عليها مثل اللي ذكرته عند ايست لندن ولكنها الى حد ما اسهل تصنيفها اقل من جامعة ايست لندن..
وكل الجامعتين معتمدات في تخصصات الادارة والموارد البشرية..
اتمنى لك التوفيق وحاضر لاي استفسار..

مشكور خالد على الرد
طيب استفساار كم درجة النجاح في جامعة ميدلسكس وهل تنصحني فيها حسب تجربتك يعني تعرف احد تخرج او يدرس في الجامعة
لاني ماعندي وقت كثير
تحياتي وتقديري لك

مرحبا اختي بنوته
والله انا مااعرف احد شخصيا يدرس في ميدليكس ولكن من واقع قرائاتي في مواقع الجامعات والاطلاع على نظام الدراسة
ومن كثر ماسمعت من كلام اللي جربوها..
لكن انتي لاتشيلين هم ترا الجامعة مثل ماقلتلك سهلة ومرنه ومافيها تعقيدات ويمشون الناس..
الصراحة مافهمت سؤالك عن كم نسبة النجاح فيها فياليت توضحين السؤال لو تكرمتي..
اذا حبيتي اجيبلك معلومات دقيقة اكثر عن الجامعة وعن الكورس اللي راح تدرسينه وتفاصيل المعلومات عن المواد اللي فيه
فما عندي مانع والله يكتبلك التوفيق والنجاح..

اقصد كم درجة النجاح عندهم في المادة 40 في المية او 50 في المية
واذا تقدر تجيب لي تفاصيل عن المواد اكون شاكرة ومقدرة اخوي خالد
وربي يوفقك

الله يوفقك

ماعندي خلفيه

بس مريت من هنا وحبيت آزيد عدد مشآركآتي < بآيخ هع


آقصد حبيت آدعي لك


الله يوفقك لم فيه خير لك