مبتعث جديد New Member
التشيك
designer's dream , ذكر. مبتعث جديد New Member. من السعودية
, مبتعث فى التشيك
, تخصصى طب
, بجامعة تشارلس
- بودي بردي, براغ
- السعودية
- Sep 2009
المزيدl April 25th, 2010, 12:04 PM
April 25th, 2010, 12:04 PM
بسم الله الرحمن الرحيم
السلام عليكم ورحمة الله وبركاته
اخواني / اخواتي
في منتدى مبتعث
______________
اتمنى منكم مساعدتي في الحصول على بعض المعلومات
انا طالب مبتعث إلى التشيك ,, وعندنا اجازة لمدة شهر
فحبيت اني استغل هالاجازة بأني اروح بريطانيا اودرس في معهد لغة
استفساراتي :
كم يكلف الدراسة في معهد ABC ؟
كيف يمكنني الحصول على سكن مع عائلة قريب من موقع المعهد ؟
كم احتاج من المال لمدة شهر ؟
تحياتي لكم مقدماً
أخوي ادخل موقع المعهد وتحصل أسعار الكورسات وأسعار السكن في المعهد
واحسبها أنت ومصروفاتك اليومية
وبالتوفيق إن شاءالله
يمكن April 25th, 2010, 08:50 PM
7 " حبيبنا ديزاينرز والله اني كنت كاتب لك هالتقرير ومفصله لك تفصيل فجأه انحذف
وكان ماخذ مني قريب الـثلث ساعه
قلت والله لأرجع أعيده لعلك تستفيد
وأنا أطلبك طلب أنك تخصني بدعوه أنا وزوجتي أن الله يسهل أمرنا ويوفقنا في الماجستير
واحنا على وجه اختبارات
طيب نعيد
نقول بسم الله
أول شغله تكلفة المعهد تختلف من معهد لمعهد آخر
بس في الغالب أن متوسط التكلفه من 200 _ 300 باوند أسبوعياً
طيب يا حبيبنا خلينا ناخذ الماكسيمم
اللي هو 300 باوند في 4 أسابيع = 1200 باوند
بالنسبه للعائله
المعهد نفسه لو تبغى يرتب لك مع عائله يرتب لك
لأنه في الغالب يكون في عوائل مسجله عند هالمعهد ويكونون متعودين على الطلاب
ومتوسط تكلفة العائله من 500 _ 700 باوند في الشهر
خلينا على الماكسيمم ونقول 700 باوند
بالنسبه للمعيشه هي تعتمد عليك وعلى صرفك في الحقيقه
ولا ننسى أن العائله يتوفر معها وجبه واحده يومياً هذا إذا ما كانت وجبتين يومياً
بس خلينا نقول أنها وجبه وحده
والوجبه الثانيه انتا تاكلها برى
فباعتقادي الشخصي أن متوسط الصرف اليومي 10 باوند يومياً
وحتى أقرب لك الصوره وعليها تقدر تحكم على معدل صرفيتك
ناخذ مثال اللي هو مطعم ماكدونالد
الوجبه للشخص الواحد مابين 4_6 باوند
طيب يا حبيبي مسكت معاك هذا اليوم أكل عربي وحاجه طيبه
في الغالب أن تكلفة الشخص الواحد من 10 _ 17 باوند باختلاف اسعار المطاعم
يعني نقدر نقول ان المتوسط اليومي للصرف حقك 10 باوند في 30 يوم = 300 باوند
طيب نجي للمواصلات
أول حاجه أفضل شي تطلع بطاقه اسمها أويستر Oyster بـ 3 باوند تقدر تستردها اذا بغيت تمشي يعني طلعها من الحسبه ..
قيمة شحن البطاقه هذي في الأسبوع تقريباً 30 باوند ( طبعاً على حسب الزون اللي انت ساكن فيه _ وهذي لو قررت تجي علمني أفيدك فيها أكثر بإذن الله تعالى )
وتستخدم فيها الأندرقراوند والباصات والقطارات اللي داخل لندن
طيب نقدر نقول
30 باوند في 4 أسابيع = 120 باوند
خلاص غطينا كل شي الحمد لله خلينا نجي للحسبه النهائيه
1200 تكلفة المعهد + 700 تكلفة السكن مع العائله + 300 المصروف اليومي + 120 مواصلات = 2,320 باوند
يعني لما نحولها بالسعودي تطلع تقريباً = 13,500 ريال سعودي
طبعا ياخوي ديزاينرز دريم تراني حطيت لك بالماكسيمم يعني مستحيل تتعدى هالمبلغ
لكن برضوه لازم يكون عندك احتياط زيادة ألفين مثلاً أو ثلاثه
شغله ثانيه ترى هذا كله من غير التذكره والفيزا
فالله يوفقك ويكتب لك الصالح .. ويسهل دربك وأمرك
أي خدمه أو سؤال أنا حاضر يالغالي
أجمل تحيه
أبو فيروز April 25th, 2010, 10:27 PM
7 " نسيت أقول لك شغله يا اخوي ديزاينرز دريم
أن هالتكلفه خصيصاً تبع لندن
ومعروفه لندن أغلى منطقه في بريطانيا
فيعني أنا جبتها لك من الآخر
ما راح يطلع فوق السعر اللي انا حطيته لك فوق
واذا بغيت غير لندن طبعا الأسعار راح تختلف كليا
والله يوفقك
أبو فيروز April 25th, 2010, 10:30 PM
7 " أخوي ديزاينرز أحنا أخوان يالغالي
والله يتقبل ما تدعو به
اتمنى أن أفدتك
واغسطس احنا راح نكون في اجازه وممكن نكون في السعوديه لكن إذا جيت لندن ولزمك أي شغله أنا حاضر
وأن بغيتنا نلتقي فأبركها من ساعه
الله يحييك ويسهل دربك في قدومك لـ مدينة الضباب
بالمناسبه إذا رتبت مع المعهد سكن وعرفت وين مكانه ممكن انك تراسلني بالخاص عنه بالضبط حتى أطلع لك تكلفة المواصلات بالاسبوع بالضبط
طبعاً لو أنت حاب هالشي
فمان الله وموفق يالغالي
أبو فيروز April 25th, 2010, 11:24 PM
7 " مرحبا اخوي
فيه معهد اسمه هامستد جدا ممتاز جدا ويفور سكن للعايله مع السرق 600باوند المحل الحلو وقريب وموقع المعهد جدا ممتاز على شارع الفينشلي رود وحي راقي جدا
khida April 26th, 2010, 12:02 AM
7 " وشووووووووووووووووووووور لا تاخذ اكثر من 20 ساعة
khida April 26th, 2010, 12:04 AM
7 "
April 25th, 2010, 12:04 PM
بسم الله الرحمن الرحيمالسلام عليكم ورحمة الله وبركاته
اخواني / اخواتي
في منتدى مبتعث
______________
اتمنى منكم مساعدتي في الحصول على بعض المعلومات
انا طالب مبتعث إلى التشيك ,, وعندنا اجازة لمدة شهر
فحبيت اني استغل هالاجازة بأني اروح بريطانيا اودرس في معهد لغة
استفساراتي :
كم يكلف الدراسة في معهد ABC ؟
كيف يمكنني الحصول على سكن مع عائلة قريب من موقع المعهد ؟
كم احتاج من المال لمدة شهر ؟
تحياتي لكم مقدماً