o2 iphone؟؟؟؟؟؟؟؟؟؟؟؟؟؟؟؟؟؟؟؟؟؟

لا ياعزيزي .
الدقايق المجانيه هي : جميع الهواتف الارضيه ماعدا اللتي تبدا بـ 08 وفيه رقم ثاني اتوقع .
أما الملحقيه أبد كلمهم ويخصم من الدقايق .
كلامي 100 %.

والله وانا اخوك اللي انا اعرفه وعندي هالعرض اللي عندك
بـــ 45 باوند شهرياً لمدة 24 شهر
بس ما عمر الفاتوره جت تحت الميه
والله يا اني اسلك سلك مو طبيعي
والمشكله اني كاسر يدي عن المكالمات الخارجيه بس برضوه الفواتير عندي قويه

ممكن عشاني اطلع كثير برا حوالينا هنا بس يا رجل مره عصبت ودقيت على الأو تو وكرشتهم قالوا لي لازم وانت طالع برا بريتش تسكر البريد الصوتي ترى أي واحد يحط بريد صوتي وانتا برى بريطانيا يكلفك قريب 3.5 باوند ؟؟؟؟؟؟؟؟؟؟؟؟؟؟؟؟؟؟؟
وحزم بيانات الأنترنت لازم تكون مقفلها قبل ما تطير والا القيقا الواحد يكلفك وقدره ؟؟؟؟؟؟؟؟؟؟؟؟؟؟؟؟
يعني في فترة الرومينق
يا هووووه قلي كذا

فانتبهو يا شباب
وعشان تقفل البريد الصوتي لازم تدق على رقم من الايفون بعدين يجيه رد آلي يقولك خلاص تراه تقفل
وتدق على نفس الرقم مره ثايه يقول تراه انفتح يعني شغلته بسيطه
بس انا متى عرفت هالشغله بعد مضي سنتين هنا وهم ياكلوني أكل ..
وأنا ما ادري
طبعاً هذا غير الأوفر درافت اللي احياناً يصقعني وانا ما ادري

تراني ادري اني كثرت عليكم بس احس ان هالمعلومات تفيد غيري

موفق يا أكاونتنت

مشكورين وماقصرتوا
اخوي ابو فيروز يعني الان وش نصايحك لي اخذ العرض ولا وش ؟
واذا اخذته وش تنصحني بشكل عام لاني ما ابي الفاتوره تتعد 50 باوند ؟
وبالنسبه للبريد الصوتي انا ما ابي من الاساس وشلون الغيه ؟
واذا سافرت السعوديه الاجازه وش لازم اسوي عشان لاتزيد الفاتوره عن 50؟
مشكور اخوي وادري اني ثقلت عليك

هلا وغلا والله اخوي أكاونتنت

حقيقه ان الأمر راجع لك لكن مسألة الـ 50 باوند في اعتقادي او تصوري اللي قاعد اشوفه انا انه صعب انك تحده بـ 50 باوند

يعني مره اذكر اني شيكت فاتورتي لقيت فيها اتصال على شركه يمكن كنت قاعد 45 دقيقه
ولزخوني برقم خيالي طلعت علي الدقيقه بنص باوند ..

طيب انا ما دريت
ما دريت ؟؟
طيب ادفع وخذها تعليمه

فالمشكله ياخوي انك ما تقدر يعني اعتقد ان يدك بتاكلك او اذا حصل ظرف طارئ لازم تستعين به
فما اقدر انصحك ما دام انك ما تبغى تتعدى الـ 50 !! بس لو توصل الـ 100 باوند وتكون حريص شوي .. أقول لك توكل على الله يعني تسوي ماكسمم 100 باوند اوكي
بس غير كذا ما انصحك ابداً

فكره ثانيه
إذا انت تبغى الآيفون ممكن انك تشتريه من O2 بــ 400 باوند تقريبا وتركب فيه اي شريحه تبغى
يعني ما تكون مرتبط مع O2 وتحط لك شريحه مسبقة الدفع وتريح مخك
وعلى فكره عندهم عرض O2 اذا تاخذ منهم الآيفون 3G S يعطونك خدمة فري انلميتيد إنترنت اكسس
يعني استخدام النت لمدة سنه بعد شرائك للآيفون من أو تو ....

فأنت قرر يالغالي

وانا انصحك بالفكره الثانيه اذا انت تبي توفر وانت الربحان وانا اخوك

الله يوفقك يالغالي
واحنا بالخدمه طول الله عمرك على الطاعه

مسـاء الخير ، ياعزيزي إذا رحت السعوديه قفل شريحتك ولا تشغلها .
وأنا أتحداك إذا تعدت المبلغ اللي انت متفق معهم عليه .
لا وصلت السعوديه قفل الشريحه وريح راسك ...!
:

مشكور اخوي ابو فيروز
الاخ مسفر الكلام ذا عن تجربه؟
وبعدين اذا رحت السعوديه بخلي الشريحه هنا ما بستخدمها
اكيد انه ماتزيد عن المبلغ المتفق عليه؟
موفق اخوي

يخوي انا سافرت كذا مره ، وقبل لا اسافر وانا في الطايره أحط شريحتي السعوديه .
والبريطانيه ماشغلتها الا اول ماوصلت بريطانيا ، والفاتوره جتني زي كل شهر 20 باوند .
هذا كلامي وهو عن تجربتي الشخصيه .
وأصلاً لو تفكر فيها عقلياً بتكون صح

أفضل طريقة لك :

اشتر اي فون من برى ..
اشترك معهم بشريحة النت فقط
هناك شريحة اسمها (lycamobile) ممتازة جدا

تشحن 20 باوند يعطيك 30 باوند + 90 دقيقة مجانا للسعودية للجوال أو 150 للثابت
الدقيقة بالتسعيرة العادية 15 بنس للجوال
أو 10 للثابت
الصراحة من يوم أخذتها وأنا مريح مخي مرررررره

طبعا كنت سابقا مع عقد وألغيته ولله الحمد ..

أنصحك لا تأخذ عقد نهائيا ..

يأكلونك وأنت تشوف .

انا عندي O2 ومسوي معهم عقد ٢٤ شهر مع جهاز اي فون و عروض الدقايق والرسايل اللي والله مادري كم ومعها النت مجانا

وكل شهر ياخذون مني ٤٥ باوند ولي معهم خمس شهور مااخذوا مني زياده لان معي جوال ثاني شريحه ليبارا لاتصالات السعودية وجوال o2 مخليه للاتصالات داخل بريطانيا لان الاتصال على السعودية غاليه بالاوتو وغاليه جدا ويمكن ابو فيروز يدق على السعودية عشان كذا يقول انهم يخصمون عليه واجد

وبعدينالنت عندهم شي عجيب انا الان اكتب هذا الرد عن طريق النت بالاي فون اللي جاي عرض مع الشريحه ودايم ادخل الموقع عن طريق الجهاز مرة وانا رايح بالباص للمعهد واتصفح الجرايد السعودية والانجليزية واخبار البطولة الاسيوية وشغلات واجد ماتنمل وبرامج كثيرة بالاي فون منها برنامج الماب اللي يحدد مكانك وماتضيع معه وقد سافرت بالسيارة وكنت استخدمه على انه زي تمتم بس ماهوب بالضبط مثله

وتقدر تنزل قواميس عربي انجليزي او انجليزي انجليزي آي بود وتقدر تشتري برامج وتنزل من الاب ستورز والتونز وشغلات واجد يبيلك شهور عشان تمل من بعضها وبصراحه انا اشبها بالاب توب صغير تشيله بجيبك

وانت واختيارك

*